喜來稀肉 (Closed)

喜來稀肉🐷由韓國引入香港 都真係識左好多年已經有成3間分店🐷🐷🐷第一次黎旺角分店感覺好似係咁多間最大 好好坐2個女仔👭🏼先叫3款肉試試好彩真係3碟 都幾大份喜來烤肉🐂（$158）係牛黎！整到成朵玫瑰🌹咁 好靚質感比較實淨嘅牛肉 冇乜肥蛋白質很豐富吧 牛味唔算好濃所以我本人對韓牛興趣不大或者我未遇到能夠吸引到我牛舌🐂（$148）牛舌永遠不會輸，好食‼️好鍾意佢薄薄的搽左一層醬燒出黎甜甜地 幾特別有成11-12塊 好滿足護心肉🐖（$158）有我心愛嘅豬豬🐷韓燒嘅話我係比較鍾意食豬肉 雖然賣相一般 但係護心肉係韓燒界好出名原來即係豬嘅橫隔膜同肝之間係無乜油分 不過口感彈牙同泡菜嘅配搭絕對係世一然後用生菜包住 一野塞入口係幸福美滿嘅感覺🥰最愛韓燒任Fill嘅泡菜啊、醃蘿蔔我一個人食到幾碟🤣爐邊蛋又係我至愛 除左煮嘅時間有啲長芝士配蛋係VERY的GOOD泡菜個款我就一般般仲有飯後甜品每人免費一條雪條有kakaofriends 雖然我冇乜特別鍾情但童心嘅我😌選擇左佢係甜甜嘅青提味收銀旁嘅糖果堆 搵到回憶裡的飯焦糖 omg 食左兩粒🤫

一向喜歡韓食的我，今次來到韓國最受歡迎烤肉品牌之一的喜來稀肉，食燒肉 飲真露。第一次來到旺角分店，裝修一樣；多了一份聖誕節節日氣氛烤爐是很正中的韓國式，外圍兩格蛋，一格芝士蛋一格泡菜蛋，一格放蒜頭片，烤爐的中間有一小塊豬油潤滑烤爐表面。最開心的是配菜及蛋可以任添，吃太多肉一定要吃足夠的蔬菜調和一下。泡菜是正宗韓國味道，辛辣有一點酸甜；最愛吃酸的白蘿蔔及青瓜，開胃醒神，消除飽滯;菜絲及韓國包很新鮮翠綠，伴烤肉爽🔥喜來烤肉$158必食推介，肉質鮮嫩不肥膩，油脂分布平均，沾滿醬汁，一上烤爐不黏底濕潤只要烘一烘至粉紅色便可吃🔥牛肋骨肉 $150成條狀態，適合捲生菜食用🔥參雞湯$125粥底不會太稀還很綿，配上淡淡的人參味香氣而不苦，不會太鹹太甜；雞肉鮮味嫩口，適合冬天滋補養氣食用🔥Cheoeum Cheoreom soju $70酒精濃度高，入口回甘🔥Jinro is back $65入口較爽身

久久未能開關到韓國，決定先到最有地道風味的喜來稀肉頂一頂我的燒肉癮旺角店位於廣華醫院附近百利達廣場的地庫，在地面也嗅到陣陣燒肉的香味店鋪面積很大，裝修走工業風，圓形燒烤板上配有獨立抽氣扇吸味就坐前已準備好醬料、生菜及四款前菜：辣醬大豆芽生菜、特製泡菜、醃蘿蔔和醃青瓜，全部都可免費添加！只要掃一掃二維碼，所有服務都可以自己的手提電話召喚爐邊烤蛋也可免費添加！每個烤爐有三格，一個用來烤原味蛋漿；另一格則是泡菜加蛋漿；最後一格則是用來烤蒜頭吃韓燒怎可少了燒酒？初飲初樂甜中帶點回甘喜來烤肉卷成一朵玫瑰花的擺盤賣相吸引，以秘製醬汁醃過，切得又長又薄，輕輕一燒已經熟透，味道鮮甜軟腍帶點咸香牛肋骨肉已起了骨，吃起來啖啖肉，肉味香濃除了烤肉外這裡的熟食也不錯！蔘雞湯味道濃郁，原隻嫩雞內有吸滿湯汁精華的糯米邊吃邊喝，轉眼間便來第二瓶酒！ JinRo is Back帶有米酒本身特有的淡淡米香和甜味，順滑易入口就這樣跟閨密又過了愉快的一個晚上

