歇腳亭 (渣華商業中心) (Moved) New Location

見門口好大個易拉架宣傳有台灣燒仙草賣，寫住燒仙草嘅配料有芋圓、蕃薯粒、大小珍珠、紅豆。我問店員可唔可以走珍珠，佢望咗好耐，好似唔知有呢樣產品咁，佢跟住去同另一店員講，最後確認係可以唔要珍珠。外賣等得唔耐，仲好重手，點知一食先發現唔止走珍珠，係得返燒仙草、紅豆同白色嘅丸子（我唔知係咩，都係煙韌口感）。碗嘢成$36，一粒芋圓都冇，勁搵笨。*我提交嘅相片係我自己加咗奶撈埋嚟食，佢本身係冇奶。睇返2019年有個食評讚燒仙草配料好豐富，我就冇咁好彩喇，如果一早知道冇芋圓，我根本唔會幫襯，未食過一碗燒仙草係得紅豆同丸子，啲白色丸子仲要痴埋一大嚿咁，煮得勁差，好冇心機，倒自己米咁。呢個價錢好唔值，寧願買花斑茶社嘅芋圓仙草好過，人哋咁多分店都做到出品水準一致，足料又好食。我今次只係貪就腳先幫襯，點知就中伏。想食芋圓嘅朋友要小心。

唔好幫襯間中伏店！工人姐姐幫我落去買杯熱既香芋鮮奶即餐牌上既手感芋頭鮮奶，亦係唯一一款既芋頭鮮奶，點知返到屋企工人姐姐比我果杯完全唔知咩垃圾黎，當時正值就嚟收鋪時間，懷疑員工唔知係咪趕收工求其整杯有芋頭既水 就交貨，同我之前買既味道所有野都唔同，之前買既有粒粒芋頭係入面，呢杯係直頭第二款第二杯野黎！離晒大譜！我叫工人姐姐落去換，同佢講比錯，但我工人姐姐係同佢講taro milk 同埋佢餐牌只有一隻款芋頭鮮奶，其實都無理由可以錯！個職員錄音我聽話唔換得！仲要補錢都唔得！要重新買！差都無人有呢間鋪！不知所謂！千祈咪幫襯叫野飲都可以中伏！

我本身電話外賣咗三杯嘢飲，預備10分鐘後領取， 但我去到時候係雖然已經15分鐘，但佢一杯都仲未整🤔仲整緊其他客人剛下單嘅嘢飲，當我詢問領取飲品時，店員才開始整我三杯嘢飲，令到我需要使用30分鐘才可以領取飲品🤦🏻‍♀️但問題係我係第一位落單，而後面那兩位是之後才來下單，令到我趕唔切係預定時間內搭車😵而且店員還把我的飲品弄錯，係我嘅詢問下佢才肯去重新用新的食材重新製作，電話落單嘅意義完全沒有🥲

大路預制飲品，普通，價錢稍貴分別買佐桂圓紅棗茶及薑母奶茶。預制產品加糖漿/熱水，同三合一咖啡咁。品質普通，價錢稍貴環境算干淨企理。職員服務普通，標準。不過，門口寫住買二減一，但職員忘記減俾我

有天在附近工程，因此很久沒有過海的歷史終於過去，於是查找看看北角有什麼好吃。吃完青藏牛肉麵都不算十級飽，而且現在的夏天日日30幾度，我也難免覺得比較炎熱，於是就看看有什麼好喝，不過咖啡店生怕等得久，二來又要喝熱咖啡的話會更加熱，於是就隨便點了杯咖啡凍奶茶。咖啡凍奶茶，奶茶的味道起初也不錯，不過當冰粒溶化了，去到半杯以下的都已經比較淡，比較可惜，不過咖啡凍奶茶的長處就是咖啡凍夠多，而且不會像珍珠一般，浸得耐會軟林了。

台灣燒仙草$30好抵食喔, 我俾8分有芋圓、地瓜圓、金番薯、紅豆丶珍珠、仙草等好多料, 當一個午餐都夠呀, 唯一美中不足嘅係唔夠熱, 如果可以煮得熱d就9分la午市多人, 職員都好好禮貌👍👍👍

近期食乜飲乜都要黑糖，連Sharetea都有出左2款一杯好飲的黑糖厚鮮奶，個人認為應該奶味濃而且奶比較挺身，才能做出厚奶的感覺黑糖味不能太甜，最好就是珍珠都用黑糖煮過Sharetea的黑糖厚鮮奶奶味不算好濃好厚，係完整盒裝鮮奶口感，或許是沒有冷霜添加，是否正宗，見仁見智不過重點是冰量太多，弄淡了整杯飲品之餘，冰粒太大，也令原來已較輕身的鮮奶，飲落更不平均，但每搖均一次，味道又淡一次（現在知道碎冰的重要性）黑糖珍珠味道是ok好味的，珍珠帶有微微黑糖味不過...整體還是被冰水打了折扣總結：無理由次次飲杯野都要排成個鐘隊，如果口痕肚餓，即買即飲，再少埋冰，其實也飲得過

I had this tea at Taipei in last year. many ppl lined up there.new coming to North point, near IBIS hotel.it's good for enjoying Taiwan tea, but the pricing is so higher than Taiwan price....the tasting is very good, not sweet.but price is too high, then I think low CP.