The Backstreet Kitchen (Closed)

我唔熟元朗，係Google map 搵左好耐。真係係後巷，連住幾個小店。同咪冇得book位，所以我地係出面等左約30個鐘。門口有幾張櫈仔坐。我地叫左2款定食！ (5⭐⭐係最高，星星分數係比較同一間餐廳的不同食物） 石燒一口牛肋肉定食 和石燒吉列牛小排定食 hkd98 + 40蚊配 定食如果只叫燒肉，不叫定食（一定唔飽）。定食包括橫町飯、蕃茄豆腐、溏心蛋一口牛肋肉⭐⭐⭐佢地會有個碟放d牛肉，然後我就一片片夾上去燒。牛肋肉好薄，但油脂分布均勻。大該10s左右就熟，沾下醬汁、芥末、蒜蓉就可以食。 石燒吉列牛小排定食⭐⭐⭐都一樣係1cm厚。食落去外脆內軟，幾特別。但係我自己比較喜歡厚切。如果可以餐廳可以推出厚切會更好。蕃茄豆腐湯⭐⭐⭐⭐味道一般，但就係好考師父既刀工。切完放係湯到，好似開花咁。望落都開心橫町飯、溏心蛋⭐⭐⭐⭐橫町飯係珍珠飯，配上薑肉汁、紫菜、櫻花蝦。拌勻後食，好好味！好想要多d🥰🥰 環境其實好迫，好似撞到旁邊果個人。鋪頭空氣流通唔好，好大陣油煙味，好攻鼻🙂 。如果開門流通下，會更好。

唔止有玫瑰花花瓣，飲落去都有玫瑰香，底部仲有一粒荔枝食下，不過都幾甜熱石上面有粒牛脂肪可以塗勻塊熱石免痴底，本身已經係吉列既牛，邊位脆口已經好特別，再煎下佢，陣陣牛味真係wonderful 有橫丁飯同白飯簡，我地就簡左橫丁飯，裡面有蝦米同芝麻，好香，雖然魚冇咩味道，但魚肉質嫩而且好實在，點下沙拉醬都ok 既蕃茄豆腐湯，好有心思咁將玉子豆腐整成個花墨魚嘴上碟係熱到噴哂煙，可惜個醬又唔係太熱，好快就cool down左

元朗有好多好嘢食，但每次入嚟最先想起「THE BACKSTREET KITCHEN 」，The backstreet kitchen離市中心大約10分鐘步程，店如其名，位於後街的位置，地方雖然細但坐得舒服元朗呢間小店主打吉列牛，開業多年始終如一，價格親民，抵食必叫石燒吉列牛小排定食，牛小排外脆內軟，用嘅牛肉近腩位，油花均勻肉質軟腍，沾上特製蒜茸，醬汁加wasabi ，滿足豆腐蕃茄湯，蕃茄味濃但湯色清澈，豆腐放入湯裏面好似一朵花咁，盡顯刀工和心思以呢個價錢可以食到高質素吉列牛，非常抵食，店面整潔，服務細心，大推

禁晚市堂食後嘅第一餐外賣🥡厚切牛舌+一口牛肋肉🤤成個Set盛惠$248(包埋橫町飯，麵豉湯，醬料)攞完個外賣就嗱嗱臨翻屋企開餐份量好足料 仲有勁多配菜😋😋😋佢地好貼心 仲比咗兩大粒牛脂肪 煎個陣完全唔會黐底食完我同男朋友都好滿足💛💛後尾睇翻個menu先發覺原來有便當 懶人必備🤣下次可以試下其他款😋

