Tapa Room (Manulife Place)

Open Now

Now Closed

【霓紅燈條打卡Tapa Room🌌得意棒棒鵝肝lollipop】呢間銅鑼灣、觀塘同尖沙咀都有分店既Tapa Room，主打各款西班牙菜，大家可以試到paella, hot/cold tapas，晚上高起紫紅色霓紅燈，好有氣氛！特色棒棒鵝肝，賣相猶如珍寶珠，打卡一流！$78黑毛豬火腿茄子卷$68西班牙海鮮鍋飯$208黑毛豬鞍架配些厘醋燒汁炸薯粒$198甜品拼盤-奶凍、炸西班牙油條、肉桂多士$108如果大家覺得我review得ok，可以follow 我IG @hkdine360(📍觀塘) Tapa Room (宏利廣場)觀塘觀塘道348號宏利廣場地下G02號舖#hkdine360 #hkfood #hkfoodie #觀塘餐廳 #taparoom #銅鑼灣餐廳 #尖沙咀餐廳 #西班牙餐廳 #美食 #觀塘美食 #銅鑼灣美食 #尖沙咀美食 #foodiehk #吃貨 #餐廳推薦 #打卡 #打卡餐廳

同朋友慶祝生日未食過西班牙嘢，今次一齊試吓見到個menu樣樣都想嗌吓，每樣細細碟可以食多幾款棒棒鵝肝:第一個上，掛住食唔記得影相😂感覺幾得意，我覺得幾香，不過個Fd就覺得麻麻哋，但賣相好好薄切慢煮八爪魚:呢個好好味，上面個汁小小酸辣咁，同個八爪魚好夾，未食過呢種味，推介香煎鵝肝，脆包，紅酒梨片脆包真係好脆，本身以為多士嚟，個紅酒梨片係凍，鵝肝熱，食落又好夾，推介！煙紅椒蒜辣單骨雞翼呢個比較普通，脆香雞翼會好食啲😂辣辣哋巴塞隆拿烤紅蝦呢個大大大推！全晚最好食我覺得！勁香，蝦頭啲羔都多，蝦肉彈，個汁勁好味呢個真係一定要食西班牙肉腸車厘茄炒青口呢個唔算特別，係類似蕃茄肉腸汁用嚟煮青口青口面嗰2隻大隻，原來下面啲都比較細黑安格斯肉眼扒呢到個扒就真係比較失望，首先唔太夠熱其次個扒有筋，咬唔太到雖然牛扒嚟講唔算貴，但就真係比較失色墨魚汁海鮮焗飯因為朋友好鍾意墨魚汁所以揀咗呢個飯都係冇乜特別，墨魚汁唔係好出比較普通，唔太推介呢個可能另一隻飯會好啲炸蕃薯條蕃薯條第一次食，幾特別，甜甜哋配佢個醬食都好好味，呢個值得一試另外覺得冷氣唔太夠，可以改善吓，同埋有蚊

結婚週年諗住食好西，揾咗間評語唔錯嘅西班牙餐廳。打電話去訂枱，滿心歡喜出發。天氣熱，坐低先叫杯啤酒🍻一飲心諗唔係呀「暖」嘅😵‍💫，同侍應反映後，答案係全部啤酒都唔夠凍!打開餐牌，叫咗一些推介食物，慢煮八爪魚🐙薯仔蛋餅，捧捧鵝肝，西班牙肉腸炒青口，broken egg。先嚟捧捧鵝肝，慢煮八爪魚，份量勁細碟，應該for一人份量😒味道都還可以，一次過嚟哂其他食物，先講青口，唔覺得係炒過，感謝係撈埋啲汁，青口仲要係似雪藏淡然無味的，薯仔蛋餅，唔知自己食咗啲乜嘢，入邊薯仔係唔熟嘅，面頭嘅蛋好乾😣最後Broken egg，失望中嘅失望，雞蛋全熟唔係流心，我個心就真係broken💔,薯條勁乾，同真正嘅broken egg 完全兩回事😩成餐飯，根本唔知食咗乜！到底之前我睇到嘅食評我睇左乜？定係我哋唔好彩，個廚師今日放假？全間餐廳得我哋一枱客人加一位侍應一位姐姐一位廚房共三人⋯⋯今次我哋應該選擇錯了😭最後唔夠一個鐘頭就埋單，去買雲吞麵食完成今年個失望嘅週年晚餐😔

西班牙菜公司附近𝑠𝑒𝑡 𝑙𝑢𝑛𝑐ℎ如果唔趕，慢慢飲嘢吹下水都唔錯室內室外都試過，幾好棒棒鵝肝(邪惡推介）每次都要食西班牙肉腸炒青口配烤長法包車厘茄香草醬扁意粉煎蛋西班牙小青椒

