廣場飯店

Open Now

Now Closed

終於等到迪士尼樂園重開兼晚市重開的第一日，我和寶貝女就入園閒逛，每次入園想晚餐食得舒服d就選擇入廣場飯店用餐，晚上六點入去有大把位可以選擇。每次入去都係叫餐，因為價錢比較相宜又不用煩想吃甚麼。點全日精選餐時職員會問一齊定分開上，我個人覺得一齊上的話賣相會好一點，因為分開上見到食物真係好少。燒味個人覺得冇乜肉食，味道正常冇乜特別。龍蝦湯算好飲~~~帶子起碼賣相靚d，味道ok，有寶貝女最愛食的西蘭花而我就喜歡食豆苗，味道ok～～～寶貝女堅持要點兒童餐，但佢重點係要影兔仔，由於佢餐前在小鎮大街食咗成份雞蛋仔，所以佢食咗勁少的情況下分返俾爸爸幫手食最後上的楊枝甘露都算ok，起碼唔甜道適中。成個晚餐連埋會員折扣要八百零蚊埋單，在樂園晚餐係預咗貴d，個人覺得呢個價位在普通商場的翠園食起碼豐富好多

🤹🏻‍♀️🐿 去迪士尼做足準備。茶茶居超值點心燒味餐🥳👍🏻🍴廣場飯店📍大嶼山香港迪士尼樂園美國小鎮大街好多年冇去過Disneyland了❗️而我去Disneyland最關心嘅其中一件事，當然就係園內有咩美食啦🤪🤪🤪入園前我一早已經比較左Disneyland園內的幾間餐廳，見到各自在Klook都有唔同嘅套餐可選擇😝😝😝😝 比較過之後就揀咗呢間廣場飯店，似乎食物最高質、用餐環境最舒服、好評亦都最多👍🏻😍🥰🤪人園當日，由於我地想把握時間玩機動遊戲，所以拖到最後一刻、feel到肚餓先去食嘢，結果中伏😵😵😵😵😵 餐廳排隊等位嗰條人龍勁。。。長。。。。呀。。。❗️❗️ 但因為KLOOK套餐已在網上付款，所以都焗排。。。。。。最後由2pm排到3:30pm先有得食。。。。真係餓到懷疑人生🥱🤐😵🥴🥴🥴🥴廣場飯店點心燒味套餐1️⃣ 燒味雙拼🐔🐷有油雞2️⃣件同叉燒2️⃣件，雞有雞味，叉燒有叉燒味，好~好~味~呀~~~~~~~~😂😂🤪🤪🤣🤣坦白講，真係只係正常燒味，但係當你超肚餓、又已經等位等左個幾鐘的時候，普通食物都會係變成人間美食😇😇😂😂2️⃣ 酥皮雞蛋撻、香麻叉燒酥、帶子燒賣🔅蛋撻🥚是正常酒樓貨色，蛋漿不是剛出爐熱辣辣嗰隻

去迪士尼樂園食野想舒服啲會揀▶️飲茶地點係公主城堡左邊位置好易搵環境係美式建築結合中式元素枱大多卡位，坐得舒服，休息一流！必叫係呢個豬仔奶黃包🥰粉紅粉紅少女心而圓碌碌嘅背面真係好打耳內餡係奶味重嘅奶黃 質地流沙熱辣辣食時要小心個嘴慢慢食😆

陳皮蒸牛肉餅，牛肉餅起膠，口感不錯，可惜太多粉了，令牛肉比較搶喉。所以只是普通。燒鵝例牌，也幾好，不柴皮夠油潤，而且燒鵝香氣也有保存，也是一個不錯選擇。京蔥煎胡椒包，是唯一有米奇影子的。開蓋後一陣蔥香味，包子皮也有蔥味，而且牛肉餡也熱辣辣，整餐來說是最好的菜式。

星期六在迪士尼廣場飯店吃下午茶 不設訂位服務 要排隊等位 我由3.30開始 等了50分鐘 原來現在分為茶茶居（套餐為主）及翠園（一般酒樓）兩部分 而翠園位置較多 店內裝修富麗堂皇 服務員態度一般 和其它的迪士尼餐廳 相比之下較差 但仍然是合格的因為是下午茶 簡單要了一碗牛肉麵和醬油安格斯牛肉炒飯 味道ok 沒有驚喜 反而那甜品 - 鮮果拿破崙 實在太吸到了 收費不貴（148元）份量超大 圖片可見 層數很多 比一杯飲品還高 內裡鮮果包括士多啤梨 火龍果 藍莓 芒果。。。 吉士甜度適中 酥皮很脆 非吃不可呀埋單時才知 茶錢及前菜花生 共收了145 有點貴事後朋友說 如果吃飯時點了飲品 可以同服務員講要求減去茶錢及不要花生 下次再去時問問幸好我是白金卡會員 飲品今次有買一送一優惠 另全單九折呢

