客家山莊 (Closed)

昨天一行三人去食晚飯，叫了酒釀骨，雜菌炒雞柳，小炒皇和冬瓜盅．酒釀骨－有酒味，幾好雜菌炒雞柳－普通小炒皇－幾好冬瓜盅－最正，ＨＫ＄２８．８０有成八碗份量侍應幾有禮貌，不過冷氣太勁，食物很快結冰

去吃lunch點心setting感覺似快餐店點心味道不俗，但炸物唔掂食唔落，油益味勁款式幾少但勝在平~!

兩個人去吃晚飯，點了酒釀骨，炒菜，瑤柱芙蓉蝦（即賽螃蟹加蝦），兩個白飯，賣單２００元，有點貴．瑤柱芙蓉蝦的蛋白像加了麵粉，不夠滑．其他食品質素一般，似乎四人餐抵食好多．

晚飯點了套餐，梅菜扣肉味道一般，蒸魚則有大條又滑，雞的水準則非常普通，胡椒豬肚湯不夠胡椒味．服務方面：上菜頗慢．

近期雜誌有好多廣告，又係留下派傳單，而且citibank又有9折，抱著一試心態去食。裝條擺設尚算別緻，雖然只得7、8成滿，但好噪，好似酒樓咁。菜色有少少客家特色夾雜其他普通粵菜，不過沒有炒粉麵飯。酒釀排骨：poster話用酒浸了大半日，不過沒有酒味，似一般炸排骨；高湯什菌浸脆瓜：d湯好咸，所以d雜菇太入味。另外有coupon送南瓜蘿蔔絲茶果，反而唔駛錢送的最好食，不過略嫌唔夠多。講到service叫一般啦，不過碟高湯什菌浸脆瓜我懷疑漏單，催了二三次，足足等o左半個鐘先至到，o黎到已經唔想食啦!如果俾我揀，我會揀佢樓上間西湖春天，服務同食物都好好多。

不怕肥膩的我，客家菜的梅菜扣肉是我喜愛之一食品。今天同朋友食局來了這一試。梅菜扣肉--來了一定要試下，半肥瘦的五花腩爆香同梅菜蒸，腩肉肥而不膩。甜梅菜剛好帶起食味，送飯一流。大腸扣風鱔--豬大腸炸香風鱔同煮，味道不錯。白鱔連同蒜子、豬大腸炆，上檯時香味撲鼻嫌肥膩了點。同梅菜扣肉一齊上飽了肚一半，最好一次味。乾貝蘿蔔球--材料是白、紅蘿蔔，挖成小圓球加入用瑤柱上湯煮腍，很爽甜，中和一下肥膩感。脆皮炸大腸--炸得皮脆香口。有糖醋汁或芥末醬汁，比起街邊的小吃店當場好好多。四個人一餐下樓大約二百多，都叫ok抵。環境ok，我們來時不是太多人而已。中式設計帶點新派的裝修。可能會再來。

之前只曾到來飲茶，點心味道幾好，價錢也幾合理。今次來晚飯，七時未到已差不多坐滿，一行五人，點了五個小菜，另加一個冬瓜盅。冬瓜盅鹹了少許，但材料很足，幾好味；沙薑雞很鮮味；梅菜扣肉沒有油淋淋的感覺，吃起來不會覺得很肥膩，反而梅菜略為乾了些；蒸扇貝則一般；炒花枝片及西湖荳腐也幾好味，總括來說整餐晚飯味道也不錯。連白飯茶芥加一，總數也只是四佰八，價錢也不算貴，幾抵食。

上星期與大食Eric光顧, 這裡服務態度好, 味道也好, 人不算多, 而且有非吸煙區, 我喜歡. 但唯一美中不足的是客家山莊沒有客家菜, 只有湯, 生煎飽和三兩款客家菜, 其他菜式其實與廣東小炒無異, 我們想點些比較特別的客家菜也相當困難.最後我們點了:客家生煎飽------表面很油, 但吃時其實並不太油, 不要給它的外表嚇倒($24/6個)芙蓉瑤柱炒蝦仁------蛋白很滑, 蝦仁亦是新鮮貨色, 好吃($68)脆瓜炒肥牛------味道適中, 但牛肉炒得過熟($58)金沙豆腐------炸得很脆的豆腐, 宜趁熱吃, 涼了味道稍遜($38)結帳二百元左右, 也可以一試.

very fresh shrimps!!! we ordered a set dinner with boiled shrimps, one dish of our choice (sweet and sour pork), shark fin soup and rice. within 200 dollars!!!comfy place too.

今日� � 睇到飲食男女介紹故和同事黎食晏, 聽一位非常nice的待應姐姐話開左一個禮拜度, 所以冇乜人知, 都幾易搵位. 我地四個人叫左半隻鹽焗雞($68), 炒年糕($24)和幾個點心: 菜肉脆春卷, 滿天星腸粉, 客家生煎包, 紫晶甜茶果和一個用南瓜做的炸甜品. d點心全部熱辣辣味道亦唔錯, 甜品買相特別甜度適中, 但鹽焗雞的買相和味道均只一般.呢度以前係飽餃店, 現在似乎大致沿用以前飯堂式裝修再加少少, 所以依然有飯堂feel. service都ok,等別係有位姐姐態度好好, 介紹左唔少佢地既特色點心俾我地. 因為新張關係所以依家75折, 我地食餐$170有找, 一人40蚊多d. 飲廣東茶飲到悶, 呢度都係另外一個選擇.