扒王之王 (Closed)

作為香港扒王之王，這家餐廳的牛柳扒和肉眼扒絕對不會讓你失望。無論是口感、質量還是味道，它們都站在了高峰。先說牛柳扒，它們的牛肉肉質極為鮮嫩，加上烤得剛剛好的外皮，每一口咀嚼下去都是一種享受。而且，餐廳供應的牛柳扒肉質非常均勻，不會出現過於韌硬的肉塊。配料方面，餐廳還提供了多種選擇，例如蘑菇醬汁、黑椒汁和蒜蓉汁，可以根據自己的口味進行搭配。再來是肉眼扒，同樣也是非常出色。肉眼扒的肉質更為豐厚，每一口都能感受到它豐富的肉汁和鮮味。這種肉的烤制也非常重要，太短了會偏生，太長了會偏硬，但在這家餐廳中，他們做到了恰到好處的烤制，保持了肉的柔軟度和鮮味。同樣，肉眼扒也有多種搭配醬汁可供選擇。除了肉類，餐廳的配菜也相當出色。蔬菜烹調得十分新鮮，色彩鮮豔，口感清脆，而炸薯條更是酥脆可口，完美搭配了肉的口感和味道。總體而言，香港扒王之王的牛柳扒和肉眼扒絕對是一個值得品嚐的美食。優質的肉質和完美的烤制，加上多種配料和配菜的搭配，使得這家餐廳成為了香港扒菜的最佳代表之一。

去扒王之王緊係叫扒啦，今次叫左美國穀飼牛肋骨扒王。食牛緊係唔要好熟先好食！叫6-7成就差唔多啦。扒王之王d牛肉可以放心既，都幾優質，唔會食壞肚。咁佢煎肉火候控制得好好，入面一切開雖然仲系好粉紅既顏色，但真係純粹顏色問題，你食落就知道都熟得7788，無熟透反而幾好咬口，點埋醬汁，d牛肉既鮮味就會出到來。如果你系行家呢，可以直接唔要醬汁，牛肉上來，問佢拎海鹽，撒係一邊，切好一舊就點dd，擺入口就最perfect。不過如果你系跟飯/意粉，都係跟d醬汁好d，唔系d白飯同意粉就會好dry啦。

本人及姊姊到此間扒王之王食下午茶餐，餐牌上無寫下午茶時間，姊姊話上次試過係2:15 pm, 所以今次照此時間到，點知侍應話要先到2:30pm下午茶時間，咁都算喇！點知到我哋落完單之後10 分鐘，佢個經理竟然走嚟話今日下午茶係3:30pm，要我哋改其他餐或等到3:30pm先落單，然後就即刻走開，嘩！真係火都嚟埋，有乜理由鐘意幾時改就幾時改㗎！落單嘅時候又唔講，咁不如索性逢星期六，日都無下午茶餐啦！之後我哋就即刻走人唔食兼以後都唔再幫襯呢間所謂嘅"扒王之王"！又唔係特別好食，而且地方好污穢，簡直嚇人，我仲會去消委會同食環署投訴佢！

第一次食扒王之王, 咁耐以黎都冇食過因為聽到朋友間既評語都係唔太好.今次誤打誤撞之下一試確實真係唔得叫左牛扒...7 成熟, 黎到時, 巳經係全熟. 食到一半真係唔得...少少紅色既肉都見唔到~ d 肉好"鞋", 好"un"....服務方面,又係好奇怪~ 因為餐廳既間隔問題, 令到佢地上菜時, 唔會突登行到我張枱黎上菜而係就佢地自己方便, 上菜時係放o係我地隔離枱...要我地自己拎..( 2 個人坐4 人枱)好奇怪,..........................

