龍驤 (Closed)

朋友帶我食Lunch，係尖東一個好樸素嘅商場入面，好多小店，可能落雨關係間間都好好生意😂。lunch set有8折每份定食都配沙律同蒸蛋是日刺身定食帶子同埋甜蝦都好鮮甜網燒美安格斯牛排定食好香黑椒味，就咁食會比較鹹少少，配飯食就剛剛好。牛排係薄片，肥瘦適中，咬落一啲都唔鞋口。天婦羅盛盒有三隻海蝦🍤同埋四件野菜（有冬菇、南瓜🎃、茄子🍆）熱到辣咀！天婦羅既麵衣唔太厚，一D麵唔油膩！醬汁淡左少少🤏🏻。

餐廳係位於尖東既新文華中心星期6放半日,見到呢間LUNCH SET幾抵食(做緊八折優惠).🇯🇵整體裝修環境都好日本風. 每個SET都包茶碗蒸🥚, 沙律, 麵豉湯. 茶碗蒸超滑溜, 好好食, 反而麵豉湯同沙律就普普通通. 本日特選の刺身定食 ($158)🐟🐠三文魚腩入口即融拖羅肥美油香帶子鮮甜每件刺身各2件都肥美鮮甜, 高質新鮮銀雪魚西京燒定食 ($138)🐡朋友唔食生冷野, 所以簡左個銀雪魚, 唔腥有魚油香味, 味道帶甜, 點埋沙律醬提升魚肉的鮮嫩滋味.天婦羅盛合 (追加$108)🦐午市套餐，可以選擇加錢追加天婦羅或者餃子.呢個天婦羅盛合，有三隻蝦同埋茄子、南瓜、菇. 炸粉唔多, 蝦都係好新鮮, YUMMY

<<Thursday Couple為食記🐖🍌>>今日係男友生日，打算同佢完咗staycation 就係附近食餐好嘅！☺️好嘢點少得日本嘢吖！😋朋友介紹咗呢間又抵食，又好味嘅龍驤☺️開頭估唔到係呢邊比較簡單嘅商場，都有呢啲咁岀色嘅日本野！好想介紹埋比大家！因為真係性價比好高！😍😍🥰佢呢到嘅午市套餐好抵食！😋仲有8折，有好多唔同嘅定食，丼飯，壽喜燒揀！😍😍講左好耐想食壽喜燒喇！呢到竟然有！😚之後仲可以追加小食，有天婦羅同餃子！🤩嗌嘅嘢食未到之前，佢哋會為我哋準備前菜，有沙律，同好好味，夠滑又濃郁嘅茶碗蒸，入面有足曬料，同埋用上湯煮，好正！😍話左要食餐勁嘅！🤣🤣我哋叫左個北海道鱈場蟹稻庭烏冬定食，湯底充滿蟹同蛋嘅香氣🥰幾好食，口味偏鹹一點，份量足，正😎每個餐都附上一碗麵豉湯同飯，超級飽滿！😂😂呢個係超甜，好好味嘅腐皮壽司😚🥳因為我唔係咁好生嘢，所以大部分，我哋都係叫熟嘅食物☺️呢個都係好肥，濃味嘅鰻魚飯🥰好正，醬汁夠，燒得好香，帶點煙燻味！🤩喜歡鰻魚飯嘅朋友！可以試！🤩之後岀場嘅！就係我最愛嘅壽喜燒啊~~~~~期待超耐，無失望🥰😍😍😍係好正個隻，飲到個湯底夠曬甜，又

網燒安格斯牛扒定食 （4.2）網燒完仲要用鐵板上，感覺都high class少少。雖然醬汁唔係我最鍾意，不過肉質就係我嘅favourite 唔痴牙唔韌，肉質夠林，略帶肥膏咁😌 如果轉鹽燒果種Style 就應該更高分西京燒銀雪魚定食 $138 （4.5/5）雖然價錢上比起牛扒平，但係其實性價比一啲都唔低。因為我自己覺得銀色魚真係唔係個個日本餐廳可以食到，而且$138佢嘅份量都算幾肥美大份😍 肉質甜所以感覺係食完開心。前菜有胡麻醬沙律，味增湯，最中意係⋯茶碗蒸 （4.5）其實真係好簡單單單，一片冬菇，一片嗚門卷。但好食就係好食，滑蛋鮮嫩，我諗最重要係溫度啱啱好。所以，係令人食完再想食。麵鼓湯都幾好飲，飲完唔會乾喉～ 無味精

