Video
4-min walk from Exit C, Wan Chai MTR Station
continue reading
Introduction
由灣仔杜老誌道6號地舖喬遷到盧押道20號其康大廈地下3號舖及1樓
continue reading
Opening Hours
Mon - Sat
11:00 - 00:00
Sun
18:00 - 00:00
Public Holiday
18:00 - 00:00
Above information is for reference only. Please check details with the restaurant.
Signature Dishes
今日想食餐好既, 見呢間餐廳已經多年未關閉, 相信應該有一定Fans, 而且二人餐HK$498又蠔又刺身又鍋咁, 都幾抵食, 所以膽粗粗入左去.態度有問題行入去好多明星相, 諗住一定掂啦. 入到去, waitress係咁威迫利誘我地叫火鍋, 但我地真係想食蠔同刺食囉. 之後佢就好嬲咁話：「你等到就等啦!」 就扔個Menu係離隔台. 我得罪左佢D咩呢其實... 我真係想食我想食既野, 點解佢嬲我呢?誰不知, 真係等左好耐... 等緊時, 咁岩撞到朋友. 朋友話佢被人叫左入房坐, 點知原來坐房Min Charge係HK$1,500, 而佢被叫入房之前係唔知既. 咁佢地咪出返大廳坐囉. 後來佢地出返黎, 我聽到扔餐牌既waitress話：「比唔起錢就唔好學人住房啦!」佢真係好大聲，慌死其他人聽唔到. 咁我以為佢更年期對人人都係咁. 後來黎左個鬼佬佢好串咁話「Min. Charge HK$1,500, otherwise, sit here!」點知鬼佬住房, 之後佢笑淫淫咁拎住酒行出行入, 真係狗眼看人低, 一副小人口面!食物 羊架 - 等左45分鐘見到羊架, 3秒被我地食晒(所以無相). 肥而不膩, 唔SO但好香, 所以以為值得等...再等30分鐘, 終於有頭盤...頭盤蠔 - 唔新鮮、唔肥美頭盤刺身 - 未解凍, 仲有冰同好硬, 得幾片牛油炒什菌 - 我見到, 真係以為自己食緊放題... 個賣相衰到呢!! 以為會好香牛油味啦, 點知完全無牛油味, 好難食!軟殼蟹沙律 - 黎到話無軟殼蟹, 繼續食個難食刺身沙律, 我覺得自己好可憐. 牛肉鍋 - 賣相唔錯, 以為守得雲開見月明, 點知牛肉硬到咬唔落, 湯超甜. 以為可以用飯中和... 點知...飯 - 唔熱, 一粒粒, 似隔夜飯.味蹭湯 - 我以為我去左茶記, 佢黎左蕃茄薯仔湯, 我完全唔知呢間餐廳想點! 終於捱完, 太令人感動, 因為等左好耐, 最後食左3粒鐘, 好慘. 點知到買左單佢無啦啦拎左幾件壽司黎, 我地基本上已經覺得無鞋「玩劇」走, 但我都食啦... 壽司 - 好腥, 壽司飯就係一粒粒, 一夾即散... 豉油同wasabi都好差, 散左既壽司飯令豉油同wasabi既難食更突出
continue reading
門外, 很易找呢~ 7-eleven旁午餐時間, 沒有訂枱, 只排了10分鐘左右.滑蛋豬扒烏冬拼三文魚壽司定食 $90滑蛋豬扒烏冬滑蛋洋蔥汁和湯汁成為一體, 非常夾味, 熱呼呼的烏冬特別令人驚喜, 估不到食到半碗還是熱辣辣. 烏冬麵有彈性, 煙韌彈牙, 沒有煮得過火而 “淋pat pat”.豬扒和洋蔥是一對很好味的組合, 吉列豬扒表皮炸至金黃色,厚切豬扒, 淡淡厚肉, 肉身是軟軟腍腍，肉汁豐富 可惜, 它並不是一件完美的吉列豬扒, 講夠的吉列 (炸)豬扒, 應該炸後用碟另上, 並不是與滑蛋汁和湯混在一起, 這樣令豬扒沒有香脆口感, 而且件件都是被汁和湯弄濕了, 食到最後一件已淋得很了!太可惜吧!三文魚壽司 三文魚尚算新鮮, 壽司的飯團沒有黏感, 幸好未鬆散, 還是可以一次夾起沒有散下來.整體來說, 這個定食很飽飽! 餐後還遞上一粒雪糕糯米滋.
