天山小館 (Closed)

<好出色既新疆美食>😍呢間天山小館 喺佢未有 media介紹 新開時已經食過一次 覺得佢既新疆菜 味道 好好 好有大陸風味今日再經過平時少去既天后 點可以錯過😍🍴新疆手工湯麵 78 蚊🍜🐑點左中辣 所以佢個湯底都有番甘上下辣 飲落去主要係蕃茄湯底🍅入面有葱花 辣椒 青椒 紅椒 蒜頭 材料同味道豐富 麵身係比較闊身 口感煙靭爽口 帶 d 彈牙 平時喺香港少機會有得食😃因為朋友唔食羊肉 所以 d肉碎就轉左牛， 佢既牛肉係滑牛 口感煙靭 都幾吸湯汁 . 好有風味 推介😍🍴新疆手工羊肉餡餅49 蚊🐑可以兩個或四個甘點 🥟 我就點左兩個 新鮮每日包 餡餅 係圓身 炸得好香脆。充滿孜然粉 好惹味 一咬開入面熱辣辣 羊肉好軟熟 同 juicy既洋葱合埋一齊🐑好香好夠味 , 正😃 🍴九轉豬大腸 78 蚊🐖整得好出色既大腸 外面勁香脆 甜咸味適中 中間位雖然好多肥膏 但佢炸得比較乾身 所以食落唔肥膩🐖 中間加個京葱 中和香豬大腸味 點埋甜酸醬 好正 😍 🍴羊肉水餃68 蚊 6 隻🐑6 隻羊肉餃整得大細一樣 偏大隻 個皮好滑 比較厚身🥟 羊肉好香濃 入面有 d juicy肉口感煙靭 帶

太座預早通知兩個小魔怪都不回家吃晚飯，這晚得我們兩老，不如在外解決，我倒樂於奉陪，因為我又不用洗碗了！吃些不常吃的東西，可說是太座的嗜好，與我的保守性格略有不同，慶幸是大家磨合了幾十年，我也平安渡過。我找到這間是吃新疆菜的小店，太座不用三讀也通過，下班後便走去。小店實而不華，沒有員工穿新疆服飾，沒有播新疆音樂，只是吊燈，壁畫和盤子的設計映照出新疆微弱的影子。餐牌方面，配合市場的需要，保險些，有新疆菜，也有廣東菜，太座率先點了新疆手工羊肉餡餅，半份有兩個，剛炸好熱烘烘，餡料是羊肉碎，香而不羶，有些肉汁，連著香脆的餅皮，相當不錯。我倒想吃香茅雞中翼，基本上雞中翼夠大隻便已討人喜歡，若是火候控制得好，肉剛熟便很嫩，這碟有四隻，都做到這點，入口帶燙，皮脆，肉嫩有汁，水準之作。太座不想吃飯，點了新疆手工拌麵，有豬肉或羊肉，她選擇了羊肉，拌麵是自家拉的，煙韌有口感，上面放了一堆有茨的材料，羊肉粒，翠玉瓜粒，番茄，青紅椒，有些羊肉粒帶點肥膏，豐腴味美，番茄微酸使整碟容易入口，惹味又不膩，與麵條配合得融和，吃後又不口渴，這點是我最喜歡的。我較鍾情廣東菜，這晚的套餐有籠仔蟲草花蒸雞飯，雖然要需時二十分鐘

如果想食新疆菜，可以試試呢間天山小館，佢哋的新疆菜款式多。除了新疆菜，呢度仲有其他菜式揀，例如廣東菜、上海菜...不過唯獨新疆菜坊間少有，所以我把握機會，點未試過的菜式啦。我點了新疆著名佳餚新疆大盤雞同新疆手工羊肉餡餅。菜如其名，大盤雞的確好大盤，除了有雞外，仲有薯仔同白皮麵，還有些紅辣椒及青辣椒。這盤雞我選了小辣，所以真的只有小小辣，適合鍾意食辣又不能食辣的客人。雞肉炒得很香，味道濃郁。薯仔及白皮麵吸收了雞汁，比雞更惹味。羊肉餡餅是以坑烤制而成，是新疆有名小食，餡料有羊肉、洋蔥...，餡料多汁美味，包烤得香脆。

