喜食 (Closed)

這絕非『發放不實﹑捏造事實﹑惡意 猜測或含誤導成份的內容』，因為有相為證。週末上班前在此店來個簡單早餐，點了太陽蛋叉燒意粉加鴛鴦走，上來的太陽蛋叉燒意粉賣相不差，太陽蛋煎得有靈魂，但叉燒就感覺染色素太重，紅得有點兒假，入口湯底是濃濃的味精味，叉燒頗硬人無肉味，意粉過淋無噬頭，最主要是加入伴食的菜竟然有些是爛的(有相為證)。杯鴛鴦走是近期飲到的極品，無茶味，無啡味，也不甜，只覺有半點鹼性飲料的味道。

難得有個假期，緊係陪家人去食個靚早餐，但結果...係一個不愉快的早餐，如無意外應該唔會再黎。唔知係咪我好耐無去過其他茶餐廳，一見到個餐牌...嘩...咁貴GE...基本上係30蚊起跳。對比起大家樂呢d連鎖餐廳更加貴，樓下茶記都係28，29蚊。不過唔緊要啦，既然黎到，總要食GE，所以最後叫左個沙爹牛肉公仔麵，餐肉太陽蛋方包，熱華田，盛為31蚊。餐肉比正常細D，太陽蛋同方包正常。不過不失，不過呢幾樣野都好難話差同好食GE。之後到戲玉，沙爹牛肉公仔麵!!! 個樣都好似幾正，牛肉算幾多...不過一食就知龍與鳳。牛肉無咩味，較為淡，都唔緊要。一叉個麵，出事!! 個麵硬硬地GE...一食落口...完全係用唔熱的湯浸淋佢...完全唔掂同場加映，炒蛋，同我想像的好唔同，呢個...應該算係蛋餅，不過都OK。總結，我覺得價錢算係貴...唯一的驚喜算係多牛肉，可惜唔太好食...而最大的敗筆就係D麵，真係令到成個早餐的感覺差...希望可以改善改善

小妹及好友莎莎的慶生晚飯由buddy們幫忙統籌, 選址位於荃灣的喜食, 只因知道這間看似普通茶餐廳的小店, 晚上除了提供小菜外, 還會提供特色的私房菜 這夜他們為我準備了一個海鮮私房菜來慶生, 下午時份已經把菜單及各款海鮮的相片傳來, 各人都期待著把胃門打開。從荃灣地鐵站向愉景新城方向走去, 沿途是室內的空調通道, 不到10分鐘已經到達, 餐廳位於商場的一樓, 十分方便呢。在門外已經看到餐廳的霓虹招牌, 門外還擺著晚餐的各款小菜推介。趁朋友門沒到齊, 跟幾位先到的好友們閒聊一番, 八掛的看看這裡的餐牌, 日間提供多款早, 午及下午茶餐的套餐選擇, 晚上則提供多款特色的小菜, 一些較為大眾化的海鮮亦有提供, 選擇蠻多呢, 價錢亦很親民。看到餐牌上有些菜式貼著"大拇指"的推介標示, 饞嘴的我提議點來當作前菜, 拔絲黑豚肉看上去有點將放大版的咕嚕肉, 外表艷麗的黑豚肉薄薄的外皮炸得鬆脆香口, 帶著密糖的甜絲絲, 內裡包著又嫩又暖的黑豚肉, 別具滋味。另一個密餞雞亦, 同樣炸得乾身香脆, 沒帶半點油膩感, 雞亦沾了輕甜的蜜糖來炸, 外皮香脆之餘, 亦滿載蜜糖的甜香, 外脆內嫩, 做得很出色。

荃灣區其實頗多特色食肆，喜食是其中之一，位置方便，座位寬敞，店主可能喜歡日本潮物，所以有一個玻璃櫃全是 Hysteric Mini 公仔，如果喜歡奶咀B，可以去影張相。食物方面，試過蜜餞雞翼，皮脆、肉嫩、味道佳；蒸肉餅也好味，有適量肥肉，所以頗具肉香；例湯就水準飄忽，一時極好，有時候過咸。週末假日較多人，平日去較佳。

