鋿晶館

Open Now

Now Closed

【北區】【鋿晶館】呢排多咗經過上水，但又唔代表多咗喺上水食嘢。不過我作為一個八卦精，都會留意吓附近有咩餐廳啱自己食。而我喺上水匯就見到呢間「鋿晶館」，好似喺其他地方都見過有佢哋嘅分店，然而最令我關心嘅反而係個「鋿」字點讀，原來係讀個「常」音。呢個字可以解「磨」或者「車輪繞鐵」，都係未必咁用得著嘅字，用得呢個字睇落都似係高級中菜館。點知同真正哥去到試佢先知原來係一間經濟又實惠嘅中餐加茶記，非常有趣。首先試 $48 嘅「五香牛肚牛筋河」，濃香而不濃味，幾具質素，有啲料到。喺碗麵唔錯之下試埋飯，初初大家對呢個 $98 嘅「蒜香虎蝦蒸飯」感覺麻麻，點知一食先知好正，啲飯不但索到豉油汁味，仲有蝦嘅鮮味、蒜嘅香味同埋隱若有荷葉味，估唔到大家係秒清咗佢。其實唔止啲飯，啲蝦本身都好食，好新鮮，調埋蒜味更加惹味。試咗兩款中式嘢，試埋 $48 嘅「脆炸魚柳菠蘿包」就感受到啲茶記成份喺度喇。個包香甜軟熟，而炸魚柳亦都大大塊又熱辣辣，正。嘢飲方面我哋都係飲 $28 嘅「青檸梳打」，味道都濃香而生津解渴嘅，面頭仲有隻熊仔樣嘅冰等佢慢慢融化，咁樣二百零蚊唔貴吖。。。（地址：上水龍琛路48號上水匯2樓204A &

放假同朋友嚟上水行下，本來有人打算北上搵食，路經上水匯，發現原來「鋿晶館」喺呢度開咗新分店，即時轉呔，一於留港消費。餐廳由米芝蓮西餐大廚及中華料理携手合作主理，以中西融合為主題，形象嶄新。餐廳是自家製品牌，餐牌選項非常豐富，除咗一系列養生燉湯、鑊氣小炒外，仲有健康沙律、荷葉籠仔蒸飯、銷魂咖哩等供應。點咗👇黑蒜響螺燉赤肉湯，盅湯非常足料，內有一大粒完整黑蒜、瘦肉同響螺。嘗一口，湯水味道好正，帶微微甘甜，充滿著黑蒜香味，而且飲完絕對唔會覺得口渴，滋陰又潤燥。脆炸魚柳菠蘿包， 菠蘿包賣相超吸引，外皮鬆脆，麵包軟熟，食落唔膩滯。魚柳炸至香脆，肉質 Juicy 細嫩，而且夠大塊，相當厚身，配菠蘿包食一流！原條蒲田燒鰻魚蛋包飯，鰻魚原條上，無花無假，比手掌還要長，燒到表面微脆，入口啖啖肉，軟嫩彈滑又富油脂。雞蛋煎到有燶邊，食落好香口，同肥美嘅鰻魚簡值係絕配。飲品點咗杯山楂蘋果，蘋果具生津止渴、健脾益胃功效；而山楂則有利於降血脂、抗氧化之效，入口酸酸甜甜，消暑又解渴。

今日來到上水，新餐廳開到成行成市，當中又比我地發掘到一間⭐寶藏中菜館⭐!價格相宜但食物質素非常有水準! 大廚有料到!!位置方便，火站站沿住天橋直通商場，餐廳就係左手面!MENU多款式且新穎，睇得出菜館老闆用心設計過!我地點了兩份燉湯套餐，暖暖身子⭐椒鹽黑毛豬扒炒飯 配燉湯椒鹽口味調整得岩岩好，吾太咸吾太辣 惹味香口，黑毛豬扒大大塊肉汁夠 我地好欣賞個炒飯，好金黃夠乾身，粒粒分明好好食! ⭐豉汁欖角鱔片荷葉蒸飯 配燉湯 擺盤吸引 好香 鱔片係爽脆既 證明好新鮮! 無腥無泥味! 飯粒吾會蒸到林哂 會有口感 撈埋鼓油豉汁欖角 極速清碟⭐姬松茸響螺燉赤肉湯 熱辣辣上台 湯料都幾多! 燉湯看似好清無咩油 但味道夠哂甜而濃，零負擔! ⭐芝士火腿牛角酥 見到隔離台食到津津有味 忍吾住都叫番個試下 牛角酥夠哂鬆化 又真係幾好食!⭐青檸西柚 & 椰汁紅豆冰 打卡一流 玫瑰冰粒好靚(我試左係用番汽水&紅豆汁雪成，幾細心!) 兩杯味道都吾會好甜，紅豆夠哂多! 今餐未食完我地已經望住MENU 研究緊下次要試邊款菜式，茶餐廳價錢 中菜館質素，又多一間寶藏餐廳收藏嚕!

