上海小館 (Closed)

終於都癲娜，聽日後日大後日繼續操！閉關練功，心情不爽！情緒欠佳！勿擾！謝謝。操完又白廢，忍唔到口勁胃食無得醫，怪您過份美味無辦法。行去燉奶佬想食西冷無位。行去串燒妹想食大麻辣湯又無位。行去蛇王兄想飲蛇湯食蛇羹，點知突然無開。轉彎去潮興旺想食個魚蛋麵算，拉左閘？原來裝修下個月先開返！有無咁黑仔呀，最終回歸上海小館。情緒惡劣，要飲可樂去去負能量！十一點的晚飯，好疲倦唔想煮，指定菜色酸辣湯，無得頂 ﹗操得咁辛苦梗係要奬勵下自己，勁多料酸辣湯、勁厚蝦仁炒蛋，好耐無試過飽到想嘔既感覺喇，莫非我近來排細食左？酸辣湯，質素保持不變，超多料超好味 ﹗勁酸勁辣，味道特濃，厚薄剛剛好！配料豐富到不得了，塞到滿滿呢。豬大腸、木耳、肉絲、豬大腸、蝦仁、豆腐、筍絲、蛋花，味道非常豐富，不同質感盡在其中，回味無窮。實在太好飲喇，急不及待要全部立即倒晒落肚，熱騰騰滾熱辣燙到起水泡喇 ﹗師傅係咪我成個月無黎，所以加料炮製呢？比平時更多料，成碗湯係滿料！仲多左豬大腸，味道更豐富香甜，夠酸夠辣超級好味！酸辣湯麵，飲勻省港澳，頂級永遠滿分的酸辣湯只得此間！次次都係淨湯，酸辣湯麵第一次試。完全無偷功減料，味道及配料跟我飲開既

呢間上海店係我平時夜晚最常去既餐廳皆因真心平靚正不論多人去食定小人去食都有不同既選擇而且過左9點半仲有宵夜時段就仲抵食我必叫既都為雞絲粉皮同小籠包仲有佢既酸辣湯都唔錯既如果想清淡啲又有粥食所以想平平地食個飯，呢度都係唔錯既

聽朋友講，上水有間上水野幾出名，我地搵搵下，原來係我地屋企附近架咋！門面係一間懷舊feel既餐廳，入面無乜裝修，都比較簡陋，但係價錢親民，今日就試一試！Lunch time都要排隊喎，證明質素不錯呀，我叫左個獅子頭客飯，客飯仲送個湯，蓮藕湯。湯味道一般，比較淡味，但係湯面油份不多，都值得飲～主菜黎啦，好多菜，雖然只有一舊肉，但係獻汁相當出色，好濃味，獅子頭內夾雜獅肥豬肉，令咬起黎有嚼勁，一味瘦肉唔好食既！一個獅子頭點可以滿足到我地呢？我地仲叫左條炸銀絲卷，呢度最好就係煉奶任添！雖則係炸，但係油絕對唔多！銀絲卷好軟熟，皮亦炸得好脆，就算放得耐啲都唔會出水。我見到店員同啲食客有傾有講，相信舖頭都係sell人情味，做下熟客咁，如果有時間，可以幫襯下d細舖，支持下佢地～

說起來，自從轉換了工作地點後，已經很少機會過來上海小館了。今次中午到上水買東西，正好順道重臨。客飯都不用$40，算是便宜了。回鍋牛肉夠鑊氣，而且用牛肉代替五花腩是健康少少，蘸點一下豆瓣醬，辣辣地更加刺激味蕾，用來伴飯一流。例湯是蓮藕湯，亦都夠火喉，湯渣的蓮藕片加點豉油，都不能放過。也許這些小店，就只能在舊區中殘存，難保又頂不住貴租而結業。

