添好運點心專門店 (Moved) New Location

真系受米芝蓮食評影響, 今日特登早去等位, 因為知道起碼等個鐘先有位, 但結果等左4個鐘 先有位, 由食晏變左飲下午荼. 但可以一試招牌菜都算值得. 酥皮义燒包, 咸水角系熱辣辣, 同茶樓個D吾凍吾熱真系冇得比, 另外潮洲粉果, 蝦胶, 燒賣都OK, 重有杞子桂花糕都好好味, 料足又夠凍, VERY GOOD. 不過短期內都吾會再去啦, 真系吾想飲餐茶要呆等4個鐘, 真系好辛苦! 希望老細開大間D分鋪, 可以比多D人吾駛等太長時間又可以食倒你D平靚正手勢.

早幾日連續3日出旺角等,不過因為好肚餓..都係選擇食其他野有日打算出旺角睇狗..今次醒喇..拎左飛先,食下小食先不過行完個幾鐘後都仲有成百張飛...等左4個鐘先有得食好期待..同bf食完一樣都問下"出面食唔食到"哈哈 所有答案都一致..."食到" 唯獨個酥皮焗叉燒包 真係幾好味整體黎講我覺得唔值得等咁耐不過d阿姐又冇d人講既態度咁差..仲幾nice tim

:受米芝連影响,今天去一試有乜禁好la,点知一未去到巳見人龍la,我入去見個地方真係好細lor,得己張抬wor,佢話等一個鐘,你唔好信ar,我等足四小時,而且肥人就麻煩la,d位好窄lor,唔夠坐ar,点心我最喜愛叉燒包和腸粉,其他冇乜特別,d茶冇味,總知唔怕等就去lor....

食過添好運7-8次, 由唔使排隊到等候1小時, 點心即叫即蒸是賣點, 材料新鮮, 價廉物美, 等候1小時都是值得的, 但4/12 放工就到mk, 去到時只係6:20pm 想攞張飛等位, 一埋去話兩位, 個侍應同我講截左... 我當堂o晒..... 如果佢地收10:30, 咁即係話等4 個鐘都唔會俾到位我於是去了附近的茶點 (食評另上)食物有水準, 價錢平, 本是開飯之選, 但等候時間太長, 不值得, mk 仲有好多出色的食店, 再去尋寶好過~

Hard to believe.......I want to have afternoon tea there on last Friday. I take a ticket numbered 275 (for 1 guy only) at 1pm and plan to come at 4:30pm. The number calling was 42. At first I am afraid that the number would be over since not many people is waiting outside, about 20. However, when I came back at 4:10pm, the number calling was 152. I wait till 5pm and just calling for 171. I wonder where the people hide......I surrender and go to 肥媽鹵水店. V. good!! Seems to be back 30 years ago!

本來打算去飲早茶，但是最後都覺得可能性不大，於是打算去吃晚飯。預咗會有好多人，所以下午2點鐘就攞咗籌，估唔到前面居然已經有貳佰個號。好彩旺角行街地方很多，不算辛苦。到我們的時候已經是6點多了。同女友一共叫做十樣，即叫即蒸。酥皮叉燒☆☆☆☆潮州蒸粉果☆☆☆蝦餃☆☆☆☆桂花糕☆☆☆菠菜餃☆☆泡菜牛肉餃☆ 家鄉鹹水角豉汁蒸鳳爪腊腸蘿蔔糕陳皮牛肉球酥皮叉燒名不虛傳，酥而不膩，我認為是各位拜訪必點之品。潮州粉果的皮拿捏恰到好處，薄而不破，鹹淡適中。蝦餃分量超足，必須一試，雖然並非鮮蝦，但以此價格，絕對物有所值。桂花糕香氣宜人，也值得細品。不過這次鳳爪過鹹，有失水准，希望下次改善。牛肉球其實是款很難做的菜式，店主未有突破，不推薦。兩人一共花費118元，約1/3打包帶走。總的來說，還是很值得一試的，不過大家要做好等幾個鐘的思想准備。

今日放工拉埋林生陪我睇戲+食「添好運」 !!!!去旺角一定要搭 MTR過去..放工時間真係迫到死, 勁憎坐地鐵....6點幾去到「添好運」已經有人排緊隊 !!門口貼滿晒雜誌介紹, 不過間鋪實在太細..剩係得6個號碼都等左接近一粒鐘先有位...為左節省時間既關係, 一去到已經拎定點心紙揀點心 !!!我地揀既幾種點心, 加埋都唔使 $100..真係幾抵食!!因為D點心都係即叫即蒸的關係, 所以要等一下啊!!!先黎- 鳳爪排骨飯- 鮮蝦燒賣皇- 豉汁蒸排骨- 煎蘿蔔糕呢四種就比較普通, 勝在新鮮熱辣辣 - 咸水角, 呢個我反而覺得酒樓好味D ~~- 菠蘿皮叉燒包, 真係一流...見到差不多每檯都叫 !!個包既牛奶味很重, D叉燒餡好好味~~食個時侍應仲叫我地小心燙口,太棒了!!!! $12/3 確實幾抵食 !!- 蝦餃, 入面都唔少蝦 !!真材實料整體黎講, 雖然D野唔係超級好味, 不過勝在D點心夠新鮮又熱辣辣,而且最近,間店又上埋米芝蓮, 相信以後排隊的時間會更加長...