之前去咗元朗一日遊，食咗好多嘢🤣其中食依間嘅石燒吉列牛，好高質喎！😍.🍳🥩 石燒吉列牛小排 $98C.定食(橫町飯 豆腐蕃茄湯 糖心蛋) $40我個份牛小排切到11塊，唔會太薄。外層沾咗麵包屑大火炸咗個皮，入面重係生，就靠個石燒自己燒😎 可以自己控制熟度，好玩又好食🤓🤓牛小排都算幾腍，唔會咬極都咬唔開，牛肉味都幾濃，同埋有啲油脂，好香！佢本身就冇咩調味，主要係靠你可以落啲鹽或者燒肉醬。糖心蛋夠入味又真係做到糖心😋😋橫町飯就係飯加飯素再加啲醬油，其實同牛角飯差唔多😂佢個豆腐蕃茄湯好有驚喜🤩😍 個豆腐切到好靚，好似朵花咁，好考刀功！個湯你唔好睇佢好似好清，但係佢個味好濃，好神奇🤣😋😋😋🧚🏼推介指數：🟤🟤🟤🟤🟤/5

今日同家人來到元朗覓食 突然間好想食石板牛燒 但出面嘅餐廳都好貴 上openrice搵到呢一間 價錢都抵食評都唔錯 但係位置就有少少偏僻 好彩去到都唔使點排隊 晚餐嚟講一百蚊鬆啲真係好抵 重點係佢個牛真係好嫩滑 燒起嚟好香 一定要加錢要佢個特色飯 配料令到成個層次高咗 我同屋企人都好滿意呢一餐

日式餐廳,以吉列牛,定食為主 仲有串燒,小食,鍋物等選擇~ 石燒牛肉 ,豆腐蕃茄湯 套餐跟埋溏心蛋牛小扒切得厚薄合適,拎黎煎完唔會一陣風就食完牛肉份量都有十幾片,非常多!豆腐用工具切到細如絲花 個湯幾清新酸酸地好醒胃溏心蛋好入味好滑!牛肉鍋都好大盤,有菜,蟹柳,粟米仔等食材,個湯底係壽喜燒汁,又香又甜好味道!牛肉煮到好軟淋有牛肉味 蘿蔔又甜又大件消費$300元朗合益路9-15號紀業樓地下H號舖

講起石燒吉列牛 元朗除咗出名嘅秘之外 其實仲有間比較偏僻嘅小店🏡價錢同秘相若 不過我未食過秘 所以就比較唔到啦🤣————————————————————————🐕 加$40配定食🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯所有小菜加錢都可以配橫町飯 番茄豆腐湯 同蛋🍚橫町飯喺係珍珠飯上淋上生姜豚肉汁 自家飯素同紫菜飯素以黑白芝麻同櫻花蝦炒起帶有丁點咸香 但調味唔算重🍅番茄豆腐湯喺當初吸引我嘅地方豆腐𠝹成繡球花狀 大展師傅精湛刀工纖幼嘅豆腐絲於湯內浮遊擺動 以呢個價見識呢款配菜 物超所值不過味道就真係普通番茄湯似清淡且以酸為主嘅番茄水🥚蛋 可以揀溫泉蛋同溏心蛋前者撈飯一流 後者中間呈流心狀但可能浸泡時間唔奈 顏色同醬油味都淡————————————————————————🐕石燒吉列牛小排&石燒一口牛肋肉 🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯店員會預先喺石板放上一塊牛脂肪加熱後 你就可以用溶咗嘅牛脂燒肉咁樣牛味相對重啲濃郁啲餐廳亦會提供醬油 蒜末同哇沙B有張牌教你點沾嚟食蒜末同哇沙B有種辣辣嘅刺激感令整體味道冇咁單調兩者份量都多 有成十幾塊 食極都仲有友人表示幾鐘意佢切得薄身 夠哂一口size