材料豐富養生燉湯🌸香芒蝦球🌟🌟🌟🌟🌟炸得香脆而不膩，香芒汁滿滿包裹唔算太甜，味道適中，底仲鋪新鮮沙律菜，小編將香芒汁拌埋沙律菜食埋。🌸原條蒲燒鰻魚飯🌟🌟🌟🌟🌟超juice既鰻魚，肉質帶點彈牙，鰻魚同白飯中間仲有滑蛋包裹，唯獨是白飯偏硬，但成碟份量非常十足。🌸姬草茸嚮螺赤肉燉湯🌟🌟🌟🌟🌟天氣凍凍地最啱飲燉湯，飲完暖笠笠，呢個燉湯不得不介紹，材料豐富，超多材料，啖湯鮮甜，小編將所以湯料食晒同飲晒。🌸奇異果梳打🌟🌟🌟🌟🌟呢個打卡一流呀！有隻熊熊造型冰，奇異果梳打味道比較fresh，味道唔錯呀！小編好努力等熊熊溶，可惜熊熊溶得太慢，小編飲晒成杯梳打，佢都未溶。======詳情======鋿晶館 (上水)上水龍琛路48號上水匯2樓204A & 205AB號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #上水美食 #上水好去處 #香港美食探店 #香港探店 #我是吃貨 #打卡熱點 #打卡美食 #著數報料 #養生燉湯 #小炒 #焗飯 #海鮮荷葉籠仔蒸飯 #特式特飲 #打卡飲

因為男朋友住粉嶺偶然會過嚟上水食飯，今次呢間餐廳係自家製品牌，我一向知有間上環分店專食點心，今次入到黎先發現原來呢間反而係小菜為主，但一樣好有驚喜。———————————————🌟龍仔荷葉豉蒜帶子蒸飯 $98啲飯粒好煙韌，個水份量做得好好，令飯粒口感非常好。啲豉椒同蒜蓉嘅味道好香濃，同埋帶子都好新鮮，加上蒸飯將荷葉同豉蒜焗返入去，每啖飯感覺都非常香。.🌟牛肚牛筋湯河粉 $48份量幾足夠，牛筋煮得好腍好入味，入面仲配有幾條青菜都非常翠綠同新鮮。.🌟脆皮魚柳菠蘿包 $48呢個菠蘿包有種中式漢堡嘅感覺，菠蘿包外層又香又脆，帶有淡淡嘅甜香，入面嘅魚柳好大塊又又唔會好厚粉，但整體真係個菠蘿包面加曬分，非常推薦。.🌟抹茶奇異果 $38呢杯抹茶奇異果味道清涼怡人，抹茶味道唔會調得太濃，令奇異果嘅酸甜同抹茶更完美結合。另外有可愛嘅熊仔冰係面頭，後尾先發現原來熊仔冰都帶有少少甜味，整碎仲可以當刨冰食，好飲好食又好睇。.🔸整體評價🔸感覺呢間中菜好特別，餐廳環境到服務質素都唔似一般茶記，而且菜式同飲品都好有心，我見有d其他特飲仲有花花冰，係間連打卡需要都滿足到嘅餐廳😍可能都係因為本身佢品牌係有就職於日本東京

