勝香園

Open Now

Now Closed

見呢道咁多人讚, 今日lunch專登去試下係唔係咁把炮去了一個茄牛通, 一個豬排脆脆同一杯凍奶茶, 原來最後一個牛肉都比我食埋, 真好彩茄牛通: 阿姐說因是最後一碗, 牛肉不太夠, 所以多送我一片大腸, 真好人, 而且牛肉也不少啊! 味道當然相當不錯, 好多蕃茄, 湯底又甜又濃, 而且d蕃茄冇苦澀味, 牛肉都好腍, 大腸都唔錯, 通粉彈牙, 好!豬排脆脆: 真係好脆, 豬排好鬆軟, 又香口, 好!凍奶茶: 有點太甜......收貨!!可惜眼闊肚窄, 食唔哂d野, 不過真係好好食的! 抵佢咁多人比笑面

同朋友一向鍾意周圍尋找好o既茶餐\廳同大排檔今次慕名黎呢度食茄牛通/丁, 但係竟然賣晒牛!!唯有轉食茄蛋丁+凍鴛鴦少甜等左好耐先有得食...不過都諒解, 當時見伙記都踢晒腳只有3個字評語: 正到痺!熱辣辣o既番茄, 多次辣親個咀, 個湯濃度好岩, 不過有d味精味, 可能因為叫即食麵啦...不過我個漡底比朋友o既茄蛋通油, 亦都可能係因為公仔麵啦...好大碗, 捧住個肚走...不過我係細食架!飲品只屬一般, 我叫少甜, 但係都好甜朋友o既奶茶, 亦係一般, 但係比我果個好, 朋友怕甜都話唔太甜, 奶味都夠有小插曲, 落單果時伙記好忙, 我地聽到冇牛o既時候大家都呆左, 個伙記等左2兩秒就拎轉身想走, 好在我反應夠快, 即刻轉蛋, 伙記即刻讚我叻女, 朋友亦醒覺快快口落單, 伙記就笑笑口離開。此事睇落好似係好差o既服務態度, 不過個人唔多介意, 始終佢\地真係好忙, 好難慢慢等你諗o既..環境頗熱

7月21日, 星期五天氣好熱, 但無阻我去一試的興致一點去到, 已經人山人海, 好彩等咗一陣就有位叫咗:1. 茄牛蛋麵2. 檸蜜脆3. 凍檸樂茄牛蛋麵, 名不虛傳, 正! 好鮮蕃茄味, 牛肉夠軟, 麵係"一丁", 無得彈!檸蜜脆係幾特別, 值得一試, 但我下次會試吓"混醬多"枝裝可樂+ 檸底, 少見不過, 無冷氣其實都幾辛苦, 秋冬兩委不妨多去

seeing so many people recommending it for so long, yesterday i finally managed to give it a try. Its location is not that hard to find as the others said and luckily there were not many people yesterday, i didn't really need to make an effort to find a seat.I ordered iced milk tea and toast with milk and butter, i finished it in 3 minutes as they are too good, my friend ordered that tomato soup noodles thing and it is good too.i ended up ordered two more toasts for take-away and finished them in

都好耐冇寫食評了...之前睇過d食評,見到勝香園d食評唔錯就想黎試下...去到係12點幾,好多人等位,就行一陣,遲d先食...2點幾,唔使等位,就入左去,叫左碗茄牛通,同枝汽水.茄牛通好大碗,通粉彈牙,茄湯茄味好濃,酸酸地幾開胃,牛肉幾滑,唔un,都唔痴牙,番茄係新鮮番茄,鮮紅,咬落去好多汁,酸得黎係鮮茄汁的酸,唔錯唔錯...至於今次就冇叫檸蜜脆脆,下次黎食一定要試下...因為碗通夠大碗,所以都唔使去玉葉食了...見到隔離d大人都食唔哂碗麵,都知有幾大碗...其實呢d大牌檔都買少見少了,都算係香港的飲食文化,期望呢d大牌檔可以繼續保存落去...

我同朋友們唔想行搭的士, 但係d司機大佬唔識黎...要講九記牛腩先識黎....D檸蜜脆脆, 幾好食但一定要即刻食! 如果唔係好快就un!茄牛通, 個湯底夠晒酸, 我鍾意! 但d牛肉略嫌鞋口....唔好飲檸底既野! d檸檬都唔知係咪變壞左, 我飲檸樂都好"夾"!!落單亞姐落錯晒d野, 好似收多左我地錢tim. 不過亞姐都幾好人既...

跟友人有要事要到中環辦, 一早便計劃辦完事到這裏tea一tea先由上環永安走到中區警署, 再走回勝香園這小茶檔真的有夠隱蔽的.....汗流浹背的我們叫了一個茄餐蛋通, 檸蜜脆脆, 凍奶茶, 凍咖啡.味道很好. 茄味濃郁.檸蜜脆脆是香港少見的特式小食. 檸檬牛油配脆脆麵包, 味道很好.埋單44是不是收平了?

