新記越式牛肉粉

Open Now

Now Closed

在重建地段的食肆荒漠中，若你渴望一碗熱騰騰的越南河粉，「新記」幾乎是唯一的選擇。店內採用自助下單系統，操作簡單，客人不多，點餐後不消幾分鐘便可開餐。主打的生牛肉河粉可選不同湯底，當日選了牛肉湯底，清甜中帶有淡淡香料氣息。牛肉切得薄身，放入熱湯即熟，口感嫩滑。配料方面，芽菜、九層塔和青檸一應俱全，可按個人口味自由調整，增添層次。迷你春卷外皮香脆，內餡飽滿，配上生菜一同食用，口感清新。份量不多，適合當作輕食。店舖面積不小，座位寬敞。不少客人獨自前來，一邊用餐一邊煲劇，彷彿這裡是他們的日常避風港。

今日好想食越南粉，我就嚟咗呢間位於青山道468號地下3-5號鋪嘅越南粉店舖食，我由佢以前舊鋪幫襯到佢搬新鋪，地方大咗好多，座位尚算寬敞，因為佢位於工廠區附近，唔知係咪今日假期，唔駛等位就可以入座，我今日叫咗我最愛嘅生牛肉湯檬粉，牛肉湯底好香濃，肉質好嫩滑、好腍，好有牛肉味道，配埋青檸，辣椒粒，金不換，洋蔥，蔥粒，另外我會加埋魚露，酸酸甜甜，特別惹味！整體食物好食，店員服務態度非常好，常常笑臉迎人，已幫襯過好多次，亦已推介過朋友嚟食，朋友都覺得好食，我會繼續推介多啲人嚟食！😋

午餐時段入座，不用等候，直接入座。手機QR code落單，有湯河/飯揀，點了一份豬頸肉金邊粉。豬頸肉沒有想像中的焦邊，肉的口感一般，分量是足夠的。金邊粉和湯也一般，感覺是沒有落味精的，但味道較為清淡，也不太符合個人口味。熱飲加$5，凍飲加$8也不太抵。上菜速度正常，整體不過不失。

本身超鍾意食越南粉，走訪食唔同既越南餐廳呢間既豬扒係我心目中係第一最愛佢以前係間細啲既舖頭，係青山道260-266號個邊，我已經成日食，不惜lunch 行十幾分鐘去食。得知係新地址重開，超開心🥳係新記，基本上我只會食香茅豬扒河粉其他野我無食過就評唔到啦好彩，豬扒冇因為搬舖頭而改變豬扒大塊，好香又juice，一啲都唔乾唔鞋唔韌。加上蔥油，更香。本身河粉配雞湯，可以揀轉牛湯，但我覺得最夾都係雞湯價錢合理，$56 （湯粉+凍飲）不收加一依家再先進啲，已經可以用手機落單會繼續支持😚

店舖多位，地方大，光猛，店員主動👍飲用水以自助形式提供椰青$36 清甜，椰肉鮮嫩👍香茅雞翼 $52 6隻，不過都幾重雪味🤨香茅豬頸肉沙律 $53份量比較少，菜唔多，但汁多……過多

街坊越南菜館，一碗粉大約50-60元，沙律小食類都差不多是$50 上下。食粉加$5 有熱飲。我食火車頭金邊粉貪佢樣樣餸都有啲。不過真係樣樣都有少少，餸唔多，金邊粉好多。佢跟粉面自動會俾碗芽菜，青檸，金不換。不過唔好彩，我碗配菜倒咗落我碗麵之後發覺有隻嘢喺度行，細細隻，不過街坊菜館算數啦，我都冇出聲，希望店舖留意番衛生情況。至於小食方面，叫咗幾款，咁我影咗既有雞翼，一份有六隻，味道比較淡，牛油味唔足夠，蒜蓉味較多。沙律就比較失望，醬汁太多，份量唔多，細細一碗。服務方面：因為冇乜需要服務，水係自己拎嘅，其他嘢都放咗喺枱面，不過店員好親切有禮貌。間舖頭好光猛，坐得都舒服。

