逸亭餐廳 (Closed)

家庭或是好友飯聚，我總是喜歡自助餐的。自助餐往往可以”食住等”，唔使下下要等齊人。其二係菜式包羅萬有，無論你是大胃王、素菜人、牛魔王、海鮮霸⋯等，總有嘢啱食的。在灣仔道上的利景酒店 - 逸亭餐廳是近期至愛😍座位安排舒適，枱與枱之間留有一定空間。冷、熱盤各佔一邊！主打海鮮冷盤：龍蝦、麵包蟹、長腳蟹、蜆、螺、白蝦⋯各類海鮮都新鮮肉嫩👍各式熱盤：每晚都有一款燉湯、及中、西湯各一款。個人更喜歡它的老火中湯：濃厚足料，不要錯過！足味醬燒排骨、燒鴨、霸王雞、還有咖哩牛腩，軟綿入味，諗起又想食🤤香脆黃金蝦，可以連殼一起吃的。蒜蓉粉絲蒸帶子都係熱門之選。除了即煮粉麵，是晚還有生滾粥，可自選蟹、龍躉各式甜品：一般人可能會覺得呢度D甜品比較弱，但我就覺得足夠、可以了！每晚食到中段，就會聽到響鐘：疏夫厘出爐時間，限量生產，每晚會出2-3輪。新鮮出爐疏夫厘當然好味，但係唔知點解只提供即棄膠羹呢？

5月之星Yan生日飯，今次揀左去利景食buffet，成日都經過利景，都聽過呢到buffet幾抵食，但就未幫襯過，上網見食物不俗，今次大家一於試下，見openrice仲要有優惠卷7折，星期日晚上成人每位＄428，7折後每位約＄330到﹐好抵下呀。 餐廳面積頗大，裝潢有點懷舊之感，環境舒適。 即出去睇下有咩好野食先。 冷盤海鮮。 熱盤。 甜品。 刺身。 梳乎厘。 自製窩夫。 MOVENPICK。 龍蝦、翡翠螺、長腳蟹、藍青口及蜆，先來個冷盤，龍蝦多肉﹐長腳蟹肉質鮮甜。 三文魚及帶子刺身夠新鮮。 蒜蓉粉絲蒸扇貝，有好多粉絲，蒸扇貝彈牙鮮甜，幾惹味。 蟲草花燉雞湯，好耐冇飲過湯水，蟲草花補身，見到即飲，香濃味道，即飲多碗。 鴨肝多士，鴨肝甘香油潤，配搭多士更美味呀。 炸蠔﹐普通味道。 羊架，肉質嫩滑，冇乜羶味。 古法豬腳薑，難得有豬腳薑食，豬腳腍身，酸酸甜甜味道好，本身想食埋個蛋，但實在太飽了冇食呀。 又係甜品時間，甜品上冇乜大驚喜，款式唔算好多﹐正常水準。 梳乎厘，受歡迎的美食，限時供應要排隊拎﹐梳乎厘口感輕柔味道香甜，幾好味呢。 食飯後果。 M

朋友話同我補祝生日飯，就揀左呢間價錢偏向中規中矩既酒店buffet，廢事食左佢隻車😌Book左18:30，準時去到所有野食已經ready好呢期主題係海鮮，冷盤櫃有龍蝦、青口、長腳蟹同螺，而且refill得幾快，一清盤即刻又換一盤新既。龍蝦唔算太大隻，帶蝦膏，入口幾新鮮鮮甜。Buffet一定要食西冷，呢度仲有我最愛既羊架牛扒肉味濃郁，生熟拿捏得宜，夠嫩身，唔洗額外調味。羊架燒得夠香口，入口帶油脂香，同樣嫩滑不韌反而pork ribs就麻麻，痴骨，唔多肉熟食類仲有蒸魚、扇貝、紅酒炆牛腩、燒鴨等。紅酒炆牛腩炆得勁入味，紅酒味突出，牛腩肉厚唔肥，又夠稔扇貝大隻厚肉，加埋蒜粒同粉絲口感豐富鮮味，難怪一出每人都夾兩三隻呢度既刺身質素幾好，夠新鮮，特別係鯛魚、帶子同tuna，厚切軟嫩。蟲草花煲雞，藥材味十足，甘甘甜甜，可惜入口太油又偏鹹，哂左甜品區都幾多選擇，有得自製格仔餅糕點選擇唔多，得幾款朱古力蛋糕幾好食，中間夾左脆脆，令海綿蛋糕無咁單調，加上味道偏苦甜，食落唔會漏燕窩燉蛋幾滑，但味道偏淡，無乜奶香，燕窩本身又無乜味，不過不失。桃撻撻皮薄而鬆脆，黃桃幾清甜，加埋內餡既吉士酸甜開胃仲有豆腐花同自選