次次食中餐都係上海菜、潮州菜? 今次帶大家食返餐特別嘅新疆菜 - 天山小館。嚟到呢度, 梗係要食佢最出名嘅羊肉料理。 可惜我個人唔係好好羊肉, 只係稍作嘗試。<羊肉餡餅半份$50> (好味: 4/5) (抵食: 3/5)羊肉餡餅半份, 只係得兩嚿, 分量有啲少, 勝在皮薄餡多。佢嘅外皮好似炸咗嘅餃子皮, 薄得黎又脆卜卜。裏邊嘅羊肉混合左洋蔥, 闢除羊肉本身嘅騷味。 就連我呢啲咁怕羊騷味人都食到, 推薦大家一試。<九轉豬大腸$78> (好味: 3.5/5) (抵食: 4/5)炸豬大腸口感都相當唔錯, 外脆內軟, 裏面塞左一條青蔥, 辟左豬大腸本身嘅內臟味。可惜調味唔係好夠, 減左少少分。<新疆手工湯麪$78> (好味: 3/5) (抵食: 3/5)雖然同伴話呢碗湯麵真係好好食, 但係對於唔鍾意甜椒同羊肉嘅我嚟講, 就真係麻麻地啦。<飄香荷葉飯$98> (好味: 3/5) (抵食: 3/5)荷葉飯份量真係好多, 三個人食足夠有餘。但係荷葉嘅香味同飯嘅調味都唔係好夠, 唔係特別推介。推薦菜色: 羊肉餡餅

上次去開水星街食野，見到對面有間天山小館，望過餐牌食去正宗新疆菜 ，於是今日特意來試。牆上有風景畫，有羊咩咩畫，也有綠草原畫，令人聯想到好似真係到左新疆食野。老闆娘熱情招待每位客人，介紹每一款菜，又問客人好唔好食，有賓至如歸感覺。餐牌有很多特色小菜。茶杯碗碟都好有新疆風味。聽老闆娘介紹自己是新疆人，大廚每日新鮮包的羊肉饀餅，保證正宗做法，推介一試，而且還可以叫半份羊肉饀餅($50有兩個)，形狀像飛碟，一咬落，裡面好多羊肉汁，羊肉香味滲出，內淋外脆，好食。再叫了烤小羊排$138， 可以叫兩件小辣，兩件中辣，肉質有幾層，有皮，少少肥膏和肉，好有層次的口感，食下比想像中冇咁辣，連我平時唔食辣，食中辣都覺得可以再辣啲，因調味粉孜然粉實在很惹味。之後叫個飽肚的新疆手工拌麵（少辣）$98，充滿蒜粒，好香，裡面配了蕃茄，脆肉瓜，青椒，羊肉粒，非常惹味，手工拌麵夠彈牙，份量好大份。

第二次去呢間小餐館，係朋友介紹嘅，佢本身係一個羊痴。兩次都有訂位，餐廳亦真係滿座，有意試嘅朋友記住訂枱！唔講嘢食住，我最欣賞嘅係無障礙嘅設計。入口有斜坡，方便坐輪椅嘅人入去。仲有請咗一啲身體有殘障嘅人士做侍應，真係好有愛呀❤️今次我哋一行四人，試左幾款羊肉，仲有一啲其他嘅小菜。當中最出色嘅我覺得係烤羊扒同羊餃。羊扒可以揀唔同嘅辣度，上面嗰啲調味粉非常咁惹味😋食得辣嘅朋友可以試中辣或以上！羊餃入面好多汁，好夠羊蘇味，係正宗北方嘅感覺！我相信鍾意食餃子嘅朋友都會食唔停口！另外，要講下個手抓羊肉，上面有一層肥膏，羊肉夠淋，個湯好好味，所以叫手抓羊飯應該仲正！不過我覺得稍微有點貴，四塊要$2xx。仲有唔少人支持呢個拌麵，個蒜香一流，朋友甚至想問老闆娘有冇生面買返屋企煮🤣因為個面係老闆娘日日自己搓嘅羊肉意外嘅小菜，其實冇乜驚喜。我哋叫咗一個水煮肥牛、拍青瓜、今銀蛋莧菜同埋雞軟骨。整體來講，呢度嘅羊肉係一流。而其他嘅小菜水平都係中上，已經算做得唔錯。

朋友說有間特色的新疆小菜位於港島天后區值得一試，於是慕名而來。平日晚上七時，餐廳已差不多滿座，想必食物質素不錯。內𥚃裝潢簡約，牆上掛滿美景，感覺十分舒適。這裡提供新疆菜、四川菜和廣東菜，款式也多，即叫即做。老闆娘殷勤招待客人，熱情地介紹各款小菜。羊肉是我倆的至愛，當然不可錯過。新疆手工羊肉餡餅（半份）差不多每枱都點了羊肉餡餅，老闆娘提議我們可選半份。羊肉餡餅外型有點像飛碟，外皮炸至金黃色，十分香脆，內裡是滿滿的免治羊肉，一口咬下肉汁四溢，味道香濃。烤羊排（四件）外皮烤得十分香脆，肉質鬆軟，用上特製香料，選擇了BB辣提升味蕾，味道香濃。老闆娘說這裡用上綿羊，肉質較為嫰滑。四川酸菜魚朋友喜歡吃四川菜，所以今次要了四川有名的酸菜魚。餐廳用上石班魚塊，厚厚的魚塊有口感，配合滿滿的酸菜、胡椒、辣椒及香料，麻辣得來又好味。整體而言，特色小菜加上良好服務，讓我們再想下次來品嚐它的其他特色美食。

