The Cowboy House (Closed)

日式意粉比牛扒更好吃？。The Cow Boy House#大埔美食#樂食人生1.阿美利堅牛扒配蕃茄炒意粉 $60 -阿美利堅即是America的中文譯音，換言之即是美式煎牛扒，牛扒比較簿身，牛油甘香不算太重-日式蕃茄蒜香意粉味道好出眾👏🏼意粉口感煙韌，蕃茄及蒜蓉味濃厚，坦白講比牛扒更好味！-配菜燒得好香口，亦保留到蔬菜鮮甜，不過比同意粉一樣都比較油膩2.柚香滑蛋鰻魚丼 $58-醬汁帶點點柚子清香，滑蛋處理得宜，不過鰻魚似乎係下價貨色，好韌而且無鰻魚軟軟棉棉嘅感覺，令人頗失望...小結:價錢在大埔區而言略貴，不過環境夠曬企理，店內裝飾充滿日式格調，晚市主打吉烈牛扒，希望有機會試試~口水指數:3.5/5The Cowboy House地址: 大埔東昌街2號地舖電話: 65338818…Read More

朋友介紹係大埔有間不錯的餐廳，今日去開大埔，一於找它出來，The Cowboy House。這裹地方細細，但環境整潔舒服，牆上掛了电影poster，感覺不錯。我們点了2個餐。第一個是火山石燒牛定食，很精緻，自己一边燒一边食，雖然忙咗些，但係可以自己控制生熟度之餘，又有得玩，幾好。定食有一大碗鋪滿碎紫菜芝麻的飯，另外有一隻温泉蛋，我把蛋放入飯攪埋一齊食，好味。還有蜆肉湯和支豆，都是正常。石燒的分別，只在於主菜，其一是美國頂級吉列牛小扒，雖然切到薄片，但燒完後，圍边带点脆身，加上半生熟的牛，口感不錯，有牛味。至於 第二個餐是奧馬哈黑安格斯沙朗牛扒，腍身，有牛味，但肉汁吾夠，其實份量正常，但由於切成小塊，令你感覺食極都未食完。再叫多杯沖繩梅子冰，梅味很重，不錯，記得要攪好才飲，另外是富士山頂可樂。整體感覺良好，食物質素唔錯，2人平均$230，貴咗啲啦，我未必特別去食，但如果人在大埔，我會再去。…Read More

今日去咗大埔搵男朋友 身為港女嘅我去食飯又點可以求求其其呢 我哋去咗一間叫做cowboy 嘅餐廳 呢間餐廳係專食牛肉嘅 我同男朋友都好鍾意食牛肉 所以就決定入去食晚餐我哋叫咗一個澳洲和牛肉眼上蓋肉 材料十分頂級 而且個餐盤非常之特別 啲牛肉係要自己燒嘅 咁我哋就因個人嘅喜好去燒到自己啱嘅熟度 上蓋肉非常之重牛肉味 而且食落好有油脂 好好食男朋友就叫咗一個奧馬黑安格斯沙朗牛扒 都十分唔錯 但因為冇上蓋用咁多脂肪 所以油脂嘅甘香比較少 但係牛肉味亦都十分之重 好爽口 而個飯係有紫菜同埋其他香料 食落非常之開胃 個人覺得好滿足 十分推薦其他朋友去試下…Read More

是日約大埔友食飯，本想帶佢去港島區食近來好hit 既吉列牛，點知佢話大埔都有得食，質素都好高，一於去試試😛遠望到餐廳外牆已經好醒目，畫滿型格既塗鴉。入面反而好和風，牆上貼滿日系既漫畫poster。呢到除左火山石燒牛定食外，仲有日式同西式既set 揀，除外，還有小食同沙律，所以就算你唔食牛都仲有好多野食選擇。😛呢到石燒牛出名，所以叫左兩款唔同既牛試下。首先係美國頂級吉列牛小排$178,其實自己之前都試過其他餐廳既吉列牛都一般般，今次試呢款居然深得我心啵❤️成個set 有包溫泉蛋、枝豆、味噌湯同埋飯素飯。一上黎見到咁多野食，未食已經好興奮🤤吉列牛份量都唔少，有8 塊，亦都係外皮炸過，但入面係全生，等你自己係石板燒熟。見到牛油脂好似雪花咁靚，肉呈鮮紅，好似好新鮮咁！先用牛油脂塗抹石板之後就可以燒啦，我就鍾意5 成熟，所以燒十幾秒食得! 先咬破脆脆既吉列外層，再嘗到柔軟既肉質，油花係口腔愈嚼愈香，又食到肉味，唔會膩，非常好味，多多都唔夠喉👍🏾👍🏾友人既奧馬哈黑安格斯沙朗牛扒$238都非常唔錯。送上黎係一塊兩隻手掌咁大既牛扒，牛扒已經切好左，只有最外層係熟，入邊仲好生，又係可以自己燒既。我略嫌餐廳將牛扒切得太幼，令我冇得大啖大啖食。不過抵讚係牛扒雖油脂較少，但肉味好濃郁。兩款牛我都非常喜愛，配埋溫泉蛋同飯真係oishi 呢🥰🥰呢間係我食過最好食既吉列牛，沒有之一。…Read More

因工作關係，猴子今日要老遠跑到去大埔，但好處是能夠遇上一間頗具特色的餐廳 —— The Cowboy House。店舖名稱是「Cowboy」，理應係美國西部feel，但細心一睇原來係玩美日crossover，店內混合了美式及日本格調，裝修以美國西部酒吧為主調，同時又擺放了日本的達摩不倒翁及招財貓等裝飾擺設。除此之外，就連掛牆的海報都是日語版本的美國電影，矛盾得來卻沒有違和感，而且相當有觀賞價值。Crossover的又何止是裝修擺設，就連菜色都一樣係美日同盟。猴子今日就試了一碟卡邦尼意大利麵配 63' 溫泉卵，單看名稱已經夠晒噱頭！意粉同溫泉蛋都係猴子最愛，皆因平時都鍾意食太陽蛋，今次加上滑滑的粉意，未入口已經流晒口水。溫泉蛋煮到啱啱到達未破將破的臨界點，在猴子拍攝途中自然爆破，蛋黃緩緩流出，香味濃郁。稍為混和一下意粉和蛋黃汁，再放進口，意粉和雞蛋的濃厚相輔相成，沒有誰搶了誰的風頭，再加上洋蔥搶攻鼻腔，完善了整個色香味配套，絕對是一種享受。而價錢方面，由於店舖位處大埔，租金相對便宜，所以收費亦係相當經濟，加上店內環境整潔舒適，即使特登搭車來幫襯，猴子都覺得相當值得。…Read More