Sense Cafe (Moved) New Location

約咗朋友喺佐敦, 有咩好食呢? 搜尋一下發現原來佐敦有好多細舖, 之前見過 Sense cafe 好多次，一於試下啦~點了魷魚條加魷魚鬚下午茶餐 跟鮮果茶, 魷魚條柔軟有彈性, 魷魚鬚炸得比較硬, 配上惹味的 Wasabi cream。 鮮果茶入面有好多鮮果，茶味香濃 😄散叫半份士多啤梨窩夫， 窩夫鬆軟香脆， 加上雪糕及忌廉, 仲有一堆士多啤梨， 食下食下就過咗愉快嘅下午啦~飢point : 7/10#hungermarch #非飢詩 #飢詩

同事聚舊, 友人推薦去呢間餐廳食晚餐, 但一睇個店名就會質疑食甜品點可以當晚餐? 後來睇openrice入面其他人既食物相片先知道原來都有少量正餐, 但既然會用dessert嚟做店名, 都唔會抱有太大期望。聚餐當日, 最先到達既朋友send左幾張餐牌去群組比我地睇住先, 我發現食物選擇比想像中多, 而且仲有dinner set, 好在我地人多, 可以叫多幾款食物開心share。食飽正餐當然唔少得甜品時間啦, 其中一樣就係紅白心太軟啦, 係份子雪糕伴心太軟, 配搭新奇又好味。到最後埋單時大家都覺得好抵, 都會再黎食過。P.S.: 跟餐飲品建議叫花果茶比較特別, 甜甜地幾好味

喺佐敦食完韓燒，即刻搜尋附近嘅甜品舖，見呢間cafe啲甜品幾靚，就拉隊前往。去到後，望到餐廳滿座，不過見有一兩張枱食完，所以都等下，反正唔趕時間。但由我哋喺門外望下望下到走埋入去企咗一陣，都無服務員接待，直至有一張二人枱嘅人離開，先有人留意到我哋，話暫時未有位，要等一等（因為我哋五個人）。等咗大約兩三個字就有位，餐牌有注明最低消費:每人一杯飲品/甜品。所以我哋就各自各點自己嗰份。雪糕朱古力特飲 & 雪糕朱古力咖啡特飲啲雪糕口味係自選嘅窩夫配什果全份雪糕同醬都係自選Tiramisu 紅白心太軟由於賣相精美，所以都對味道有所期望，兩杯飲品同什果窩夫不過不失，朋友說Tiramisu一般，而個心太軟似乎焗耐咗。店員喺留意店面情況方面需要加強，因為我哋入離又無人理，揮手好耐又無人理，個個店員都好似留意唔到咁。價錢算合宜。

好幾年前盆栽甜品新興起時，喺元朗分店幫襯過，之後都無再食，更加無食過餸菜。今日喺附近經過，哩間算係附近來講環境最好、最靚嘅餐館，重點係有甜品食喎！但無諗過Dessert Cafe 嘅熟食都會咁好食！個龍蝦湯好重龍蝦鮮味，有龍蝦肉的，飲完不口渴，證明無加味精！叫左個Ribs 好好味，好入味，好軟林林；更驚喜嘅係ribs旁嘅配菜！係用黑椒BBQ d蔬果伴碟，例如有整個蒜頭、翠肉瓜、黃椒紅椒、甜蕃薯、南瓜、玉米，好好味！沙律同飲品同樣有心機，令你成餐飯都超滿足啊！最後叫多個心太軟～～～就會深深愛上哩間Cafe

呢晚相約友人去佐敦飯聚，於內街兜兜轉轉下見到呢間鹹甜點倶備﹑裝修簡約既餐廳，於一堆中/港式餐廳中有些少鶴立雞群既感覺，所以決定要入內試試！1. 西班牙黑毛豬芝士梳乎里焗飯 - 梳乎里焗飯同黑毛豬扒分開上，豬扒熟成度剛好，切開仍有肉汁流出；梳乎里焗得挺身 (影左5分鐘相依然屹立不倒)，食落好軟綿綿，內裡係惹味既芝士飯底。其實小妹算係孤陋寡聞，第一次嘗試放到焗飯上變成鹹食既梳乎里，雖則幾有創意，但始終唔太習慣，不過一試無妨。2. 抹茶意大利芝士餅 - 外形的骰，小小一個盆栽居然係抹茶意大利芝士餅，真係估佢唔到…盆栽內裡以朱古力脆脆﹑抹茶忌廉及同蛋糕組成，甜度適中，擁有多層口感，不錯～

