Video
今日食晚飯食唔飽，於是我建議去呢到食d野填下肚。我叫左個桂花酒釀丸子，可能我未食過既關係，覺得佢好香，但酒味唔係太濃，d而且又唔係太甜，丸子好細細粒好得意。但屋企人叫左個薑汁鮮奶燉蛋，反而唔覺有蛋，薑味都唔係太出，白色既奶實左小小。亦都叫左個芝麻湯圓，俾我感覺係自己整，因為我未見過一粒湯圓可以咁大粒，而且d湯底好薑。環境方面，可能坐住左個冷氣位，好大風。面積都好細但又坐得舒服。但係最值得讚既係d服務真係好好，未開門入面個女仔已經幫我地開埋仲好禮貌問我地幾多位。而落單又會覆一次，埋單個時唔係好知點埋，俾左好多麻煩，但佢地都好好咁幫我地埋單。係同區入面，我覺得都算唔錯。服務都好好。下次我都會再去。
continue reading
Above information is for reference only. Please check details with the restaurant.
今日同三五知己打完羽毛球,見口痕痕咁......遊到八福諗住食木糠布丁加綠茶沙冰,點知鬼咁多人,唉........但D fan又話唔想周圍走,咁無計啦.......好彩等咗兩,三個字就有位坐,拿拿聲叫咗個木糠布丁,綠茶沙冰,芝麻糊豆腐花同D fan Share,佢地都話幾好食,特別係沙冰都唔會太甜,同埋D冰一入口唔會太大塊,消暑真係唔錯,個布丁都幾香又滑...^ ^ ,本人極力推介布丁加沙冰 !!
continue reading
上星期同班friend係白石燒完o野食，突然想食糖水，有人提議去西貢滿記，有人話太遠，不如去馬鞍山啦，佢話有一間成日都好多人又容易泊車，咁我地就成班人去這度。我地係這間叫了杯佢推介的綠茶沙冰同埋個有菠蘿的椰汁喳咋，佢話好特別，所以咪試下，點知個綠茶沙冰，簡直係不知所謂，加d 旺旺仙貝落去，令到杯沙冰又咸又甜，仲要係超甜，好難食，仲要d 沙冰係”參”口，都唔滑，又唔係好香綠茶味，我係九龍城的甜蜜居食的藍莓沙冰，不知滑這度幾多，沙冰英文叫smoothies，我諗這杯係我人生中食最難食的一杯沙冰，個菠蘿喳咋仲不知所謂，有少少酸酸地，搞到我都唔知係唔係碗喳咋變了，佢咁整佢都幾好，假如碗喳咋變酸了都無人知，最慘一d 椰汁味都無，又唔係好多豆，只係得糖加水咁。佢d 不知所謂的fusion，但係我地真係接受唔到。佢仲話可以係對開的地方泊車，好少趕車，點知我地一坐底就有差人來，搞到我嗱嗱聲要將架車泊入停車場，冇晒心機食糖水。食完之後，我同介紹我地來那個人講，你d 口味都頗為特別，我諗佢可能係好憎我地咁多個，所以先叫我地來這間食糖水，下次都係去遠d 都滿記食。
continue reading
今晚去到這間見到好似好多人幫襯的糖水舖，咁記憶中openrice d 人都話幾多食，所以就去試下，叫了個凍豆花，楊枝甘露同埋個芝麻糊豆腐花(熱)，咁我地share 食，個凍豆花不知所謂，一d 豆味都冇，雖然我都知凍豆花一定冇熱豆花好食，因為始終雪過都抽了d 水走，所以就唔滑，但係冇諗過一d 豆味都冇就叫豆花仲要硬過豬肉，到個楊枝甘露，都唔知點解個楊枝甘露有好重椰汁味，又好橙色，食唔到芒果味，d西柚一食就知係罐頭貨，冇口感，至於個芝麻糊豆腐花的芝麻糊完全冇芝麻味仲要搞幾下就變了水，個豆花諗住熱應該滑，點知又係唔滑，真係唔知點解d 人要去這間唔好食的舖頭食o野，唔同佢地只係搵個地方傾計呀?所以下次都係唔好見到多人就直衝入去食呀!要諗下先呀!仲要見到d 人坐晒係門口呀!d 人係唔係搵自己笨呀？又要熱住食d 唔係咁特別唔係咁好食的糖水呀?
continue reading
整個馬安心區的甜品鋪話多唔多, 話少唔少, 但好味的我認為只有這一間, 昨晚和朋友食完飯想吃糖水, 於是試試這裡, 店內爆人, 於是坐街外, 好在果晚冇落雨, 又有少少風, 都坐得幾舒服.我叫左楊支甘露, 好多芒果肉同西柚肉, 味道不太甜, 朋友叫了酒釀丸子, 她吃得很開心, 說味道很好服務員態度友善, 雖然這餐甜品比晚上吃的貴, 但都吃得很開心, 所以不覺貴呢
continue reading