呢排心情好反覆... 上上落落，好需要用美食填補空虛嘅靈魂同以吹水撫平躁動嘅心 XDD 今次同星座壞朋友  去觀塘TAPA ROOM食好西(班牙菜)。棒棒鵝肝 $78我以為口感會實，但入口即融喎，有追加衝動。西班牙黑毛豬火腿24個月 $88JAMON IBERICO 肉質結實油潤，齒頰留香。西班牙薯仔蛋餅 $78個蛋餅切開流心架，有驚喜！西班牙肉腸及烤車厘茄炒青口 $88青口惹味，側邊吊味嘅肉碎都好正，清碟！西班牙海鮮鍋飯(二人份) $188食西班牙菜點可以冇PAELLA呢，米粒入味煙韌，又係好快清碟哈哈！整體黎講好滿意，擺碟精緻，每碟都出色無野挑剔。份量唔多但剛好，令人回味。霓虹燈裝飾好適合打卡。最正係Pet Friendly可以帶狗狗  一齊食飯~~ 開心！

之排見好多人食依款圓形西班牙薯仔蛋餅好吸引😻終於介紹-西班牙餐廳酒吧，香港有幾間分店但每間都裝修精美有霓虹燈，入夜更加有氣氛好岩叫返杯野chill下🍹有室外露天同室內位。👓西班牙薯仔蛋餅 $78西班牙菜當中必會見到的菜式！其實size吾大，少於一隻圓形碟甘大，但都好厚，表皮奄列蛋煎到金黃色，一切開有流心效果，蛋汁包住薯仔粒洋蔥，餡好creamy挺香口，吾錯評分：8/10👓炸西班牙油條配朱古力醬 $58Churros係西班牙街頭小食，炸到香炸再蘸上肉桂砂糖，通常會再配醬汁食，依度就係配朱古力醬好邪惡！評分：7.5/10👓墨魚汁海鮮鍋飯 $168墨魚汁所以係黑色賣相，用個鐵鍋上枱但要有心理準備深度勁淺，份量偏少吾多飯！飯粒煙靭吾錯，有3粒蜆同約十粒迷你八爪魚，比較失望無乜料偏清淡，可能其他鍋飯會較好🤔評分：6/10👓薄切慢煮八爪魚 $88同樣食飯比較精緻，份量吾多😂 果然薄切…但慢煮所以好軟身吾使點咬得，夠惹味加左橄欖油同特製辣汁👓薄切炙燒吞拿魚腩 $98約8塊吞拿魚，果然薄切…的確好薄令食落無咩口感，炙燒令吞拿魚變半熟，但調味方面吾差，有沙律菜塾底，可當個頭盤沙律菜👓Red Sangri

今日同朋友，🐾一齊感受西班牙風情，西班牙料理大部分都有海鮮的蹤影， 可惜朋友仔唔食海鮮🙈， 但係唔緊要，因為仲可以試，西班牙國寶級美食，西班牙黑毛豬🐽🥔🧅🥚Tit tapas🥔🧅🥚西班牙菜式中必食嘅西班牙薯仔洋葱蛋餅，雖然厚，但係蛋依然好滑，唔會太乾，火候控制得啱啱好！薯仔奄列外層煎成香脆金黃，每一啖都充滿濃濃蛋香,中間夾住爽脆洋蔥絲，薯仔味夠濃，口感味道都好有層次感啊～西班牙火腿濃蛋卡邦尼意粉🍝好creamy， 西班牙火腿好香脆🐽黑毛豬鞍架配些厘草醋燒汁伴炸薯粒 豬香濃郁, 突顯西班牙豬之獨特香味, 肥肉比例適中, 肉質嫩滑

呢餐係我剛入公司，要farewell另一位同事既一餐其他我唔講啦 就針對我點既烤慢煮西班牙黑毛豬鞍架 伴些里醋燒汁 配蒜香扁意粉 $168一直以來豬都係要全熟，所以都怕會柴柴的，但見佢係慢煮就即管試下，結果切開好pink好嫩，都幾好食個量黎講，女仔係夠既，但男仔既話，意粉多少少會好尐我見其他同事既牛扒或牛類都唔錯咁，下次可以試

今日去左牛頭唔果邊食西班牙菜，可以坐系外面或者里面都可以。餐廳怖置好特別，每張枱都有一隻大公仔，坐位又舒服，燈光柔和。午市套餐有餐湯+凍盤+主菜+飲品，又可以加埋$38可以有埋甜品。椰菜花西班牙火腿湯，有椰菜花粒打成，湯好幼滑又香濃。西班牙水果特飲，呢杯幾特別淡淡荔枝味幾正。棒棒鵝肝，鵝肝幾creamy 味道又濃郁。薄切慢煮八爪魚，八爪魚好嫩滑，沾上醬更加美味。慢煮西班牙黑毛豬鞍架伴些厘醋燒汁配地中海式炒雜菜，黑毛豬鞍煎到剛好又鎖住肉汁，肉質嫩滑，好好味。西班牙海鮮鍋飯有大蝦大大隻又爽口，蜆肉肥美飽滿，魷魚圈和青口都好味，西班牙飯煮到粒粒煙韌又好夠味道西班牙油條，油條外脆內嫩，沾上朱古力醬甜甜地幾正