姊妹每月總會見面一聚，近期就愛上了灣仔利景酒店1/F的逸亭餐廳。自助晚餐18:30-21:30，食足3個鐘。但18:26 仍未開放入座餐廳佈局分明，分開冷、熱盆、刺身壽司區、甜品生果、餐飲、炸物及粉麵區。近期自助晚餐主打海鮮，龍蝦、長腳蟹、麵包蟹、凍蝦、青口、螺、蜆、各式剌身壽司、燒牛扒、羊髀、鴨肝、串燒、沙律、即煮粉麵、蒜蓉粉絲蒸帶子、黃金蝦、秘製豬腳薑、自製班㦸、木桶豆腐花、即製梳夫厘、Movenpick小杯雪糕、各式咖啡、茶、汽水都係任飲，不另收費⋯其實太多太多，不能盡錄，去圖！各式冷盆海鮮、夠新鮮，會不停refill餐廳同事服務貼心到位，一放下餐具便會極速收碟熱盆種類繁多，黃金蝦、蒜蓉粉絲蒸帶子、燒排骨、原盅燉湯⋯好妹！即煮粉麵除了一般配料，還有蝦、蟹⋯果然主題海鮮，連調味也比其他自助餐多 刺身放在凍櫃有專人處理，食得放心Wow...各式糕餅，還有我最愛的Movenpick雪糕，4款味道任揀。最最最like佢係小杯上，拎完即閃，乾手淨腳。不似其他自助餐一大桶放冰櫃，每人逐個𢳂，排長龍之餘還有欠衞生。呢度10個讚呀時光飛逝3小時，食飽坐吓傾吓，嘆杯即磨咖啡，簡直人生一大快事。其實

都有一段時間冇黎呢度食buffet，今晚因為慶祝母親節所以book左呢度。。。4個大人一個長者，埋單1744。。。除返開，人頭計都係3百幾姐，都好抵食。。。服務員態度非常親切，見我大住肚，又好細心幫我拎個cushion俾我墊背，又擔心會有風口位問我需唔需要關左個冷氣。食物種類同質素都比之前好好多，有龍蝦同長腳蟹，鮮味好足。。。特別覺得佢地嘅甜品好味左，款式又多左。。。今晚食得好開心。。。又抵食。。。

復活節放假梗係食好嘢呢間酒店自助餐仲有做緊特別優惠 足足七折計起上嚟$300到一個人 真係抵食海鮮區選擇唔算少麵包蟹 長腳蟹 龍蝦 青口 蜆黑洞特別推介長腳蟹 蟹腳夠粗身多肉味道鮮甜而且吾會好重鹽水鹹味 加分鮮蝦肉質爽彈 大大隻有口感熟食有蒸魚 炒飯 同炒蔬菜不過黑洞建議大家可以試吓豬腳薑聽講呢度豬腳薑幾出名 仲有做外賣聞落薑醋香味十足 豬手肉質夠冧又入味中湯味道濃而不咸 真材實料刺身款式有三文魚 吞拿魚 帶子 金槍魚 甜蝦原粒帶子超鮮味 食多幾粒都回本Btw另一回本推介係鵝肝多士現場即整新鮮熱辣 鵝肝油脂充滿口腔 好邪惡甜品除咗有一般常見糕點類竟然有黑洞最愛嘅杯裝Movenpick雪糕仲要係任食 panna cotta奶香味十足 加上微酸莓醬 正另外有即焗疏乎厘 口感鬆軟空氣感十足整體來講呢個價錢選擇唔少 放假想同屋企人食餐豐富既 不妨一戰

