紅米 (Closed)

Food Court 現時有8間餐廳開始營運，包括：供應日式食品的「古今二」、以米飯為主題「RedRice 米飯主題餐廳」、主打魚湯米線的「漁民樂」，另有新進Fusion 西餐廳「Master Za’s Kitchen」。今天就試試以米飯為主題「RedRice 米飯主題餐廳」! 左邊: 沙律菜, 小蕃茄中間: 蛋包飯右邊: 一件雞扒配茄汁　左邊: 沙律菜有點乾, 好似雪左好耐咁, 冇乜沙律醬, 而小蕃茄有1粒, 切開左一半, 味道少甜中間: 面層上的蛋, 很滑, 食落口好嫩, 蛋上有少少的香草, 食落好香! 飯粒比較硬, 可能米唔夠靚右邊: 茄汁好正常, 少少甜, 唔酸, 而雞扒都好味, 肉質滑, 唔鞋口, 煎得幾香!

食之戰友報料，鰂魚涌最近多了一個美食廣場，7號美食共和國，是新進的food court。內有10間餐廳營運中，叫得共和國，當然有多國菜式，有港、中、西、日、韓、台及印巴等多款選擇。點餐處。遲點更會推出電子點餐appz 及自助點餐機。同平時的food court一樣，面積相當大，設計上蠻有特色，迷彩色牆身、氣油罐造形椅子，裝橫充滿玩味風格。Red rice 米飯主題餐廳，揀了這個。巨人漢堡扒蛋包飯(茄汁)，$46。果然是巨人漢堡扒，好大件呀，味道正常水準，蛋包飯，蛋份量較少，飯份量好多，味道普通。吉列炸蝦蛋包蛋，戰友的，炸蝦正常水準。青蘋果蘆薈冰綠茶，跟餐加$12，味道好淡，冇乜青蘋果味。多了一個food court，打工仔又多一個選擇了。