Super Farm

成日見到好多人排隊，今日經過冇人等，一入去得圓台一個位，裏面啲位都唔係太多，職員好快講話要登記做會員，登記完之後出去買嘢食，買嘢食嗰個女人職員好似未瞓醒咁，慢動作，講嘢又好似唔願意講咁細聲，坐返埋位，嗰張圓枱夾埋我原來六個人，其實如果咁迫嘅話職員唔應該今晚安排，一人一個盤，我個盤都擺唔晒四隻角喺張枱上面叫咗個牛腹肉牛扒，買嗰陣時個職員冇問幾多成熟，上到楪，”un “過鞋底, 食咗兩片已經唔想再食落去，$88應該就係咁嘅質素成個體驗好唔舒服，唔會再去…Read More

朋友介紹，話牛扒唔錯。見到價錢心諗會唔會都係啲一般般充滿發肉劑的牛扒。但見裝修唔錯膽粗粗行入去試一次。點知有驚喜，當然唔係草自而是穀自牛扒，但肉是優質的，煮扒技巧都有70-80分。配埋適量嘅薯條沙律，這個價錢剛剛好非常合理。見到隔籬枱食漢堡包，好想試不過又驚叫太多。個漢堡嘅質素非常不錯。$48 1個餐，今時今日麥記都唔得。點了龍蝦意粉， $88食到咁嘅質素已經好滿足啦。 行入去之前睇過下少少評語，話入邊服務差等等，心諗睇吓有幾差。入去後有個非常有禮貌嘅男仔由頭有禮貌地招待到尾。今時今日呢啲服務態度，點都要寫返個評語稱讚 👍🏽…Read More

呀仔附近上學，我都會揀附近餐廳食，依間係我食肉No.1餐廳。12pm營業，我11:40am就要排隊，因為餐廳坐位不多，不過職員都好好盡力安排座位。每月餐牌不同，所以點解我會keep住去食😂要先登記做會員先，同安排入座後先可以落單叫套餐，加$10即磨咖啡，好鬼抵今個月食第三次【澳洲鮮嫩豬扒配米糖芥末汁，即磨咖啡】 豬扒不是每間能處理好吃，好多餐廳都會過嚡熠熠。而店家用澳洲豬扒，廚師能厚切鎖住肉汁，煎至金黃微焦，肉質細膩無腥味。黃色的特調米糖芥末汁是一大亮點，甜甜潤米糖能夠平衡芥末的辛香，微辣帶甜，層次豐富，好食。搭配薯條與烤時蔬，又清爽解肉膩。 配上一杯即磨咖啡，醇厚帶堅果香氣，與豬扒的油脂香氣巧妙呼應，餘韻悠長。…Read More

已經係第三次嚟食，每次都係揀少人排隊先食，因為餐廳座位少，難預計到等候時間，甚至要預埋烹煮時間，所以趕時間或者肚餓都唔會食，不過留意一點係要入去問店員攞飛，而唔係排隊等俾飛。 🍴經典牛腹扒配紅酒汁 $88⭐️Menu指定嘅扒係無得揀幾成熟，牛腹扒出嚟效果大約5成熟，不過無乜脂肪有筋位口感較韌，真係要有啲牙力先食得完。🍴澳洲M2西冷扒300g　$100⭐️⭐️⭐️⭐️原來有款隱藏扒可以由當天menu指定扒$88加$12變當天特別扒，呢款西冷扒揀咗5成熟，不論效果、味道同口感都好好，口感軟腍肉味重，尤其邊果條膏邪惡香軟入口即化，呢個價錢嚟講真係好抵。🍴法國Fromage blanc白奶酪芝士餅 +$35⭐️⭐️⭐️如果鍾意食New York chesse cake嘅人就唔啱口味喇，因為呢款芝士無發酵熟成，比較乳香味重，口感亦比較軟，阿sir鍾意食，但不是我杯茶。🍴英式皇家餅乾蛋糕 +$30⭐️⭐️⭐️⭐️呢款餅乾蛋糕比較硬身，但食落口又ok喎，有啲Mrs. Fields曲奇嘅影子，朱古力味勁濃厚，不過食得多會膩，最好同人share食。 二人共溑費: $253…Read More

食晏時段下午12:26排隊12:50入安排位置服務員，執枱加攞籌都係佢，所以慢慢執，門口等攞籌嘅人都要等佢執埋枱先得，有位都要等佢執埋另一張枱先，但係員工唔止佢一個，仲有兩個人繁忙時間傾緊計莫視等籌嘅人！一定要人登記電話號碼電郵話做左會員先可以食，等攞籌果時可以慢慢登記，到另一點餐員，佢態度和速度都配合到食晏時段嘅節奏，以為之後會上餐都會好快，等左一分鐘，一杯即磨暖咖啡可以取，等左25分鐘先有主菜仲要唔知係咪漏單，咖啡都變凍咖啡了！我見差唔多排我後五位都有主菜上都仲未到我，結果飲哂咖啡都未黎主菜，廚房都係冇停手，但係慢慢伴碟，法國菜速度，返工時段應該得一小時放飯，我唯有十分鐘食完走人！要預算兩小時先好考慮黎食！坐位少、被安排坐高枱一定要生得高嘅人先好坐，唔係實吊腳，矮餐枱又坐度頂住，八歲小朋友就啱啱好。…Read More