龍驤 (Closed)

今日去開尖沙咀博物館行下，中午時間要搵嘢食，上網睇下附近有乜食。見到呢一間午餐有八折優惠，就決定試吓。我同朋友一個叫omakase一個叫鐵板燒，每個set都係二百幾至三百幾，抵。鐵板燒午餐朋友揀左中海老，燒銀雪魚，美國安格斯牛肉薄燒，跟餐有沙律、日本蒸蛋（推介！！超滑，有蝦同元貝，鮮味即刻提升！)、麵豉湯、炒野菜同炒飯！海老同銀雪魚燒得剛好，海老彈牙，魚嫩滑。Omakase 12卷，店員好詳細介紹每種魚，邊樣先食邊樣後食，包括左口魚邊、日本海膽、白蝦、赤綠魚、拖羅等。全部都係因時節而選，所以有機會每次去有唔同驚喜。每樣都鮮甜好味👍🏼👍🏼服務周到，環境舒適，價錢抵！值得再去。😊

今日同屋企人行完Donki，我哋就喺尖沙嘴尖東呢頭搵地方食lunch。因為屋企人想食日本菜，我哋就嚟到尖東新文華中心呢度食龍驤啦門口好有日本居酒屋嗰種feel舖入面啲裝修都好和風餐廳個雪櫃有好多日本酒我哋一人叫咗一份lunch set share嚟食可能因為我哋叫嘅係定食，雖然佢menu冇寫到會包啲咩，但係首先嚟嘅就係沙律同埋茶碗蒸。我好鍾意佢呢個茶碗蒸，因為佢有好香濃嘅菇味，仲會有蟹籽鋪喺面我叫嘅係每日刺身定食($158+1)，咁就有跟飯同麵豉湯。侍應上菜嘅時候會介紹一下今日有啲咩刺身同埋食嘅次序，因為佢話餐廳每日都會揀返嗰日最新鮮嘅食材比顧客，所以每日嘅款式都可能會唔同，不過大拖羅就一定日日都有嘅啲刺身全部都好好食，我食嘅係爽口嘅大墨魚同池魚王、鮮甜嘅帶子、油脂味好香嘅銀鱈魚同埋冇得輸嘅大拖羅屋企人叫嘅係網燒安格斯牛扒定食(180g)($188)，都係有跟白飯同埋麵豉湯呢塊牛扒都好大塊，肉質唔會話韌，不過如果冇咁熟嘅話可能就會再好食啲食完之後仲會有跟餐飲品㗎我覺得呢個價位喺尖沙嘴嚟講都可以接受，不過感覺刺身set更加抵食，因為啲魚生全部都好高質呢

今日喺尖沙咀見朋友，佢話有間日本野幾好食，就帶咗我入去。佢話而家lunch set仲有八折。我哋每人叫咗個lunch set，然後再加啲小食一齊share。個定食包左沙律、蒸蛋、同湯！個茶碗蒸都幾好食，入邊有啲魚子同菇，蛋好滑！朋友叫咗個是日刺身定食，d魚生都幾新鮮！尤其係拖羅，有入口即溶既感覺！呢個西京燒銀鱈魚一試難忘！我朋友話佢冇點到汁，但係都feel到佢個魚表面有甜甜好似蜜糖嘅味道，我點左個沙律醬覺得好好食，佢個魚好軟熟，食落去好新鮮！我哋叫咗個餃子，佢煎得幾好食，點埋個辣辣地嘅汁，好醒胃！我哋都追加左個雜錦天婦羅，佢炸得好出色，個蝦外面好脆，入面新鮮！仲包埋一杯嘢飲，成個set又有嘢飲又多嘢食好抵！

勞動節當然要獎勵吓自己😏 同個朋友去咗紅磡呢間餐廳食lunch, 可能因為係商業區, 加上假期, 所以餐廳唔洗等位☺️門口有一份menu可以睇咗岩唔岩先入去, 門口充滿日系色彩🇯🇵先黎前菜: 蒸蛋同埋沙律菜, 蒸蛋上面有三交魚子點綴, 有心思, 底層亦有蟹肉, 蛋蒸得幾滑, 唔會overcook/too dry👌🏻朋友點左個刺身lunch set($158), 入面有帶子, 油甘魚, 銀鱈魚, 拖羅 同埋 另一種魚(唔記得咗😂). 我夾咗舊拖羅試, 都唔錯, 小小鮮味同同輕微嘅肥 唔會太油膩👌🏻壽喜燒($108), 好足料, 上面有好多舊牛肉, 下層有娃娃菜, 粉絲, 豆腐等等, 個汁亦唔太鹹唔太油, 都算唔錯另外追加咗2款小食 — 餃子 同埋天婦羅.坐bar枱可以欣賞到木系到不得嘅花🌼Overall 人均200, 如果唔叫小食會平啲, 作為lunch set都算合理價錢