上水 想食吓中式菜，但又諗唔到specific食咩好可以嚟呢間 中式餐館 鋿晶館餐館師傅 起 香港起多間 米芝蓮酒店、連鎖集團做過餐牌 有多款菜式選擇我今次就試咗 荷葉飯、燉湯蒜香石斑片蒸飯-招牌荷葉籠仔蒸飯，最欣賞個飯係炒飯底～蒜頭嘅香味 香口、濃郁再加上荷葉嘅淡淡香味係 嗅覺👃同味覺 👅嘅雙層享受冇骨嘅魚 就係幼滑、易入口川芎白芷天麻燉斑骨湯-無添加嘅養生湯 呢幾日都有少少作感冒飲咗呢個行氣活血嘅燉湯真係感覺到去到頭風～🥹

喺dinner同下午茶交界嘅時間,想食啲餸又想食tea ，咁啱見到一間咩都有餐廳，就去試吓，比我想像中有驚喜😆鮮菇菌炒蛋白呢個配搭好好，同埋佢炒出嚟嘅蛋唔會好老好嚡！啲蛋沾滿洋蔥同埋菇嘅味！蒜香班頭腩蒸飯佢揀嘅魚腩好大舊好肥，而且啲飯充滿咗魚油嘅香味，絕對對得住呢個價錢！下次如果夜啲食可以試埋佢個套餐😗蜜味欖角醬雞球第一次聽欖角醬🤔好奇叫黎試下，個醬偏甜，帶一啲梅味 ，感覺幾特別。芝士火腿牛角酥 由於想食下午茶😋叫咗個牛角包，俾我想像中好食，因為佢個牛角酥好重牛油味，上枱好香仲要熱辣辣☺️呢度嘅份量絕對可以三個人食，抵食！

上水有一間開咗唔係好耐嘅中菜館入邊除咗中菜外 仲有其他港式嘅菜式今次我就決定試吓佢嘅午市燉湯套餐🔥豉汁欖角鱔片蒸飯 配燉湯 $128可以配一個$60以下嘅燉湯我揀咗沙參玉竹燉赤肉湯😃結果真係好有驚喜.燉湯飲得出嚟好足料好似媽媽喺屋企煲嘅味道唔會過鹹，而且飲唔到有味精😃.另外超級推介豉汁欖角鱔片蒸飯😍😍大概要等15分鐘因為餐廳係即叫即製一上台一下熱辣辣嘅蒸籠入邊底部鋪咗荷葉再將飯同鱔片欖角一齊蒸超級香口，好好味😍😍飯都唔會太濕 而且有少少焦焦的感覺有啲似煲仔飯，而且有好香嘅荷葉味😍😍😍鱔片啖啖肉好新鮮唔使點佢提傾嘅豉油都好夠味🥳.

📍鋿晶館呢間粵菜館之前都食過幾次，遍怖新界港九，係自家製品牌！點心師傅曾係日本東京富麗華就職多年，專為高管達人和明星服務，回港之後係多間米芝蓮酒店同大型連鎖酒樓集團做主管，經驗豐富！🍐雪梨乾南北杏百合燉赤肉湯 $58呢個燉湯真材實料！超多材料😆落左好多赤肉，呢個位置肉質細嫩，脂肪含量少，用嚟燉湯係唔錯嘅選擇～雪梨、百合、紅棗嘅份量都唔少，飲完之後成身暖笠笠🐥滑蛋大蝦球 $98滑蛋食落好嫩口，整得啱啱好～大蝦球既份量好多，數到有成差唔多8-9隻，俾得有夠多😆幾有火候！雖然家常便飯，但煮得好食亦都唔簡單🐷尖椒回鍋炒腩片 $78腩片份量夠曬多，炒完之後唔會鞋口或者韌～味道幾足，好夠火候，喺屋企難以炒到嘅味道！尖椒既辣味更加提升左腩肉既味道，做到香而不膩 ，係一道惹味好下飯既餸🥄豉蒜帶子蒸飯 $98平日食左既蒸飯大多都係用雞、排骨果啲，今次食既帶子蒸飯又真係第一次！！！總共有八粒帶子鋪喺飯既上面，出奇地蒸完之後帶子食落都唔會乾柴，亦都冇縮水～沾埋啲豉蒜汁味道鹹鹹哋，配埋個蒸飯一齊食就啱啱好🥯雞扒菠蘿包 $48賣相好掂🤩一上枱已經瘋狂打卡😆Burger 用左菠蘿包幾特別！菠蘿包係新鮮熱辣焗起，金

