Video
Telephone
27996662
Payment Methods
Above information is for reference only. Please check details with the restaurant.
一直都聽聞流浮山有個飲茶好地方，但係一直都未有機會過嚟試吓，咁啱今日放假就入去望吓。嘩，入到去環境好清靜，唔係人哋介紹都唔知道有間茶樓喺呢度。😂😂原來佢而家出咗早晨孖寶，12點前都有得食，價錢好實惠，食完飽到可以當埋午餐😂😂😂😂😂😂而且佢嘅點心係即叫即蒸，上到枱真係熱辣辣㗎！！！個牛肉球好出色，好有咬口，好香芫荽味真係啱晒我😋😋😋鳳爪排骨飯份量都夠飽個飯唔會蒸到腍pat pat👍🏻
continue reading
皇庭海鮮酒家 (流浮山)流浮山山東街2號地舖同屋企人揸車嚟到流浮山諗緊食乜嘢嘅時候就見到有呢一間酒樓，仲有超大笪空地可以俾你泊車。入到去餐廳都算好大，唔需要點等位。嘢食方面又唔算貴，都幾好食！特別要推介吓呢一個龍躉球炒飯，啲魚全部都好新鮮好彈牙！
continue reading
山長水遠入去流浮山，諗住買啲野過年。諗住買嘢之前同屋企人入嚟飲過茶，驚冇嘢食，預先已經打定電話入嚟話茶市收三點。搭K車入嚟都好方便，喺總站落咗之後向前行幾分鐘就見到酒樓。整體嚟講除咗個乳鴿係熱辣辣之外，其他都係常溫。個芋蓉奶黃流心酥就真係差咗少少好似炸咗好耐之後放涼咗咁，豬腳仔都唔算入味。反而個蛋煎糯米雞幾香，煎過嘅糯米飯係幾遠，但餡料就唔算好足。個芝心蝦丸幾彈牙，另外個蝦餃都幾爽口，但係可惜塊皮厚咗啲。反而我覺得個雞球大包幾足料，其實鮑魚嚟講係一個點綴，反而佢裏便啲雞髀肉都幾多，唔係齋係打爛啲雞肉，真係有一件件雞髀肉係裡面。啲魷魚都夠味，但係都係嗰句點心唔夠熱，味道就打折了！
continue reading
平時入流浮山通常都係食海鮮，今日舅仔話帶路入來飲茶。原來皇庭的位置係較為自成一角，有別於其他海鮮酒家。酒樓外面有足夠的泊車位，對駕車人士好方便。由於有差唔多10個人，酒樓安排我地到較僻靜的位置。食物方面，點心的選擇，味道及份量都算唔錯。雖然並無個別一款食品特別吸引，不過整體都滿意。服務方面，啲姨姨都好helpful，留意到我地有需要幫手都主動。環境舒適，枱與枱之間都有足夠的空間。唔嫌太遠都算係一個飲茶的好地方。
continue reading