餐廳環境不算好大有張bar檯 + 2/3張大檯b 是日刺身定食 $158-定食包左：白飯 湯 沙律 同埋 茶碗蒸-有5款刺身 有帶子 牙帶魚 比目魚 池魚 拖羅-個人比較鍾意比目魚 油脂味比較重☺️-拖羅有少少失望 唔係入口即溶🥺e 壽喜燒 $108-份量都大 幾多牛肉-不過有啲油膩🙈什錦天婦羅 +$108-有幾款天婦羅 有：炸蝦 南瓜 冬菇-不過太油🥲所以唔係好食得曬煎軟骨餃子（5隻）+$58-餃子餡料比較少🙇🏼‍♀️不過都食到有軟骨 幾有口感！

餐廳環境好似日本嘅居酒屋咁，設計充滿日系風格🏮店員服務態度好好👍 會經常睇吓小編有咩需要，又逐一為我地介紹各款壽司🍣☺️自選鐵板燒午餐 （$248）車海老（大蝦）+ 鵝肝 + 牛肉薄燒 + 炒飯大蝦爽口彈牙！食落味道鮮甜，仲要勁大隻🥰 鵝肝食落充滿油香🤤不過略嫌熟左少少😛 法包烤到勁香脆，夾埋一齊食可以減少油膩感接住有美國安格斯牛肉薄燒，肉質軟嫰～ 中間夾埋炸蒜同韭菜，令味道更加豐富！炒飯粒粒分明，一啲都唔覺油膩🤩👍仲加入左櫻花蝦、蛋碎、蔥花等配料，食落好惹味😋 Omakase 驤 （$328）前菜有茶碗蒸同沙律～ 有帶子、海膽、拖羅、吞拿魚、魷魚、針魚、三文魚籽、剝皮魚同銀鱈魚等😋針魚同銀鱈魚平時比較少食，前者油脂豐厚，魚味就淡少少，後者肉質肥美爽口，都幾特別！拖羅充滿油香，接近入口即溶！勁高質🥰 其他都好新鮮☺️值得一試呢個set仲有左口魚手卷，入口即溶😋左口魚絕對係小編最鍾意嘅刺身之一😍

今日跟朋友到尖沙咀文華中心尋找這個隱世食市......「龍驤」！平時去尖沙咀也會經過這個歷史悠久的文華中心，但卻從來沒有入去，估不到這個商場雖然有點舊，但原來也隱藏着一些好東西，好像這間日式餐廳一樣，門口雖小，但卻內有乾坤，餐廳內除了一入門口的兩張枱之外，原來還有兩個廂房，私隱度非常高。雖然是午餐，但選擇也很多，除了定食還有鐵板餐以及壽司可供選擇。今日選了一個雪場蟹肉稻庭烏冬定食，以及燒蝦及銀雪魚鐵板餐，食餐中途，朋友表示這裏的食物水準不錯，於是再叫了一些壽司食，以下為大家逐一介紹：雪場蟹肉稻庭烏冬定食份量包括有：1）餐前沙律及腐皮壽司-沙律菜賣相及食落都新鮮的，腐皮壽司如果不說完全食不出是腐皮，口感較為軟淋，都幾特別。2）魚子蟹肉燉蛋-燉蛋整得好靚，魚子大大粒，燉蛋夠滑，蛋內還有些雪場蟹肉，所以非常非常鮮甜。3）主角出場，雪場蟹肉稻庭烏冬，這個主角份量非常足夠，烏冬大大碗，蟹肉也毫不吝嗇，一樣是大大塊的，配上一些滑蛋一齊食，這個烏冬真係冇得輸，蟹肉鮮甜度非常高，烏冬亦好彈牙，下次再食也會再叫這個呢🤣🤣燒蝦銀雪魚鐵板餐：這個餐跟了味增湯及炒飯，店主很好，知道我們二人同行，把炒飯分開兩碗