呢間利景酒店位於灣仔站同銅鑼灣站之間，我由銅鑼灣A出口行過去，十分鐘就唔洗就行到，都幾方便。openrice仲有7折優惠券，咩日子都用得，大家有興趣去食嘅話可以去睇吓。7折完真係幾抵食，平均三百幾蚊/位 (記得加一服務費係以原價計算)。.基本熟食冰凍海鮮刺身壽司沙律甜品雪糕都有🙆🏻‍♀️我特別鐘意鴨肝多士，係必食之選，記得要拎埋個醬一齊食😚冰凍海鮮有凍蜆、蝦、波士頓龍蝦、長腳蟹腳、翡翠螺同藍青口。我食咗兩round龍蝦，幾新鮮幾好食，而且肉好易起出嚟，啱哂我呢懶人😜buffet嚟講，呢到嘅熟食都真係唔錯。我特別鐘意醬燒ribs同燒春雞，煮得好入味。另外仲有我一向好鐘意嘅鴨胸🦆同埋估唔到有粉絲蒸扇貝🤣不過羊扒有啲韌同多根。豬腳薑煮得好入味好軟稔，不過雞蛋應該煮得過耐所以有點硬(見到餐廳有額外單售豬腳薑，所以應該係佢地招牌菜).呢到嘅雪糕係movenpick😍仲係杯裝！有五款口味任拎。我自己整咗窩夫，但我整唔到心目中想要嘅外脆內軟口感😂識食一定係自己加兩杯雪糕落窩夫上食😝(雖然我整咗件毛巾窩夫出嚟😂)即焗梳乎厘好食，甜度剛剛好，新鮮焗起特別好味。.三百零蚊就食到銅鑼灣酒店自助餐，整體都唔錯！

小編試左利景酒店既逸亭餐廳自助餐，先發覺原來銅鑼灣寸金尺土既地段，居然有CP值甘高既自助餐。人均四百但可以享受時令冰鎮海鮮（加拿大龍蝦，長脚蟹、青口、海螺）已經難得，仲有多個特別加設即煮區域等等。酒店自助餐吾算話十分之大，但小編真心可以用“麻雀雖小但五臟俱全”去形容。裝修風格較華麗溫暖但又不會太過壓迫感，位與位之間吾會話太近，大家可以細細聲講人是非都無問題，無需出動大聲公。海鮮方面：逸亭餐廳主要提供了七款新鮮時令海鮮，加拿大龍蝦、長腳蟹、麵包蟹、青口、凍蝦、海螺、花甲。小編食過無數酒店自助餐，夠膽話甘齊全既海鮮供應，吾係間間可以做到。小編個人就最中意加拿大龍蝦，肉質甜美又飽滿仲帶有一絲海水既鹹味，我refill左幾輪。同埋佢地fill海鮮速度都幾好，大家唔洗驚會卑人搶曬。壽司：依間餐廳有個日式即切刺身吧，現切新鮮三文魚，金槍魚，吞拿魚，大大粒帶子，甜蝦都有提供。小編好驚訝佢地份量真係卑得好足超口切，帶子吾係切片形式居然完整一粒上。大大件又新鮮讓小編卑左個頂呱呱佢。熟食：所提供既熱食款式包羅萬有，香煎鴨肝配多士、四川麻辣雞煲、日本天婦羅、自選麵檔、燒美國西冷牛扒、豬腳薑等等。小編大推日本

一年一度聖誕節，當然要吃自助餐，歡樂慶祝一番。今次去了灣仔利景酒店歎午市自助餐，雖然是午市自助餐，但用料亦絕對不馬虎，有海鮮冷盤如蟹腳、青口、蝦、螺等。 其他冷盤有火腿、芝士、沙律菜等。熱葷亦有多款選擇，西冷、火雞柳、羊肉、魚柳、炒蝦等，非常豐富。亦有粉麵吧提供即煮粉麵。不過貴價食物如西冷、蟹腳等refill得比較慢。甜品方面最吸引的一定是movenpick雪糕，可惜味道選擇不夠多。其他的甜品就略為普通，如蛋糕仔、慕絲、海綿蛋糕、鮮果蛋糕等。

十個難食，種類十分小，所有熱食都係凍既，刺生難以入口，每樣野都十分鹹！飲品要另外收費，生果只有糖水味！雪糕用盡力都冇辦法弄到！沙律菜都可以是超鹹的！甜品 竟然是苦的涼粉十分彈牙醬汁意粉，十分難食！鹹到入唔到口。整意粉的員工會一直鬧客（不是我）唯一好處： 環境清靜

