Rakuraku 樂拉麵 (MegaBox)

Open Now

Now Closed

⏰ 用餐時間：晚上 7 點👫 用餐人數：2人🍲 拉麵主角味道：8.5/10當晚點了櫻花蝦龍蝦湯拉麵，一上枱見到堆「小蝦山」。湯底夠濃郁，有蝦味但不會過鹹，喝得出係有慢慢熬出嚟。麵條方面選左粗身，口感飽滿又掛湯，夠咬口，食完一碗都幾滿足幾飽下！另外都試咗叉燒拉麵，同樣水準，亦掛湯，叉燒肥瘦適中，配埋濃湯一齊食幾夾。溏心蛋都樂食！小食選了清炒高麗菜，雖然簡單，淡淡地，但可以中和下拉麵嘅濃味。🌟 菜式指數：櫻花蝦龍蝦湯拉麵：4/5叉燒拉麵：4/5高麗菜：3/5💰 性價比指數：4/5每碗拉麵大約 $98 左右，中等價位。以湯底和麵質來看，屬於對得住質素嘅價錢。🛋 環境舒適度：4/5樂拉麵位於 MegaBox 內，雖屬 foodcourt 格局，但佢哋用咗半開方式間隔，坐位唔會太侷促，環境乾淨整潔，坐得舒舒服服。燈光柔和，適合休息下慢慢食碗麵。🙋🏻‍♂️ 服務分數：4.5/5店員十分親切，有禮貌，主動幫我哋添水，態度積極。上菜速度亦相當快，值得加分。🚶‍♀️ 等候情況 & 整體印象當晚 7PM 去到冇乜人排隊，幾快入座，對於打工仔夜飯嚟講屬於一個唔錯嘅選擇。整體體驗滿意，特別係湯底真係值得讚，會考慮

特登過嚟MegaBox行街食飯，選擇咗呢間拉麵店，都唔錯，兩個人食叫一個麵一個飯，拉麵方面選擇佢推廣緊嘅蕃茄拉麵，打開Menu都見到幾隻貓貓拉麵，黑貓，赤貓，白貓～但係今日心血來潮想食蕃茄可能就係比佢個推廣吸引咗，追加叉燒，另外就要多個石頭鍋飯，同埋一個比目魚全部都滿意，兩個人食啱啱好飽晒～最後個叉燒唔係好食得落有少少油膩(其實因為已經食飽咗），店員服務態度都細心，午市唔算太多人，都有位食唔會趕你走，整體質素OK～價錢都合理

樂拉麵，位於香港九龍灣宏照道38號企業廣場5期MegaBox 10樓9-10號舖。點了兩款拉麵和小食，特濃龍蝦湯叉燒拉麵、黑麻油豚骨湯叉燒拉麵、香煎豬肉餃子。特濃龍蝦湯叉燒拉麵🍜 ~ 湯底香濃鮮甜，配搭肥瘦適中的叉燒和美味的溏心蛋，賣相吸引又美味。黑麻油豚骨湯叉燒拉麵🍜 ~ 味道濃郁層次豐富，拉麵軟硬適中。香煎豬肉餃子🥟 ~ 餃子味道一般。整體兩款拉麵的湯底都很濃郁，可以一試。🏷️溫馨提示～ 整個用餐體驗均屬個人分享意見， 只作參考😊。Rakuraku 樂拉麵(香港)地址: 香港九龍灣宏照道38號企業廣場5期MegaBox 10樓9-10號舖

呢間雖然專食拉麵，但我覺得佢嘅石鍋飯先正～ 已經encore咗幾次🤣❤️好想分享俾大家⭐️蟹盛石鍋飯 $112一上碟熱辣辣，見到個石鍋飯表面鋪滿晒蟹膏、蟹柳同埋蟹籽，已經好吸引，仲要聞落有好香嘅蟹膏味🤤攪拌均勻後，每啖飯都有沾滿蟹膏，大滿足！蟹嘅用料份量算大方，不過飯量就爭少少（對於細食嘅女仔嚟講就好足夠🫶🏻）(其實佢個龍蝦汁海鮮石鍋飯都唔錯，不過我私心呢個蟹飯😌)⭐️日式煎餃子 $32表皮煎得香脆，不過不失，正常發揮。⭐️鐵板薄牛舌片 $52賣相唔錯，濃烈洋蔥香味～汁醬配合得幾好，不過略嫌有啲少😂📍Rakuraku 樂拉麵 (九龍灣)九龍灣宏照道38號企業廣場5期MegaBox 10樓9-10號舖