今日喺深水埗行吓，見到呢間新開嘅越南餐廳見到菜單價錢都合理，所以就黎試吓今次叫咗一個湯河，－個撈檬，兩個小食！真係失望😮‍💨火車頭河粉❌，河粉碎濕濕，湯頭無味，餸料老到好似柴皮咁。可能加咗底，湯汁一陣間就被河粉吸乾哂傳統炸春卷⭕️，味道最好，味道正常，夾住生菜一齊食算係可口豬扒撈檬❌，豬扒俾梳打粉拿度無晒肉味，成個感覺就好似食緊山竹牛肉咁香茅雞翼❌，完全冇香茅味，只可以話夠熱係佢唯一特點真係唔會再幫襯第二次

之前舊舖已經一直幫襯開，突然執咗，一直搵唔返第二間可以代替，就算過$100一碗都唔及新記好食✌🏻而家重開之後地方大咗坐得舒服啲，食物質素不比以前差，最喜歡吃生牛牛腩湯河，濃郁牛骨湯底，滿滿牛味，分量亦偏大，每次都要叫少啲粉；小食最喜歡牛油雞翼，大大隻，即叫即炸，再重啲牛油味就更好。另一可惜之處就係冇供應越南蒸粉包。新鋪仲加咗免費供應飲用水，貼心🫶🏻，服務態度友善，真正平靚正，想食越南河粉就會諗起佢🥢

今日lunch 同同事又出去食，佢就建議不如食新記，我未試過，又可以試下新野！嗌左碗香茅豬扒撈檬，豬扒炸到好香口，但又好軟，有驚喜！體行同事就嗌左碗生牛肉牛丸湯河，味道都不錯

之前喺舊舖幫襯左幾年，之後突然有一日佢消失咗，仲以為佢哋唔做添! 點知今日喺公司附近行吓睇吓食乜嘢，俾我見到佢開咗喺我公司附近，我梗係二話不說即刻入去食啦！新鋪入面大咗，而以前舊員工都仲喺度，依然笑臉迎人，四眼哥哥話原來上年九月已經開張，可能我太少行嗰個位，唔係好留意到。我之後會多啲幫襯㗎啦！我叫咗我個例牌火車頭湯河，不過就冇咗凍檸賓，食物依然同以前一樣冇變，新記加油，繼續保持食物質素同有善嘅服務態度。

舊店搬遷終於搵到,好食過好多越南店,湯底足料牛湯,生牛肉滑嫩,配料新鮮可加或不加入湯底,今次只叫生牛河一碗一杯凍檬茶只收六十大元👍😉下午十二点左右去店內人客已有八乘入座率,見葱油豬扒飯都多人食,下次再去試下

➖ 鮮蔬香茅雞扒撈檬天氣熱既時候食返碗撈檬就岩哂，大量紅白蘿蔔絲同生菜絲再配上小小酸酸地既撈檬食落清新又開胃。雞扒厚切啖啖肉味道調配得岩岩好唔會勁重香茅味，所以我每次黎食都淨係食佢用雞扒配搭既野🪧 食左呢間好多年但前排執左，仲以為以後都食唔返呢塊雞扒原來只係細舖搬大舖，好在撈檬同雞扒既水準份量都仲保持到

新開張第一日，之前舊鋪吃過好多次，見新鋪開左即刻去支持下。轉左好似大X樂咁，要門口點餐先，之後再自己拎餐，其實呢個係冇問題，問題係啲台面好多上手吃完既野冇人執，新開張唔夠人諒解。講下野吃，個生牛肉河，河粉份量小，牛肉又小，俾舊鋪貴10蚊度，最緊要係個湯，暖偏凍，重味精。浸住啲牛肉…位置唔係中心位，又貴，性價比不予置評。冇下次。

見佢新開張，好多人排隊，今日同啲同事去試下12點35分已經打電話去叫外賣，足足等左30分鐘都未有叫左個香茅雞翼，完全無味，不過好彩夠熱，跟住個湯超多味精打工仔得一個鐘食飯，要等咁耐，我下次真係唔會再幫襯

換咗大鋪，環境坐得舒服咗，不過人手好似需要增加下。嘢食方面，不過不失，河粉依然好味，不過可能做唔切，豬扒感受唔係即煎既，而係整定係度既，新開返，又大間咗，都可以體諒既。希望上手愈好似之前咁喇，個陣見舊鋪轉左手，我都幾唔開心架以為冇得食。扎肉米卷係必叫外賣返屋企