放工相約朋友晚飯, 她推薦了一家公司附近的新彊菜餐廳。老實說起初聽到新彊菜有點卻步, 因為第一印象覺得食物味道會很騷很濃, 不合一般香港人口味, 而且自己不太吃羊肉, 但朋友說有很多菜式選擇, 而且環境舒適價錢實惠, 是她其中一間心水之選。有預先訂位的關係, 餐廳預留了卡位給我們, 牆上的掛畫和餐具很有北方情懷呢。二人共點了兩款含羊肉的特色新彊菜式, 另外再點了一份炸物和湯。 手工拌麵是老闆娘推薦的。麵條是即拉人手製作, 一入口已經感受到跟一般麵條的分別, 好久沒有吃過這麼有咬勁的麵條了。麵條口感煙韌, 加上淡淡的麵粉味, 對於愛吃麵條的我實在是一大享受。拌麵配料有羊肉, 蕃茄和翠玉瓜, 配搭和味道都很家常。羊肉不會羶, 而且切了粒, 就連不吃羊肉的我也覺得很容易接受, 吃了足足大半碟。因為點了小辣的關係, 味道不算太辣很容易入口, 但如果很怕辣的話要小心不要吃到裡面的辣椒粒。 羊肉餡餅一份有四件, 可以點半份有兩件, 這個是朋友指定要吃的。她說餡料主要是羊肉, 肉汁豐富, 配搭酥脆的外皮很美味。看見她不消一會便吃了一整個。另外一件外帶了回家給家人品嚐, 家人表示餡餅皮薄有肉味, 餡料

行完花展，順便在附近食午餐，但很多餐廳比較細間，一早已經要排隊！由於有點疲累，所以寧願行多一條街口，然後就見到這間地方比較大少少的餐廳！午餐竟然有「籠子蟲草花 蒸雞飯」，當然一試，原來是配上紅米飯，真的是健康之選！

其實自己就唔多鍾意食中式嘢，但係今日黎到尼度真係做人無憾了，好味道爆炸。首先講下佢既新疆羊肉手工麵因為自己唔食辣，本來入到去係打定輸數，一定會無淡好食，點知個手工麵簡直好味到聽唔到口！佢個Combination好奇怪，有生菜、青椒、番茄，加埋濃郁既羊肉味，真係好正！飲落口，好想羊肉味，但係同時個湯底又好鮮甜，生菜用蒜頭炒過，特別香！個湯無味精，飲左兩碗！而個面，佢既口感好煙韌，又有咬口，讚！至於個羊肉夾餅，真係超級驚喜！佢個皮炸完係乾身，唔太油，但係入面既餡係可以Juicy，調味啱啱好，唔會過鹹，個皮酥脆又香，真係不得了！最後係佢既豬大腸，豬大腸包住京蔥炸，原本以為會好韌，點知酥脆得黎仲要係咬得開一半，可見佢有幾淋！再講講個環境，因為我地2點幾去到，無咩人，好靜好舒服！同埋d野食即叫即整，老闆娘仲要係新疆人，唔怪得之咁有水準！極級推介！！！

過年前去天后一帶逛逛，午餐時間要搵食，我就係被佢「新彊手工」四字吸引住，再望望價錢$70，普通一間餐廳，食碗麵，午餐來講都不是便宜，心想應該好味掛，就蚊左老公同我入去。點知⋯⋯唉！ 我就覺得非常港式，唯一可讚係D麵，闊身，似係手工製作既麵塊，其他味道都係一般，不值！