作為一個喜歡出街食飯的我，吃盡不少大小食店，但能夠令我有動力去寫下食評的原因，是希望把真實的經歷向食客披露。"喜食＂的舊址是一間日本餐廳，初開張時，店鋪光猛，人客很少,我們一家人跟店員有傾有講，這地方續漸成為我們的「飯堂」，我也介紹了不少街坊前來光顧，較早前其他食評介紹的菜式，我全都試過，可是有些食評有造馬之嫌，因為一些「招牌菜」不可能不用預訂的。隨著接駁天橋的啓用，加上隔鄰商場的大修，餐廳的生意興旺了，好的店員走了，食物的質素差了，例湯時有時無了，待應捧餐時口沫橫飛，噁心情況屢見不鮮。雖然自己一家已經減少了光顧，但因為一份情意結，間中也會光顧一次，但情況不見得有改善。今天在中午光顧＂喜食＂，因為胃口不好，按餐牌叫了腸仔通粉，落單後30分鐘，見未有食物，跟店員跟進，才報告沒有此項食物。我詢問為何不預早告知，那位自稱是負責人的何小姐回應是：「你炒我都係咁！」這些傲慢和囂張的態度，已跟昔日開張時的＂喜食＂今非昔比了！同伴叫了焗豬扒飯，共等了40分鐘，還一邊吃一邊怕給廚房「加料」。這是可一不可再的經歷!

平日較少入荃灣食飯的我, 為了方便朋友, 就入去荃灣一趟. 由朋友帶路, 去了中染新城的喜食,這裡是食小炒, 有別於平日成日食的日本嘢, 西餐.朋友話來這裡一定要飲啤酒, 因為這裡是用碗飲啤酒, 個碗叫戰鬥碗, 幾搞笑. 我係唔飲酒, 但既然擺咗陣, 咁我就混雪碧一齊飲, 趁下熱鬧, 大家高興吓~我地點了三個小炒, 包括拔絲黑豚肉, 秘製紅酒燴牛腩和蒜蓉蒸勝瓜.小菜未上枱前, 先送上老火湯一碗.朋友話這裡的拔絲黑豚肉好味, 上枱已經好吸引. 外層是甜甜地, 但不會太甜, 內裡的黑豚肉肉質幾嫩滑, 唔會太乾, 好開胃.秘製紅酒燴牛腩的汁用來撈飯食一流, 牛腩算入味, 不過我自己鍾意食稔身的牛腩, 這裡的牛腩有點咬口, 所以唔喜歡太稔的朋友可以一試.點了兩碟肉和較濃味的小菜, 當然要點番一碟菜, 我地點了蒜蓉蒸勝瓜. 勝瓜幾鮮甜, 這個小菜清清地, 正好用來中和.每碟的分量也不少, 價錢又唔貴, 來荃灣食飯又多一個選擇.

荃灣區真係好多選擇、呢間係一間好食又抵食嘅飯館！如果食厭咗🐔煲、日式放題、泰國菜！不防試下呢間好有住家菜feel嘅《喜食》!5個中女去搵食、叫咗7個餸（都幾大食）😅！每碟都有一定水準！最出色係招牌菜《拔絲豚肉》！👍👍👍👍！非一般古嚕肉！豚肉炸到皮脆肉嫩、不油膩！有驚喜！仲有《活魚薑炒飯》、活魚片鮮味、加薑炒飯、出奇哋夾！必食！另外《貴妃雞》蒸得好滑！另外叫咗《蕃茄蛋煎活魚》、蕃茄味濃、魚新鮮 ！😋😋！再叫咗兩碟菜、一碟炸豆腐、味道都好好！食到飽、超滿足💗💗！埋單每人130！抵食！👍👍！可以再食！可能喺平日、又唔駛等位！真係荃灣區一個幾好嘅選擇！