今日約左朋友去尖沙咀食午餐，佢話想試下omakase，所以搵到呢間叫龍驤既日本料理。呢度裝修都充滿日本風，令人感覺真係好似置身係日本咁。先叫左omakase(驤)$328有12件壽司同1條手卷先會有前菜有茶碗蒸同新鮮沙律之後就黎主角壽司啦！侍應教落首先食左白色魚先，之後再食紅色魚，服務態度一流！白蝦 - 表面晶瑩剔透，咬落去肉質果然充滿膠質！池魚 - 質地好似紙咁薄所以入口即溶，魚味仲好濃郁添！針魚 - 質地帶有優厚油脂但係魚味比較清淡，所以食落都唔太膩。帶子 - 肉質厚實而且仲好有彈性，口感甘甜無比！左口魚 - 食落感覺肥美爽口，火炙過既魚邊仲帶出陣陣濃郁既魚油香味添！銀鱈魚 - 口感細膩得黎都好厚實，鮮嫩軟滑！墨魚 - 口感細嫩爽脆，魚香味同獨特既柚子味一直充斥係口中久久不散，正！海膽 - 食落好新鮮，幼滑既質感一試難忘！三文魚籽 - 粒粒都好鮮艷明亮，新鮮既海味同鹹甜味都好夾！赤身 - 口感清爽而且回甘，肉質美味無比！鱆紅魚 - 肉質爽口，清淡優雅既魚香味都比較濃厚！拖羅 - 油脂分布好平均，咬落香軟爽滑，魚味醇厚！壽司飯唔多，所以食完咁多件壽司就岩岩好！壽司內都有調味，唔夠就再

以前係呢度食過一間居酒屋，宜家唔知係換左另一間定改左名，入面格局一樣，不過d人好似唔同晒，見佢午餐唔貴，仲有8折添，一於試下。1230去到，冇乜人，店舖入面唔算多位，比較細。lunch menu個menu冇寫到，但原來有沙律、湯、三文魚子蒸蛋、果汁包埋嫁！個沙律好好味，係芝麻醬，唔係用醋。蒸蛋好驚喜，竟然有三文魚子，入面仲有蝦，好香好滑。沙律菜溫泉蛋呑拿魚飯估唔到都好大兜下，好多沙律菜，溫泉蛋好靚，飯都好多，呑拿魚係蓉，好香，撈飯正燒魚定食係燒花魚，唔算好多骨，不過d骨比較幼，食之前都有d擔心，不過都ok燒得好香，皮好脆食完午餐意猶未盡，想食刺身想食油甘魚但未有貨叫左個三文魚刺身擺碟靚，三文魚都幾肥幾厚身，好油香再叫份玉子燒，$40，6舊都幾多上面好多蘿蔔蓉、紫菜、蔥d玉子燒好香，d蛋好滑，好好食餐飲，蘋果汁、橙汁總結午餐只係100蚊鬆d，包湯、蒸蛋、沙律、餐飲果汁，其實唔貴，仲有八折，個蛋幾足料。單點方面好多選擇服務態度好好佢開業耐d會多野食d，宜家好多都冇貨，同埋有d得晚餐先有得食，遲d會再嚟試dinner

為了同好朋友慶祝一下，今天中午特別來到尖沙咀新文華中心1樓的<龍驤>，品嘗一下佢哋嘅Omakase同鐵板餐，享受一下高品質的日式料理。Omakase這種矜貴的廚師發辦料理，其實就是由主理廚師對菜式作出主導，由他來為你挑選最優質、最時令及優秀的食材，也可以說是品味日本料理的最高境界，當然，主理廚師同樣地對食物質素有這種高度的要求，才能達到如此高水準的效果。午市套餐定食，前菜包含了溫室野菜沙律及日式蒸蛋。溫室野菜非常新鮮爽脆，特別一讚嘅係日式蒸蛋入口極為細滑，味道是有海鮮的鮮甜味道，而且蛋入面有蟹肉、冬菇及三文魚籽等配料，非常美味。日式蒸蛋非常精緻。<Omakase 驤 $328>壽司12件及手卷1件帶子壽司: 帶子肉質夠厚，入口肥美而帶鮮甜白蝦壽司: 味道清甜而帶鮮味日本海膽壽司: 海膽非常新鮮，入口即溶拖羅壽司: 極為肥美鮮甜，綿綿細軟口感銀雪魚壽司: 魚味清甜，入口嫩滑而帶油脂白魚配魚肝壽司: 味道極為鮮甜，而且魚肝的油脂很重，軟滑得來，非常特別墨魚壽司: 爽口煙韌三文魚籽壽司: 粒粒鮮味特出拖羅手卷: 咬下去紫菜很脆，打碎的拖羅同樣鮮嫩，軟滑無比&#

