籠太子點心專門店 (Closed)

話說好耐都無同老公飲過茶了，於是乎去左筲箕灣歎下茶，呢一間比較新派嘅點心餐廳，格局係做得新式少少，想吸納一啲年輕嘅客人，不過眼見餐廳大部分都仍然是比較年長嘅客人，可能價格都平民，而且傾計會比較舒服，相比起無酒樓咁嘈吵。-籠太子蝦餃皇話明蝦餃皇當然要大粒，的確幾脹卜卜，蝦餃皮都薄，重點係入面嘅餡料都好足料，大約有2-3隻蝦份量，而且食落都好爽口彈牙。-不是炸两見到個名咁有趣，當然要試吓啦，講明不是炸两，落到枱時都仲以為係炸两，點知咬落先發現，真係不是炸两，腸粉皮薄，內層脆卜卜的，口感好得意，最內裡有蝦肉餡及西芹，層次好豐富，味道都唔錯。-煎蝦膠釀茄子茄子好腍而且好入味，釀咗蝦膠係茄子上，賣相都幾好，但蝦膠有少少偏鹹，但整體係好味的。-蒜香蝦春卷春卷外皮香脆，是剛剛炸起的，每一啖都咬到入面蝦的餡料，味道就正正常常，無特別驚喜。-臘味飯臘味可能比較貴價，只有2小條臘腸及臘肉，臘腸味道唔錯，但臘肉就偏鹹咗少少，而且掛住臘肉嘅繩都無剪走，仲係臘肉上，然後食食下飯中間有2條繩係飯入面，可以切走條繩會比較好，其實味道係可以，只係因為條繩感覺唔良好而扣分。-總結，店員嘅服務就一般，食物質素都幾好，而且

籠太子點心專門店，位於筲箕灣東大街，應該是新開張不久，疫情下用熊貓外賣回家，是懶人首選。外賣速遞點心一般而言，味道方面都期望不大，蝦餃皇及鮑魚燒賣都可以說是正常水準，不過不失，然而作為餐廳最名貴點心，又略有點不足。雪山叉燒包就不建議外賣，餐廳包裝亦有改善空間，應該使用一個可透氣包裝，外賣叉燒包味道還可以，但口感確實不行。鳳爪排骨飯，家鄉咸水角，上湯鮮竹卷等等，水準極為普通。總括來說，在有選擇情況下應該不會再嘗試。

朋友話介紹呢間點心店啲嘢好食，係新派嘅點心。喺太子同銅鑼灣都出晒名，所以今次行山特登過嚟試一試。而呢間東大街嘅舖頭係新開嘅，聽講係最大間。試咗幾款嘢食都係水準之上，最值得讚係價錢唔貴，而且點心有啲可以叫兩粒，方便客人可以食多幾款野！👍🏻👍🏻👍🏻這次人少食唔到好多嘢，見到隔離枱叫咗皮蛋瘦肉粥，係咁話好食，下次一定要試試先。走嘅時候喺門口睇到原來佢哋有夜茶飲，冇疫情嘅時候開到凌晨2:00咁夜應該都要有車先嚟到

2021年2月1日 星期一由細到大一直都有嚟東大街食嘢，知道呢條街係一條食街，十幾年來呢度開過好多餐廳，隨着時代而不停改變，而最近呢條食街就開咗一間新嘅點心店，於是一於試吓味道如何餐廳主要同一般茶樓無乜分別，不過座位更加舒適，而且價錢較便宜，餐牌方面見到有植物牛肉系列，係近期最新出嘅新肉，因為比較健康，不過最後我都係選擇左幾款傳統點心，打算下次先試植物牛肉等咗大約10分鐘左右，首先嚟嘅係不是炸兩，其實係腸粉包住炸腐皮同蝦，咬落去食得到腸粉皮薄，而裡面既炸腐皮好鬆脆，蝦又夠大隻，好彈牙，個人覺得仲好食過炸兩，因為冇咁油膩之後有煎蝦膠釀茄子，嚟嘅時候熱辣辣，茄子好腍，入晒味，而且裡面釀入左蝦膠，所以有蝦嘅鮮味跟住當然唔少得飲茶必點嘅蝦餃，係籠太子蝦餃皇，雖然得兩粒，不過每一粒都好大隻，見到外皮透薄到見到裏面嘅餡料，咬落去食到好多蝦肉，感覺好滿足最後呢一個叫做香滑反斗糕，其實類似係馬拉糕，不過感覺更加輕盈，而且冇咁甜，好似健康啲，加上外型幾吸引，應該好受小朋友歡迎最後一個人食咁多野都不過係大約$80左右，下次一定要試吓植物牛肉系列！！