一行5人食午餐，呢條街好多食店，剛好呢間門口有車位， 舊式上海店，格局近菜館，粉紅枱布，店員自己食緊午飯，仲好好人咁話幫眼睇車！大家各叫自己喜歡嘅食物分享！ 小籠包（$65）一籠10隻，椰菜葉墊底，小籠包皮較厚，鮮肉新鮮多汁！點黑醋好味！ 麻婆豆腐（$42）好大一盤，豆腐嫩滑，豆瓣醬汁微辣開胃，撈飯一流！ 担担麵（$20）幼麵彈牙，已經剪開，不過花生味唔濃，湯底味道唔夠濃，所以唔夠味！炒鱔糊（$32）好濃好杰，鱔肉彈牙，最喜歡用銀芽炒，撈埋汁爽脆好味！ 酸辣湯粗麵：我試飲少許酸辣湯，一湯匙已經好多料，豬皮木耳絲爽脆，豆腐嫩滑，湯底微辣，酸酸地開胃！ 回鍋肉（$32）醬汁唔夠濃味，椰菜太大塊，好硬，肉塊唔夠嫩，唔夠味！ 紅燒肉（$32）自己唔太喜歡紅燒，所以只食了一件豆卜，豆卜爽晒醬汁，醬汁香濃，濃味又唔會過鹹！食物幾好，店員親切！又肯睇車又有笑容！好開心嘅一餐！

今日突然想食擔擔麵，去左2年無食過既上海菜館。入去到有陣好怪既味，可能係臭粉既味，無理咁多就坐底左，叫左個擔擔麵，排骨炒年糕，豆沙鍋餅竟然係豆沙鍋餅上先，無計，只有好食啦，餅底整得非常差，好吸油但唔鬆化，食左兩件就要停手。 跟住既炒年糕味道正常，係油少少，都可以，排骨就差D啦最後擔擔麵，算係最好食，麵質剛好，少辣，同埋只賣廿蚊，平過豆沙鍋餅！！！無黎兩年，差左咁多。。。今次應該最後一次啦。。。

小公主其實係北區都住左好多年但竟然一次都無黎過呢間上海小館食野咁岩果晚屋企無飯食，就去左試下喇上海小館裝修無咩特別就係舊式食店既樣不過而家呢D舊店買少見少(由其是咩都變哂藥房既上水)所以反而有種莫名既親切感係到店員好友善見我地好似無咩頭緒都介紹左D餸菜比我地麻婆豆腐 $42一至五都會有唔同既特價菜式當日星期四就係麻婆豆腐肉醬夠香夠辣，只係豆腐唔夠滑不過因為咁豆腐相對比較硬身所以唔會一 ‘筆’ 就爛哂奶油津白 $60奶油津白係小公主好鍾意食既菜之一不過係街都唔係咁易搵到呢到既奶油津白比較Creamy津白既甜加埋奶油既香真係好夾好好味灑係菜面既金華火腿粒亦令道菜更有層次咕嚕肉 $60呢到用豬扒肉黎整咬落去啖啖肉，而豬扒都好鬆唔硬醬汁唔錯唔會太酸，合格有餘酸辣雲吞 $42酸辣湯好足料而且味道幾平衡，唔會太辣/太酸不過我始終都係念念不忘燕雲莊既酸辣湯而雲吞就普普通通無咩特別只係個皮有d厚整體食物都唔錯而且店員有禮貌(舊式老店好難得架)價錢亦都好公道，岩哂區內街坊各位北區朋友幫襯下呢d小店好過又比錢d大財團啦

今日下雨天,冇得外遊,幸好都可以同小比食返餐,今天選了傳統的上海館,沒有什麼裝修,先來豆沙鍋餅,好脆,但豆沙不平均,一半有一半冇,豆沙也算夠甜,再來鍋貼,肉有鮮咩,唔錯,但小比話皮太厚,小籠包,我覺得麻麻地,冇咩肉汁湯汁,皮也不夠簿,奶油津白,比較油,但帶有金華火腿乾,幾可口,總結味道一般,同傳統餐館一樣,冇咩服務,同繁忙時間要搭桌

每個星期至少有一日會在上水外出晚飯。差不多所以的餐廳都吃了一遍。 今次和男朋友外出，碰巧特別的想吃小籠包就來到了傳統小店-上海小館。 (之前機緣巧合買了一次外賣，是酸甜排骨加炸雲吞)甫入內，就發覺門口左邊是小籠包及鍋貼等小食的小小廚房。六時左右還沒有很多人，不用等就能坐下。餐牌分幾款食物，豬、牛、海鮮、麵食、飯類、年糕、小炒、小食、甜品等。花多眼亂，全部都是字！建議可加食物圖片供參考！小籠包是必須要吃的。可惜到最後才姗姗來遲，差不多吃飽才出現，而且皮較厚，比較濟，沒有吃完之後點了糖醋排骨，即是糖醋豬排！近期愛上了酸酸甜甜的食物呢。上枱後覺得比較像酸甜。。份量大而且好吃。之後點了上海粗炒和生煎包。 上海粗炒色水夠味道亦夠，不過吃下去有鹹水味。。但無礙味道生煎包一客4件，煎得夠脆肉餡多汁又鮮，一人吃了三個呢！