MegaBox L10 係foodcourt 嘅格局，今日要快食，於是黎左樂拉麵。餐廳有部份响中庭位置，唔會好侷促。我哋叫左今期限定拉麵芝麻辛辣角切叉燒拉麵，仲有黑貓同埋白貓。呢間嘅湯底相比起其他分店就比較淡味，配料如櫻花蝦，木耳，蓮藕乾都比較少。肉方面我揀咗腩部位，肉質非常之腍同入味，每塊都有一層好香嘅肥膏，唔會一啲好肥一啲好瘦，非常平均。另外佢個流心蛋都好好味。要讚嘅係佢上菜嘅速度，由我哋submit左order到到上菜只需要3分鐘。成餐飯只係食咗30分鐘👍🏼

依間野成日經過都冇機會食今次入去試試佢本來上次黎仲見到有個新出既火鍋咁既餐但果日就已經冇左咁就食番佢本身啲野拉麵就食左佢個櫻花貓龍蝦湯拉麵味道不過不失 唔特別好食但都比個漢堡扒好食依啲日式漢堡扒真係唔係好掂冇乜肉味既雖則係日本食到既都係咁上下不過額外點果啲小食有啲驚喜個蓮藕乾幾好食 雖然都係啲零食舖買到既野個雞皮餃子個皮炸得幾好 有酥脆口感 好食過樓下果間個海鮮燒餅又整得唔錯 唔太膩唔太濕 食落有顆粒感 好食過道頓崛不過我覺得就價錢少少偏貴

第二次到訪喺MegaBox樂拉麵🌸拉麵湯底依舊好濃好吸引 本人好鍾意揀個硬身嘅面底！沒有令人失望 本人叫咗櫻花龍蝦湯！湯底好濃好出色另外同行嘅朋友叫咗黑貓 其實即係黑蒜油拉麵。呢個就不過不失。對比之下都係櫻花龍蝦湯較吸引

又來MegaBox做嘢，同事叫一定試吓這間拉麵，特別推薦 -櫻花蝦龍蝦湯叉燒拉麵🍜。隔遠已經見到好大隻黑貓，好可愛。打開Menu是「白貓」「黑貓」「赤貓」。「白貓」、「黑貓」「赤貓」原來是代表不同湯底的拉麵。還可以追加不同的小食。原來除咗拉麵，還有飯的選擇。掃code落單，簡單方便。同事特別推介「櫻花貓」 - 櫻花蝦龍蝦湯叉燒拉麵 $98麵條亦可以選擇軟硬度，櫻花蝦鋪滿拉麵，選擇了多蔥花，拉麵湯底蝦味濃郁，雖然份量不算太大，但湯底味道的確香濃，充滿了蝦味，的確不錯。而且拉麵上的糖心蛋非常吸引，蛋黃濃稠，值得一讚。「日式煎餃子」，餃子入邊肉汁豐富，餃子也煎得非常香脆。「日式海鮮煎餅」 鋪滿沙律醬和紫菜絲，有一些似章魚小丸子的味道。整體來說，拉麵味道的確不錯，價錢屬於中等，平均100多元，份量不算太大份，但以味道來說，的確值得這個價錢。

個沾麪同湯底非常難食食得好唔開心 沾麵的湯底實在太難吃咁既野食唔應該出現係菜單上面 希望唔好再煮啲咁難食既沾麪實在食唔留 最後食左一半都無就放棄 要特登開個account寫返個review 真係好想比負分如果你對食物質素有少少要求既人 我強烈建議唔好幫襯 

1.牡蠣白湯沾麵 $108 ❤這道沾麵的湯底以牡蠣白湯為主，因上桌時不夠熱，導致牡蠣呈現腥味。整體口感和風味大打折扣。2.鐵板一口豆腐 $42❤❤鐵板豆腐雖然外觀誘人，但味道平平，沒有特別突出的地方。❤愈多愈推薦(最多5❤)龍豬情侶評價：龍豬情侶認為不屬正宗的日式拉麵，食物亦不夠熱，以致食物的味道受影響。推薦指數：5/10好味指數：5/10環境指數：6/10服務指數：6/10餐廳︰Rakuraku 樂拉麵地址︰九龍灣宏照道38號企業廣場5期MegaBox 10樓9-10號舖