12號晚,出去接他收工,放工後話同我食扒,hehe.我食了個餐,有我鍾意的龍下湯,好有龍下味,鵝干,個份量都幾大件.田螺很美味,西冷牛扒,肉質很嫩,份量很大,如叫第二個餐有半價

星期日,難得放一個可以離開電腦既日子.於是自己一個出MK搵食.想去食樂園既...但諗諗吓又好似好耐無去扒皇...於是個LOCATION就轉咗啦!坐低咗,叫個SET LUNCH L7西冷湯就叫咗羅宋湯4分:都幾足料!3.5分:跟湯既飽好好味7成既西冷配蒜茸汁4.5分:GREAT,唔錯唔錯.件牛煎得幾有牛肉味.D肉汁好嫩.餐茶要咗杯咖啡.唔..............個WAITER漏咗.不過後尾都有SAY SORRY.整體嚟講.都唔錯.下次可以試吓佢個安格斯.

八月上旬．晴通常寫兩間店子的食評，反響會最大，一是KFC，二是這裡。我總覺得不太差，而坊間食友總是覺得差到貼地，奇。對於這裡，一向認為是worth-the-money的地方，又或者，是我太愛吃牛肉了吧？朋友還飯債，選了這裡，不用煩。要了個牛肋骨肉套餐，簡簡單單。先來的是包及紅湯，湯大大個又烘熱了的，看上去吸引。但吃起上來就韌韌的，毫不鬆軟，吃了一半就算。紅湯還是那樣，味淡，酸，就係咁。牛肋骨扒方面，要了七成熟（在這裡，也請不要說medium-well done吧？），是遵照餐牌上的推薦。吃起上來果然不差，牛肉鬆化，有咬口，也有牛脂甘香。相信肉是醃過的，但以這個價錢，也不會吃到很高級的肉，食客自己也應明白。以這個效果來說，不錯。黑椒汁要了也得過擺字，其實不下醬汁也可以的。薯條幼身，脆口，也好吃。伴碟的是冬瓜及翠肉瓜，非常港式地道。值得一提的是，在這裡喝CASS啤，18元兩支，平霸！以118元的一個套餐而言，我覺得算是交足功課的。

友人叫左個鵝肝配牛柳餐,有埋沙律,都只係$158我豪比佢叫左個美國頂級牛柳9oz就已經要$189兩塊扒好明顯唔可以用同一個標準黎比較啦如果無特別喜好既話,靚牛扒係應該叫medium rare(應該係四成熟左右),係講中文既地方我會自動調節叫五成熟普通既牛扒六七成已經盡喇,因為結果都會差唔多全熟好似聽聞過扒王係自己入口牛扒既,所以我個塊頂級牛柳食得出係靚貨,叫左五成熟,雖然紅紅地已經無血水,但係香得黎又唔會太淋,雖然叫左燒汁,但係我都差唔多全部空口食,已經好夠鮮味,如果佢落少d黑椒落返多少少鹽可能會仲香(個人喜好)友人塊扒叫左六成熟,基本上切開已經無紅色,食落係好淋,但係似用左梳打粉呢,不過都預左啦餐湯好難飲,好彩有塊靚扒補返數(我都覺得聞到好勁既煙味,唔係睇到樓下個食評,仲以為自己錯覺!)

唔算好好食, 不過以百零蚊個牛扒黎講, 我覺得佢冇收多我.我女友叫了一個short rib, 食落都有少少肥膏香, 又唔乾身. 我叫左個咩oak valley tenderloin, 要medium, overcook左少少, 鞋口的纖維多了. 不過都有不少肉汁, 冇變韌. 兩者肉味是正常百零蚊的牛扒. 尚算甜美.

I have experienced good service in Wai Wah branch. I expected the same level of service in other branches.We went to this one after a tired shopping day. The food was more or less the same as the other one in Wai Wah but 1/5 of the steak we ordered was fat (again the most expensive one).The setting of this restaurant was better than Wai Wah with a good view overlooking the streets.However, the service was totally different. The waiters were not cheerful and even gave a dull face to you.We o

