Read full review
2014-02-22
876 views
可耐冇食泰之選,今日專登去九龍城食。地址搬左,老闆就仲係同一家人,仲係同以前一樣咁nice,店嘅佈置係冇咩,一般九龍城泰國菜簡單放法,牆上貼有泰國文嘅菜單,一啲都唔識睇。都係睇反中文菜單啦。燒牛肉老闆係先預先醃左,再燒,牛肉燒得好靚,中間半生熟,食完一舊又一舊,無停手,加埋辣椒食,好好味。放底嘅係介蘭,辣完可以即時食反條蔬菜平衡一下泰國明爐烏頭,香港天氣非常寒,冷熱騰騰嘅烏頭,散發住味濃而不濁嘅香氣,味道複雜但有層次。非常大條,配菜亦好多,三個人食好耐先食完。烏頭另上魚湯,可以調配自己喜愛的濃淡味道同加湯不停咁飲。泰國咖喱蝦,本來見隔離檯食蟹好此好好味,但係諗起咁凍又有殼,都係食蝦好啦。咖哩混合濃濃嘅椰漿,令咖哩嘅辛辣醇厚,配白飯確實係一流。蝦十分新鮮,蝦肉好實又彈牙。配菜又係好多,青辣椒,洋蔥等,有咖喱汁送住食,我地食灑成穫嘢。
Post