人生初嘗吉列牛 第一次已經係十分好嘅體驗一開始去 朋友話間店都有啲入 但好好彩 有街坊帶路 唔係大熱天時去 熱死我都有份撞正食晏時間去 所以都等咗陣位 但店員都好好 一早俾我地睇定menu 咁入到去就可以直接嗌 之後就可以等食我同朋友都嗌咗石燒吉列牛小排 配定食 定食包橫町飯 豆腐蕃茄湯 糖心蛋 上菜都算快 因為有鐵板 啲野食放入口個下都一定係熱辣辣 吉列牛炸得啱啱好 個炸皮唔會同舊肉分離 同時又無炸熟咗舊肉 如果怕漏嘅人 不妨可以燒耐少少 會少啲油脂但我就唔怕嘅 肉嘅油香再配飯 真無得頂主食包嘅湯就正常發揮 個蛋就同睇嘅有出入 明明睇落幾深色 但食落又無咩味 作為一個嚴格嘅蛋控 呢隻蛋仲有進步空間餐廳仲附有3個醬料 怕漏嘅人可以點下啲醬料 解漏之餘 仲試到新口味 overall 嚟講 呢間CP值幾高 百幾蚊左右食到咁好食嘅吉列牛 真係好抵啊

⭐元朗性價比高牛石燒⭐近年來到元朗覓食真的是非常多選擇，去到元朗想吃牛🐂，一定會想起這間隱世後巷【The Backstreet Kitchen】小店😋，之前已經吃過幾次，雖然已經開業了幾年，但一直都保持到食物水準。餐廳座位不多，小店主打石燒牛定食，差不多每檯都會叫牛肋肉/吉列牛小排定食，可想而知受歡迎程度，整體石燒牛性價比高，價錢亦不貴，值得推介😍。🥢【石燒一口牛肋肉定食】（HK$88）石爐上面預先有一小舊牛脂坊，防止肉被燒焦。牛肋肉油脂分佈均勻，肉紋非常靚，石燒板非常夠熱，每面煎8-10秒就可以吃，肉質嫩口唔會韌，牛肋肉雖然是薄切，但配上牛肉燒汁伴飯吃口感一流，亦可以加上少少岩鹽又可以帶出多一點牛味。🥢【石燒吉列牛小排定食】（HK$98）+ (HK$40配定食) 有橫町飯、豆腐蕃茄湯、溏心蛋⭐吉列牛厚薄度適中，每面煎10-12秒就可以吃，外脆酥脆香口而內軟，口感特別，亦不會太油膩。⭐豆腐蕃茄湯，在碗中散開好像一朵菊花，𠝹花盡顯刀工，十分精緻而且滑身。⭐橫町飯是用上珍珠米，內有自家制生薑燒肉汁，加上炒香了的櫻花蝦、黑白芝麻及紫菜，拌勻吃味道不錯。⭐溏心蛋有一整隻，有小小流心蛋漿，不錯。

元朗後街尋寶記我自己都幾鍾意到元朗開餐，除了比一般的區域多選擇，仲會好多令人驚喜的小店！今次係元朗做做Facial，就到了一條不覺眼的後街。入面有3間餐廳小店，每間店面都唔係好大，但就門口就企了點人等位。今次就試了位於中間的The Backstreet Kitchen。餐牌的選擇一眼就睇完，主食只有6個選擇，而石燒吉列牛小排及石燒一口牛肋肉係人氣之選 (我眼中99%的人都係食石燒)。咁我當然唔執書，兩款都試齊啦！等了5分鐘到就上菜，我自己就揀了平D的白飯(+$12)。我見可以揀横町飯(+$22)，但我唔佢係咩，所以說服唔到我加多$10試 (笑)。朋友點的石燒一口牛肋肉，牛肋肉切成薄片，燒幾燒就好快熟。入口的肉味都幾香，而且牛肉唔會過肥。朋友試過兩款，就話佢比較鍾意呢款。而鍾意香口的我，一定係點吉列牛無誤。牛扒外面炸得金香，用石板燒完，肉質爽口，我自己就大愛。食飽先見到隔離枱點的炸芝士好吸引，所以就忍唔住引誘，都點了一份享用。炸芝士外皮炸得脆卜卜，而且唔會粉粉的。入面的芝士咸香味道，加上打絲的效果，同時滿足視覺同味覺！==============================我係一個愛