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻👍🏻 /5到迪士尼酒店Staycation完畢，當然要抓緊機會到迪士尼暢玩一番啦！🐭 每次到迪士尼遊玩，餐飲也是其中重要的一環，因為實在不喜歡花費不菲到餐廳廣場，吃那些大部分只有外貌，而味道非常一般的「快餐」☺️相反，我比較喜歡預早訂位到廣場餐廳吃中式午餐，一來可避開那永遠長長的人龍，二來食品水準和餐飲環境都得以保証 ☝🏻💋 點心點了6款點心，蝦餃、燒賣、米奇奶黃包、春卷、蘿蔔糕和蛋撻，每一款都算高質。我特愛足料餡靚的蝦餃和燒賣，老公則大愛鮮蝦炸春卷，與wasabi醬非常匹配 😍💋 燒味雙拼再選了叉燒和燒鵝雙拼，叉燒幾乎每一次都做得滿分，燒得微燶，既腍且香，是少有失手的菜式；燒鵝也燒得皮脆肉嫩，肉汁依然，加上酸甜醬真的很滋味～💋 蒜炒菜心老公對炒菜有要求，他說這裡的炒菜鑊氣夠、生熟度佳(口感爽脆)、味道一流，經常令他朝思暮想 😆💋 炒飯楊州炒飯看似簡單，其實要炒得粒粒分明兼有鑊氣，用料恰當且味道適中，絕非想像中易事；這個炒飯正好恰如其分 🍚💋 甜品楊枝甘露芒果味和花奶味均衡，

好平均兩年先入園一次（因為無年票），雖然坐底食一兩個鐘好浪費嚟玩一次既機會，不過我哋仍然想一試拿破崙。聽講係集團，所以都有啲信心，點心好味。樂園食個普通餐平均＄150,咁呢度都差不多，而且唔駛自己爭位，地方舒服好多，滿足。埋單時個姨姨有問有無X會員卡，好細心，不過我哋無如果出面都有得食就好喇，入園好貴㗎

小編同朋友咁大就買咗迪士尼＄699可以入園兩次嘅套票，由於我哋去嗰日係星期六，但係好多餐廳都冇開😼，所以我哋就去咗小鎮大街嘅一間中菜去試吓，因為佢係等排係最短同最快餐廳🤣，因為嗰時三點幾我哋真係好肚餓，唔想再等啦🥲🥲🥲嗰時係做緊萬聖節嘅套餐，我地都覺得menu唔係好吸引，所以散叫左😀今次我哋就叫咗個炸蟹鉗，椒鹽豆腐，咕嚕肉，乾燒伊麵，拿破崙，最後仲叫咗一壼花茶😎估唔到嘅係，原來佢嘅份量都好多，以為係主題樂園食嘅，都係份量好細，結果我哋兩個人都食得好飽😅整體來講熱食個味道都唔錯，算係正正常常，不過就唔係好夠熱啦😅，拿破崙好適合去打卡🤣，但實際味道就好一般😉另外，餐廳環境裝修好優雅，相比起咁多間餐廳會坐得比較舒服😌

一年一度萬聖節呀!🎃疫情關係上年迪士尼係skip 左Halloween, 直接報置聖誕節裝飾🎄今年氣氛好好呀!勁多魷魚🦑包括我地🤣12點幾趁無咩人,去醫下個肚先, 入甘多次樂園, 呢間餐廳都未試過, 呢間係翠園。 Halloween 梗係食反個halloween set 應下節!係唔抵食架啦, 入去梗係開心震興經濟啦👍個套餐相影得好吸引，$398一位。年卡無折。再對比下D 真野先😆青瓜略為酸左D,有隻鬼仔撘夠👻牛肉好淋, 蝦好食, 成隻都脆卜卜, 又掛都D蕃茄汁!有隻炸左既多士鬼仔跟湯，即刻唔同曬。南瓜唔係橙色, 有D失色, 擺盆唔夠靚, 但味道有驚喜, 炒飯加左南瓜係甘好食架, 又keep 到個溫度, 啖啖都係熱架, 連個南瓜蓋都食埋!杯飲品都好好味。唔明點解叫綠衣魔天使😹飲落似芒果味，但係喺桃，奇異果同紫背天葵汁？甜品都OK，睇名先發現個雪糕係眼球，藍莓係眼珠👁🤣發覺唔夠飽, 諗住叫半隻燒鵝, 但店員見議叫炸子雞, 話D雞係新鮮雞即炸架, 盛意拳拳!又真係幾滑, 好食過婚宴食個D, 成碟清曬😋

