米線皇后 (Closed)

唔夠人手 等左40 分鐘都未攞到外賣 個冬菇頭員工仲黑面過你 又無禮貌 咁嘅店應該很難有回頭客 未食已經扣晒分 如果唔改善 應該。。。。。。眼望入去枱冇人執，衛生環境唔多好 食嘅人要慎重考慮

叫了一份皇后過橋米線套餐配上川味麻辣湯底，順便小食叫左一份准山魚肉春卷做外賣。米線湯底完全沒味，因為第一次試呢間食肆，未知辣既程度，所以叫了小辣，完全沒辣個種感覺😂😂🤣此套餐包含12款配料和配菜，豬膶極不新鮮，而且雞翼同餃子整到非常乾身及沒味道。😓😓😓😓😓😓另外，米線完全唔彈牙，只有木耳和青瓜比較有味道。准山魚肉春卷既味道，非常清淡的炸物。兩樣配搭的味道都食唔到岀來。🙃🙃成個米線套餐只能用上清淡餐來形容。

經過見到有新野。禁啱呢幾日天氣反覆，有啲想作病，即刻放棄最愛既麻辣湯，轉食新野藥膳雞米線。雖然Poster已經寫明半隻雞，但碗野一到，眼都突一突，洗唔洗禁多雞 禁大碗！？湯...good good good 一聞就知足料。飲落 就知係正野，唔係求其個啲調味假野。雞...夠多，真係有半隻，未到話好滑，但唔差 好食。米線...夠滑$78....呢個價，抵到呢。一定會再食。食完再飲埋啲湯，野飲都唔洗。重點，食完成日暖晒 精神晒。

🍽皇后酸辣米線（豬軟骨）：豬軟骨味道不錯，幾入味，不過肉質有些少「孩」，唔夠滑。除左個餸，本身都有幾粒豆卜、腐竹、酸菜、蓮藕片等，對於女仔，叫一個餸都已經好夠飽。🍽雞翼：⋯⋯ummm，味道無特別，唔係話有咩特制醃料，咪普通阿媽都係咁整嘅咸咸地雞翼。如果唔係要重溫阿媽hea整雞翼，可以唔洗試😀（仲要的骰到咁🤣）

首先，价钱方面比较平民$30-60左右，适合学生，但是汤底不太浓郁，没有什么味道，水太多，吃起来没有什么感觉。特别是番茄汤底。对于重口味的朋友来说，这家的米线味道太淡了。

初嘗試，環境氣氛0，人已經冇，比啲音樂都好吖，之後就有個肥矮嘅喺度播你老豆索K同大大聲講野，可能太靜就顯得大聲。野食好快到但啲質素我覺得未到好差好差但都係唔好食，個牛一半以上肥肉，豬頸肉都瘦過佢，個湯底又油，其他食材就普通到冇得再普通，豬骨湯飲唔出，藥善湯好重味唔知係咪正常，辣我唔食就唔知啦。衛生上冇咩問題嘅，就有啲枱櫈唔穩。我唔係成日成貴野所以都唔特別嘴叼但我都覺得認真麻麻，唔會有下次，寧願比貴啲食好啲。

有次友人的輕輕推介下，這次便來到九龍城就來了這間皇后米線。看到餐牌上川味麻辣湯，想不到原來非常特別，因為店員端來時，看見湯裏面有有些豆卜、雲耳、韭菜等等，還以為會不會給錯了，但發現原來這是湯裏邊的配料，那麼就更加特別。另外其他配料就點了豬腩肉，他不是片裝那些豬腩肉片，而是好像東坡肉那般呈丁方形狀的，豬皮沒有毛，五層肥瘦相間，味道也相當不錯。滑雞，不是雞球的狀態，好像雞絲一般，不算太過大件，不過份量都不少的，不過沒有什麼特別味道，就要以麻辣湯底去提供味道薯粉不太煙韌，不過它竟然滑身沒有波浪紋的，比較特別，因此與別不同，沒太大嚼勁凍檸茶也看似有六七片之多的檸檬，不過檸檬可能不太鮮美，因此檸檬味都欠奉，不過用來解辣都還好的。雖然它這個兩餸米線加杯嘢飲都要50多接近$60 ，不過麻辣湯底比較特別，不像是平日那些化學物料或是所謂的一滴香的麻辣味，確實有使用其他物料煮出來的感覺，因此這個價錢，在九龍城吃這個麻辣米線，還算是可以接受的。

震驚到我。。。點解有米線可以咁難食。。。難食到忍吾住要寫食評。湯底得顔色但係完全冇未，仲要有一陣生味。得啲肉叫做ok。不過有果句講果句，個凍檸茶非常好，真係跟足少冰少甜。其他真係不敢苟同

從來都未試過咁難食既米線🥹我點嘅係過橋米線 佢有雞翼 餃子 青瓜 雲耳 等等 但係另外上的 然而係超級無敵難食 凍冰冰 好似隔夜餸咁 湯底呢 我點的是藥膳湯底 然而係一啲藥材味都冇都唔緊要 仲要係苦既成碗野我真係食左兩啖就走咗去🥲仲好意思叫自己做米線皇后真係笑死人