Honey下午在佐敦工作，所以我們在佐敦吃下午茶。我光顧過Sense幾次，這裏的食物質素不錯。下午茶，更實惠，並沒有｢將貨就價｣，食品質素仍保持。因為，A la Carte 的話，價錢也不算便宜；但是，下午茶的價錢，是散餐的一半，還包括飲品呢！實在是價錢相宜，食品質素優良！我之前吃過鐵板brownie雪糕，所以今天也想介紹給Honey試一試。下面是一塊冰凍的brownie蛋糕，放在熱騰騰的鐵板上，蛋糕上是一球雲呢拿雪糕。上桌時，鐵板是很熱的。客人用鮮忌廉淋在雪糕和鐵板上。Shaa的一聲……鮮忌廉沸騰。趁熱吃，雪糕和brownie是冷的，但鐵板上的鮮忌廉是熱的，口感很特別！而且，brownie蛋糕裏面有很多合桃，非常香口。這個下午茶甜品，實在非常出色！還可配特飲，我選了凍朱古力。朱古力非常濃，creamy得很！但是，又不太甜，perfect下午茶還有Pasta選擇。雖然，我原本想選卡邦尼意粉，但叫錯了，叫了烤鷄忌廉意粉……但，也美味。Honey點了海鹽咖啡。咖啡濃滑，點點海鹽的微鹹，帶出咖啡的醇香。豐富優質的下午茶，在滂沱大雨的炎夏裡，悶氣全消。

呢一間Cafe由佢一開業到而家已經黎左好多次，由開頭只係食甜品到而家會食埋佢個set dinner，平日星期一至四會冇咁多人，但星期五六日都會比較人多，可想而知水準係唔錯既。講番食物方面，今次同左兩個朋友黎食，一人叫左一樣野，朋友A個魚堡有埋薯條同菜，薯條炸得好正脆脆的，朋友A就話個魚堡唔錯，我就冇試！朋友B就叫左set dinner都係魚，除咗有好大塊魚之外仲有好多薯菜，朋友B係比較大食但係佢都話好好飽！我都係叫set dinner豬仔骨已經食過好多次，無乜特別差！而set dinner個磨菇湯同龍蝦湯都唔係罐頭貨，百幾蚊食到咁！真係好抵！最後我地叫左兩個甜品share ，其實呢兩個我都食過好多次！第一個窩夫真係好好食，鬆脆內軟，真係好小食到咁正，一直保持水準 ！第二個係份子雪糕加心太軟，今次有小小失望，味道係ok既，但份量比以前小好多同埋太碎，如果可以大份少少同埋唔好太碎咁就Perfect 👍🏻最後特別推薦大家飲熱情果茶同凍朱古力，老細話個熱情果茶係佢哋自己煲，所以係好香同唔酸🍹，凍朱古力就用比利時朱古力整既，飲落唔太甜但有好香嘅朱古力味🍫真係可以一試👍🏻PS: 員工同老細都好ni

一個很hea的星期天下午，和友人約5點才到達，本是假日的黃金朋友相聚時間，但cafe沒有爆滿還有數張吉枱，正合心意坐下時cafe人流約8成，枱與枱間隔還可，不算迫。現場音樂及人流聲夾雜不算清靜，但是是可接受音浪。侍應有點忙及應接不來，沒什麼表情我們分別點了煙三文魚蟹肉牛角包，安格斯芝士漢堡，latte及craft beer。煙三文魚蟹肉牛角包味道偏濃，牛角包有點硬不是十分軟熟，主角蟹肉沙拉味重及偏喊。安格斯芝士漢堡還好，咬下有肉汁不錯，薯條不過不失。latte有點失望，奶很多，有點過量，基本上只喝到很重奶味。總括而言，現在能在假日找到一家能讓你吃飽後還能坐的地方真的不多已經感覺不錯

一去到門口已經要等位喇～食得落肚嘅盆栽相信大家都唔陌生，不過個外型到而家我都係覺得好吸引，系Tiramisu，係我最鍾意食嘅西式甜品原味意大利芝士餅 $45 (右)面頭嘅朱古力脆脆地，仲有杏仁，最估唔到嘅系竟然仲有爆炸糖食落去甜度增加，口感特別，底層嘅忌廉亦都好滑，連埋朱古力粉食好有滿足感抹茶意大利芝士餅 $45 (左)抹茶味tiramisu都唔錯架，就咁睇兩個係完全冇分別，要食到底先知。抹茶味相當濃 🍵而配上朱古力粉又係唔同嘅味道，不過我都係鍾意原味多啲啲。P.s. 座位較窄，同隔離枱距離近，食戈陣私人空間降低。