牛肋骨肉 $150牛肋骨切好晒 容易入口，記得燒熱塊板之後就擺牛肉上去，大概半分鐘至1分鐘左右就可以反下佢，燒到六七成熟左右就係最好食😋牛肉眼扒 $150好大塊牛扒，呢個價錢真係好抵，成塊板落去聽到啲吱吱聲，已經忍唔住係咁吞口水。牛肉嘅質素都好好，牛肉味都好香，唔會太乾太柴，仲保留到好多肉汁👍👍大虎蝦 $150一份有八隻，每隻嘅大細都好平均有成隻手掌咁長，雖然唔係新鮮游水蝦，但係肉質都好爽彈，唔會梅晒咁，燒到個殼都卜卜脆 朋友仲連殼都食埋😂😂嫩豆腐湯 $80天氣開始凍呀一定要飲返啲熱湯，食韓國嘢飲豆腐湯就係我嘅首選，豆腐湯好足料，除咗有一隻圓卜卜水波蛋，仲有d海蜆，成碗湯嘅鮮味更加咗好多😋👍👍韓式海鮮拉麵 $65海鮮拉麵係配韓國嘅拉麵，加上好多海鮮，有蝦有蝦有藍青口，而且拉麵個湯底都有好鮮甜嘅海鮮味，食完成個人暖晒😉😉柚子梳打&藍莓梳打 $35兩杯嘢飲嘅果醬入邊都有好多果肉，食到粒粒嘅藍莓肉同埋柚子，溝咗梳打水之後唔會太甜，食完燒肉之後啜啖，爽爆😆😆

之前同朋友仔講開要食燒肉，今晚就搵左依間「喜來稀肉」，而今次我地就去左旺角分店。落到去見到舖面都幾大，啲位唔會痴得太埋，都算舒服，重點係唔會太大陣油煙味，因為每一枱都有自己既抽氣扇，同埋張凳可以俾大家放袋唔會吸曬啲味。野食方面，除咗燒肉之外，熟食既選擇都算多，今次兩個人，燒肉叫左：「大蝦」（$150）、「牛肉眼」（$150）同埋「牛肋骨肉」（$150），另外熟食叫左：「嫩豆腐湯」（$80）同埋「韓式海鮮拉麵」（$65）。個人比較中意既有：「牛肉眼」- 份量都算大，有兩隻手掌咁大，而且都幾厚下，$150都算係抵食，同埋味道唔會係雪藏牛扒既味👍🏻「牛肋骨肉」- 依個提提大家燒一陣就可以，唔洗燒得太熟，牛味算幾出，同埋最重要唔會韌，加少少鹽同豆板醬好好味，但唔洗太多鹽，因為啲鹽都幾咸。「韓式海鮮拉麵」- 中意食韓國拉麵既朋友仔唔可以錯過，一如既往同平時既韓國拉麵一樣咁彈牙，平時好驚韓國拉麵會太辣，但依個辣度適中，唔會辣到食唔到，但飲埋啲湯就會開始覺得辣😆