都好多人幫襯，環境坐落都算舒適當日叫左（1）豚骨叉燒拉麵（白貓）-$88拉麵上枱時已經唔熱，又唔算好暖，食左2啖好快已經凍哂，味道大打折扣。第二次再來食拉麵係發現拉麵有唔夠熱的情況！（2）龍蝦湯海鮮石鍋飯-$98好香，好味，都算有幾多海鮮，有蝦、魚、魷魚、帶子等。石鍋飯會有飯焦香，食到最後可以叫店員加湯。追加飲品+$6，另外可以加配小食。叫左日式餃子（+$28），正常水準！總括然而，食物質素一般，但拉麵唔夠熱會嚴重影響味道，店員有禮貌！

早幾日食完拉麵，唔知點解好有癮又再想食拉麵。喺MegaBox行街見到呢間拉麵，都幾乎坐滿人喎，咁估呢間拉麵店都唔差啦。我老婆叫咗個雞白湯拉麵，之後佢仲追加咗高麗菜，牛舌，同埋蘋果汁。我就嗌咗龍蝦湯拉麵，唐楊雞軟骨同埋都係加咗蘋果汁。佢首先上咗兩罐飲品，係日本牌子的蘋果汁，一飲就有日本的感覺。之後就想咗我哋嗌過兩款小食，牛舌同埋雞軟骨。牛舌要$48 ，雞軟骨要$38。感覺上分量都唔錯，牛舌數落有六片，雞軟骨數落有二三十粒，覺得都幾抵。所有嘢加埋三百零蚊，份量同味道嚟講都算OK。佢應該龍蝦湯拉麵真係唔錯，仲放咗好多櫻花蝦喺上面，我老婆仲係咁偷飲我碗湯。

今日特登去「姨媽」傢俬買個櫃仔同廚房用具，完成任務正直午餐時間，梗係要醫下個肚，當然「姨媽」入面都有嘢食，但我個人覺得真係嘛嘛，上次嚟「探路」，記得個food court 有日本麵食，今次嘅然再嚟呢度，點都要試吓。間嘢好似叫樂拉麵～柯打咗一個～櫻海老拉麵 另一個～赤貓（辛辣）小食～鐵板薄牛舌片同，唐揚魷魚鬚櫻海老依個係有好多櫻花蝦（目測起碼3-4湯匙份量）加龍蝦湯，木耳同葱花，當然仲有幾片叉燒同流心蛋，櫻花蝦加上龍蝦湯二樣嘢撈埋一齊～飲啖湯先，濃郁嘅「蝦」味道衝擊味蕾，喺你嘅口入面一路衝到上腦～正！叉燒亦都係中上水準，呢碗麵整體對得住呢個價錢，當然如果叉燒多一二片就更加完美。😋另一樣鐵板牛舌片～此終係小食份量唔會太多，呢味反而有驚喜～好嫩滑同口感很好，我會建議食咗呢個先，因為鐵板此終係熱，所以耐咗牛舌會「鞋」，效果會差少少。魷魚鬚～唔知係咪炸燶咗小小，所以有小小苦。至於另一碗麵，我無偷食，所以唔知點，但另一半話味道不錯～至小佢其實唔食豬肉都清晒啲叉燒🤫，咁味道應該算不錯吧😅。

上星期去了九龍灣 Mega box ，這個商場有很多美食，有坐得舒適的食店，也有方便快捷的麵店，今次想食日本拉麵，就選了這間店，店舖有日本拉麵店的裝潢。每款拉麵可以選擇粗麵或幼麵，也可選擇麵的軟硬度，叉燒也可以選擇豚腩或豚肩位置，當然也可以選多蔥或少蔥等，非常專業。白猫拉麵 ～ 是豬骨湯底，湯底非常濃郁，豚腩叉燒肥瘦適中，非常香口味美。赤猫拉麵 ～ 豬骨湯加辛辣，味道香濃可口，今次的小辣，很美味。另外小吃，炸芝士年糕，入面有很多軟綿綿的芝士，好好味。日本餃子，啖啖肉，好味。

晚餐黎到叫左碗溏心蛋角切叉燒石鍋飯，入面啲叉燒好多，不肥不瘦，雖然溏心蛋得半隻，而且菜又無乜，但食叉燒都好夠滿足。而家店舖已經QR code落單，但好彩侍應都會不時經過為你添水。整體感覺不錯。