行完山之後返上水, 在搭巴士的途中突然好想食小籠包, 但上水究竟有邊度可以食到?搜尋一下後, 發現上水竟然有一間專做上海食物的餐廳, 而且評價上的價錢不錯, 所以我要一試。小籠包- 一籠有10件, 而且好平, 心想應該不要有太大期望...但.....都幾好味喎, 湯汁有不少, 皮又薄, 肉都算鬆軟有咸香。雲吞雞- 愛飲湯的我, 就算黎幾大碗, 我都可以飲得哂, 但點知......好大大碗呀~好厲害, 只叫半隻雞, 仍然分量十足, 人少少得兩個,食極都見唔到底, 相信半隻雞的分量都足夠4人用。有雲吞, 小唐菜, 半隻雞, 有少少金華火腿。湯底好濃, 比平時開的清雞湯更濃更稠。入口雞油香好豐富, 其他配料都一同煲, 菜甜都落到湯, 雲吞就相信是後加, 所以只有自身的豬肉味。難忘的一餐, 兩個人食到5人分量的食物, 而且價錢都只是200多D, 真係又平又抵食

20年以前上海小館係我每次到上水都必食既餐廳, 今日又去妹妹屋企, 想試下佢地既拿手好菜, 所以叫左外賣上黎食係一個扒骨擔擔麵, 上海菜之前有名既菜色, 以前亦好好食, 今次再食, 真係差左...個湯底都仲係好似以前咁油, 但花生醬味道唔夠, 辣味都不足, 變左一個好油既上海麵...而扒骨更加不堪, 食既時候竟然係涼的! 而且油益味重, 可能係入袋之前翻叮過就算...食落冇肉味, 非常失望

不知從何時開始，上水早已淪陷為大陸水貨客的天堂，港鐵站各處總會擠滿內地人，拖著一箱箱「貨物」在游走，但幸好踫著當日放假，約了在上水工作的朋友吃午飯，我方可窺見上水依舊純樸，保持故我的一面。避過熙來攘往連接著商場的天穚，沿著龍運街一直走，可體會到一個小社區仍在依循自己的方式生存，各式各樣的小商舖甚為可愛。一拐彎轉進馬會道，原來別有洞天，一旁盡是特色食店，當中看來不起眼卻充滿懷舊風味的上海小館，似是滯留在往日的時光，不論門裡門外的餐牌都是人手寫上，從字跡勁度已見功夫。我與朋友都不是大胃之人，當日只點了鱔糊面、三絲冷面，以及「例牌」之選鍋貼。雖說是「例牌」，但這與平常台式專門店所賣的絕不苟同，這鍋貼是傳統的造法，外皮較厚實，食起來會有淡淡麵粉香，包住裡面的豬肉餡沒有很滿， 但與外皮的比例剛剛好，感覺平凡又滿足。點了三絲冷麵，只純綷為滿足好奇心，想知道上海的冷麵是長什麼樣子。原來上海冷麵有點像平時食的「撈撈」，而麵身根根飽滿沒有糊在一起，充滿嚼勁，每根麵條沾滿濃郁的花生麻醬，伴著爽口的芽荳、雞絲，口感豐富。在冬天吃著這上海冷麵絕無違和感，會愈食愈香，愈食愈起勁。而我對這道鱔糊面就較為失望，整道