荃灣食晚飯，酒樓怕人多，帶住baby又唔可以去啲地道店仔食……記得有時行去愉景新城有呢間食市廣告牌，所以去試吓，去之前只係唸住好又一餐，唔好又一餐啦，食完超欣賞！！我地4大人1小b, 叫咗4餸1炒飯，大家都覺得好ok! 一坐好，未點菜已送上例湯，我地點菜後5-10min已上好菜：- 椒絲腐乳生菜 （好味，唔會好咸）- 豆腐班腩煲 （魚炸得好，亦好啱味）- 拔絲黑豚肉（好拔絲喎，亦唔會太甜，亦很脆口，好好！）- 椒鹽九肚魚（粉薄，脆口，正！）- 活魚薑粒炒飯（完條魚上，賣相一流！炒飯乾身，本人好like啲薑味！）總體是一流之作，唯一是每碟份量不算多，但4人份好ok喇，如一大班人要多叫幾碟。一定會再嚟食！

琴晚友人設飯局於"喜食",一行六人入到去見到成個場都好乾淨衛生...地方又大琴晚總共叫左8樣野食1.黃金蝦2.椒鹽併盤3.拔絲黑豚肉4.活魚炒飯5.菜芯炒龍躉球6.牛仔骨7.乾炒牛河8.避風塘炒蟹每一樣都係水準之作...特別係活魚炒飯.呢樣係將條活魚起片炒球,魚身就鋪滿黃彊飯...賣相已經嬴曬啦...食埋落口更加係好好食...椒鹽併盤入面有豆腐.九肚魚同鮮魷。廚師將佢地整到外脆內軟.功夫真係一流..重有其他不能盡錄。全晚消費人均200內包酒水

話說早兩日同個朋友去荃灣等補習，之前食過隔離間薩X亞，但今次想轉下口味，見有間新野 (我諗係新，之前好似唔係依間) ，價錢還可接受，就入去試下。地方好大，位都闊落，又唔嘈，嘆下午茶幾好。嗌左兩個黑松露炒蛋厚多士配熱啡試下，認真，個厚多士配搭算幾好，多士好脆，肯定係新鮮整，加上黑松露令到成件事更好，非常香，值得encore。不過，重點係杯咖啡。我每日都習慣飲咖啡，所以都算有D講究。而杯咖啡正在夠香，啡味濃同埋夠滑，絕對係高水準，下次點都要為杯咖啡返黎。總括而言，印象唔錯，見佢晚市個價錢都正常，下次補完習或者再試下

本身諗住食放題，特登同朋友黎中染去到先知間野執左，行去格離間PIZZA又鬼死咁多人最後折返喜食先知間野原來別有洞天!入到去間格寬敞，而且樓面個姨仲會主動帶你入座，態度十個讚!食物味道不錯，特別係黃金炸蝦外脆內嫩，炒芥蘭夠香口同鑊氣，送酒一流。價錢合理之餘，坐得又舒服，不失為聚腳既好去處!

食物差，服務差，唔夠人服務，落單後等半個鐘先有野食，食物難食，如圖的通粉，茄膏一pat野未融哂，最攪笑係個冲茶伙記，問佢攞D練奶落多士，佢話要加錢，杯奶茶唔夠熱，冇荼味，好失望，希望改善，如果唔係冇下次

第一次寫食評，近排係荃灣返工，係愉景新城附近，但無咩好食，過左隔離中染新城試試間新餐廳，環境坐得舒服，裝修OK，樓底好高，空間感足。去到叫左個Set Lunch咖哩牛腩飯，送例湯，青紅蘿白豬骨湯，一飲就知無落味精，味道清甜，相信是老火湯，但湯好熱要慢慢飲。餐廳服務不錯，飲完湯即上咖哩牛腩飯，無諗過牛腩煮的好林，加上咖哩味香而不太辣，汁同牛味道配合幾好。最後飲埋奶茶，茶味OK，比想像中滑。埋單$45。經理推介：三文魚魚籽飯下次去試下

從前是吃日本放題的餐廳，如今變成了茶餐廳，咁近我屋企，也就來試試。似乎沒什麼裝修，感覺頗舊的，不過我關注食物多一點。即管在午餐牌中選客鐵版雞扒飯，來的時侯服務生提醒小心燙手，還以為真會很熱。把醬汁倒下，怎麼連沙沙聲音也沒有，大概可知水準是有限公司了。不夠熱的雞扒，自然有欠香口，皮也沒有很脆，還好調味都算合格。這裡的熱奶茶也只是麻麻，有點澀。