🏷壽喜燒午市定食超日本feel 超正宗隱蔽日式店💕平時經過尖沙咀都冇見到呢間超日式餐廳， 今次因為openrice有優惠就去試左， 超好食而且個壽喜燒好日本， 一瞬間以為自己返咗去日本旅行!!😍💕🥘環境行到門口已經覺得好日式風格，入面係木色設計 燈光柔和， 我哋四個人去所以有獨立位， 另外亦都有類似拉麵店檯圍住廚師(成間店大概可以坐20人左右 唔算好大~)， 我嗰日十二點幾去到冇乜人，坐得好舒服🤣🍁店內播左好多有特色日劇主題曲💛因為我自己都算睇得多所以全部認得出🙈係special ver.平時其他店好少聽到!!🥁有Revival同Tomorrow💮🥘食物店員全部都超Nice，會先上暖水💗然後好快沙律同茶碗蒸就到咗🤤平時出去食salad都會少少擔心唔新鮮😂但係一見到就知道好新鮮😭❤番茄仔好甜又唔會好多醬!! 然後壽喜燒上到嚟嘅時候我簡直嚇親😂因為超超超大份，差啲張枱都放唔曬 ❤(啱曬我呢啲大食嘅人xdxd)溫泉蛋就唔使講啦，啲牛肉好滑入口即溶🤤🥓而且個壽喜燒湯底甜甜地好開胃，又唔會太鹹，同平時打邊爐嗰啲壽喜燒湯底完全唔可以比😍(朋友話好食到想即刻入廚房偷湯底🤭) 除咗牛肉之後佢有大量嘅蔬

午市做緊八折優惠，連鐵板燒套餐同埋set lunch都有真係好抵😍環境裝修好有日本風，有鐵板燒枱，亦有普通和食餐桌。另外佢個清酒櫃，都真係好吸引😍😍一開始朋友仲驚會食唔飽，點知我哋兩個都食唔晒🙈所有套餐都有跟麵豉湯，茶碗蒸及沙律😋😋🎈是日刺身定食 $158餐廳會精選當日新鮮刺身，今日我地就有新鮮鯖魚，拖羅，帶子，日本墨魚仲有間白。款款都係高質新鮮食材，特別係吞拿魚肥美油香👍🏻👍🏻🎈網燒美國安格斯牛扒定食 $188牛扒用鐵板上，配有大量椰菜👍🏻👍🏻醬汁亦都非常惹味，不過平日食開3成熟既我，就覺得牛扒熟左少少🙈🙈如果同我一樣鍾意食比較生既，落單前請記得同店員講一聲。🎈雜錦天婦羅 +$108午市套餐，可以選擇+$108追加天婦羅或者+$58煎軟骨餃子。我地決定加咗個雜錦天婦羅，有三隻蝦同埋四款野菜😋😋我哋今日有茄子、南瓜、香菇同埋瓜。食物新鮮炸起，再點埋個天婦羅汁，正👍🏻👍🏻❣️今次食完上完佢個午餐，已經決定下次要試埋佢個鐵板燒午餐🤗🤗不過提提大家，餐廳淨係開星期一至六，想食就唔好摸門釘😅

今日午餐就嚟試吓呢間係尖沙咀嘅日本餐廳。淨係餐廳嘅門面，同埋bar枱設計，已經好有日本特色！⚠️午市有八折優惠，更加抵食包左茶碗蒸，麵豉湯，沙律⚠️建議大家早少少嚟，因為都會有人等位午市套餐選擇都算多元化，有刺身，煎牛扒，等等不同選擇。魚生飯魚生切得好大粒，唔似得有啲餐廳會切到細細舊好可憐咁，份量都算大方。有三文魚，吞拿魚，帶子魚子，等等新鮮嘅魚生。特別要讚嘅係佢嘅Wasabi, 食得出係新鮮磨嘅，食落去唔係太公鼻，真係食得出wasabi個香味，配埋日式豉油，加落個飯度，將魚生嘅鮮味再帶出來網燒美安格斯牛排定食呢個製作比較需時，建議大家預夠足夠時間來。不過等都係值得嘅。牛排🥩嘅牛味好濃，用鐵板上，再配埋黑椒汁，好惹味。再配埋一大碗日本米，一啖牛一啖飯，好大嘅享受😎牛排下面有大量椰菜，中和返黑椒汁嘅濃味，又健康啲，值得推介小食－雜錦天婦羅（$108）加咗呢個小食同朋友share。有兩隻海蝦，兩件甜薯，一件茄子🍆新鮮炸出嚟熱辣辣，加上天婦羅個皮都算炸得薄身，即刻都食得出係新鮮，肉質彈牙。甜薯亦都好甜，好味！

