獎門自家烏冬 (Closed)

今日老公生日, 諗住近近地去返奧海城自家烏冬食飯慶祝, 我地7點半左右去到, 等位唔耐, 好快就入得, 睇過下餐牌好快就落單, 同果位"扎馬尾"侍應落完單後, 佢話要等15分鐘左右, 無問題啦, 我地都慣, 因為都成日黎食, 我地點咗一客咖哩吉列朱扒飯, 一客豚肉南瓜烏冬, 再加一個煙肉芝士焗蠔小食, 一直等等等, 都等咗30分鐘, 隔離同時間一齊落單果枱都齊晒嘢, 都食咗一半有多, 我地點三樣嘢一樣都無黎, 叫返同我地落單果位姐姐仔check, 唔夠1分鐘, 佢居然叫另一個男同事走黎問我地係落咩order, 即刻同我地做返, 有無搞錯! 單都可以唔落, 點做嘢架! 連自己做錯事都要搵人頂, 更加不知所謂! 我地當時真係好嬲, 已經唔係第一次, 由佢晌奧海城開張果刻, 我地已經成日落去食, 其間都有發生過, 諗住可能新開張, 俾d時間可能會改善好d, 點知, 到今時今日, 仍然如此!結果, 我地係走人, 去另一間食, 呢間自家烏冬, 以後都唔駛做我生意!

前幾天跟友人遊逛大角咀，在她的推介下進了此餐廳一試！早前到了此餐廳的屯門店光顧，他們的食物水準不錯，所以心想這連鎖品牌的食物品質應有一定的保證。由於是下午3時多，不用等候已進了該店，店員服務尚可；我倆看了餐牌上的食物，點了一客豆腐沙律，我就要了一碗番茄湯底的豬軟骨烏冬，友人則要了一碗獎門人烏冬，先說說他們的味道：豆腐沙律：覺很清新，蔬菜給人新鮮的感覺，豆腐配上醬汁，味道恰到好處；美中不足的就是生菜太大片，進食時不能用小匙羹勺起，用筷子吃沙律的感覺怪怪的！番茄湯底豬軟骨烏冬：味道不錯，湯底的番茄味很濃，對喜歡吃番茄的我來說真的是欣喜！烏冬很彈牙，吃下去時口感不錯，豬軟骨亦很入味，而且肉質很嫩，軟骨全可吃下，美味！美中不足的就是整碗食物的賣相，材料排列得好些，賣相加分，食客會更開心呢！獎門人烏冬：據友人說烏冬很彈牙，而且蝦的味道不錯，湯底都很夠味，她十分滿意呢！總的來說，服務尚可，味道不錯，值得一試！

前幾日去柴灣分店初嚐自家烏冬, 星期日下午三點半, 決定和友人再去奧海城分店來個早餐+午餐+下午茶, 飽餐一頓。店內有不少客人, 但不用等位, 在仕應帶令下直入店內坐下, 環境寬敞舒適。 友人點了個豬軟骨湯烏冬, 我提醒友人可以選湯底, 於是她點了個蕃茄湯底; 我則點了個人氣之選 : 獎門人鮮蝦湯烏冬(鮮蝦湯底), 還加了一個芝麻豆腐沙律。芝麻豆腐沙律($22) 先上, 看得出菜很新鮮, 沙律醬是日式酸汁, 入口清新, 生菜也很爽口, 但略嫌生菜太大片, 不易和沙律醬伴混, 夾菜時也不很方便。蕃茄湯豬軟骨湯烏冬($42) - 我勺了一湯匙蕃茄湯試味, 果真不錯, 有濃濃的蕃茄味; 友人說是蕃茄濃湯, 不是茶餐廳的味精湯加數件蕃茄, 是有誠意的湯底, 烏冬也有嚼勁, 不是連鎖快餐店的一般貨色。獎門人鮮蝦湯烏冬($42) - 上枱時, 鮮蝦湯味飄散, 香氣濃郁, 賣相也相當討好, 鮮蝦, 冬菇, 鮮腐竹, 雞肉排列在烏冬上, 感覺很豐富; 湯底有鮮蝦味, 一定是用上時間才淆得出來; 用料雖不是頂級, 但也算新鮮; 吃了一頓豐富味美的"下午茶", 跟家姐通電, 家姐和姐夫都說此店好食,

Today午飯去左自家烏冬揾食，叫了一個 Set Lunch 落咗Order等左15分鐘到卒之有嘢食喇 豬頸肉蝦湯烏冬 w/ Hazelnut 珍珠奶茶 蝦湯味道幾可口，其它地方好少有蝦湯底；但... 喝了幾口就開始口乾喇！烏冬算係幾彈牙煙韌，口感唔錯bor 豬頸肉就太薄了，完全吃不到什麽出來 湯烏冬份量okay 啦Hazelnut 珍珠奶茶味道亦唔錯 整體上服務okay、食物quality okay； 但價格定得偏貴了，兩樣東西連加一要成$52蚊呢