今日'的'起心肝趁放假去排吓隊,點知咁啱賣哂報紙話摘咗粒星,終於下午三點幾都要等成2粒鐘.2人共order了12樣嘢.叉燒飽新鮮熱辣好脆好香, 腸粉好薄, 好滑, 馬拉糕香綿鬆軟, 蘿蔔糕軟滑,有一條條的蘿蔔絲, 泡菜牛肉餃比較特別亦好味, 鮮蝦韮菜餃比鮮蝦餃好味好多, 韮菜令個餃鮮甜咗.柴魚豬骨粥, 杞子桂花糕, 鳳爪排骨飯, 陳皮牛肉球, 都好一般.D茶就好似水咁, 下次要自己帶茶包, 但D餐具好唔掂, 重有D食物殘餘, 好核突.但 D service 又OK 喎, 係就係迫迫夾, D 工作人員完全無因為人多忙碌而忟憎或令人有趕喉趕命的感覺, 說話語氣亦友善, 可能見到之前的 comments 有 improvement 呱?如果唔使排咁耐隊或者有外賣肯定會再試.

某個夜晚, 我在半夢半醒之際, 突然想吃點心, 想到添好運的叉燒包... 那明天就去吃吧! 反正很便宜, 不用考慮太多.第二天, 友人都在網上討論新鮮出爐的Michelin名單. 我驚見添好運榜上有名. 我心裡納悶著: 以後吃點心也要沒完沒了的排隊排個天昏地暗吧...我下午四時多去到, 店裡店外都已經人山人海了. 老闆被記者團團圍住, 先在店內拍照, 再到店外做訪問. 記者實在是絡驛不絕, 由我開始等位到離開的一個多小時都有很多記者在拍照和拍片等, 拍老闆, 拍食物, 拍廚房, 食客也不能倖免. 香港有那麼多飲食記者嗎? 只是飲食指南的新聞而已, 該不會成了報紙頭條吧? 哼, 到我寫這篇食評的時候就知道, 果然是做了某暢銷報的頭條! 有夠譁眾取寵的!因為我只有一個人, 所以就只點了三款點心. 首先是錦繡菠菜麵春卷, 光看名字就覺得不好吃了, 不過之前好像沒有試過, 所以就點了. 春卷的餡料有菠菜麵, 冬菇粒, 甘筍絲和豬肉, 味道普通, 但勝在春卷皮夠香脆. 接著是燒賣, 我在2,3個月之前吃過很容易散開的燒賣, 今次吃的已經回復水準, 只是燒賣內的豬肉硬得很. 是早上太高興, 沒有好

古法糯米雞勁大個，咩料都有，大大舊既肥豬肉，所以d飯都令立立酥皮叉燒包此行既目的，所以期望很大。即叫即整，熱辣辣，面頭脆脆地，內裡既汁甜甜地，同外皮好夾。鮮蝦燒賣皇隻蝦雖然細細隻，但都爽口彈牙食物幾好，但服務麻麻鋪頭為左做多d生意，成日叫客人調位，幾滋擾

酥皮叉燒包 - 必食之選。即叫即整, 熱辣辣, 而且係菠蘿包皮, 好脆好正! 如果要食記得早d 落單, 因為個waiter 漏左我地單, 所以我地食哂所有野之後等左15mins! 馬拉糕 - 平身應該好好味, 但因為我地叫得太多野, waiter 將點心放左係馬拉糕上面焗住左, 我地食既時候d 馬拉糕已經唔鬆軟, 可惜 鮮蝦燒賣皇 - 不錯, 冇乜肥豬肉, 味道同出面差唔多 糯米雞 - 夠大件, 料唔算多, 味道一般 鳳爪 - 份量少, 味道一般, 鳳爪都幾細下 排骨- 同鳳爪一樣, 份量少, 味道一般 粉果+ 菠菜餃 - 皮薄, 料多, 好味過出面哥d 厚皮料少既好多 黃沙潤腸粉 - 幾特別, 出面好少食到。腸粉幾滑, 豬潤粒都唔差, 不過好似少左d。我地lunch time黎所以要等位, 等左一陣就有得食。我諗最食得過都係佢個叉燒包同d 餃類食品, 其他既同出去面茶樓差唔多。坐得都幾迫下, 出入都要小心d, 唔係會好易整到人。upload 認為最好味既3 樣, 其他都係普通野, 不過都比一般酒樓整得好味, 能夠保持到水準。

I had a pretty good meal here. Quality was reasonably high and the prices were very, very cheap. But these are definitely not steamed to order, as the skin was overdone and mushy. Pan-fried turnip cake with preserved meats (臘味蘿蔔糕) - this was pretty good. Lighter than your normal mass market version with a decent amount of turnip strips (and not just powder).Steamed rice flour rolls with honey-glazed char siu (蜜味叉燒腸) - the char siu was indeed nice and sweet, and the rice flour roll was thin an