龍驤👻難得放半日假晏就當然食好啲之前見到依間日本菜午餐menu仲要有8折咁抵食即刻要黎試下😆每款定食都仲配埋沙律、麵豉湯、茶碗蒸成個set真係勁多野食🤣🤣.🔅是日刺身定食 HKD 158今日有五款刺身每款都有兩件✨拖羅✨入口即溶既拖羅夠哂肥美有油脂又無筋✨帶子✨好鮮甜又大粒食落都覺得好新鮮✨深海池魚✨平時比較少食池魚食落又幾濃池魚味都啲咬口唔係好淋既✨輕炙銀鱈魚✨油脂好足好好食雖然佢炙咗但係入面仲keep住凍唔會過份地炙燒🤩✨墨魚刺身✨幾有咬口既墨魚唔係難咬個款係新鮮既咬口😆🔅蒲燒鰻魚定食 HKD 138大大件鰻魚係個飯上面飯面同時鋪咗好多蛋絲配埋鰻魚汁食成個飯都好高質🥰🔅什錦天婦羅 HKD 108有3隻海蝦冬菇茄子蕃薯南瓜炸得脆卜卜唔會太厚粉作為小食一流😉.整體黎講：刺身出色 鰻魚高質😚.🎈龍驤 (尖沙咀)尖沙咀科學館道14號新文華中心1樓 228-236號舖

午餐和老公夾到時間，一起在尖沙咀見一面🙈多謝老公安排這間日式餐廳和我一起進膳，今次就來點不一樣的，我們都點了熱食🥳北海道雪場蟹肉滑蛋稻庭烏冬配腐皮壽司定食定食的份量很豐富呢，除了基本的燉蛋、沙律和昆布湯外，還有腐皮壽司而主角蟹肉稻庭烏冬，有大量的蟹肉，有滑蛋整碗烏冬香噴噴,既有蟹肉的鮮味,又有蛋香😁而稻庭烏冬更是爽口彈牙😋😋❤️銀鱈魚西京燒定食套餐包括了麵豉湯、日式燉蛋、沙律菜，而主角西京燒銀鱈魚的表皮燒得焦香，燒汁甜甜的，配上珍珠米飯，好味。😊煎軟骨餃子餃子比想像中大，餃子有粒粒軟骨的口感，餃子皮博，燒得脆卜卜，點上醬汁後，更具風味。個人認為這軟骨餃子的性價比都幾高，值得加配🌸👌🏼

難得放假相約好朋友到尖沙咀做完瑜伽，到尖東附近搵餐廳醫肚，入到新文華中心見到一間餐廳有日式午市定食就入去試一試。每日刺身定食$158定食包括沙律、蒸蛋、麵豉湯等，沙律菜新鮮爽口，茄子鮮甜，加入沙律醬一齊食酸酸地很開胃，蒸蛋熱辣辣，雞蛋香濃幼滑。刺身有五款，三文魚厚切肥美，帶子鮮甜，拖羅入口有魚油的香味，紋理分明，色澤新鮮，魷魚透白爽口。網燒安格斯牛扒定食$188牛扒分量十足，生熟度適中，很有嚼口，肉質軟嫩多汁，有牛肉香味。天婦羅盛合$108這個天婦羅是追加小食，海蝦三隻，野菜四件，炸漿酥脆之餘不油膩，一啲負擔感都無，雖然是炸物，但仍然食得出海蝦鮮甜味，肉質彈牙。

呢間位於近紅磡嘅日本餐廳係朋友介紹的。環境乾淨企理，地方闊落，好啱一家大細家庭樂。由於係週末，所以見到好多家長帶埋細路一齊食完再出去玩。😆我哋嗌左午市套餐，基本上都係$200樓下，包左茶碗蒸、麵鼓湯、沙律、正餐，冷食熱食樣樣齊👍🏻非常抵食！茶碗蒸雞蛋好滑，係一款美味嘅開胃小食！我叫左每日刺身定食❤️‍🔥每一款壽司都好精緻，而且好新鮮！北寄貝好彈牙爽口👍🏻而我就特別鍾意食甜蝦，因為真係勁鮮甜🥲而油甘魚同埋拖羅食落去充滿魚油香氣，滿口幸福感❤️‍🔥男朋友叫左網燒安格斯牛扒定食牛扒燒得啱啱好，再配埋洋蔥一齊食，口感非常豐富，而且燒汁同白飯好配😆見佢勁快食晒，應該好好味！不得不提呢個餐份量非常大，好適合男仔食🤣🤣佢仲要夾多兩舊牛同我一齊開心分享