郊遊前找個地方吃早餐，在openrice見到這家餐廳的評價不錯，到達後亦見店內相當有人氣，看來中伏機會微，就入內試試。選了早餐H，豬扒可免費轉雞扒或炸魚柳，麵亦可免費轉作貝殼粉或米粉，於是就成了雞扒蛋米粉。食物上枱時，兩隻荷包蛋均沒有明顯的油光，湯米粉亦是清的，沒泛油，看上去相當健康，滿意！煎雞扒另碟上，雞皮試了一口，香口帶脆，煎得相當不錯，不過早上尤其不想吃油膩食物，只好忍口起掉全塊。雞肉嫩滑不鞋口，帶點煎的香氣，美味！米粉份量偏多，合男士的食量。餐飲選擇多，跟餐轉凍飲只需加3元。選了凍菜蜜，是"賣飛佛"，十分合心意。環境企理衛生，枱椅不會黐𥹉𥹉，不錯！

上水匯有幾間餐廳，鋿晶館就位於2樓，天橋一入商場就會見到，商場比較暗但一入去間餐廳就非常光猛同寬敞！！去到坐左係邊邊位置，餐廳職員好熱情，完全無忽略坐喺角落頭嘅我哋，仲會主動行過嚟同我地落單。而且佢哋笑容都好親切，讚！（1）尖椒回鍋炒腩片 $78好夠火候，好夠味，熱辣辣，唔會太辣，腩片份量充足，食落好嫩口唔會太老。（2） 南瓜海皇浸菜遠 $88呢味菜一上枱見到佢黃黃嘅湯就覺得好入味，滿滿嘅南瓜清香，湯入面仲有南瓜蓉，啲湯比我清晒！呢碗菜遠海鮮份量都好多，有蝦有帶子有魚，無雪藏味，食落唔會好霉好腍！啲菜都好新鮮，煮得啱啱好。（3） 豉蒜帶子蝦球豆腐 $138呢款係餐廳嘅新菜色，8件豆腐，4舊鋪咗豆豉帶子，另外四舊鋪咗蒜蓉大蝦。兩隻味道完全唔同，一碟菜式可以有兩種口味，好滿足。帶子同大蝦啲肉都好結實，配上又滑又香豆味嘅豆腐，再加上豆豉/蒜蓉，送飯一流！兩款都好好味，但私心比較鍾意蒜蓉大蝦！！（4） 沙嗲牛肉麵 $28好香沙茶味，仲有花生味，牛肉唔會硬到咬唔開，啲汁唔會杰撻撻，公仔麵浸完都唔會淋晒脹晒，飽飽都忍唔住要KO晒成碗麵！（5） 蘋果山楂 荔枝烏龍茶 $38@呢間餐廳有提供特飲，叫黎

每間行大牌檔式中茶，都會必叫小炒皇試一試個廚師嘅鑊氣，喱碟小炒皇功夫足夠，拎嚟餸飯一流。要過通常有啲版乾魚仔海味嘅情況之下都會叫但滑蛋一齊撈飯，叫咗個滑蛋大蝦球，啖啖肉超正再配上流心滑蛋，早知叫白飯唔叫椒鹽豬扒，不過椒鹽豬扒飯$57性價比幾站，好幾塊豬扒都大大塊，佢地啲餸菜都真喺偏大碟。有趣嘅喺喱正到個餐牌真喺咩都有啲，中西式fusion，突然好想試個吞拿魚沙律牛角包。又喺超級大個，真喺好彩我地喺4個人食。聽到隔離檯話啲燉湯好正，屋企人都叫咗個淮杞圓肉螺片燉赤肉湯$58同埋姬松茸螺片燉赤肉$58，個人比較喜歡圓肉，因為超甜好入味，但老人家們就鍾意姬松茸比較清啲。後生嘅，梗係有飯杯凍野，整個鹹檸出嚟解吓熱氣喉嚨舒服，同埋山楂蘋果。新增蘋果幾好飲，估唔到，真係幾開胃，原本冇乜胃口飲落去舒舒服服。