continue reading
第一次寫食評，忍唔住要推介，哈哈。 個裝潢好正，好有FEEL，好有日本居酒屋的感覺。食物更加正，有賣相有實力，好味=]總括黎講，性價比好高!!!!事不宜遲，去相!!!!
continue reading
多年屢次路過砂煲，門口冷清總未能吸引小妹的注目及垂青。今日經過，被$68海鮮拉麵的menu吸引，就決定入去試吓。地下門口當眼處擺著富日本風情的擺設，牆上掛滿泛黃的明星舊照，裝潢一般，而顯得陳舊。爬上十多級的木樓梯，才發現別有洞天﹗上層的裝潢及設計較為別緻高雅，空間感較佳，枱與枱之間較闊落，用餐閒談一流也。午市提供約28款午餐、刺身及便當定食，包前菜(中華沙律)、沙律、麵豉湯及甜品，售價由$65-$138不等，選擇頗多，豐儉由人。小妹要了三文魚魚生飯，甫上枱，老爹表示賣相一流，似乎遠勝於正村壽司。小妹不禁說了一句：「食過先知﹗」飯上鋪有七片切得較薄、紋理分明的橙紅色三魚文刺身。一旁則有蛋黃紅的蟹籽、草青色的芥末及米白色的薑片，再加一片鮮嫩紫蘇葉及灑上白芝麻作點綴，賣相確定討人歡喜﹗放入口一試，三文魚肉質滑身但欠彈性，魚油也欠奉，是無甚鮮味的下等貨。不過，教小妹甚為驚喜的卻是毫不起眼的魚生飯。淨吃粒粒飽滿帶黏、圓潤分明的白飯，已覺超級煙韌香糯，略帶醋香，絕頂正斗﹗隨意加入日式豉油，混合蟹籽、白芝麻和白飯攪拌同吃，則更加滋味無窮，口感層次多變，食味豐富，越吃越上癮﹗老爹的滑蛋吉列豬扒定食是用個便當盒子盛著，先吃炸豬扒。炸豬扒明顯不是即炸的，炸粉薄薄，但偏淋而不香脆且無甚味道口感，劣質雪藏貨色，極為失敗及失望之作﹗飯就更加失敗，黏黏的、淋淋的、散散的，且沒有飯香，與魚生飯簡直是南轅北轍﹗最叫我哋不解的是，簡單如洋蔥和滑蛋也煮得極為失準﹗滑蛋夠滑但無蛋香，洋蔥徒見形不見味。一言以概之，淡而無味、大堆頭之作也。可能由於擺放室溫太久關係，前菜中華沙律較為乾身及硬，要費力咀嚼；沙律以生菜為主，僅有數條紅蘿蔔絲，部份菜邊已變啞色，不太鮮嫩，而且千島沙律醬又少得可憐﹗小妹只好把兩者加上豉油混合白飯同吃。麵豉湯較清淡，像用水即沖般。湯內有極少量紫菜，對怕濃味的小妹而言，味道尚可。用餐後，每人送上一粒小小的雪米糍作飯後甜品 - 今日是哈蜜瓜味。小結：午市食物選擇頗多，價錢亦大眾化，環境寬敞闊落。然而，食物質素有待改善，服務態度亦然。用餐期間，因客人不多，侍應聚在一旁閒談，有侍應口裏好像在咀嚼食物，更見有侍應穿著拖鞋，服務極為不專業。雖則侍應加茶水也叫殷勤，但店家收取10%服務費，似乎不甚恰當了﹗
continue reading
餐牌選擇多，價錢亦合理，環境不俗，但奈何食物質素不佳、衛生尚有改善空間。當天前往這店午餐，我點了一客咖哩吉列豬扒定食，同行朋友分別點了親子定食和滑蛋豬扒定食。先來的是沙律和麵豉湯，沙律沒有什麼特別，麵豉湯卻咸得很...我喝了1/3已放棄...再來的是定食，那豬扒的炸粉厚得可怕，體積比豬扒的肉還大...一口咬下去根本吃不到肉...只吃到炸粉><咖哩很重口味...咸而沒有咖哩香....好像只有那白飯是比較好吃的...@@接著同事突然說"為什麼這洋蔥這麼硬?" 我一看傻了眼....那才不是什麼洋蔥...是橡筋來的..=0=幸好同事只吃了兩口，立即命人換了一客新的...當然...豬扒依舊是上了很厚的粉...吃完後有一顆小小的雪米糍作飯後甜品，它和茶應該是這頓飯最正常的東西了...應該不會再來的了...
continue reading