今日又來到喜來稀肉食飯啦 呢間燒肉店我已經食咗好多年 水準一直保持到 今次係第一次嚟旺角店 一入到去感覺好似去咗韓國咁！ 裝修有少少工業風 燒烤爐座位設計裝飾非常有韓國feel～ 今晚兩個人我哋點左濟州豬腩肉同埋肉眼兩款肉食 濟州豬腩肉比一般普通豬肉好食好多 肉味好濃郁 入口彈牙 油脂香溢 而且仲好厚切添！ 肉眼扒就真係成舊肉眼咁上 成塊咁樣先熟咗之後再剪開一嚿嚿去食 牛肉都係真材實料 油脂分配平均 ！最後梗係唔少得不停食有refill 嘅芝士蛋同埋泡菜蛋～撈飯超級正呢度嘅配菜好開胃～朋友仲將燒肉配埋生菜加啲醬汁整個生菜包 好正啊同朋友開心吹水烤肉的一個晚上就此作結

朋友話想食韓式燒肉記得之前lunch食過喜來稀肉既人蔘雞湯覺得唔錯已經bookmark定要試佢地既燒肉今次朋友提出就訂定位帶佢黎試一試·餐廳係旺角站E出口行8分鐘左右地點都算方便就腳餐廳係地庫全層 環境空間感十足呢度雖然有menu提供但係係用QR code落單·點完餐會上燒肉必備既生菜同泡菜醃料同會店員會開始上爐邊蛋爐邊蛋而家仲有芝士口味拉絲一流唔理三七廿一點左我最愛既海鮮泡菜餅 $90每次韓國餐廳必點既黃金大餅煎到金黃香脆每啖都會咬到海鮮就算唔點醬汁食都好出色而燒肉方面點左特級牛頸肉 $218第一次試牛頸肉口感軟淋唔韌而肉味幾香濃喜來烤肉 $158賣相好吸引一朵花既形狀牛肉薄切一塊塊雖然唔juicy但肉味濃郁真雪花牛肉 $228一片片既雪花牛肉牛肉油脂分布平衡一燒就迫哂油脂出離油脂甘香爆棚辣護心肉 $168薄切一塊塊辣味有少少蓋左牛肉味下次要試下原味有幾出色總括而言餐廳環境舒服抽風設施好好而食物質素高店員態度幾好會主動換下爐網唔會舉極手都無人理

好耐無食過燒肉朋友提議試下呢間喜來稀肉仲即時訂埋位最鍾意呢d行動派既朋友😂·位於百利達廣場地庫要落一層先到好彩朋友訂左位7點到已經有人排緊隊🤭·落到地庫好似去左韓國咁餐廳好有韓國地道氣氛仲開始有聖誕裝飾既佈置影相📸️打卡一流而座位好寛敞 空間感好大座位下面可以打開 · 比客人擺下衫袋餐廳用QR code落單🤳🏻圖文並茂唔怕唔知自己落左咩·基本會配備三種醬料韓式辣醬/豆瓣醬/岩鹽比你點燒肉食一黎職員會先上前菜：泡菜/辣醬蔥絲 /生菜/醃蘿蔔然後就會開爐邊蛋🥚超鍾意食爐邊蛋 · 外脆內嫩加埋芝士🧀既爐邊蛋不得了ღ爐邊蛋係可以免費refill架😉♡ 喜來烤肉（$158）見枱枱都有點即刻加點一份牛肉堆砌成花既形狀🌸牛肉雖然薄切 · 但牛肉味濃唔沾醬單食已經好好食♡ 特級牛頸肉 （$218）牛頸肉通常都比較多筋腱位但呢度既牛頸肉竟然唔韌相反仲好軟腍♡ 真雪花牛肉（$228）每片油脂分布均衡一上枱忍唔住即刻燒黎食牛肉軟淋 · 油脂感爆分💥用韓式食法食燒肉用生菜包裹燒肉再加蔥絲同泡菜一齊食減低油膩感之餘個口感特別豐富♡ 辣護心肉 （$168）每次食韓燒都必點薄切既護心肉 · 輕輕兩邊燒一燒就食得🔥辣味