星期五入住「迪士尼探索家酒店」，享受了一晚酒店設施之後，翌日眾人乘搭樂園專用巴士，前往「香港迪士尼樂園」裡面，我玩了我人生首次類似「越鑛飛車」，擁有幾乎把我從車中扯走的強大離心力。至於中午午飯時間，礙於「迪士尼樂園」裡面的食肆實際選擇不算非常多，所以阿媽選擇排隊光顧「廣場飯店」，我在沒有其他食店選擇的情況下，也只能夠跟隨入去。論食店類型，「廣場飯店」其實只是一般的港式酒樓而已，但是我卻偏偏在「廣場飯店」的餐牌裡面，意外發現有屬於「台灣菜」食品的「台式紅燒牛肉麵」。而跟「廣場飯店」菜系風格有點格格不入的食品「台式紅燒牛肉麵」，「台式紅燒牛肉麵」裡面的「牛肉」，偏偏卻是肉質十分厚實，口感不算軟，也不算韌的「牛腩」肉。至於「台式紅燒牛肉麵」有點像「牛腩」的「牛肉」實際肉質偏向厚實，口感則還不算很硬很韌，勉強容易透過牙齒撕開咀嚼嚼爛「牛腩」，吞嚥也不成問題。至於「台式紅燒牛肉麵」底層的湯底，湯底實際味道感覺偏向比較辣和鹹，所以我食完「牛腩」和麵條之後，最後沒有飲完剩下的辣味「紅燒」湯底。至於午餐的「雞肉」食品方面，「廣場飯店」價目表裡面有「北菇滑雞煲仔飯」，不過煲仔飯的售價其實頗為昂貴，竟然需

米奇奶皇包 HKD52/3個Um..就只係印咗米奇樣嘅奶皇包裏面嘅餡平平無奇 even 唔識流心都要成五十幾蚊籠台式紅燒牛肉麵 HKD98 一上枱以為係出前一丁嘅我🥲碗內大概有牛筋牛腩各2件 牛腩都算嫩滑 有少少筋位 食落唔乾柴 湯底偏淡 麵雖然有咬口 但麵粉味有啲重午市套餐 HKD228/位燒味雙拼 - 叉燒燒鴨各2件竹苼上素蒸粉果 帶子蒸燒賣 - 上枱嘅時候懷疑粉果同燒賣已經玩咗一次space mountain 😂烚菜心4條鳳爪排骨煲仔飯 - 我個手掌仲大過個煲仔 味道正常甜品蛋白杏仁茶 - 原來冇上到🤯•茶芥$26/位 埋單$530 雖然入迪士尼都預咗洗錢 但份量同價錢相差得有啲遠 •惟一好處係冷氣夠涼 坐低休息下嘅好地方間唔中仲會有雀仔飛入嚟同你一齊飲茶😆🚩廣場飯店 大嶼山香港迪士尼樂園美國小鎮大街

今日食評有✍🏻廣場飯店@迪士尼試食指數⭐️⭐️店舖衛生⭐️⭐️⭐⭐侍應態度⭐️⭐️⭐️((每項5⭐️為滿分)) · 晚餐時段點了1️⃣叉燒蛋飯全餐唯一夠熱的飯2️⃣粟米魚肚粥Oh no我第一次食溫嘅粥唔夠熱真係敗筆3️⃣陳皮牛肉腸味道賣相可以腸粉皮厚得滯問題都係唔夠熱4️⃣米奇奶皇包米奇logo夠Q奶黃夠熱整體幾好5️⃣迷你酥皮蛋撻賣相吸引可惜唔夠熱·諗住比呢間餐廳有第二次嘅機會好可惜好多食物都唔合乎熱嘅基本要求有點失望·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

