爭鮮迴轉壽司

Open Now

Now Closed

一間超抵食既迴旋壽司，免茶位，酸薑又任食，壽司價錢又實惠，雖然有限時，但不滿座，職員也不會趕你走，可以慢慢坐，生蝦刺身16元有10隻，堂食黎講，真係抵到無朋友，鹽焗螺好好味，每次黎都必取，最後食多件蛋糕都係12元，味道唔錯😋

因為有一段時間冇食過爭鮮，今日咁岩經過屯門，入去試一試有冇咩新野食，座位算坐得舒服，茶包熱水自助，食物質素對得起他的價錢，當中三文魚有驚喜，有33%的增量優惠，值得一試。

講到最扺食嘅壽司 一定諗起係爭鲜款式多 又大眾化 唔會有奇怪壽司🍣而家門巿開到全香港好多地區都有梗有一間係你附近！今次最驚喜係玉子燒好有玉燒味 又夠厚 口感好好😚水準以呢個價錢 係好好喇～價錢仲要一啲都唔貴真係啱哂我呢啲平時食嘢咁節儉嘅人！

想食壽司🍣又唔想排隊，最好嘅方法就係經過地鐵站買盒壽司返屋企慢慢食，我揀左盒10件壽司盒，有齊曬我鍾意嘅款式，每樣款式各一件，成盒都係$30，性價比好高😌懶人之選

好耐無喺爭鮮堂食了，咁啱今日同老公想食啲清淡啲嘅嘢，就揀咗去食迴轉壽司🍣同刺身喇，快靚正。我哋早到，所以有位，相信晏少少都有排等。唔知幾時開始，佢哋分咗三個價錢，分別係$8、$12同$16。雖然有啲壽司刺身比之前貴，不過我覺得質素有比之前提升，所以都係一件好事。我哋食咗飛魚籽壽司、三文魚刺身、腐皮沙律壽司、三文魚壽司、枝豆、醬燒蝦壽司等，用料新鮮，質素穩定，無驚喜，但亦唔會失望，咁嘅價錢真係無怨言。

之前可以食60分鐘現在40分鐘，壽司嘅質素同之前一樣普普通通，而且不再是碟碟8蚊最鍾意花之戀，好似比之前的大舊，但卻貴左佢嘅鰻魚夠滑，價錢不變，最值得食，另外三文魚刺身一碟嘅價錢也加了價，厚度跟之前一樣赤海蝦壽司都正常，不過唔夠爽口，麻麻地食左個甜品，朱古力慕絲蛋糕。慕絲入口即溶，側邊有一層朱古力脆皮，朱古力唔算好甜。推薦 

便宜的迴轉壽司之選, 首先在價錢方面, 它是分了3個類別, 紅/黃色碟是$8, 黑色碟是$12, 而白色碟是最貴的$16。一般而言, 黃/紅色碟只是普遍壽司, 如前菜、軍艦壽司、腐皮等壽司。如要食加長板的三文魚壽司, 就要選擇黑色碟的$12。而刺身類別, 如三文魚刺身, 甜蝦刺身, 生蝦刺身, 則要$16的黑色碟。味道方面, 尚算好吃, 但份量略為不夠。以三文魚刺身為例, 我於2022年6月份到爭鮮吃晚飯, 那時的三文魚刺身只是黑色碟$12, 如今已加價為白色碟$16, 但份量依舊, 所以覺得比較貴。坐位方面, 個人認為太逼了, 可以每個食客增加15%空間會更好。用餐時間就只有40分鐘, 其實時間略嫌不足, 如果能夠把用餐時間加至60分鐘就更好了。

經過店舖，唸起好耐無食啦，行去望一下，店員剛好refill，見所有壽司好新鮮呀，買左雜錦壽司回家食啦。返到屋企打開，壽司依然新鮮，還配了2包醬油及芥末。一人份量剛剛好，好滿足呢。

爭鮮壽司店通常都外賣居多，堂食真係未試過。今日經過見到爭鮮為慶祝12周年做緊推廣，某幾款食物賣12元正。於是入去試一試。爭鮮壽司店內的壽司係迴轉形式，無餐牌提供，見到啱心水的壽司就自取。雖然無得點，但係迴轉軌上的壽司款式都算多。12元優惠的食物我只試了兩款親子三文魚腩👉魚籽味不算濃，但呢個價錢都係值得一試珍寶赤貝👉赤貝夠巨型，而且很爽口🤗另外試咗幾款壽司，對比起平時外賣都唔差，應該係堂食同外帶嘅分別。最後試咗燒鮑魚同燒鯖魚，鮑魚好香口，值得一試😋呢個價錢可以encore