不論呢間, 定係其他分店, 在OR 上這個品牌也是舖天蓋地的劣評初開張時, 多人等到乜, 但家下有時真係可以直入, 何解??同同事來食, 等了一陣子就有位要了個午餐set, 白咖哩豬肉冷烏冬, 汁料是可以, 但豬肉就真的無甚味道可言烏冬呢? 彈牙感有但不算很"讚", 也有點粉吧反而, 小食就好好, 煎餃子, 皮很脆, 豬肉餡鬆化, 點的醬汁幾香甜但四十幾塊, 當然有更多好選擇

年初一的午餐，選擇了全年無休的自家烏冬。以前也來過一次，吃的是豬軟骨湯烏冬，很好味。今次再吃，味道差不多，但是今次的豬軟骨少了一些。友人叫的是海鮮湯烏冬，吉列芝士豬排飯。今次同行的人數較多，再叫多了幾款小食：廣島蠔，帆立貝，牛油焗雜菌。牛油焗雜菌最好味，材料有鮮冬菇、本菇。不像一些日本餐廳，用了很多金菇。

一直沒有來過很大程度上是受了廣告的影響,對莫華倫先生並沒任何偏見,反感的只是廣告的表達手法而已.但人總是善忘的,當時間一久這廣告印衆慢慢淡出,抗拒感亦相對地減弱了.地方也算寬敞舒適,原來多了個公仔就是獎門自家烏冬與自家烏冬的分別.熱情果梳打----糖漿份量剛好,梳打夠凍夠氣!豬軟骨小食----似乎不知是存放了多久?肉質就像是由淋再浸到變返硬!吃起來硬身一口是渣.燒雞腎----雖然有經過燒烤的痕跡不大,配上帶甜味的燒汁吃起來卻夠熱又爽脆!黃金燒蟶子----雖然和燒雞腎有同樣問題,蟶子加入了沙律醬及粟米粒面層再灑點七味粉來燒,味道不錯之餘還持了水份肉質亦沒有出現過韌.海鮮掛烏冬----不明為何加了蟹柳在內便立即成了日式海鮮?配以大量沙律菜而汁的味道酸酸甜甜本應不錯,問題是出自烏冬身上.什錦天婦羅冷烏冬----厚厚的炸漿硬而不脆吃起來更只得油的味道,完全是港式天婦羅的做法.有齊薑及蘿蔔蓉,蔥花,青芥和天婦羅麩,配套是認真的.在做烏冬時壓上坑紋的原意可能是希望能掛上更多的湯或汁,但問題是在幼身的烏冬上"開坑"技術上未必可行,唯有捨幼取粗.一條粗烏冬剛好是一口的話吃起來又有點韌度,在口中愈咬愈淡

奧海城2 , 除了FOOD COURT , 最近都開了好幾間食店 , 作為街坊都愛落去幫親一下, 今次幫親自家烏冬因為都算是場內坐得舒適又經濟的食店竟然叫了凍食溏心旦 (叫比小朋友食)野菌掛烏冬,吉列豬扒定食,凍食煙三文魚掛烏冬---- 賣相都好吸引 , 但味道中規中矩沒有甚麼驚喜 lor .......

上星期一去睇戲，諗唔到食咩就事旦搵間食。估唔到我未得閒寫食評佢就已經...可惜啊！老實講唔算好食，啲嘢又唔係特別便宜。個豬軟骨烏冬好細碗，但係個吉列豬扒石頭窩飯就好多飯。豬扒好鞋，不過幾大塊。烏冬好普通，沒有什麼特別。小食反而有驚喜，個燒魚蛋加上龍蝦醬幾惹味。黑椒脆皮腸好多油，味道一般。都冇機會再返去食，想食唯有去別的分店吧！

其實想幫襯好耐, 不過一直未有機會, 咁o岩尋晚又諗唔到食乜, 最終去o左呢度, 點知......先講等位, 門口個侍應唔知去o左邊, 等o左好耐先有個嚮鋪頸入面斯斯然行番出o黎, 攞o左飛, 再等. 其實門口唔多人等緊, 都見間鋪入面不停有人走出o黎, 不過好奇怪o既就係永遠唔叫飛, 就算叫都係一張起二張止, 仲要話埋緊單, 再要等一等.終於有位, 坐好. 左手邊一對男女, 右手邊1對夫婦(估計3x歲)+1個男人+2個細路女(估計大約3歲). <- 一陣先講呢幾個人講番食o野, 我o地2個人叫o左一個冬蔭公海鮮烏冬, 一個牛肉烏冬, 一碟虎蝦天婦羅.冬蔭公海鮮烏冬: 有半隻蟹, 一隻蝦, 青口, 蟹柳(都已經有蟹, 都唔明點解要整多條蟹柳?!牛肉烏冬: 非常普通, 廣告又話個湯底點好味法, 我一飲完全失望 虎蝦天婦羅: 一隻虎蝦, ok好味, 夠大隻, 一舊炸蕃薯, 一隻鮮東菇, 普通o野食講晒, 到o個家人o既惡行. 我一坐底就望到佢o地枱底有塊尿片嚮度, 我心諗冇o野o下嘛, 換尿片唔走去商場o的嬰兒護理室? 唔去都算喇, 仲要換完唔自己拎去toilet掉o左佢