🫖籠太子蝦餃皇 *2隻 $15食蝦餃最怕食到成口粉，但呢到嘅蝦餃無呢個問題，而且的確幾驚豔。睇相都見到啲隻隻蝦餃漲卜卜，食落餃皮薄又彈牙，而且料多，入面應該有差唔多2-3隻蝦嘅份量。值得稱讚嘅係，啲蝦唔會有冰鮮味，反而食得出鮮甜蝦味，咁嘅水準真係出面比較少有，大力推介！👅評分：9/10🫖鮮蝦燒賣皇 *2隻 $15燒賣同蝦餃一樣，皮薄餡靚，同樣食到啖啖鮮甜蝦味。燒賣入面嘅冬菇同肉類都十分入味，但出面部分茶樓都做到呢種質素，所以同蝦餃對比上嚟，燒賣就冇咁突出。👅評分：8/10🫖多汁小籠包 *4隻 $22一啖咬落去就有好多湯汁咇出嚟，同其他點心一樣，都係皮薄多餡，以呢個價錢嚟講性價比唔差。但比較特別嘅係，小籠包嘅湯汁有陣比較濃嘅薑味，灌入喉嚨會有少少㷫㷫地嘅感覺，不過對於唔食薑嘅我嚟講都尚算可以接受，如果好抗拒薑味嘅就要留意下喔。👅評分：7/10🫖流沙奶黃包 *3個 $24叫得流沙奶黃包，就梗係會希望見到爆餡嘅奶黃漿啦。一撕開個包，見到奶黃漿都有流出嚟，但食落都會覺得有少少乾，如果餡料再多啲會比較好。奶黃味偏甜，如果鍾意鹹香奶黃味嘅就可能會比較唔適合喔。👅評分：6.5/10🫖不是炸兩 $26

很多朋友提到筲箕灣東大街，一定想起食嘢。而要食點心，一定想起金東大，或剛開的點心籠。但在金東大對面有一間鮮為人知的點心店。店舖細小，雖然有座位，但建議外賣回家進食比較舒服。而且光顧的大多是筲箕灣人，經常大排長龍，亦是唯一缺點😂，所以筆者多數是先打電話，再外賣自取。推介食物一定是腸粉，無論是蝦腸、牛肉腸或叉燒腸，因為皮薄，所以有口感但不會有厚而粘口的感覺。再來是棉花雞，雞有雞味，魚肚吸了雞油，非常入味。奶皇包內的奶黃，雖不是流心，但味道跟大酒樓的有過之而無不及。

閒時都好鍾意去嘆下一盅兩件，籠太子喺筲箕灣東大街最近開咗分店，即刻去試吓先🥳裝修以湖水藍為主調，座位都幾闊落，坐得好舒服。點心全部即叫即蒸，上枱熱辣辣！仲好抵食，兩個人叫咗6款😋食到捧住個肚，每人70幾蚊，真係抵！而且冇加一，茶錢$3一位。我地叫咗～原隻鮑魚燒賣 $30魚肚水餃 $22流沙奶黃包$24不是炸兩 $26海皇芝士千絲卷 $26椰汁桂花糕$19令人最有驚喜係「不是炸兩」💗滑滑嘅腸粉裏面包著唔係油炸鬼，而係炸腐皮，餡料仲有西芹同鮮蝦🤤入口又滑又脆，好食！「椰汁桂花糕」都唔錯，不會太甜，賣相精緻，好有椰香。呢度仲有原隻鮑魚燒賣，哇正啊🤤 一籠有2粒， 雖然鮑魚細細粒，味道唔算好大驚喜，不過平民價👍🏼食得都開心🥳而「海皇芝士千絲卷」好香脆，但係比較油膩，餡料較少，而又沒有太多芝士味，個人覺得這款沒有其他的好。整體感覺很舒適，價格好親民，屬於抵食嘅點心店。

東大街間間店都好多人排隊，特別呢間點心店最多，繼太子同銅鑼灣之後，籠太子點心再係筲箕灣開左分店抵食之處分左幾點😆一：茶位每位$3二：免加一三：部分點心可揀兩件或四件四：價錢親民餐廳出菜好快，基本上20分鐘就到齊所有點心，樣樣都係熱辣辣同埋新鮮炸，唔會係放左好耐個款，味道中上水平，都明白點解可以疫市下再開分店🤣椰汁桂花糕有5層，層層分明，食落唔會好甜，有淡淡桂花香不是炸兩雪山叉燒包海鮮蘿蔔煎薄撐海皇芝士千絲卷原隻鮑魚燒賣

屋企附近最近開了一間新嘅點心舖頭，上次試過，覺得好好味，食過返尋味。上次叫咗鮮蝦菜苗餃～用豆苗做，有啲鮮蝦仁，皮薄餡靚，非常好味黃沙潤腸～黃沙豬潤好足料，腸粉好滑，給個贊今次叫咗家鄉鹹水角～ 香脆軟糯， 如果啲餡再多啲就perfect喇煎蝦膠釀茄子～ 蝦膠煎得好香，茄子夠淋軟，個芡汁味道啱啱好，推薦不是腸粉～ 腸粉夠滑，裏面有啲脆脆包住個蝦膠，加埋啲xo醬，非常好食兩次都係外賣，返到屋企仲熱辣辣，味道亦都好啱我口味，價錢相宜，他們的服務態度亦非常有禮貌，下次再試其他嘢