Video
2-min walk from Exit N3, Tsim Sha Tsui / East Tsim Sha Tsui MTR Station
continue reading
Telephone
21919197
Introduction
The Swiss Chalet is located at Hart Avenue which promote traditional Switzerland dining culture
from decoration to dishes are combined with swiss style.Restaurant does not prefer to provide either french or italian cuisine but combination of both which are more flexible for customers to choose.The most traditional cusine of Swiss is cheese fondue.Customers can choose from Gruyee, Emmetaler, Lamdenberger and Vacherin.
continue reading
Good For
Special Occasion Dining
Opening Hours
Today
12:00 - 15:00
18:00 - 22:30
Mon - Sun
12:00 - 15:00
18:00 - 22:30
Above information is for reference only. Please check details with the restaurant.
Review (310)
諗住同表妹食好西💕去咗呢間好耐無食過嘅瑞士餐廳🇨🇭叫咗必食嘅芝士火鍋同鵝肝🫕間鋪裝修過.. 應該係攞埋隔離個鋪位，但 d 位擺到仲逼過以前..不過當晚全場得三、四枱客，D 嘢食失晒水準，超級麻麻。無下次。
continue reading
平均幾年會來一次，每一次都覺得好滿足今次朋友慶生，推介咗比朋友一齊去，佢哋都未試過依間餐廳，店員都好好，好樂意推介點啲咩，感覺都好老實叫我哋唔好叫咁多驚我哋食唔晒😜因為朋友唔食牛嘅關係，所以我哋今晚點嘅菜式都冇牛，同埋有小朋友嘅關係，所以我哋點咗冇酒精嘅免治雞肉芝士火鍋跟法飽及新薯，朋友同小朋友都食到津津有味，小朋友更加覺得又好玩又好味😌前菜點咗田螺同埋青口，朋友對青口嘅白汁覺得相當驚喜，用來點餐前嘅餐包，成碟食到乾乾淨淨🥳法式田螺薯蓉都非常好味，底下嘅薯蓉都好香除咗芝士火鍋，另外叫咗兩個主菜，因為我都推介朋友食依度嘅瑞士薯餅，所以點咗一個瑞士炒雞肉配磨菇忌廉汁跟瑞士薯餅，最後薯餅唔夠食，要另外點多一整個，另一個主菜係燒銀雪魚柳配刁草忌廉汁跟黑、白米飯，但由於太多嘢食，所以個魚凍咗冇咁好食，所以下次記得一定要趁熱食😌最後甜品點咗個蘋果批配雪糕，味道相當驚喜，我同朋友都覺得要快啲再來試埋其他菜式，大家都對呢度評分相當之好🥳
continue reading
原來香港都有以正宗瑞士料理的cafe ，Cafe 由門外到入面都幾有瑞士風情，有瑞士白小屋同掛了不少瑞士特式章，重有經典三角朱古力選購同提供芝士菜式。星期六去吃都有Set Lunch ，有魚，牛 ，雞同vegan 等等選擇，$208 包三道菜，前菜同main course 份量都唔少。店員先給一籃麵包比你揀，揀咗三款，麵包熱辣辣好好食，再配一大舊靚靚牛油🧈。前菜叫咗Smoked Salmon Tartar ，煙三文魚他他唔錯，仲配了蘆筍同沙律菜同有少少魚子醬，正。主菜我就試咗煎魚，朋友叫咗煎牛扒同雞，三款整得都唔錯，份量都大份。飲品可以揀酒，啤酒，茶同果汁。甜品揀了啤梨麪包配雪糕，個人覺得有點甜同麻麻地。餐具都好靚架，好有瑞士🇨🇭feel😙。
continue reading
久違了多年瑞士菜，以前星期六/日午餐也爆場，今日1250前到衹有幾抬枱客；太多也是熟客人。行政午餐超抵！$208，已有果汁/汽水/啤酒可以選擇，之後前菜(帶子沙律及煙三文魚選擇/主菜：豬扒配薯絲/牛仔肝/雞柳絲配飯(一小圈)，汁好味再加上一款甜品(也各選一)；最後仍有茶或咖啡結尾(包括在內)；正常另有加一。牛仔肝好味，甜點有香蕉船(微形配雪糕)；也有芝士拼盤，愛好者一定喜歡。懷舊環境配上多瑞士風格裝飾，很有風味。
continue reading
今日約左6:30pm食瑞士餐廳，我地準時到達。一入座我哋就交咗個蛋糕俾侍應話俾佢聽，陣間我哋會食。坐低之後等咗好耐都冇人過嚟落單，我哋同在場嘅幾個侍應講左我哋可以落單，但個個都話陣間先過嚟幫我哋，有啲直程無視我哋。最後等咗差唔多15到20分鐘先有人幫我哋落單。飲品同埋第一道菜響7:05pm上枱，分別係焗蝸牛同埋洋蔥湯。然後冇幾耐佢哋就放咗個爐響我哋枱面點着咗火，但爐上面冇放芝士鍋，由得佢響度乾燒，勁危險。7:28pm先至放個芝士火鍋上個爐度。 另外豬肋條同羊架都係7:46pm先上菜。 然後8:00pm突然有個男侍應突然拎住張單同我哋講叫我哋俾錢，話我哋只可以食到八點。但預約短訊開始到我哋入座都冇人提過8:00要交枱。男侍應話：「我地依輪係食到8:00pm架」講到好理所當然咁。我哋話我哋仲有個蛋糕未食，而且望到周邊其實有好多空枱。個男侍應勁冇禮貌話：「你哋食得太慢啦」，然後逼我哋俾錢。我哋堅持要食埋個蛋糕先走，佢就話要我哋5分鐘之內食晒，同埋要我哋比切餅費。我哋話冇問題，切餅費照計，但要我哋要食埋個蛋糕先至俾錢。然後個男侍應就好唔耐煩咁樣走開咗。之後其他侍應都係慢吞吞咁樣執枱同上蛋糕，我哋盡快食完個蛋糕，走嘅時候係8:20pm，其實咩mood都冇晒我哋覺得被無理對待，首先由預約開始冇人提及8:00要交枱，但男侍應講到係理所當然咁。 重要已經安排下一組客人響我地附近等，比壓力我地，但明明我地身後就已經有張空枱（出面都冇其他人等緊！）第二，其實上菜速度好慢，要我地8:00pm交枱，但最後15-30分鐘先上齊3個main dish，我地得4個女仔，要準時食晒根本係不可能嘅任務，唔關我地食野得慢唔慢事。 我地全程耐心等待，但換來係男侍應惡劣的指責同對待。第三，餐廳嘅服務態度有待改善，落單嘅時候基本上冇人想招呼我哋，之後其實除咗上菜同執枱之外冇任何服務可言。第四，男侍應嘅要求好無理，要求客人5分鐘內食完個4吋蛋糕,完全係強人所難。 第五，食物未煮熟，個豬肋條其中一舊係粉紅色。總結黎講，冇下次。
continue reading