　這一天難得來了奧海城，不太想去food court，就即管找找有啥好吃。就「叮」一聲的記得這裡有開張一陣子的自家烏冬，當它還沒有開張仍在裝修的時候我已有留意此店，看到有獎門人的「大頭」已深感興趣，直至廣告一出，莫華倫先生的超強唱功更吸引我來了，但一直附近沒有店子，直至這天終於可以一嚐。　那天大約是二時左右吧，人不算太多，起碼不用排隊吧，所以只是兩個人，就能立刻進去了。環境不賴，背景音樂是旋律和節奏也頗強的日文歌曲，令人有活力的感覺，哈哈。　我點了個蕃茄湯底的烏冬(名子不太記得了)，記得價錢牌上也沒有什麼烏冬是少於三十元的，我這個好像也要三十五六以上吧。這裡的烏冬一直說是沒有經過一滴油，我也即管看看有多著名。等了大約十多分鐘烏冬還沒有來，害得我肚子都餓了。烏冬來了的時候也傳來陣陣的蕃茄湯底香味，湯底味道的確十分濃郁和足料，立刻嚐嚐烏冬吧，讚歧烏冬比起平常的的確有不同，形狀四四方方，吃下去還覺得蠻可愛的，哈哈。　我覺得沒啥特別，而且湯底也漂浮著很多的油，所以招牌也被破了吧。一試無妨，但未必會再故意去光顧吧。

今晚原本要食風月堂,不過喉嚨唔舒服,就去左食自家烏冬,不過結果都系order左d熱氣ge野食=.=1. 野菜炸蝦冷烏冬冷烏冬味道都ok,不過個野菜炸蝦就麻麻,好多油,好漏,同買無咩味,唔好食!2. 玉子都幾好,同出面差唔多,無咩特別3. 豬頸肉掛烏冬 豬頸肉味道唔錯,不過本人覺得fat 左少少,個掛烏冬都一般般試完一次就得啦,有得選,唔會再食第二次

見佢開左一排,又有好多白領等位...就同左同學仔去試下等位等左5分鐘左右,3個食但得我1個等,嗌號碼既時候以為無得入,點知話同學行緊過黎就入左去...(唔係過半數先俾入咩)叫左獎門人烏冬,初頭waiter話有小小辣,但其實一o的都唔辣蝦係mit左殼,有o的估佢唔到...腐竹有咬口,唔係一pat野咁冬菇同豆角無咩特別...加埋一$44一個人,真心講句,試一次就夠

當日大概下午五點左右去到, 叫咗個六白黑豚南瓜汁掛烏冬, 等咗成三十分鐘都未到, 咁我就問吓佢喇! 點知原來走單! 喂! 大佬呀! 我要趕住睇戲, 6:10 開場, 佢同我 5:55 先嚟! 咁都不特止, 仲要炒到成堆垃圾咁! 啲所謂六白黑豚, 好多筋, 仲炒到有啲一粒粒黑色野! 勁難食!

從來都喜歡吃烏冬, 不論放湯的, 炒的或傳統日式的。每次經過奧海城, 都見到人山人海地排隊等位的情境, 及見到伙計們在即場製作烏冬。常在心裏問: 係咪真係咁好食呀？因為請半天假趕返學的關係, 才有機會在無乜人等位的情況下試試此店的出品。取票等入座約需8分鐘(因為等一人枱的得我一個, 大部份都是等二人或四人枱的)。坐下, 收到餐牌一個, 跟住就無人理。草草看了餐牌, 其實早就決定食虎蝦套餐 + 雞肉腸 (HK$52), 所以就高聲叫了一聲侍應落單。此時才有人應: 讓我先給你一杯茶茶到, 係茶包 + 滾水, 茶味一般, 用筷子使勁地搞弄了數十次也是味道一般。再多等數分鐘始有人替你寫單。10分鐘後先送來兩條雞肉腸, 偏鹹, 有少許黑胡椒味。5分鐘後再來正餐, 烏冬是無味的, 有湯汁(應該係淡味豉油)附上, 但都不是很有味道, 烏冬是彈牙的, 但不是我那杯茶, 我喜歡爽口的, 這種軟軟的不合我胃口, 我寧願吃日本公司的幼身手打乾烏冬。其餘配菜有: 炸番薯: 是不錯的, 應該是日本貨, 有很香甜的番薯味, 是令人懷念的小時候吃到的番薯味道, 現在中國番薯的味道實在太令人難愖了。炸冬菇: 味道一般