太興 (Closed)

太興一向都係我地好鐘意既, 所以有機會就會定期去食下今日揀左係太子呢間食過既, 仲諗住可以2點幾先去到無咁多人不過...仍然好多人.....都算喇.......去到竟然話無晒燒肉同燒腩, 有d唔開心...叫左餐蛋麵但竟然俾我發現有隻小昆蟲!!!!!!!!!!!!!!!!!! 除左小昆蟲, 仲要有頭髮!!!!!!!!!!!!!!! 之後開始杯弓蛇影...似是而非咁搵到d類似小昆蟲翅膀既物體..... 結果已經無晒胃口...........本來人地好鐘意太興架嘛......至少太子呢間唔會再去囉..............

由尖咀行到去太子, 真係行到腳軟, 見太興無咩人就入左去啦.地方都幾細. 不過一個人無所謂啦. 我叫了叉燒乳豬飯加凍奶茶.1. 叉燒乳豬飯 - 叉燒好軟唔太肥個燒汁開正, 乳豬皮仲脆不過有D肥.因為太肚餓成碟飯食曬2. 凍奶茶- 正唔苦澀, 仲要係無冰向入面, 好飲不過凍d會好d呀.味道好好, 不過比平時食開既燒味飯貴小小啦.可能真係一分錢一分貨啦.

下午茶$34雙拼叉燒燒肉瀨粉+鈣思寶叉燒燒肉瀨粉：叉燒味道剛好，不咸不甜；燒肉少，但皮真的很脆；燒味與瀨粉分開上，瀨粉有條菜，湯底不會太油愛它有鈣思寶：大豆飲料健康又有益P.S：人多，常漏單，各個客人必需追追追…等等等！

聽聞尖沙咀附近有間叫太興既燒味店好好味, 上openrice一搵, 竟然見到勁多分店!於是就去左旺角其中一間喇裝修都算ok啦, 唔老式, 不過d位有d迫而且所謂「繁忙時間4人座位, 2人請坐一邊」的確好唔夠位...都有d貴, 但單拼同雙拼都只係差$3...就梗係叫雙拼! 點左叉燒燒肉飯, $44, 叫埋冰鎮奶茶加$3冰鎮奶茶真係幾好味架~ 至少唔會俾d冰沖淡左至於個飯叉燒唔錯, 好夠味, 而且肉質肥瘦適中可惜燒肉就有d失望, 個皮都脆既, 不過d肉唔太得, 有d「鞋」 最陰公係...得1條菜咋.... 其他都ok既, 服務一般啦見到有人食八寶飯, 真係好型~大大碟, 仲有得加飯!下次都試下先~

以前週維有平野食時真係覺得太興很貴 , 午餐set 竟是 $4x.00 燒味雙併配熱飲 , 但現在市道 , 咩都貴 , 好多連鎖快餐比埋d垃圾質素既飯set 都收緊40.00 , 就覺得太興的飯來得很值. 雖然是貴了點 , 但真係貨真價實 , 唔會比埋d 頭頭尾尾叉燒 or 燒味 , 啖啖有咬口 , 非一般燒臘檔個d 形似味不似的難吃燒味.... 我最欣賞她的燒肉及淋叉燒 , 燒肉皮脆而肉又唔會太鹹 , 叉燒幾乎次次買都是淋梅頭叉燒 , 蜜汁豐富而且入味 . 絕對值呢個價.... 如2因不大吃, 叫個8寶飯多飯已很ok ... 因為材料很夠吃... 有碟油菜 + 埋熱飲都係 55.00 ... 飽飽...

