Subway (Closed)

The classic ham subway never gets old and is extremely healthy as there is barely any fat in it and really fresh and makes an awesome meal when in a rush. The layers of ham makes bite perfect and leaves no boring bits. A variety of vegetables goes extremely well with it and the same goes with the sauces. This subway may seem simple and doesn’t contain much but I think it’s really tasty and definitely enough. I think this a good meal that provides you with enough energy until your next meal.…Read More

今天上學早了出門，尚有空餘時間，便叫了一份subway早餐。這個6吋麵包有3種配料，有兩塊火腿片，芝士及塗滿一層的蛋碎，即叫即製，更會為顧客烘脆麵包，服務十分周到。此外，店員會為顧客提供幾款醬汁，這些醬都是低脂甚至零脂肪，十分健康。味道方面，火腿跟芝士的油香十分吸引，兩者在不斷激發味蕾。此外，醬汁和蛋碎讓麵包不會太乾，做到外脆內軟。17元一份3配料的三文治，十分抵!…Read More

一直都沒有食過Subway，因為自己不太喜歡吃快餐，只覺快餐店食物太油膩，座位又不好坐，而且多數都較嘈吵，但最近我卻愛上這間位於灣仔的subway。平日午膳的時間，灣仔的食肆根本上都座無虛席，先別說揾位難，單是人多嘈吵已叫我煩擾不已。那天又一個人lunch去揾食，偶然機會下在公司附近發現這間位於地庫，環境不錯的Subway，就愛上了在這裡午膳。首先這間Subway人不多，入面又有梳化座位，還要有電腦上網，又清靜，是可以讓我午膳時間從工作中好好躲起來無聊一下、休息一下的好地方。而且這間subway的員工都很熟手，效率高，適合平日lunch超趕時間的上班一族。３０多元的潛艇，沒有油炸，可自選麵包，醬汁，蔬菜配料，不油膩但飽肚，而且味道不錯，是lunch快餐中的健康之選。…Read More

早前見到 Subway 有團購優惠, coupon 每張$25 o既價錢可以當$45 用,買 coupon 時候選左呢間灣仔合和中心附近o既分店,餐廳位於地庫,應該仲係全港最大間 Subway 分店,店內設有三部電腦俾客人上網星期日中午黎到呢間分店享用優惠,估唔到假日中午都有幾多客人,睇完餐牌後,我先讓收銀員核對 coupon 資料,之後再排隊點餐,櫃枱幾位負責整食物o既外籍員工有講有笑,雖然我冇留意佢地講乜野,都感覺到氣氛融洽 :) 我向女店員表示想要一個日式甜洋蔥醬雞潛艇堡,先選擇麵包,通常我都要意大利香料麵包(parmensan oregano)作為包身,女員工放左好多雞肉及幾片芝士,再放進焗爐翻熱個包,之後再選擇要乜野蔬菜,我可以食得辣,所以要晒全部蔬菜做配料呢個時候留意到個潛艇堡好似好大 ,唔係平時買開o既大細,我望下後面又冇其他人排隊,唔似係同時間整埋另一位客人o既潛艇堡,於是問女店員呢個包幾大,佢話係12吋,但係我只係要普通6吋長o既款式,呢個時候有另一位男店員了解情況,負責整包o既女店員推卸責任 :( ,話我係要12吋長 ,但係我印象從來冇表示過要呢o的加大潛艇堡,男店員本來話可以唔洗我買咁大個,但收銀員話我用左 coupon,建議我只需補$8就可以買到呢個12吋長潛艇堡 :( Subway o既潛艇堡係即叫即做,若果我唔買咁大個,佢地應該會放落垃圾桶,唔會賣俾另一位客人,因為唔同客人選擇唔同款式麵包,餡料,蔬菜及醬汁,記得以前去過銅鑼灣伊榮街 Subway 午餐,當日有個好似外傭黎買兩個潛艇堡,店員一路整個包時佢先知道當日唔係做買一送一優惠,結果外傭講聲 sorry 後走左 ,店員都算有專業態度,冇對客人講粗口 ,只係好唔滿意將呢位客人列入黑名單原定我係諗住買一個普通6吋潛艇堡,再加$12要兩塊曲奇及一杯汽水o既套餐,不過我唔想佢地浪費食物,只好迫於無奈買呢個加大日式甜洋蔥醬雞潛艇堡 :( ,俾錢時我應該補$8就得,點知佢地計錯數,原來係要補$8.8先得,唔通收銀員想我幫佢買左個大潛艇堡,所以之前同我講少左價錢?! 呢個日式甜洋蔥醬雞潛艇堡都符合平時食開o既味道,份量亦都足夠,店員唔會因為客人用優惠價錢購買俾少o的材料 ,雞肉柔嫩,切片後淋上照燒調味醬,芝士放入焗爐加熱後溶化在麵包中,蔬菜材料豐富,有齊生菜,蕃茄,青椒,洋蔥,橄欖及酸黃瓜六款蔬菜,睇落好新鮮,唔會見到蔬菜啡黃色,蜜糖芥末醬酸酸甜甜令人開胃 稍嫌今次青椒落得唔夠多,食落個包冇乜辣今餐都算抵食,用左 coupon 之後,只需$33.8就買到一個12吋長o既日式甜洋蔥醬雞潛艇堡,由於一個人食唔到咁多野,所以當日冇加錢要兩塊曲奇及一杯汽水o既套餐記得大約兩年前黎過呢間分店,店員全部都係講廣東話,覺得有多一份親切感,可以用中文點餐,唔知幾時轉左呢批外籍員工,呢間分店本人甚少經過,希望日後再去幫襯時會有改善啦!…Read More