新年前想同舊同事聚一聚，但疫情關係晚市禁堂食，唯有改lunch time吧！ 地點就係佢公司樓下既西班牙酒吧餐廳，Tapa Room我之前嚟過一次，位置方便就腳，食物亦非常高質，最重要係價錢夠親民~ Lunch menu 價錢由HK$108起，已包餐湯、冷盤、主菜及飲品，當然，可以額外加錢upgrade食物。 椰菜花西班牙火腿湯椰菜花同火腿打成蓉，基本上入口唔會有任何蔬菜既草青味，相反，味道唔錯，有少少似飲緊薯仔湯，清新得嚟又有火腿既鹹香，加埋忌廉就可以令口感更加細滑。 薄切慢燒八爪魚由放薄切慢燒既關係，八爪魚既肉汁仍然可以保留住，唔會流失，入口完全唔靭，口感淋滑鮮味。 薄切炙燒吞拿魚腩吞拿魚腩本身夠肥美，經過炙燒後，外層會有微微焦香，魚油味更濃郁，肉質嫩滑，有少少入口即化既感覺，加上芝麻後，變得更惹味香口。 西班牙風味黑毛和牛漢堡配炸蕃薯條及是接差蛋黃醬漢堡size大大個，非常有份量，而漢堡內除咗有主角黑毛和牛，仲有生菜、蕃茄等配料，黑毛和牛肉味香濃，入口帶有一股濃厚既牛油香味口感，肉質嫩滑，加上爽口既蕃茄生菜，層次感重，炸蕃薯條味道好香甜，入口脆卜卜，放涼後亦能保持香脆度，推介！

今次叫嘅嘢全部都好有特色好高質🤩(除咗蕃薯條差少少///裝修加咗霓虹燈元素 幾有特色&格調✨無論係食物質素 定環境都好唔錯嘅餐廳～推薦大家去食😆*牛頭角分店唔多人 今次假日夜晚都walk-in到~-🍝【烤煎慢煮西班牙黑毛豬鞍架 配些厘醋燒汁伴炸薯粒】$158✨推薦✨一上枱就比塊肉嘅厚度嚇親!!! 超級厚身呀😍豬鞍架骨嘅部份唔多 所以肉份量幾多!!!肉係煎香 再慢煮 好嫰滑juicy🤩 真係好出色!同埋舊肉好厚身 啖啖肉咁食真係好正🤤炸薯粒都幾高質 薯味幾香～有肉+薯仔 所以整體都幾飽肚🤣-🍕【西班牙薯仔蛋餅】$78✨推薦✨睇人哋影嘅相以為好大個 但其實係一隻手size一上台已經聞到勁香 切開仲係流心架😍外層係蛋 入面係芝士+薯仔粒粒🥔蛋好香 個餡好creamy 粒粒薯仔增加咗口感😆-🍟【炸蕃薯條配拉差蒜茸蛋黃醬】$58蕃薯條麻麻地 淋哂唔脆 薯味唔出/// 唔推薦🙈個醬就幾特別 香蒜茸味 辣辣哋-🍫【西班牙油條配朱古力漿】$58✨推薦✨呢個真係好正呀！一上枱係好香嘅肉桂味🤩熱辣辣 外脆內軟 肉桂味好香 點埋朱古力漿勁正!!!朱古力漿唔太甜 整體唔會好漏👍🏼食完一條又想再食下一條🤤-✨推

星期六下晝的觀塘區，人流少左，食飯都舒服的。Tapa Room近牛頭角站，有戶外座位，都幾cozy。Lunch menu 有6款，價錢都係$200內，CP值中上。首先係椰菜花西班牙火腿湯，椰菜忌廉加上黑毛豬火腿蓉，口感creamy。西班牙特色tapas，5選1，2個套餐就有2款，分別係凍蝦配蒜蓉蛋黃醬、薄切慢煮八爪魚，蝦肉結實彈牙，八爪魚都幾鮮味。烤三文魚柳及檸檬蒜蓉蛋黃醬凱撒沙律，烤三文魚好香，經過調味同沙律味道好夾。烤慢煮西班牙黑毛豬鞍，厚實有肉味，而且煮得剛剛好，唔會太熟。西班牙水果特飲，餐廳有2款輪流供應，一款係紅色底（桃味），另一款就係當日的荔枝西柚檸檬 （白色底），頗有新鮮感。