星期日想簡簡單單食個晏晝，就出嚟九龍城行吓買，順便咗啲大閘蟹，諗住夜晚食，然後食個米線🍜我哋叫咗12宮女蕃茄湯底米線$62有跟小食,裏面有青瓜 海蜇 秋葵 餃子🥟雞翼 份量唔係太多，但OK好味嘅🤗大眾化嘅環境同大眾化嘅價錢還可以啦😄豬軟骨湯底，加咗蘿蔔 豬軟骨清清地OK啦！凍檸茶跟餐加$9🍹

今次係我第二次幫襯呢間鋪頭，上一次去食已經覺得一般，諗住隔咗咁耐仲起度就試多一次啦，點知仲衰過上次😑今次叫咗藥膳湯底豬腩片豬膶，一嚟到見到個碗好大，都有啲豆腐卜，當歸片，但係我搵咗好耐都見唔到有腩肉片，原來啲腩肉切到仲細粒過一毫子，點樣叫做係片呢，真係同五香肉丁差唔多，豬潤就普普通通冇乜特別，飲湯底只有藥材味冇湯底味就好似用咗啲當歸同杞子加啲滾水一樣，啲米線極少，食完之後個碗底仲剩返好多啲唔食得嘅當歸（邊有人會連當歸食㗎），叫咗杯奶茶飲左一啖就已經冇飲，呢間野真係垃圾，都唔知點解可以喺九龍城開咁耐😑我寧願行返去九龍城廣場食譚仔

見到呢間米線有多種湯底，其中有我最鍾意的藥膳湯底，仲可以配豬潤，我就簡左呢個配搭，朋友就簡左12宮女，咩都有唔洗諗。12宮女有六格小食同肉燥，佢配左蕃茄酸辣湯，但真係有啲淡，而且味道好單一，無咩層次。啲送就每樣一件，係個碗好大，米線分量都算多。但無邊樣係特別出色，比較一般。個藥膳湯都一樣偏淡，純粹有啲苦苦地同埋有啲藥材係面咁，勝在個米線都多，豬潤都有起碼5塊，不過好鞋，over 左。個咖啡超淡，奶水咁，最後換左杯黑啡，但都係好淡，而且侍應態度認真麻麻，出而係馬路，但唔會關門，走冷氣而且好嘈，又大塵。之前疫情試過買外賣，咩都話無，因為無人手整，而家個市好返啲，諗住試多次，點知都令人有點失望。

首先 我係好鍾意食米線既米線皇后 呢個名真係好加分 因為非常之有氣勢想試食好耐但真心好失望 十二宮女皇后 蕃茄湯個碗好大 但其實分量吾係好多講番個蕃茄湯 好似係滾水加蕃茄咁 係有蕃茄色 但冇咩味 重點個十二宮 分量好精緻每樣一粒 一件咁

作為一個米線粉絲，當然要走遍港九新界試哂啲米線佢！今次試呢間喺九龍城的米線皇后，見幾得意就無考慮太多入去了門面裝修行可愛風格，都ok多枱。可能平日關係不太多人喺入面，都坐得鬆動，尚算舒服，冷氣夠。食物和友人各叫了一碗米線，飲品及小食。份量好足！唔單止碗大，米線份量都好夠！啱哂我呢啲長期好胃口人士落單後上菜亦非常有效率！味道不過不失，價錢亦尚算親民，👌👌

收工同老公lunch, 簡簡單單食碗米線, 唸住快啲食快啲返屋企, 見到li間米線店有好多食物panda紙袋, menu嘅辣湯底又吸引🤤.🍜皇后酸辣湯x薯粉 (HKD29+HKD9 滑雞片)原來8款湯底均有韮菜, 芽菜, 雲耳, 蓮藕片, 腐皮, 豆卜, 本身唔嗌配料其實都頗豐富. 小辣嘅酸辣湯酸味辣味balance, 勁多酸菜呢!!! 店家選用嘅薯粉係幼身嗰款, 軟硬適中好掛汁, 滑雞片都有好多件yummy.🍜川味麻辣湯x米線 (HKD29+HKD10 竹笙)BB辣, 小辣, 中辣, 大辣🌶🌶🌶🌶!!!唔係講笑的!!!初初見到湯底好似好稀, 以為小辣都無乜野, 最尾用左枱頭勁多紙巾抹汗🔥, 米線口感軟腍, 每啖都辣到....我揀左索湯度十粒星嘅竹笙食哂咁多條真係啖啖刺激, 四川嘅辣度唔係講笑, 尤其係切開嘅豆卜更加麻辣, 嗜辣之人必食.🍜麻辣大腸 (HKD32)佈滿辣椒油辣椒籽勁足料又厚切嘅肥腸配我地兩碗薯粉/米線係perfect的.🍜皇后水果茶 (HKD16)Li度嘅水果茶份量係平時我食開嘅米線鋪x2咁大杯🤩, 靚姐話係檸檬茶底, 仲有鮮果. 飲完再拮黎食, 驚喜唔係罐頭菠蘿🍍,