喺尖沙咀食完飯，下場通常都會行去佐敦食糖水，今次試呢間帶前排好興嘅盆栽tiramisu食，就隨意坐低試試⋯坦白講，麻麻地！我同朋友兩個人叫咗兩個甜品share食，一個係白朱古力tiramisu，一個係心太軟配雲呢拿雪糕，個樣幾靚仔，影相呃like係可以架！影完就食啦！張相幾咁靚但係呢⋯⋯個味就麻麻，最上層啲朱古力粒粒無味又硬⋯⋯不禁問咗聲係咩嚟架⋯⋯朋友話食到爆炸糖，不過覺得同tiramisu個味唔夾，而入面果幾層有蛋糕有無味嘅cream⋯⋯真係有芝士？真係有白朱古力？我唔知⋯⋯然後到心太軟，唔洗多講，就睇睇切開有無流心先！是沒有的⋯⋯由外到內家比較乾⋯⋯其他嘢⋯⋯我無補充⋯⋯希望店主除咗重視視覺體驗外，都重視一下味道啦！

平時好少食Egg Benedict, 因為驚唔夠飽😂不過今日唔係太餓, 而且朋友勁力推介話呢度的Egg Benedict整得好好荷蘭醬(Hollandaise Sauce)帶著微微的蛋香味, 差不多要將整個Egg Benedict覆蓋著, 用刀輕輕壓在蛋上, 蛋汁就慢慢流出, 滲透在煙三文魚, 再慢慢流到Muffin上, Muffin將荷蘭醬+蛋汁完全吸收, 一啖咬落去, 層次感很豐富,*如果將Muffin烘脆, 口感相信會更好薑汁梳乎里 (Soufflé)梳乎里上枱時, 薑汁味幾香, 而且鬆軟度十足, 但溫度只係微暖, 理應剛出爐的梳乎里應該會係較熱, 有啲失望

响佐敦食完晏仲未滿足，心思思想食多個甜品。路過 sense cafe，有股引力引左我地入去。好耐之前响元朗間鋪試左原味，覺得唔錯，仲記得啲爆炸糖撈埋tiramisu ，口感創新。今次我就點左抺茶tiramisu ， 朋友點左原味。朋友見到呢個咁清新可愛嘅盆栽賣相，未食先興奮。上次食過原味，知道佢面頭嘅朱古力脆脆比較硬。所以，今次唔駛猶豫，將匙羹插到最底，一羹一次過咁食晒幾層，脆脆加埋啲抺茶忌廉、蛋糕，軟硬軟硬咁，口感特別。不過，都係未能夠滿足嘴刁嘅我。 當你食過日本某大傳統抺茶老店，你就明白！有啲嘢真係番唔到轉頭。 點都好，呢間係西式甜品，又好難同日式比較，整體見心思嘅，有時喺度食晏，啲set lunch都OK架，特別係個杯熱情果茶。

難得放假決定接我屋企隻豬放工食飯以往都係去開CWB TST 果邊，今次就黎呢到試下大約7點幾都唔算好多人好快就有位見好多人都話Egg benedict好食就試下啦賣相比較一般，但食落都唔錯（好耐之前食已遺忘味道....）之後叫左多意粉😸呢個飯唔可以話好特別，但果兩隻蝦真係好鬼好食如果比多兩隻黎就好喇最後又點少得甜品喎！係眾多選擇中要左個我未食過既盆栽提拉米蘇^^一直好想食咁既甜品好耐...今次終於有機睇相以為會再大個小小..但其實好細個...本身以為係平平無奇既甜品，但食落又有一番驚喜面到既泥土混合左爆炸糖落去，食落感覺好特別值得一試

呢度出名係食甜品，第一次來我就叫左甜品，點知朋友竟然話想食egg benedict, 心諗：有無咁攪笑黎甜品店唔食甜品呀，點知佢無錯！呢度既egg benedict真係唔錯的！於是最近想食就會走黎呢度食！呢度既飲品都好唔錯，甜品唔洗講都好食，價錢公道，樣更加係靚！第一次黎食tea, 不過已好耐之前。最近再黎食Egg benedict, 雖然無第一次食時咁衝擊，但都好食！blueberry yogurt

今日凍冰冰， 好難得約到閨密出黎食個靚tea~見到本身睇中個間排長龍，即刻轉軑去隔離~從牆上既黑板畫，睇得出店主既熱情同心機嗎咁凍既天氣下，有人好想好想食熱辣辣既炸薯條，有人就"燒雞翼~佢鐘~意食"再有人隔離野飲香，睇中人地杯oreo沙冰所以最尾枱上就出現左蜜糖雞翼薯條，由魚蘇同2杯oreo沙冰喇呢個tea set食完唔會有內疚感，因為份量係one bite 就夠~ 至於個沙冰，雖然本人心諗。。凍冰冰飲咩沙冰。。但係2位肥妹仔都話好夠rich好夠料~俾個like 喇而家個杯跟餐花果茶甜味0岩0岩好，仲有少少水果喺入面，新鮮得黎浸耐左都唔爛，係正既Tea time不能少既甜野!!!就黎一個鐵板brownie配vanilla icecream~係必食同抵食!!!點解?你試過就知咩係冰火脆軟呢間店最正係夠spacious, 枱同枱中間唔會好近，價錢又夠親民~最好係店員非常有禮貌，野食又快上~~like既!!