難得去元朗送貨，當然要搵下大西北有咩美食🤓呢間係阿哥推薦，不過weekend真係好多人排隊所以佢自己都未試過😂佢舖頭細細好少位，嗰日我同腦細lunch hour去都要等半個鐘以上，搞到2點幾先有得食🥺雖然等咗好耐，但真係好值得！鐵板上面會有舊肥肉俾你當油用，搽勻個鐵板就可以開始燒🔥牛肋肉厚度適中，近乎入口即溶，一啲都唔乾唔韌；吉列牛炸衣夠薄，非常酥脆香口，都幾熱氣不過佢會配埋沙律菜俾你🥬牛肉份量絕對唔欺場，呢個份量會食到捧住個肚走🤰🏻至於定食跟嘅橫町飯即係珍珠飯淋上生薑燒肉汁，飯素有櫻花蝦、紫菜同黑白芝麻撈埋，就咁扒飯都好夠味🍚溏心蛋半熟程度剛好，而且有用醬油醃過🥚見到跟餐如果配溫泉蛋都好似好正，下次會試下（去開元朗兼排到隊的話🥵）呢間嘢食物質素真係無可挑剔，性價比高，份量多又高汁，缺點只係位少同通風系統差，食完要預咗個身沾染到燒肉味🤣🥩 石燒一口牛肋肉定食 配糖心蛋 $88 + $40🥩 石燒吉列牛小排定食 配糖心蛋 $98 + $40

呢間我呢幾年都食過幾次，真係要介紹下俾大家☺️店內面積比較細，大概只得十幾個座位，所以都要等一陣位，但翻枱速度都算快，落咗單五分鐘都唔使就上菜了。餐牌主菜選擇唔多，我每次都係食吉列牛小排😋 主食可加錢選配白飯、橫町飯、豆腐蕃茄湯、溏心蛋、溫泉蛋，我揀咗加$40有橫町飯、豆腐蕃茄湯同溏心蛋。•🥢 石燒吉列牛小排 配定食 $138吉列牛小扒切得好薄，炸皮都好薄，每邊燒10-12秒就ok啦～豆腐蕃茄湯裡面嘅豆腐係𠝹咗花紋，煮完散開就成朵花咁😆豆腐好滑，個湯好清甜，好鍾意👍🏻 溏心蛋就熟咗少少，但好入味！橫町飯即係有自家製嘅飯素，生薑燒肉汁同埋紫菜，我個人覺得燒肉個醬都好緊要，呢到個醬有少少甜味，蒜蓉當中有d薑，將蒜同醬撈埋一齊，配埋塊肉好正💯 燒肉其間店員都有主動refill咗兩次火，都好貼心☺️

去元朗阿妹話想試吓呢間吉列牛，我哋兩大兩細去到門口等咗5-10分鐘，因為裏面位唔多，我哋兩個大人嗌左兩份石燒吉列牛小排，小朋友就叫咗一份牛肉野菜鍋，急不及待😋擺上台嘅時候賣相好吸引，但唔知點解我嗰個熱石唔係好燒到，燒到好炆憎，阿妹嗰個又冇問題喎，不過肉係好味嘅，而且份量都多，係燒得慢啲，可能地方細嘅關係，個個又係食呢一個，所以好大陣油煙味，至於個飯我個人覺得唔加啲肉鬆會好啲，有陣怪怪的味，可能係我唔鍾意啦😅流心蛋係好味嘅，會再試，下次我要試吓黑松露豬扒😮‍💨

餐廳座位唔多 不過唔逼order咗2個推介set吉列牛$98 同牛小排$88超級好食 肉質勁嫩我有塊overcook晒都無“un"另加咗＄18有溫泉蛋 miso soup同味素飯超值之選店員都好attentive差不多時間就會幫你加火不枉我來回2小時車程入元朗i will be back~~~!!