星期一同老友路經天后站，發現了一間新疆餐廳，又幾得意喎，人生未去過新疆，香港真好可以食到不同地方的美食。天山小館，它的名字好似武俠小說的地方，它近著銅鑼灣街市，好易找到呢間隱世食店。我同朋友坐底左一陣，我們實在太餓的關係，先來一盤羊肉水餃，今晚真是一餐全羊宴！每人分得三隻水餃，熱辣辣的水餃，真是好鮮甜而且好juicy呀！記得點小小醋令水餃味道再提升。羊肉餡餅，由於兩人食,所以叫埋半份，老板娘介紹我，又真係無介紹錯，由於小女子太為食，差點被這羊肉餡餅熱親個咀！所以要小心呀！餡餅外面好香好脆，沒想到内裡羊肉超多，熱騰騰的餡餅，真是一食令人上隱呀！羊肉餡餅充滿了羊肉餡而且很香，味道不會羶味。手抓羊賣相好平實，看上去好像清淡，沒想到它味道是我人生中吃過最好食羊肉，羊肉連一點`騷'味没有，配上洋蔥，味道清甜，羊肉湯好甜，一定用手抓著羊塊吃，這樣才够豪氣呢！心里好彩無同男仔一齊食，如果唔係嚇壞了他。新疆手工伴面新疆手工伴面，有新鮮的配菜，色彩好繽紛，好中意它的餐具,它充滿異國特色，面條好煙韌，感覺Q Q 的，味道啱啱好。熱情的老板娘還請我們吃這個風乾的紅棗乾，入口挺脆口而且紅棗可以補血功用，對於女

今日朋友話帶我去天后食間抵食又正宗嘅新疆菜 not disappointed!👍🏻 舖頭裝修實而不華 但係細處例如燈同餐具等都見到佢哋想營造異域風情 而且我偷聽到老闆娘同後面枱客傾計 話佢自己本身就係新疆人 所有羊肉餃子同羊肉饀餅都係佢每日新鮮包 保證係正宗做法🤭 其實我都未食過正宗嘅新疆菜😍話就話係主打新疆菜 但係個menu其實都係埋四川同廣東菜😂 呢啲就大路啲 但難得嚟到 就便係要試下新疆菜啦 於是我哋叫咗半份羊肉饀餅($50兩個) 一份小辣嘅新疆手工涼皮($78) 另外又叫咗椒鹽雞軟骨($68)同士多啤梨骨($108) 餐廳有加一 所以最後埋單$334食羊肉饀餅嗰陣要小心 一咬落去會咇肉汁😂 所以入面有好多肉汁 但一拎上去又唔會覺得好濕或者好油 唔錯唔錯 而且咬開咗啲羊肉香味係滲出嚟 食到落咗孜然粉 好香好暖胃😚 有特色有特色手工涼皮有啲類似粉皮 個醬都似芝蔴醬 但加咗小小辣 酸酸辣辣咁好開胃 唔肯定係咪豆干嘅配料食落好似肉 都增加咗口感 正😛試咗兩個新疆菜又整返啲廣東菜 士多啤梨骨都比我想像中好食🤣 好甜好開胃 個汁完全無藥水味 啲肉又唔肥唔瘦 唔會乾但唔會感覺油膩椒鹽雞軟骨比

根據平時搵食嘅經驗，好食又抵食嘅餐廳都係橫街。今日搵到呢間係街市隔離，附近環境唔算好靚，不過入到店內裝修都算別緻。睇OpenRice推介羊肉餡餅(半份)($50 )。 價錢唔算平，但真心好食。皮薄，餡靚，外脆，咬落鮮味又多汁。羊肉好香，加上薑蔥，味道唔穌。新疆手抓羊扒飯($98)，賣相真係麻麻地。不過食落有驚喜，真心推介。飯用上湯煮成，加上羊油和孜然，就咁食都好好食。羊排條嫩滑有彈性，唔算太穌。新疆手工拌麵($98)，材料簡單但酸辣醒胃。講明係手工，麵係餐廳自己做，煙韌有口感。份量方面亦都好足夠。最後點左杯自家製洛神花茶，潤喉解辣，味道有少少似酸梅湯。

朋友约食晚飯，話近來出街食飯要暫停食豬肉為佳，所以今次選擇食羊肉啦！她約我到天后，水星街一間是新疆人主理的食店。進入食店，老闆娘熱情招呼，介紹新疆菜外還有廣東菜選擇，真是照顧不同客人不同的口味，見到不少熟客來光顧，大家傾傾講講，不亦樂乎！杯碟色彩艷麗奪目，好吸睛。新疆手工拌麵，麵條食店自已做， 軟硬程度適中，味道酸辣，減少羊肉膻味，而且食起來好開胃。新疆手抓羊肉(半份)，值得食， 烹調得好軟腍， 感覺入口溶化。蟲草花燉雞湯， 熱騰騰，好燙口，濃濃的蟲草花味， 我覺得冬天飲呢款湯水最啱。環境裝修雅緻，而牆上貼著老闆娘囡囡嘅畫作，表現出她工作的同時也記掛著女兒， 感覺溫馨！