好耐冇寵下自己🤣今日決定食下好西去慰勞下！今日揀左間又有得omakase 同鐵板燒既，去到裝修覺得好日本風，同埋環境算闊落。餐牌有lunch set ,omakase 同埋鐵板燒，我揀左12件壽司同埋鐵板燒我已經唔記得咗12件壽司係有d咩，不過我最鍾意就係海膽同埋柚子池魚，海膽好鮮甜 池魚配柚子好香，魚香同柚子搭配好襯。想介紹多d 鐵板燒，因為同個師傅幾好傾鐵板燒首先set有得揀海鮮，同肉，個日揀咗牛肉，不過師傅話個日牛肉麻麻，比我哋再揀其他，依下我覺得幾貼心，唔會亂比食材食客。燒帆立貝我一望就覺得好大隻同新鮮！然後望住佢炒，個感覺好治癒，食落去都好鮮味，加埋清酒落去就更正啦鵝肝見到噤口嘅鵝肝心裏面都開心咗一下，因為出面食咁樣嘅鵝肝都要$100以上啦，依個餐都係二百幾，佢咬落去呢就煎得好脆，夾埋麵包就唔會太漏, fit sai ah !櫻花蝦廣島蠔蠔就好鮮甜，配埋櫻花蝦，仲有蔥嘅配搭，用來撈飯就好正，又夠鮮味！最後仲有一個炒飯仲有炒椰菜食添，唔可以以為炒飯同炒椰菜冇乜特別，佢嘅賣相都好好㗎，炒菜都要讚一讚，因為佢嘅炒菜專登炒得比較淡味，可以refresh下。最後一人一杯嘢飲就好滿足咁走

紅磡同尖沙咀嘅中間點，原來有好多隱世餐廳，呢一間餐廳開咗半年左右，星期六大約12點左右已經見到餐廳入面好多人，諗住試吓所以就入咗去啦。呢一間餐廳主打壽司、串燒、鐵板燒等等。餐廳嘅裝潢好有日本風，餐廳環境乾淨，侍應亦都好有禮貌，好貼心咁介紹餐牌上嘅食物。我同朋友兩個人各自點左一款套餐，我呢一款12貫壽司加一款手卷，大約$300左右，食到唔同嘅刺身，真係好滿足！尤其係佢嘅海膽食得出好鮮甜，完全唔會有苦澀味。壽司飯粒都整得好好食，偏向硬身嘅飯粒，粒粒分明，亦都用咗有色嘅醋去調製。所有嘅刺身都食得出佢保存食材得非常好，所有都好新鮮，而且鮮甜，唔會有溶溶爛爛嘅口感。套餐亦都包括左沙律同麵豉湯。而朋友就點左一款鐵板燒套餐，$500左右但係食到A4和牛，真係好抵食！佢嘅套餐仲包括左三款刺身做前菜，擺盤非常之靚，口感亦都好好。A4和牛入面亦都有蔥花同蒜片，蒜片令到成個和牛嘅口感提升，亦都令到個味道好出。和牛煎到五成熟左右，完全係有入口即溶嘅感覺。廚師亦都會將黃牛嘅脂肪用嚟炒飯，再加上啲櫻花蝦，食落口飯粒粒粒分明，而且唔會覺得好油膩。