以前在牛頭角上班時，要找食肆，附近就只有一些茶記。隨著近來新的商業大廈相繼落成，一些高質的西餐廳及扒房陸續進駐這區，如意大利、比利時、西班牙及美國等風味的餐廳林林總總都有。兩個多月前到過的國際貿易中心，最近也易名為Manulife Place，今次我們到訪的正是這幢商業大廈地下的西班牙餐廳。大門入口好像光影隧道似的，還有兩隻大Bear Bear熊在迎接我們。我通常都會選擇早點到就容易有位，今天可能是周末，附近的寫字樓很多休息，所以很容易就有位。餐廳富有情調，還播放著一些輕音樂，環境舒適寫意。我們點了兩份午餐，包括有餐湯的椰菜花西班牙火腿湯、凍盤、主菜及飲品。我點了凍盤的棒棒鵝肝，主菜是烤慢煮西班牙黑毛豬鞍架伴些厘醋燒汁配地中海炒雜菜 ($188)；朋友點了凍盤的鮮甜凍蝦配蒜蓉蛋黃醬，主菜就要西班牙海鮮鍋飯 ($148)，飲品是西班牙水果特飲。餐湯的椰菜花西班牙火腿湯，以椰菜花及西班牙火腿打成蓉，帶有椰菜花的清香味及西班牙火腿的鹹香味，湯不算濃，湯裡仍帶有少許微粒，上面放了些迷迭香。凍盤的棒棒鵝肝有兩粒，是用鵝肝搓成丸狀，用長雞尾牙籤插著成棒狀，外面鋪上研成粉狀的開心果仁碎，味道甘香。而

🇪🇸平時真係好少食西班牙菜！呢日忽然間好想試下d特別d嘅餐廳🤗見到觀塘呢間tapa room好似好唔錯咁，佢喺一間提供西班菜嘅餐廳酒吧，試下先😍🎈餐廳有室內同室外座位，一入餐廳門口就有一個大霓虹燈打卡位😍周圍仲有好多大啤啤熊🐻😹侍應姐姐仲抱咗一隻過嚟同我坐，so fun😝🔸薄切慢煮八爪魚🐙非常新鮮，切成薄片，爽口彈牙，加咗橄欖油同埋特製醬汁，微酸帶香，食落非常開胃😛🔸檸汁白酒煮蜆蜆肉肥美飽滿，加咗好多洋蔥粒，蒜片同埋清酒落去煮，再加少少檸檬汁，食落鮮甜又清新😋👍🏻🔸檸汁及黑胡椒蟹肉扁意粉扁意粉口感好好，煙韌唔會過淋，表面沾滿蟹肉，食落非常鮮甜！加少少檸檬汁就更清新😋正！🔸黑安格斯肉眼牛扒配粉紅胡椒忌廉汁牛扒加咗黑椒鹽落去煎，好香呀😍7成熟剛剛好，肉質仲粉嫩，食落軟腍易咬，充滿肉汁同油脂香，牛味亦相當濃郁😋拌碟仲有蘆筍同蕃茄仔，整體好好味👍🏻🔸炸西班牙油條配朱古力醬油條炸到脆卜卜，外層沾滿糖粉同玉桂粉，加埋朱古力醬食，好邪惡呀😝飯後甜品特別滿足❤️🔸Before Sunrise🍹好靚呀😍仲要好大杯呀😛主要係紅加侖子，雜莓，Rosemary mix咗梳打水，飲落甜甜地，好香好清新🥰好鐘意呀💜

很是懷念喺西班牙食Tapas嘅日子，冇得飛出去就只能留喺香港默默覓食，而喺香港食西班牙Tapas嘅餐廳真係唔多，而呢間就做得相當唔錯。棒棒鵝肝外型以一支支棒插喺鵝肝波波球上係吸睛的，鵝肝味香濃，入口濃郁，口感綿密，但真係會幾漏。西班牙火腿及蜜糖茄子卷茄子軟腍，火腿咸香，加上蜜糖醬汁嘅香甜， 同蔬菜嘅爽脆，口感豐富。薄切炙燒吞拿魚腩燒過嘅吞拿魚腩油香十足，魚肉結實，鮮味香甜，加上下面沙律菜上嘅黑醋，可以中和返吞拿魚腩嘅油膩感。西班牙薯仔蛋餅呢個蛋餅真係冇得頂，中間留心嘅薯仔蛋液，散發着”快啲食我”嘅訊息，薯仔圓面，蛋香四溢，就算唔忍心都要狠狠吃下去😂西班牙式油封鴨腿配甜血橙醬鴨肉一切就已經散開，鴨腿皮焦脆，油香豐富，每啖鴨肉都香軟幼滑。