喜來稀肉 (Closed)

哩間燒肉店已經黎過幾次，值得一讚既係每次啲食物都仍然能夠保持質素。今次再次黎到旺角分店，哩間分店環境闊落，而家仲要整左超有feel既聖誕佈置🎄燒肉店最正嘅地方就係生菜、泡菜、沙律同醃蘿蔔都可以任添，仲有得無限添加爐邊蛋🍳而爐邊蛋有泡菜同芝士兩隻口味。餐牌上面同樣係好多款肉可以選擇，今次就叫左以下三款👇🏻🐂牛五花 $158上次係銅鑼灣店食完已經一試難忘，今次決定再食過！牛肉上面添上些許醬料，所以食落去味道甜甜地，牛味濃郁，油脂分布平均，咬落去充滿油脂感，超好食推介👍🏻🐂牛舌 $148份量超多，非常多塊，而且有些許厚度，食落爽身有口感。🐷護心肉 $158護心肉質感比較實在好咬，肉味較濃，就咁食或者包菜食都一樣咁好食。整體黎講，哩間燒肉店環境闊落，聖誕裝飾好有feel，食物亦一直保持質素，如果大家掛住韓國燒肉或者係旺角想搵野食既話，都可以試下。