呢排開多咗好多omakase餐廳，search search 下就見到呢間好近屋企嘅新餐廳😆～ 一入到老闆同店員都好有禮貌介紹餐牌😇 原來omakase係解廚師發辦，由廚師幫你設計食咩，仲等我成日以為係刺身tim👻 熱茶可以不停refill，係日本餐最好嘅拍檔😆午市除咗Set lunch，仲有omakase刺身同埋鐵板餐😋 價錢合理唔算貴，性價比高，重點係質素都有保證！以我哋食嘅份量，出面可能成千蚊💸 最後我哋埋單差不多$600，食得好飽肚👻 個人覺得都幾抵😛每個餐都包咗茶碗蒸，每一啖蛋吃得出濃郁嘅高湯，仲有蟹肉同魚子添！好足料😋另外仲有沙律🥗驤（壽司12件 + 手卷）（$328）入面有拖羅、海膽、魚子、魷魚、仲有好多魚壽司🍣 款款都好新鮮，師傅亦好細心為每一件壽司添上裝飾，食嘅時候喺鮮味上仲分別細嘗到檸檬、玫瑰花同芝麻香氣😋手卷入面係好新鮮嘅生呑拿魚同埋少少蔥粒🐟好精緻嘅豉油碟😍 水（鵝肝、赤豬梅肉、漬物、炒野菜、炒飯、味增湯）（$238）份量超多！先嚟鵝肝多士🦢 煎得剛剛好嘅鵝肝非常惹味又juicy，配埋多士一齊食冇咁膩😋而赤豬梅肉用咗西班牙黑毛豬，脂肪比例分明，食落肉汁真係喺口中

復活節點解咁快完呀？！我諗大家同我都一樣，真係覺得唔太開心，所以今日約咗朋友食lunch，決定食得好啲。我哋喺open rice 推介入面搵到呢間平家又抵食嘅日本餐廳。 餐廳係尖東，非常方便。入到去好正，有得揀食omakase或者鐵板燒，嘢都未開始食就已經令我哋好懷念日本旅行嗰陣時。環境走淡雅裝修，大家都坐得好舒服。唔知係咪因為太耐冇去旅行，餐廳和式嘅氛圍令我哋覺得好似去咗一轉日本咁。 Omakase 平時閑閑哋都要成四位數先有得落樓，有啲喺港島區嘅食晚餐仲要成$3000 - $4000, 我哋兩個食完之後都覺得，呢間嘅性價比真係好高，佢啲嘢食新鮮好味，可能老闆良心價，唔會因為收得便嘅價錢而用啲差嘅食材。 海膽 - 海膽入口即溶，好香濃 魷魚 - 咬落爽口 帶子 - 好鮮甜 Toro - Toro 入口化開左，無筋 右口魚 - 魚油非常豐富 白蝦 - 新鮮 銀雪魚 - 口感幼滑 針魚 - 針魚第一次食，師傅話係時令嘅海產 螺肉 - 好爽口 啲三文魚子脆卜卜 仲有其他都very good Last有份燒左口魚邊手卷，師傅輕輕燒左個左口魚邊，迫啲油分出嚟，非常有油香，作為omakase 完

呢間餐廳裝修成日本居酒木屋，風格地道親民🍶廚師採用新鮮食材，用心製作，主打中價廚師發板同鐵板燒👨🏻‍🍳💗Omakase 驤 ($328)帶子：肉質厚身軟熟，味道鮮甜⚪️白蝦：每隻晶瑩剔透，食落黏口重膠質🦐日本海膽：色澤鮮艷，質感幼滑綿密，味道甘甜🟠三文魚籽：每粒圓潤飽滿有光澤，鹹鮮味重🔴深海池魚：肉質細緻爽口，魚味較濃郁🌊右口魚：底下嘅生魚片肉質滑溜，配上火炙嘅魚邊，油脂香四溢🐟針魚：肉質爽彈，魚味清淡🪡銀鱈魚：肉質鮮嫩肥美，經火炙後突顯其脂厚油香🔥墨魚：肉質爽脆且不韌，刨下少量清新嘅柚子皮🐙紅鱆魚：肉質爽滑，魚味適中🐠赤身：肉質結實有咬口，味道鮮美🍣中拖羅：瘦肉同油脂分佈平均，肉質尚算細滑🐋大拖羅紫菜手卷：大拖羅肥美細膩，配上紫蘇葉中和油膩感🌿💗鐵板燒 水 ($238)🍱套餐配有茶碗蒸🥚、漬物🥕同味噌湯🍲鵝肝：法包烤至香脆，放上軟嫩豐盈嘅香煎鵝肝。食落油脂都算甘香，未止於入口即化🦆赤豬梅肉：以牛油煎至8成熟，肉質軟腍帶嚼勁，脂肪分佈均勻，帶爽口嘅肉筋，豬香味濃 🐖炒飯：炒得乾爽唔油膩，粒粒分明。配料加咗櫻花蝦﹑乾蔥、蔥花、甘荀粒同雞蛋碎，整體焦香惹味🍚💗網燒美國安格斯牛扒定食($188