Video
Opening Hours
Today
11:30 - 16:30
17:30 - 22:00
Mon - Sun
11:30 - 16:30
17:30 - 22:00
Public Holiday
11:30 - 16:30
17:30 - 22:00
Public Holiday Eve
11:30 - 16:30
17:30 - 22:00
Above information is for reference only. Please check details with the restaurant.
💰Total $556 HKD/ 3人 HKD (午市)~~~~~~~~~~~~~~~~~~~~~~~~~~~~~~早兩日約左屋企人去沙田飲茶，我就決定帶佢地去我之前食過一次嘅餐廳《唐宮小聚》，呢度嘅點心非常打卡able，除左點心，仲有唔同嘅小炒甜品等。建議來之前都打去/whatsapp 訂定座先，因為當日係星期三平日午市，入座半小時後都坐滿左。~~~~~~~~~~~~食物介紹~~~~~~~~~~~~🤩蘿蔔絲蝴蝶酥 (HKD 59)呢個係用油酥皮包住白蘿蔔絲嘅一款點心，蘿蔔絲食落唔會有渣同苦澀味，而調味都恰好，食完都唔會好口渴。個人幾欣賞佢酥皮，食落酥脆，但又唔會一夾就散。🤩沙田乳鴿 (HKD 49)唐宮嘅其中一款招牌菜就係乳鴿，上枱前廚房預先剪開左一半，並附上手套俾客人可以用手拎住食。剛上菜食個時大家要小心，因為咬落乳鴿嘅肉汁就會流出，小心會「辣親」嘴。乳鴿嘅肉好嫩滑，充滿肉汁，再加上即過即整，上到枱都係熱辣辣，皮脆肉嫩。🤩非常山竹 (HKD 59)望落非常似山竹嘅一款點心，佢嘅外皮包係用糯米粉製成，然後上面插上一枝朱古力百力枝去模仿山竹椗。佢嘅餡係龍蝦汁及蟹肉混合而成，但我食落覺得有啲似粟米肉粒。🤩黑天鵝 (HKD 69)非常靚嘅一款點心，用酥皮點心作天鵝身，再用餅乾條作天鵝頸同頭。其實佢係一款類似韮菜盒子嘅點心，味道無乜特別，但外形夠曬靚。🤩三文魚蘋果酥🍏 (HKD 69)咬落酥皮後會食到輕輕的蘋果味，但奈何內面餡嘅味道令人失望，首先三文魚食落似係整熟咗嘅煙燻三文魚，但三文魚欠缺調味，再者入面有偏重嘅肉桂味，未必個個都啱食。🤩黑金流沙 (HKD 59)顧名思義就係大家食開嘅流沙包，一搣開立刻流出奶黃，但略厭偏重煉奶味。🤩煸四季豆 (HKD 89)幾驚喜嘅一份小炒，夠鑊氣，但又唔會太油膩，調味唔會太鹹，份量一啲都唔小器。🤩得意小豬🐷(HKD 39)最後就決定叫呢度嘅招牌甜品《得意小豬》，佢係一款以小豬為造型製成嘅奶凍，十分得意，口感比起出面嘅奶凍偏硬身少少，應該係因為製作造型嘅需要，味道就較淡，有微微嘅奶香。~~~~~~~~~~~~~~~~~~~~~~~~~~~~~~💰價錢合理🍵飲茶食飯嘅好地方👍個人覺得小菜嘅味道比點心更出色📸食物非常打卡able🤵🏻服務OK
continue reading
（*＾3＾） 放假兩公婆去撐枱腳👅食咗好多個餸，每款都好好食💙蟶子冇得輸🫢有我最鍾意嘅🐷小豬子 甜品，彈吓彈吓幾過癮😍埋單都唔算好貴，但係食得好豐富，滿足🫶🏻
continue reading
辣滷鴨舌（$89）麻辣味，鴨舌彈牙入味，作為開胃前菜一流！沙田乳鴿（$69）酥脆誘人外皮，油香四溢！肉質鮮嫩，入口多汁香脆！果然是必點之選！黑金流沙（$59）黑金外型矜貴，內裡做到流心效果，蛋味香濃滑溜，值得一試！同甘共苦（$89）外皮炸得薄脆咸香，與甘甜涼瓜互相輝映！冰鎮咕咾（$129）造型十分有創意，以冰粒堆成冰山，再放上主菜！色彩繽紛咕嚕肉，內裡柔嫩鮮美，配上清甜的燈籠椒、菠蘿、蕃茄，酸酸甜甜，老少咸宜！意大利黑醋金目鱸（$199）外型非常生動，鱸魚跳躍，炸到外脆內軟，食到魚肉的嫩滑鮮味！黑醋調配得相當有水準，酸甜開胃！炸青豆作為配角都十分脆卜卜！
continue reading
之前到過幾次，都好多人等位，今日（18/11/2023）一早去百貨公司掃貨前，先嚟飲茶補充體力先。食店開十一點半，無在意，十一點已到，先取票，十一點半準時入座。點了非常山竹及和牛啤梨，個樣好吸引，味道都唔錯。黑蒜帶子燒賣，塊蒜片味道唔好食，燒賣肉較鬆鳳眼蝦餃，賣相掂，好靚黑金流沙，超熱，小心辣口冰鎮咕嚕，要由底食起，因有冰鎮既肉較脆口，味道唔錯，食到最尾，醬汁好杰在塊肉上，吊下吊下，倒胃口。原本無叫乳鴿，見枱枱都有叫，就叫一隻試下，好入味，好好食，好彩有叫。
continue reading
我決定帶媽媽去唐宮小聚飲茶度過這個假期。主要食物很不錯，而且有些菜式點心的造型也相當有趣，所以帶她去試試看。首先，我們點了必吃的冰鎮咕嚕肉。每次吃都覺得非常美味。這道咕嚕肉裡面是熱辣辣的，但外部卻是凍的，味道非常棒，而且不油膩，酸酸甜甜的口感非常適合夏天食用。接著點了乳鴿，因為每次看到都覺得必點。味道非常好，皮燒得香脆，非常有風味。另外，他們的山竹造型相當有趣。紫色的外皮是用糯米粉做成的，口感酥脆，有點嚼勁。內餡則是用蟹肉和龍蝦汁，味道相當不錯。還有一道特別的菜肴是鳳眼蝦餃，用了橙色的蝦餃皮，蝦肉口感爽口彈牙，相當特別。需要注意的是，這家餐廳必須人齊才能入座。這次的聚會真是非常愉快，媽咪也非常滿意。下次再來的時候，一定會再次品嚐這些美味的食物。
continue reading