今日泥都上水食呢間鋿晶館，見到做緊下午茶餐牌都幾抵食即刻去試吓🤤 呢間餐廳做嘅係點心係即叫即做手作點心非常有心思，聽聞佢個師傅仲係曾經做過好多間米芝蓮餐廳嘅主管期待感拉滿即刻去試吓👆🏻👆🏻蒜香班頭腩蒸飯（$88）班頭腩鮮味十足而且火候啱啱好魚肉，做得好嫩滑而且魚皮爽口再加埋蒜蓉嘅精華做出嚟嘅蒸飯真係唔錯，而且斑腩份量都好多😎原條鰻魚蛋包飯（$98）鰻魚份量好大條仲好厚肉而且鹹甜嘅鰻魚汁燒得好入味再加上份量超多嘅炒蛋，食落去蛋味香濃，而且口感嫩滑送飯一流🤤法式多士配珍寶腸（$42）煎炸好嘅多士，加上糖漿超邪惡多士食落去柔軟鬆脆😈

鋿晶館SC CUISINE📍上水龍琛路48號上水匯2樓204A & 205AB號舖最近同同事到這間去年10月才進駐上水匯的人氣中菜館用午餐。鋿晶館以平民價格提供酒店級的新派小菜,餐廳是自家品牌。師傅曾在多間米芝蓮酒店及大型連鎖酒樓集團擔任主管,擁有豐富的經驗。鋿晶館地理位置非常方便,從港鐵上水站步行只需約2分鐘。香芒貴妃大蝦球(六隻 $118)以16頭越南虎蝦為主料，蘸上蛋漿炸，配上自家調製的芒果日式沙律醬，外脆內裡蝦肉好爽口，真心抵食！椒鹽豬扒炒飯($78)以肥瘦適中的梅花肉為主料,快炒並搭配恰當的調味，肉質鮮嫩多汁,配上被蛋汁包裹粒粒分明的炒飯底，很搭配。咖哩牛腩煲($98)湯汁濃郁醇厚,牛腩軟嫩入味,散發咖哩香氣,配以新鮮青紅燈籠椒,層次豐富。雞扒菠蘿包($48)菠蘿包外皮烤焙鬆軟可口,雞扒汁多肉嫩。姬松茸燉螺頭($58/盅)以頂級姬松茸、美國生晒螺頭、新鮮雞腳和赤肉燉煮4小時,原汁原味，絕對值得一試。海底椰百合無花果燉湯（$58）湯品清甜可口，剛好昨天帶同事食完辣，今日飲這個生津滋潤既湯剛好。

鋿晶館（上水）餐廳位於上水龍琛路48號上水匯2樓,餐廳主打中西式茶餐廳,廚師曾就職於日本富麗華酒店,專服務明星和富貴達人,回港後在多間米芝蓮酒店和大型連鎖式集團酒樓當主管,經驗非常豐富,所有點心即場製作,係自家製品牌。餐湯姬松茸響螺燉赤肉湯燉湯材料豐富,湯底清甜,不膩,不鹹,無味精,啖啖湯都有香濃姬松茸和響螺味,此湯潤喉滋陰。香芒大蝦球大蝦球被芒果蓉包圍著,表面仲有花生碎,墊底有生菜絲,新鮮蝦球入口彈牙鮮甜,,連生菜絲都有芒菓蓉,食到滿口香芒味,廚師值得一讚。豉汁蒸白鱔配有香蔥的豉汁蒸白鱔係最佳配搭,廚師控制火喉剛剛好,啖啖白鱔肉好惹味。蒜香斑頭腩蒸飯廚師將新鮮斑頭腩用竹籠和荷葉來蒸飯,蒸飯會有荷葉香味,蒜香和蔥粒提升斑頭腩的鮮味,整個蒸飯芳香撲鼻。雞扒菠蘿包雞扒菠蘿包配有青瓜和沙律菜,菠蘿包有焗過,好脆口,大雞扒煎到金黃色,色香味俱全,啖啖雞扒肉食落好香口。餐飲有紅棗桂圓枸杞茶和咸檸七。