近排天氣凍左，今日約左朋友去旺角百利達廣場地庫嘅喜來稀肉食韓燒，由於今日係平日，所以唔洗等位，店內環境好特別，工業裝修風格，未叫野食前，已有韓式沙律菜準備好，另外有生菜，用黎包住D燒肉食，當然唔少得嘅係傳統嘅韓國泡菜，辣味剛剛好，用來夾住燒肉食真係一流！我朋友比較鐘意食豬肉，我地就Order左［壹頭豬］併盤$420同一份招牌菜 ［喜來烤肉］$158。壹頭豬併盤包括有護心肉(100克), 五花肉(100克), 豬頸肉(80克), 豬大腸(8件), 韓式烤豬皮(4件)和一塊梅肉. 份量都夠晒2位女仔食，其中最欣賞有五花肉，肉質爽口，口感十足及豬頸肉，肉質鮮嫩，味道濃郁。另外推介烤豬皮，經過燒烤後，外脆內軟，中間果層好煙韌，好似食橡皮糖咁，附送的黃豆粉可以撈埋一齊食，口感更好！而喜來烤肉以薄切牛肉卷成玫瑰花狀，雖然係無雪花牛肉，但肉經醃製黎，非常好味，肉質厚實，又唔會肥膩，由於係薄切開係，建議燒45秒至一分鐘即可，入口即溶。好味推介！！

聽朋友推薦旺角有間地道韓式燒肉店-喜來稀肉好正宗，而且性價比高，於是我地就約埋一齊去食～喜來稀肉位於旺角百利達廣場地庫，呢間韓國過江龍燒肉店真係夠晒地道，無論裝修同食物都充滿韓國嘅風味呀!真雪花牛肉 $208雪花牛肉雖然細細片，但有厚度，每片肉嘅油脂分布平均，燒嘅時候特別香，充滿牛油香味，食落口感偏嫩，唔韌又無筋，正呀！芝士石鍋拌飯$85飯用石鍋上可以保持熱辣辣，滿滿既芝士加上茄醬，食落味度好豐富，酸酸甜甜，都幾開胃架！每位客人免費一條韓國雪條，有士多啤梨、椰子、芒果味等，最後食返個甜品幫助解油膩～

天氣涼涼地最適合就係去食韓式燒肉，今次同男朋友再覆桌呢間美味韓燒店-喜來稀肉🍖前菜有4款，分別有：酸蘿蔔、泡菜、辣醬菜絲同酸瓜, 每碟份量都好大份，而且仲係免費😋我最鐘意就係泡菜，夠香夠辣，啲菜食落好脆爽，索索聲，好新鮮嘅感覺👍🏻喜來五花肉配特製醬汁 $138五花肉真係邪惡之選！厚厚既五花肉，燒緊嘅時候已經聞到陣陣的肉香果，食落啖啖肉，再配埋佢地醃肉既醬料，真係好惹味，整生菜包真係一流呀😍蟹子紫菜飯團🍙紫菜同蟹子嘅份量十足，每啖食落都麻油嘅香味，完全停唔到口呀😍😍爐邊蛋keep住熱辣辣，滿滿嘅芝士同泡菜俾啲蛋包魚一齊食真係好滿足呀😋😋最後食埋甜品雪條，真係大滿足呀😋😋