好差呀呢間野Ｄ服務！我第一次食飯食到咁想發火嫁咋！話說我今日食飯點菜時已經俾侍應落完單，之後２分鐘唔夠再俾經理入機時問多次食乜都唔緊要…點知上餐湯都上錯〔２白１紅好難記？〕…都未夠經典…係我個餐上檯到食到一半時〔３０分鐘唔到〕出現左下列對話…侍應Ａ：要點餐茶嗎？我：晏ｄ先啦唔該…部長：要點餐茶嗎？我：又問…晏ｄ先啦。經理：要點餐茶嗎？我：究竟要問幾多次，已經問左兩次啦，都話晏ｄ先。經理：哦～我驚你地需要嘛，唔好意思呀下…侍應Ｂ：要點餐茶嗎？我：點啦，我唔想俾人問第五次。大佬～果時間餐廳得幾檯客，你地又唔係想ｄ客快ｄ走你地究竟做緊咩呢？我食完野自然會搵你叫餐茶啦，你地明唔明咁樣好打擾到人地食野嫁？１個係咁２個係咁都算，仲有第３同第４個囉！咁既管理會唔會實在係太差？

晚間在新寶戲院睇戲, 散場選擇以扒醫肚在戲院的斜對面, 就係扒王之王, 餐廳要上樓, 不過好彩有"車立", 都唔駛爬樓梯咁辛苦 環境幾舒服, 雖然燈光唔係好充足, 但勝在樓底高同坐位之間有比較多的空間, 一點都唔焗促我自己食一份厚切西冷扒, 9oz 的, 五成熟, 要黑椒汁, 扒的肉質很好, 沒有任何鬆肉粉加工過, 天然的味道, 牛扒幾juicy, 厚度適中, 我選擇了用鐵板上, 始終比較香, 好食好多! 一份扒收 $148, 但覺得都係值得的因為叫了扒, 所以可以優惠價錢$14 要十粒無殼的田螺肉, 配薯蓉, 味道就... 難食 早知唔叫.. 不過塊扒真係唔錯, 所以even 田螺失敗了, 依然要俾個笑!

好耐無去扒王之王鋸扒了, 個人認為, 扒王之王其實唔係差的好似今云去食佢地個$55 的鑊仔牛柳餐, 塊牛柳勁好食, 肉汁豐富又唔un, 食呢塊扒可以用享受兩個字嚟形容! 呢個價錢, 比去花 x 餐廳食值得好多, 始終會覺得係食緊牛肉, 而唔係用化學物處理過的牛扒仲有個焗田螺都好好味, 加入了香草, 牛油, 薯茸嚟焗, 夠香口, 一碟有半打, 兩個人一人一半, 好快就食哂開到兩點, 半夜肚餓宵夜都仲可以!

今日中午經過扒王，mother見好耐未食過扒,又見到a餐係肉眼牛扒，所以入咝去,mother當然order咗a餐，我就考慮奧華利牛柳定魚柳併豬扒，但見mother有牛，所以就order魚柳併豬扒薯菜，魚柳幾好，唔會有急凍味，豬扒是標明無哮喘藥，味道不錯，可惜太肥。整體來說不錯，對中午$50來說。

之前去開都係花園餐廳同草味牛扒到食今日踢完波同隊友黎左呢間扒王到食..真係..要有比較先會突顯出邊樣好..我系大約7點入座..全間野得幾個人..可謂小貓三四隻我地5個人叫左3個肉眼扒..七成熟1個海鮮焗飯..1個扒王雜扒我食個個係肉眼扒..前菜係餐包(牛油)..白湯/紅湯,,餐飲個餐包係凍既..俾舊牛油黎又溶唔到..同花園餐廳會叮到熱一熱俾你..差好遠餐湯冇咩特別..主角肉眼扒登場..有兩塊勁簿既"扒"係我面前..算啦..可能經濟差..細d..簿d之後再用九牛二虎之力..先可以將塊扒送入口到..確實係過份得離譜,,七成熟..係花園餐廳會見到有少少血..類似翻紅最好味應該係d薯條..奶茶勁多冰不在話下,仲好淡..埋單每人平均75蚊..價錢一般..但係同食物完成唔成正比絕對唔值得呢個價錢..