前二天同阿媽去銀行搞野，搞完後就黎食個早餐。要了個$23醒神早餐，我就唔多覺醒神，因為食完滯足全日。加了$3要冰鎮coffee~可能自己飲唔慣，飲完勁傷胃，到夜晚瞓覺仲覺個胃搞搞吓。個餐有個炒蛋多士，賣相同口感都同牛奶公司爭九千幾里路。個蛋超油，好似油浸蛋，又鞋；多士厚都夠脆。仲有個火腿米，個湯底勁怪，有胡椒味，火腿絲都夠多，米粉質地唔錯，彈牙有咬口。整體黎講都係少食為妙，真係食多幾餐都變大肥婆！

真係好唔明....呢間野有咩好....有咩咁出名......環境上...比一般茶餐廳光猛少許...不過地面一樣非常濕滑...座位非常迫...烏蠅也不少....服務上...同一般茶餐廳冇分別....食物上....同一般茶餐廳分別不大....味道不突出...賣相不特別討好....價錢上.....比一般茶餐廳貴好多!!!!!!!!呢一點係我最睇唔過眼......冇咩特別都唔會入黎食....

買了外賣下午茶餐同一盒叉燒做晚餐。$25四隻炸雞翼同野飲。四隻雞翼炸得唔錯，唔會太肥，夠脆夠熱。不過D雞翼有陣雪味，要扣分。飲品都係一般茶記貨色。叉燒厚切，食落口感好正，係梅頭肉，好淋；個sauce 好惹味。用黎送飯一流！好食過好多燒臘店。

5/24/2007 2:15PM運動左兩小時, 又攰又餓, 係時間食d野補充下體力, 最好有個tea又唔會heavy 就very good喇.~ 唔覺唔覺由雅蘭走到去金魚街, 比我見到”太興”, 睇黎係開左無幾耐, 地方好細, 不過我一個人剛搵到卡位, 好! 望住個下午茶menu, 好多都係燒味飯/粉麵.. 一係就係西多, 春卷呢d”致命”食物. 好彩, 比我發現有個”健怡茶餐”寫明”生菜, 蕃茄, 無牛油烘底三文治, 配燕麥鮮奶(仲寫住超級好飲)”($24) 問亞姐咩係燕麥鮮奶, 哦! 原來係十字牌o個隻! 又幾都好喎, 真係好岩我~等左15分鐘, 我個餐黎喇~嘩~ 乜咁多咁既?! 成4件三文治呀~ 好似公司治.不過佢中間又無肉, 應該唔會好滯. 試一啖, 多士脆口, 覺得甜甜地, 原來係有d 果占! 平衡番d生菜同蕃茄淡淡既味道, 唔錯~ 比起搽牛油好味得多~ 唔經唔覺我都食晒, 哈哈~感覺滿足又唔膩.燕麥牛奶夠凍, 甜甜地好香, 配呢個餐好match! 之前我都未飲過, 試過後我都會買黎飲, 做早餐好正~p.s 仲有一個超級公司治餐,$28, 見到人地食, 好大份, 好多料,

5/12 (星期五)有時候唸去邊度食LUNCH都幾難唸。唔係0尋日幫襯過唔想連續第二日再去﹐或者係0甘0岩D0野唔係好合心意﹐就係一些已經被我blacklist0左0既地方。今次又遇到0甘0既情況﹐0係街上遊0左差唔多成25分鐘﹐都找唔到令我想入去的地方。由弼街開始南面至由旺角道﹐再番轉頭北面至太子道西﹐期間西洋菜街洗衣街通菜街都比我行過晒﹐但係都無心水。突然想起好耐無食過燒味﹐所以最後就0黎到太興。我偶然先至會幫襯一次﹐大概係覺得價錢同質量不太成正比吧。我幫襯0既目的就可能係因為這店有單人卡位﹐同埋唔會好爆﹐有人搭抬0既機會唔會好高。坐得幾舒服﹐熱奶茶或冰鎮奶茶都OK吧。這些因數加埋都可以令我偶然幫襯一次。其實如果想食燒味﹐大可以選擇"千燒百味"﹐抵食之余質數絕不比太興差。新世紀廣場foodcourt有分店﹐不過真的厭倦了同班學生哥爭位。我食0既係雙拼套餐﹐有切雞燒鵝﹐加杯熱奶茶。今次覺得比之前進步0左。我每次都會要求要胸位的﹐不過之前幾次幫襯﹐雞同燒鵝肉都比較薄﹐比較細0舊﹐唔係太多肉食。今次就好少少﹐比較大0舊。燒鵝唔肥之餘皮厚厚地﹐但係咬落去少少油滲出0黎﹐一陣燒鵝香...感覺