估唔到尖沙咀呢個咁舊嘅商場裏面會有一個咁有日本特色嘅餐廳😆✨前菜前菜包括左沙律，茶碗蒸同埋一碗麵豉湯。麵豉湯相對比較淡😆茶碗蒸同埋沙律都唔錯✨主食📎天婦羅天婦羅裏面包含咗三隻炸蝦，冬菇，茄子，番薯，同埋南瓜。外層嘅麵衣好酥脆，唔會過厚過硬👍🏻📎是日刺身定食裏面有好幾款刺身，有幾款覺得特別好食嘅～魷魚🦑：師傅將魷魚切成一條條，入口有黏口嘅感覺，推薦🥳帶子：味道鮮甜整體全部刺身都好新鮮🤤📎燒牛肉定食牛肉偏向比較有咬口，有豐富嘅油脂🤭味道就比較重口味，配埋白飯食啱啱好環境：餐廳裏面有唔少日式風格嘅裝飾，位置相對比較少🤓餐牌：餐廳提供左唔少選擇，有午市定食，鐵板燒等等，外賣仲有特價🙈

之前聽朋友講尖東有間日本菜不錯，難得過去而且朋友有空當然叫她和我一起食午餐，來到都幾日式而且選擇都幾多，我和她一人叫了一個定食再加叫一個小食，價錢都合理而且質素的確不錯。 每個定食都有燉蛋和湯，湯啖啖足料而且味道剛好不太咸好飲。朋友叫的是蒲燒鰻魚飯定食，醬汁剛剛好而且味道不會好濃，鰻魚啖啖肉而且周圍不少勁香蛋絲夾飯一起食好味道。而我叫的是每日刺身定食，刺身十分新鮮，啖啖魚油而且仲有在外面比較少見的銀鱈魚刺身，沒想到咁好味，口感特別魚味又濃，皮有少少燶。天婦羅盛合，炸皮薄身不油身，份量不少材料新鮮。

M先生工作完，我和他會合，他帶我去到一間他試過的日本和食餐廳，原來除了定食和食之外，還有師傅發板之類的現在午市還有八折，非常優惠，我和M先生各自叫了飯類的，一份是西京燒銀鱈魚、另一份網燒美安格斯牛扒定食，還叫了小吃，大家Share吃西京燒銀鱈魚，一夾開已看到非常滑的魚肉，醬汁方面不算太濃味，微甜但帶有魚肉香，可配上旁邊的沙律醬，也好吃網燒美安格斯牛扒，牛扒熟度半生熟，肉質嫩軟，唔會好韌，反而剛剛好店員介紹淋上的醬汁是餐廳自家製芝麻汁，好濃蒜香味，比較重口味，但沒有完全遮蓋牛味，兩者配搭得很好，一向吃牛只加鹽的我，也覺得非常好吃，現在甚至有感回味😋套餐附送的茶碗蒸，好大粒冬菇，而且蛋滑香甜，甚有湯汁精華，滑膩的蛋加上香菇，好吃！至於小吃什錦天婦羅，3件蝦，4件蔬菜，一向唔愛蔬菜天婦羅的我，覺得這次的天婦羅也不錯呢。炸皮鬆脆不厚重，直頭是熱辣辣上檯，冬菇厚肉肥身，炸秋葵也是比較少見煎軟骨餃子，是長型式餃子，咬下去吃到一粒一粒的軟骨，很小又未至於會硬身銀牙，夾雜肉同菜，配上微微酸酸的醬汁整體來講，質素很不錯，很意外在文華中心吃到這種日本菜😆尤其是安格斯牛扒非常喜出望外，重點是還打了8折😏👍🏻

星期六我們到了尖東龍釀吃午餐，好近紅磡站，店係位於新文華中心1樓。午餐時間，佢哋都有好多唔同款式嘅定食。我哋點了兩個定食，以及加一客小食。先來的是前菜：茶碗蒸好滑，充滿蛋嘅香味。上面嘅新鮮冬菇都好好味。沙律清新爽甜，最愛胡麻醬同新鮮蔬菜混合一齊食另外，麵豉湯味道都唔錯，特別啲嘅係裏面有腐皮作為湯料到主菜出場啦😊豬肉都炒得幾好味，份量都幾多，洋蔥也好香甜，豬肉同埋洋蔥都吸收晒醬汁嘅味道，配合埋白飯一齊好好味！銀雪魚嘅味道充滿着鹹鹹地甜甜地嘅麵豉醬香味，煎得都好香口，魚皮部份亦有焦香餃子煎得外皮香脆，餡料都好豐富總括而言，呢度環境都幾好，坐得都幾舒服，店員亦親切有禮，開心這一日下午可以享受美味的一餐！😊