個日行左好耐街，超級肚餓之際就見到呢間SUBWAY落到去估唔到一個客人到無，哈哈，咁樣仲好，好安靜個地方比起其他SUBWAY都算大，仲有埋梳化，電腦添我地叫左$25 combos 既spicy italian 我要左honey oat ，朋友就叫左ltalian包我都幾鍾意honey oat包，因為有蜜糖味，加埋D焗過既麥粒脆亂地幾好食subway好多人話係外國真係廢廢地，好普通既潛艇不過係HK快餐店黎講，SUBWAY都算係健康之選至少無油炸啦　自由度又高，個日想食肥Ｄ既就叫晒有脂醬，走菜淨肉個日想健康既，連包都可以唔食轉做沙津整體黎講，呢間分店環境唔錯，可以繁忙既灣仔搵一個地方休閒坐下，除左coffee shop ，多一個選擇讚…Read More

每次來到SUBWAY都係只會點上是日特價$21一個6吋SUBWAY認真抵食今日係火腿SUBWAY, 店員都幾重手俾左幾片火腿我.麵包我就選左芝士麵包, 烘過後芝士味唔算重不過麵包夠軟及帶少少微溫再加上半溶芝士都算唔錯.此店既配料都幾新鮮生菜絲, 蕃茄都算脆口及多汁, 最後再配上蜜糖芥末醬汁當作午餐都算抵食.…Read More

先後光顧過灣仔三間Subway，其中以這間質素最優勝。論環境而言，此店處於較隱蔽的地牢位置，空間敞大寬闊，而且還有免費雜誌和電腦，是打躉的好地方。從服務的角度，招呼甚為慇設，當客人踏入售賣區時，店員便會主動say hello，而且他們默契十足，其中一人替你落柯打時，另一位已幫手烘麵包；一人放配料落醬汁時，另一位已準備包裝紙和膠袋，整個流程都來得乾脆俐落。上次已試過兩種口味，今趟要選另外的款式。日式甜洋蔥醬雞似乎不錯，就配上蜂蜜麥包和蜜汁芥末醬。這款麵包正合我心意，因為它有粒粒燕麥，外表脆脆之餘又甚有口感。可惜主打的雞塊較為乾身，照燒調味汁味道亦不算突出，幸好有大量的蜜汁芥末醬充當濕潤劑，令整個潛艇堡挽回不少分數。火雞火腿煙肉芝士堡是另一選擇，我為它配上了意大利香奶酪包和西南醬。麵包有點鹹香，質感跟蜂蜜麥包同樣討好。單看名字已知道有甚麼餡料，最喜歡那半溶的芝士，似乎令所有肉類也融合在一起。西南醬的味道挺特別的，帶絲絲甜香，又是一個新嘗試。…Read More