跟tips,平日三點半,可避過peak hours。前頭有四五張枱,來的都是兩位兩位,等了廿多分鐘,便可入座。(四至五點鐘更不用等添!)泡菜牛肉餃,食到有爽爽的泡菜,但泡菜辣味就無乜喇,欣賞佢澄麵皮薄而通透,即蒸上枱仍是軟腍腍!牛肉腸粉,正!皮厚度啱啱好!(有d人求,皮薄透,咁就唔係食腸粉啦!要食薄皮既,不如食越式包粉卷!!!)添好運有半透明,煙韌軟綿而不粉口的腸粉皮,好食到個餡都成為配角!錦繡菠菜麵春卷,皮脆,一心以為係春卷皮包住成扎菠菜麵,原來係椰菜+紅蘿蔔+菠菜麵碎+一pat獻漿,no good。鮮蝦燒賣,雖然有隻鮮蝦,但下面大部份係肥豬肉。古法糯米雞,果然如「sze詩」所講,得個大,糯米多。餡冇料到,一片片的肉片、半隻蛋、一件雞。好戲在後頭,等左十零分鐘,酥皮焗义燒包終於到喇!皮又薄又脆,义燒餡企理汁香,果然係招牌作!!因為得兩個人,試唔到咁多,仲有馬拉糕、蘿蔔糕、凍珍珠芝麻番薯露都好想食。我諗佢點心好食,主因是即叫即蒸。但再好食的東西,在一個既速食又逼的環境下,又怎去enjoy?想食得自在,要突登請假來,可有多少次?

晚上重來添好運，門口還是排了長龍，內裡座無虛設。我們四人入座後，叫滿一桌點心。首先當然是再嚐馳名的「酥皮焗叉燒包」，兩個字：『勁熱』。也聽到四周叫了叉燒包的都說：「嘩，好熱！」「酥皮焗叉燒包」酥皮脆、肉甜，燒汁溢口，熱到辣口，真是一絕，一嚐再嚐，再叫多客，不能停口。今日難得主人培師傅親自下廚，做布拉腸，當然各式腸粉都點齊試試。腸粉皮薄而滑，油光閃閃。培師傅說蒸出靚腸粉，要有經驗及把握時間，蒸蜜味叉燒腸粉最快，蒸免治牛肉腸粉最慢。韮黃鮮蝦腸的蝦要大大隻，才過足癮。別家弄的豬潤腸都老而「鞋」，此間豬潤特別滑而細嚼沒渣滓，可見選料及廚藝都講究。新出一個「泡菜牛肉餃」，才 $12，培師傅特別介紹，必試。皮薄肉嫩、泡菜勁辣，入了口，辣得暴汗，出不出聲，非常刺激。　這裡點心，尚有：陳皮牛肉球、晶瑩鮮蝦餃、豉汁蒸排骨、鮮蝦韮菜餃、鮮蝦燒賣皇、豉汁蒸鳳爪、潮洲蒸粉果、時菜鰻魚球、煎釀茄子、馬拉糕、春卷，都是酒店水準，值得一試再試。還有一些細份量的盅頭飯供應，如鳳爪排骨飯、煎蛋牛肉飯、臘腸雞球飯，配白灼青油菜。我們叫了臘腸雞球飯，蠻好味。煎炸的香煎馬蹄糕、家鄉咸水角、豉油皇炒麵、臘味蘿蔔糕，都值得推薦。

昨夜寒風呼呼, 晚餐真想吃些熱騰騰的點心, 再喝1口熱茶暖暖身子哇~~ 7時半, 時間勉強算尚早, 來到添好運的門外, 剛好成為第1檯等位的客人。 店面2邊玻璃都已貼滿報章雜誌的專題介紹, 店子真的非常少, 座位不多, 客人都已經坐得很擠擁, 加上點心即叫即蒸要花更長時間才上桌, 就難怪門外總是大排長龍了。 為了節省時間, 客人都會在等位期間先填好點心紙, 也算是等位時的細藝吧= P 還好妹妹來到合時, 只等了幾分鐘就可以入座, 只有妹妹和綿羊2個, 大路的點心如蝦餃燒賣就省去了~ 先來是古法馬拉糕 ($10), 整整齊齊的1個深褐色正方體, 香甜味道隨蒸熱飄散, 清甜而鬆軟, 只是size比較小, 意猶未盡呢~ 接著是引頸以待的焗酥皮叉燒包 ($12), 味道的確是期望中的美味, 然而面頭並不如想像中的酥皮, 有點像簡略版的菠蘿包, (菠蘿叉燒包 o.o?) 餡料甜度恰好,叉燒則稍為太多肥膏了~ 腸粉都是蝦腸叉燒腸牛腸, 就選黃沙豬潤腸 ($14)~ 可惜上桌時已經不見任何熱煙, 成為全最晚唯1失望的1環 =[ 腸粉的確又薄又滑溜, 只是豬潤份量很少, 未能充分表現出獨特之處,