迪士尼開返今日終於再入去玩記得以前廣場餐廳好好食所以一入去第一時間就入去拎位如果你唔係食中午嘅話你可以同服務員講聲預留下午茶時間佢會記低你嘅資料然後俾個號碼你咁你下晝返嚟嘅時候講號碼就可以入坐入邊餐廳冷氣強大玩到熱入去抖抖就係最好不過而且環境舒適所以與其食嗰啲快餐食呢個係最佳選擇Set398一位所以決定最後係散嗌嘅好似平時飲茶咁樣或點心紙畫完比服務員等吓就有嘢食啦坐低服務員會問你飲乜嘢茶佢有鐵觀音香片秀媚普里另外佢仲會問你要唔要花生如果你要嘅話呢最尾俾錢嘅時候係要額外加錢嘅叫咗韮黃蝦腸，帶子燒賣同埋鮑魚荷葉飯等咗10分鐘左右就有嘢食啦全部嘢食都正正常常喺迪士尼來講我覺得全部嘢食都好好食特別係鮑魚荷葉飯叫咗三樣嘢食價錢唔貴所以最後埋單每人百零蚊姐

今日食評有✍🏻翠園•茶茶居@香港迪士尼試食指數⭐️⭐️⭐⭐️店舖衛生⭐️⭐️⭐️⭐️侍應態度⭐️⭐️⭐️((每項5⭐️為滿分)) · 本來想去大街試下午茶set可惜一如既往冇哂位我轉個彎經過翠園意外見到有個中式下午茶未睇價錢就沖左入去@$398係一人價錢，兩位起，超貴啊😮正因為呢個價格即管睇吓有幾好🥸·1️⃣芒果生菜沙律⭐️⭐️⭐/5所有食材都好簡單如果一定要讚好就係食材夠新鮮2️⃣叉燒油雞拼盤⭐️⭐️⭐️⭐/5算係半肥瘦叉燒油雞反而有驚喜3️⃣帶子燒賣拼蟹鉗⭐️⭐️⭐️⭐/5帶子燒賣上面嘅帶子好明顯係反蒸之後縮咗水蟹鉗整得幾好味入邊真係有蟹肉4️⃣南瓜海鮮湯⭐️⭐/5南瓜湯好味海鮮足料但係兩者嘅配搭奇怪咗啲5️⃣鮑魚荷葉飯⭐️⭐️⭐/5面頭嗰粒小鮑魚都算係誠意之作荷葉飯比較普通冇辣椒油吊味根本冇乜特別6️⃣芒果布甸⭐️⭐️⭐️⭐/5布甸入邊食得出有芒果而且都算大碗7️⃣檸檬梳打+紅柚薑茶⭐️⭐️⭐️⭐️⭐/5飲品正常薑茶入面嘅薑片係米奇老鼠頭有驚喜✳️普洱茶@$52/2位✳️花生@$26·總括而言除咗環境食物水準其實好普通二人承惠961一啲都唔抵食·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋

由於疫情嘅關係，呢一年迪士尼又開又關，咁啱佢依家開返就走咗入去玩！由於都係限人數嘅關係，個樂園會冇咁多人，佢入邊嘅餐廳都只係開咗一半，好多自助式嘅餐廳都冇開！因為想飲多啲水，同想坐得舒服d，所以就去咗食中菜，貪佢有茶飲！我哋12:00入去，已經坐咗一大半人喺度食緊午飯，咁佢哋就安排咗側邊嘅枱俾我哋。枱與枱之間都有返啲距離，同埋一張枱只可以坐四個人，咁佢俾咗張六個人嘅枱我哋，所以都坐得好舒服。佢除咗可以剔紙仔落點心之外，仲有啲套餐嘅，咁我哋就每人叫咗一個午市套餐。個套餐有下面咁多嘢：燒味雙拼（今日係叉燒同燒鴨）帶子燒賣素菇餃白灼時蔬北菇蒸雞煲仔飯蛋白杏仁茶燒味嘅叉燒就有啲柴，燒鴨佢比啲太肥嘅部位我，所以冇乜肉食⋯但個味本身係OK嘅！帶子燒賣除咗上面有粒帶子，仲食到個燒賣餡入邊都有好多帶子粒！好味！個素菇餃同菜就正正常常，唔多講啦～到個北菇蒸雞煲仔飯啦！其實都唔可以叫煲仔飯（冇飯焦嘅！），只不過佢係用個煲仔上嘅蒸飯！d雞調味做得好好，啲飯蒸出嚟一粒粒好分明，加埋啲豉油好好食！但對男人來講就細碗咗啲，啱啱好又唔會餓死咁！最後嚟個蛋白杏仁茶做甜品，杏仁味好濃好香，但個蛋白就結左一舊咁係碗糖水入