行到邊食到邊～灣仔～利景酒店。暑假周邊也是人，晚飯時間要限時。最後表妹用某個apps訂座，自助餐加一後每位HK$250😍,時段由18:30-21:30，足足三小時，可以慢慢吃🤩。 海鮮冷盤有長腳蟹、田螺、凍🦐、青口還有刺身；沙律吧、芝士、辣肉腸、煙三文魚等...最出色是熱葷：🐔肉串燒、蒸扇貝、🐷腳薑、炒時蔬、四喜烤夫、羊扒及中式湯麵包好軟熟中式甜點有驚喜：豆腐花～有淡奶香味兼好滑；西式甜點外表是老一輩（old schools),味道麻麻；服務非常好兼有禮，坐得舒服，只是嘈吵一點。呢呢個價可以任食movenpick雪糕，真係抵食🤩🍽：利景酒店逸亭餐廳📮：灣仔灣仔道209-219銅鑼灣利景酒店一樓

只能講一分錢 一分貨好好普通水仲要加10蚊酒仲要加20蚊海鮮唔新鮮又話有面包蟹呃人嚟食所以好唔建議食呢間冇咪冇呃呢做咩但如果你想泉記價錢食包同係佢餐牌好多嘢都係假小心見到乜都冇個下真係嬲左Ps相上餐紙好多都冇

提早WALKIN兩日去落訂有7折, 落訂時見地方小小, 以為食物唔多, 但上黎睇到食評好好, 當晚去到見熱盤有4個大電磁爐加熱, 有豬腳薑(我媽超讚), 她食左4次, 說豬腳好入味好軟但又沒有煲爛, 有魚(一般), 有海鮮卷(好味的), 有抄粉面飯咖哩等等都有十幾樣, 我沒全試, 海鮮有蟹腳(有點啖), 有蝦(彈牙又甜), 有螺(口感都新鮮的), 青口(不錯 ), 刺身我只試了希靈魚(鮮的).. 我見女兒不停食魚生說好食, 甜品豆花JELLY ,CAKE, 格餅, ICE CREAM都不過不失,  款不多但質量幾好~~ 最愛是南瓜忌簾湯, 好CREAMY好香滑, 還有送的鮑魚花膠湯, 香濃足料, 我兒子女兒不愛湯, 我媽足足飲了三大鍾, 走時埋單5人平均305, 超底食.. 服務真的一流, 由付訂到離場每一位員工都很有禮貌, 走時連烹調的員工也會道謝和說再見... 食過多次自助餐這是第一次我會給食評的自助餐, 快樂的體驗

今時今日於銅鑼灣食自助餐$300有找，很難得，不過對於食物質素嘅要求亦都要降低一點吧。我覺得最好味嘅係：(1)日式鐵板燒羊架(2)自家製豆腐花(3)雪糕(movenpick)我自己就唔食蝦蟹甜品嘅，不過見隔離枱只係食咗好多隻長腳蟹，甜品及雪糕，相信長腳蟹及甜品應該都OK，起碼係回本之選。牛扒有啲位置韌啲，有啲還可以。魚生可能因為整晚人流唔高，不十分新鮮，而且間中有雪味，壽司直情全晚無人食。沙律、熱盤、湯無特別。總括而言，畀平價食自助餐，就唔好期望食到貴價嘅質素。

見在社交平台上有優惠，晚餐淨假二百卅蚊有找( 星期一至四)， 從未見過有自助晚餐咁抵, 仲要係香港島嘅灣仔區酒店， 雖然以前都幫襯過幾次， 但係已經是數年前嘅事， 既然價錢吸引又想睇下有冇改變， 所以就去一試！ 食物質素不過不失， 冷盤食品不外乎冰鎮海鮮、魚生、凍肉、芝士、沙律不缺， 熱葷食品有鐵板燒烤、餐車燒牛肉、麵食、熱盆、湯、咖喱， 算係應有盡有， 但在我心目中真係只係值二百幾蚊， 稍為覺得有特色一樣食物就係:自製芝士撻! 而且焗咗出嚟軟淋淋幾好味， 算係整晚自助餐之中稍為安慰一點! (但如果依個自助餐要畀300蚊嘅話我係唔會去食！)