今日去食下午茶!4:30pm竟然無乜人喎!少可!叫咗鮮茄餐肉大腸通、檸蜜脆脆、凍奶茶!茄通越黎越好味!個湯低越黎越濃!好味道!第一次食檸蜜脆脆，甜甜酸酸，啱晒我胃口，好味道!今日少咗人，Ｄ野食更加好味!

magazine 時常影到明星去果度食.又話果度的tomato 湯通粉好味. 但... 我覺得都係一般. 講真,如果你買佢用開果隻tomato 汁(我見到一罐罐0係度), 我相信自己都可以做到一樣. 同埋, 個味都吾係話好好, 都係一般.冇特別. 總之,我吾suggect 大家專燈去果度食. Also, 位吾算多,d 人做野懶懶閒閒.

個日約個朋友一起去做Yoga,所以早少少去到. 星期六大約一點幾到, 都已經有好多人不過都有位. 因為本身自己住得好遠同埋佢收好早,星期日吾開,所以吾係成日有得食.但一到2點,喲人就開始多喇,真好彩早喲到,吾係都食吾到呀, 我今次食檸蜜脆脆,第一次食, 果然吾錯呀!麵包烘得微焦,D邊位脆卜卜,甜甜酸酸嘅感覺,好得意呀,仲有叫奶油密多,正呀!

其實一直以來，筆者認為好味的東西不外乎兩種；一種是習慣了，生活的一部份及情義結，包括屋企樓下大排檔，阿媽煮的飯菜，走鬼檔....；另一種是可帶給你驚喜的美食，例如筆者所言，最簡單的食材要將它做得很難入口的話，功夫都要好到家；但相反，可給你的驚喜的機會亦相對減底。固當自已品嘗過越多食物，驚喜越來越小時，才發覺美味的食物將會越來越小。當然，美味及好食是兩回事，例如牡丹樓的速食，極其量是好食，不能算為美食一樣。入正題，茄牛蛋通的食材最簡單及可預算，但勝香園的是可帶給筆記驚喜的一間食肆，牛肉不是化學制品、煎蛋是脆口、通粉不過腍、最主打的湯底是最認真的；在現今的食肆，追求快速、利潤及底成本，故慢慢我們要迫於接受老一輩食肆師傅不會接受的烹調技巧。故品嘗這裡的茄牛蛋通時，每口能吃出驚喜，美味。環境一項無疑難以高分，但始終路邊大排檔，買小見小。

琴日繼續跟女友一家四處遊，下晝帶佢哋去咗九如坊，一去到，女友大家姐一家去咗對面九記，而我就跟女友及佢媽咪嚟呢度食蕃茄湯麵。我自己當然係嚟過無數次la，但佢媽咪就第一次嚟，女友都係嚟過一次。機會難得，當然要叫多D嘢食la..叫咗三個蕃茄湯嘢(一個雞翼麵及一個豬扒米係俾女友及佢媽咪，自己就食大腸雞翼通)，個湯底依然份量十足，真係食蕃茄都食飽，女友媽咪都讚個湯底特別。可能人多關係，個雞翼就煎得唔夠香；D大腸當然係無得頂la，出面普通茶餐廳係食唔到呢款腸嘅，very good.....再叫多一個檸蜜脆脆，麵包烘得微焦，D邊位脆卜卜，係明符其實嘅脆脆，但內裏又十分軟熟，配合搽上去嘅蜜糖及搾上去嘅檸汁，甜甜酸酸嘅感覺確實無以尚之。埋單八十蚊(連兩杯嘢飲)，最佳享受^_^

識得黎呢到食係睇左openrice呢個網之後,食左年幾有多,食過不下十數次,以我住新界區黎講,已經算係異數,記得第一次黎食係自己1個人盲"忠忠"黎食,之後陸續帶過好多朋友家人黎食,無一不讚不絕口22/5(一)放學之後雖然落好大雨陪好朋友黎中環做body check,既然身在中環,當然堅持黎食叫左2碗餐肉大腸丁x2,檸蜜脆脆,凍奶茶同凍華田大腸係我極力推介既item,我係第2到未食過呢隻腸,我媽咪話佢細個食過,介乎火腿同腸之間既口感,特別又餘又好味道如果食厭豬扒脆脆,可以試一試檸蜜脆脆,包你胃口大開好朋友食完又再一次讚不絕口,每次食完都諗定下次幾時再黎食

第一次去，好彩都唔難搵！去到勝香園己經2:00P,但估唔到都仲要排隊呀！枱面冇餐\牌！好采係哩到做功\課，如果唔係都唔知點叫！雜麥多- 好味！蕃茄豬扒公仔麵- 蕃茄同公仔麵都好味腸蛋通- 通粉唔好味，都係公仔麵好食D因為人太多，叫一樣食物都要等好耐先有！

終於都黎試左啦....不過真係好多人....叫左茄牛通、檸蜜脆脆、涷奶茶茄牛通: 其實我覺得冇咩特別....不過好大碗...茄味唔係十分突出，d牛肉係幾稔檸蜜脆脆: 好好食...唔知點形容...好脆...又唔會太甜涷奶茶:我覺得一般啦...同其他茶餐廳差唔多....不過好甜