Subway o係世界上最大o既潛艇堡特許經營連鎖店,全球分店數量超過麥當勞:)香港目前有21間分店,灣仔恆山中心分店位於合和中心附近,開左接近一年,不過咁耐都冇人o係 OpenRice 寫食評呢間分店位於地庫,可能租金較平先可以開咁大間分店,設有 60 個坐位,應該係全港最大間 Subway 分店:),主要客人係附近上班一族及灣仔出沒o既外籍人士店內設有三部電腦俾客人上網:)皇后大道東入夜後較少人流,我地當晚九點幾到達,只有幾個客人幫襯Subway 慣常聘請外籍人士做員工,餐牌雖然有中文,不過外籍員工唔識中文,顧客要用英文點餐,客人若果唔識用英文溝通就會雞同鴨講:(不過恆山中心分店係本地員工,大家係同鄉會有多一份親切感,可以用中文點餐早前o係網站用每張$25 o既價錢買左兩張 coupon,每張 coupon 可以當$60 用,每次交易可以用多張,今次 coupon 有效期長達一年,我地o係 coupon 到期前兩星期先享用團購優惠除左 Sub of the day 同埋逢星期二 3pm 後買一送一優惠外, coupon 適用於所有美食及飲品,包括特價套餐有別於其他分店,店員先核對 coupon 資料,之後先可以點餐我地要左一個芝士牛扒潛艇堡 $39.8, 加$18轉做12吋長潛艇堡,一個6吋肉丸潛艇堡 $39.8,我地呢兩個潛艇堡各自再加$12轉 meal,即係多一杯汽水及一包細 Lay's 薯片或者兩塊曲奇餅6吋肉丸潛艇堡 $39.8呢款肉丸潛艇堡用左意大利風味肉丸,Subway o既秘方大蒜番茄醬,自選新鮮蔬菜及調味品,再配上新鮮出爐o既麵包我地兩個潛艇堡都選左意大利香料麵包(parmensan oregano)作為包身,店員先翻熱個包,再淋上蜜糖芥末醬肉丸潛艇堡o既配料除左紅洋蔥及青辣椒外,其餘六款蔬菜都要芝士牛扒潛艇堡 $39.8, 加$18轉做12吋巨型foot-long潛艇呢個潛艇堡o既靈感黎自令費城名氣大增o既何奇三明治(Hoagie),令人垂涎三尺o既低脂、柔嫩o既牛排切片,配上嫩炒洋蔥及青椒,覆上一層熱融融o既芝士,再配上各種自選新鮮蔬菜及調味品,夾o係新鮮出爐o既麵包就成為芝士牛扒潛艇堡要晒全部蔬菜做配料,真係份量十足,好適合非常肚餓o既人食,又或者兩個人一齊享用個包壓得唔夠實,一打開包裝紙就散開:(我地兩個餐每人再加$12轉 meal,即係多一杯汽水及一包細 Lay's 薯片或者兩塊曲奇餅平時超級市場一包細 Lay's 薯片賣四個幾,黎到 Subway 就梗係要兩塊曲奇餅啦!由於當晚就快收舖,只得最後五塊曲奇,店員就俾其中四塊我地,冇得選擇款式:(兩杯汽水係自己斟,汽水機有六款汽水可供選擇我地以前去過幾間 Subway 分店,今次係首次o係 Subway 見到汽水機隔離有部冰塊機,呢部機o的冰比較細粒,會慢慢跳落黎,唔會好似便利店o的冰塊機一隊個杯埋去就跌左半杯冰落個杯:(汽水機隔離有個自助櫃位,客人可以任拎餐具及預先包裝調味料,可能與麥當勞o既客人對象唔同,Subway 唔會好似麥當勞向客人配給餐具及調味料我地叫左咁多野o既總數係$121.6,之前o係網站以$25買左兩張$60 coupon,埋單時額外補左$1.6,即係平均每人只需$25.8 就食到即叫即製,用左大量新鮮蔬菜,低脂,非油炸o既健康潛艇三文治:)呢間分店臨收舖前都繼續做生意,店員唔會顧住清潔,值得一讚時間好快就夠 10pm 關門時間,我地將食剩一半o既12吋長潛艇堡拎返屋企,至於飲剩半杯o既汽水就一路行一路飲留意到呢間分店o既紙巾上印左四間分店資料,灣仔恆山中心,灣仔盧押道,愉景灣及昂坪市集應該係同一個老闆喔!Subway o係香港目前有21間分店,佢地計劃未來7年o係香港及澳門開設140間分店,以後想食健康潛艇三文治就更加方便…Read More