上海小籠包，外賣既質數始終係差少少，攞到返屋企又凍又濕，新鮮出爐即食當然係最好味架啦 ﹗雖則未稱得上係 100% 灌湯小籠包，但係肉汁絕對唔會輸蝕 ﹗原粒小籠包點一點醋降降溫就可以成粒啪入口，溫度剛剛燙咀就最正 ﹗豬肉味濃，質地鬆軟，肉汁都豐富且濕潤，非常滿意 ﹗小籠包前食左碗酸辣米線唔多夠飽，最初去左川滬想買鍋貼食，點知叫左幾次個大陸阿姐侍應都唔鬼應我 ﹗? 後面個大陸肥妹侍應即擰轉面當睇唔到，真利害 ﹗好巴閉咩，唔食您啦 ﹗依家一定要食您地 HKD11 蚊 5 隻凍冰冰鍋貼架？﹗我依去食 HKD60 蚊籠 10 隻熱辣辣小籠包呀 ﹗哼 ﹗

酸辣湯，我真係好鍾意飲上海小館既酸辣湯架 ﹗始終受唔住誘惑，每次都要 order 呀 ﹗每次都超落足料又美味，味道香濃而厚薄適中，而且夠酸又夠辣。熱騰騰奉上，今次唔夠酸唔夠辣喎，好采只係唔係差太遠啫，自己都唔洗再加味，依家都好好飲。依舊足料款客，蝦仔、木耳、豬皮、豬紅、豆腐、等等，即叫即做滾熱辣，厚薄剛剛好，機乎次次都燙到起水泡呀 ﹗我已急不及待倒入口喇，所以經常都淥到起水泡呢 ﹗因為實在太好飲，要即刻倒晒落肚先放心囉 ﹗ 奶油津白，燴得非常香甜又軟棉又多汁 ﹗推介 ﹗好好味呀 ﹗奶油勁濃郁，加上津白天鮮既鮮甜，邊有得輸呀 ﹗估唔到仲落埋腿蓉點綴一番，食落陣陣咸香，甜甜咸咸既衝擊，味道更加精采 ﹗想起大埔紅洋蔥上海菜館係用鮮火腿替代金華花腿，都幾有趣，哈哈 ﹗雞油白菜，今晚無豆苗、無菜芯，是但白菜囉，還掂又未係依度試過。原來上海既雞油菜係有埋雞柳架？不過廣東淨用雞油乍喎，今次有肉食，好開心呀 ﹗厚濃既玻璃芡完完全全包住棵白菜，堅有上海菜風格 ﹗白菜烚得外爽內腍又熱辣辣，味道鮮甜多汁。可能因為有厚厚既玻璃芡保護住，所以就算由頭食到最尾，白菜依然能夠保持高溫，高深莫測 ﹗雞柳雞油同炒，更加

酸辣湯，超足料又好味，夠酸夠辣又香噴噴！所以黎幫襯左無數次，每次都會叫酸辣湯飲 ﹗咁耐只係失手過一次乍，要我自己加醋加辣油先得，不過一向都水準穩定，無事既 ﹗清炒脆鱔，第一次試，我堅以為清炒即係淨用油鹽炒添，原來都會落紅燒醬架喎 ﹗黃鱔肉彈牙又嫩滑，明顯係新鮮貨，紅燒汁剛好包住鱔柳，味道一淡一濃恰到好處 ﹗值得一試。糖醋魚塊，賣相同上次糖醋排骨機乎一樣 ﹗咀啖魚塊先，嘩 ﹗好鮮嫩喎 ﹗唔會係剛剛新鮮炸起掛 ﹗外賣炸得鬆化，裡面魚肉滑溜，好味噃 ﹗甜酸汁比例剛好又唔會太嗆。上海小籠包，並不是灌湯類，好采食落都不失肉汁，濕潤軟棉味濃既豬肉餡，滿意 ﹗必定要趁熱食，一凍左就變得又硬又乾架喇 ﹗棒棒雞，到底係咩黎架呢？問侍應妹妹佢又演釋唔到出黎，無緊要 ﹗Order 黎試吓囉。上枱喇 ﹗唓，其實係雞絲粉皮加左辣椒油之麻，點解叫仗棒棒雞呢？唔通因為粉皮卷起似碌奉？味道同傳統雞絲粉皮甜甜的帶點花生味無太大分別，只係多左少少辣味。做前菜都幾好，夠醒胃，可以一試。水煮脆鯇片，點解湯係啡色既？咬落脆鯇片又乾又鞋又多骨，硬而不脆 ﹗完全煮到過晒火 ﹗淡淡魚味，微辣帶少少花椒麻味！芽菜墊底，我仲期待會有粉絲