-喜來稀肉 서래갈매기到左冬天 除左好想打邊爐之外 就想食燒肉今次已經係第N次去喜來稀肉每次食完都會掛住佢哋既泡菜🤤🥩牛護心肉 안창살（$160）呢個其實都係牛腹肉 帶有少少油花 肉質軟稔 肉味濃郁 仲有少少油脂既甘香最中意係燒晒所有肉之後先燒菇咁就可以吸晒啲肉汁！ 🥩真雪花牛肉 진꽃살（$228）雪花牛肉既脂肪平均分佈 個雪花好似大理石紋咁 牛香味特別重~ ✨林芝蓮推介食法/先用醃蘿蔔放係匙羹度/ 放上已經點左醬既燒肉 同泡菜/ 加番塊烤好既蒜片 / 再一啖食晒 就可以了同時有多種口感同味道層次🤤🥔馬鈴薯煎餅 감자전（$90）同平時食到既薯仔有少少唔同呢度既係外皮煎得微脆 裏面係少少濕潤同煙韌的 個人中意煎得再乾身啲~🍜水冷麵 물냉면（$85）食燒肉又點少得水冷麵 真係缺一不可蕎麥麵有嚼口唔會痴埋一餅餅冰湯有水煮蛋 青瓜 梨汁 落埋米醋同黃芥末 一解燒肉既油膩感😊🥃米酒/馬格利 막걸리（$90）個人比較喜歡食韓國野飲米酒飲落比啤酒香醇但又冇燒酒咁嗆而呢個牌子係第一次飲 都好易入口

到左冬天就好想食燒肉，今次就黎左喜來稀肉～牛護心肉（$160）其實都係牛腹肉，肉質軟稔，仲有少少油脂既甘香。真雪花牛肉（$228）牛肉既脂肪平均分佈真係好似雪花咁，牛香味特別重~馬鈴薯煎餅（$90）同平時食到既薯仔有少少唔同呢度既係外皮煎得微脆 裏面係少少濕潤同煙韌，口感幾得意水冷麵（$85）蕎麥麵有趙頭唔會痴埋一舊，湯裡面有水煮蛋 青瓜 同梨汁，落埋米醋同黃芥末一齊食就更清新馬格利（$90）飲落比啤酒香醇但又冇燒酒咁嗆，比較易入口

喜來稀肉呢間韓式燒烤 相信對好多香港人來講都應該唔陌生今次嚟到旺角分店 我就覺得相對要尖沙咀同銅鑼灣 旺角分店相對較大 而且坐得比較舒服 韓國餐廳梗係唔少得唔同種類嘅泡菜，我自己就比較鍾意酸酸甜甜嘅青瓜，食完非常之開胃。 而燒肉方面我哋今次帶咗兩款，分別係醬油味豬腩肉，同埋牛肋肉，兩款肉嘅質感，都非常之出色，而且好有肉汁，燒完之後都唔會覺得好乾，反而仲好Juicy。另外我哋仲嗌左 雪濃湯，佢係一份牛肉湯，入邊有啲蔬菜，粉絲，一路食住燒肉一路飲，其實真係幾唔錯呀。另外我哋又帶咗水冷麵，係食燒肉入邊一個清新嘅配搭。就嚟到冬天，呢一間韓式燒肉一定係大家一個唔錯嘅選擇

哩間燒肉店已經黎過幾次，值得一讚既係每次啲食物都仍然能夠保持質素。今次再次黎到旺角分店，哩間分店環境闊落，而家仲要整左超有feel既聖誕佈置🎄燒肉店最正嘅地方就係生菜、泡菜、沙律同醃蘿蔔都可以任添，仲有得無限添加爐邊蛋🍳而爐邊蛋有泡菜同芝士兩隻口味。餐牌上面同樣係好多款肉可以選擇，今次就叫左以下三款👇🏻🐂牛五花 $158上次係銅鑼灣店食完已經一試難忘，今次決定再食過！牛肉上面添上些許醬料，所以食落去味道甜甜地，牛味濃郁，油脂分布平均，咬落去充滿油脂感，超好食推介👍🏻🐂牛舌 $148份量超多，非常多塊，而且有些許厚度，食落爽身有口感。🐷護心肉 $158護心肉質感比較實在好咬，肉味較濃，就咁食或者包菜食都一樣咁好食。整體黎講，哩間燒肉店環境闊落，聖誕裝飾好有feel，食物亦一直保持質素，如果大家掛住韓國燒肉或者係旺角想搵野食既話，都可以試下。