食迴轉壽司最期待係等到你想食既野黎緊🙂，最失望係見住你前面個枱拎走左你想食個碟🙃，不過同爭鮮既職員講你想食咩，佢地既職員都會盡量安排比你☺️朱古力蛋糕慕絲質地，如果岩岩係雪櫃拎出黎，硬身啲更加好食😋，唔會太甜，朱古力味重，呢個係我每一次都會食，鍾意食朱古力甜品既你一定要試下👍🏻👍🏻👍🏻麻辣扇貝裙邊寫住麻辣，但其實一啲都唔麻，一啲都唔辣😂，重有啲偏鹹，不過岩我重口味🤭青瓜蟹柳沙律唔會過多沙律醬，加埋青瓜食落好清爽芝士焗蟹棒芝士味重，蟹棒都幾大條下

同屋企人食完個lunch唔多夠飽，就外賣自取埋呢個爭鮮嘅「極上海鮮盛」🤤當然質素上唔可以同啲高級日本餐廳嘅壽司🍣比，但如果係一個豐富嘅下午茶黎講，認真不錯嘅選擇😋

我諗大家就咁睇相，就已經唔畀我多講。 爭鮮壽司係一間抵食，又係適合平民選擇嘅壽司。每件壽司都好足料😋😋😋呢件海膽壽司係我最愛👍🏻👍🏻👍🏻👍🏻極力推介呀❤️❤️❤️❤️

做人呢就要有啲骨氣，尤其係我呢啲「黃友」， 幫襯藍店美x旗下嘅「完氣」？No Thanks！ 想食壽司一於改為去 爭鮮迴轉壽司，一樣又好三又過癮，而且蝶蝶8蚊又平又好味！而且有別於一般迴轉壽司，爭鮮迴轉壽司啲壽司嘅味道，唔係著重於正宗日本嘅味道，相反係偏向台灣式嘅味道。感覺就係更加特別，同埋有親切感。而且壽司飯係機製，不經人手！喺呢個時期最重要就係乾淨！鰻魚壽司，鰻魚又大件又肥味又香口，味道好特別說得出嘅係有特別嘅台灣味道。三文魚壽司，呢度嘅三文魚係用挪威三文魚，魚肉嘅味道好新鮮夠肥又美味。雙色腐皮壽司，一個係三文魚沙律腐皮壽司、另一個係中華海草沙律腐皮壽司，唔同嘅配搭有唔同嘅味道，但同樣有驚喜。唔記得咗係乜嘢名嘅卷物壽司，又圓又大碌，一口吞入去極期滿足，味道仲好特別，唔係一般日本壽司店可以食得到嘅。軍艦有好多不同種類口味嘅，有啲係有海膽味道嘅軍艦，有啲係甜甜地辣辣地嘅咖哩味嘅軍艦，總之軍艦多多好好味。

今日心思思想食壽司,就揀這一間又平又抵食嘅壽司檔，佢就係爭鮮壽司啦!先講門口未入去已經見到好多人排隊就知一定係好平啦，平日大概等位15分鐘~20分鐘就可以入得去,入到去位置多，但係空間比較細，不過最緊要係平同埋抵食~基本配套都好齊全,有茶包同埋酸薑免費提供任飲任食!而壽司種類繁多,三文魚壽司鰻魚壽司,玉子壽司,帆立貝壽司,帶子甜蝦,海膽等等,都有成三十幾款選擇🤗三文魚壽司好大片，同新鮮有成吋厚，而帶子壽司，原隻帶子，又大又鮮味海膽壽司,有甜有多，口感超正最後甜品都有成10種選擇,食埋個甜品,依餐真係好圓滿啊

香港人真係好鍾意日本嘢，以前去食餐壽司起碼$150/位，自從有咗爭鮮之後， 簡直係香港人恩物，$8/碟，講求種類夠多，入口唔難食，平靚正👍 可惜唔係間間分店種類都咁多，所以市廣場呢間就係我嘅首選 Lunch時間等咗10分鐘，可以接受，宜家爭鮮都致力於做返高層次d, 所以多咗好多雙碟刺身，我今日就試咗個鮑魚，原本已經加上蒜汁，所以唔加豉油都可以，味道唔難食，但就唔係太食到鮮味，$16係抵試嘅👍 每次嚟主要都係食赤貝，$8/碟，質素唔素，去邊度搵，起碼食5碟😅 今次重食咗藍莓芝士蛋糕，味道ok, 但質地太軟，唔感有d怪... 都係平時食嘅朱古力蛋糕好味d