Pepper Lunch (德福廣場2期)

Open Now

Now Closed

我最近品嚐了一份鐵板牛肉飯，讓我來給大家分享一下我的體驗。這道菜品的牛肉量和飯量都是適中的，讓人感到滿足而不至於過飽。牛肉的質地十分嫩滑，入口即化，給人一種美妙的口感。然而，這道鐵板牛肉飯在食用過程中稍微有一點油膩的感覺。雖然牛肉本身的油脂含量是正常的，但我個人覺得可能是在烹調過程中使用了較多的油。這使得整體菜品的口感稍微有些油膩，對於那些不太喜歡油膩口感的人來說可能會有些許不適應。除此之外，鐵板牛肉飯的味道是相當不錯的。牛肉經過適當的調味，帶有淡淡的醬汁香氣，與米飯的口感相得益彰。米飯經過鐵板烹煮，表面微焦，質地鬆軟，吃起來有一種獨特的香脆口感，讓人愛不釋口。總的來說，這份鐵板牛肉飯在牛肉量和飯量上表現得很平衡，帶來了美味的口感和飽足感。然而，對於那些對油膩食物敏感的人來說，可能會感覺稍微有些油膩。不過，這道菜的味道和食材品質還是值得一試的。

話說個幾星期前係其他分店食過澳洲牛腰肉好正，今日去開德福商場， 又有分店，又再食過， 點知⋯⋯食牛柳只提供膠刀， 又冇义用， 終於連刀都斷埋，都係切唔開，而且今次的牛柳跟本咬唔開， 吞到嘅免強吞落去， 吞唔到就只好吐出嚟， 到底我食緊啲乜☹️

呢日要湊住阿仔食個快飯，於是選擇咗去Foodeli ，一開始以為冇位，原來近韓燒嗰邊仲有另一邊，咁座位都算多，選擇咗坐近韓燒嗰邊嘅卡位，座位幾寬敞，係，有時會聞到陣韓香味🤣今日叫咗極量黑椒牛肉飯，一開始牛肉唔熟，教吓仔攪下煮下，啲肉熟透我哋就可以食啦！飯量足夠，飯質粒粒分明，黑椒味唔重，易入口。牛肉薄切，份量唔算多，但都可接受，有牛肉味，肉質唔錯。加埋蔥同粟米配飯食，味道一流，期待中的味道，保持水準，阿仔都鍾意食。

去到food court 食物選擇好多，有台式、韓式、泰式、港式，好難選擇！由頭開始行，行最後一最間就會看見唔少人捧著一個二個鐵板盤，吸引我的除了黑椒味撲鼻，那嘶嘶唦唦的聲音也增加了食慾😋。最後還是低擋不住鐵板和黑椒嘅威力，選擇了它：💡黑椒牛肉飯🥓🍚鐵板熱辣辣，牛肉仍是紅色，趁熱將所有材料撈勻，牛肉即係變色，黑椒味好香，黑椒可以隨意添加配搭埋粟米，口感惹味和甜甜的。💡珍寶黑椒牛肉拼雞肉飯🥓🍗🍚雞肉嫩同份量多。

今日叫咗兩個餐，一個黑椒牛肉飯，加左雙份芝士，啲牛肉比想像中少，另外一份系牛肉拼雞飯，又係啲肉嘅份量少，同埋都幾油下，以呢個價錢我覺得啲餸嘅份量應該加返多少少先合理

大年初三赤口，去完睇戲，行下行下，又到左食晚飯既時候，見好多餐廳門口都排晒隊。於是行左去food court 入面，甘岩搵到位，行左一圈，最後決定食pepper lunch。我地點左兩個極量黑椒牛肉飯，加$20配埋雪糕同汽水，等左一陣，好快就攞得。因為係鐵板，所以都有d重，好采我地個搵到既座位唔係好遠。返埋位發現唔記得攞醬汁，又行多次，醬汁有蒜蓉汁/ 蜜糖。食物方面：我地點既係極量餐，但牛肉既份量唔似極量，份量只是一般。之後我就好似廚師上身甘，起勢甘炒牛肉，最後落埋d醬汁在牛肉上，搞掂。口感上，牛肉既油份充足，但牛肉本身係無咩味，要配上醬汁才好食，粟米甜甜地配飯非常正。雪糕係Häagen-Dazs當然正啦。😋

已經有好長一段時間冇食過呢間，嗰日同朋友一齊去食，咁我就簡單叫咗個黑椒牛肉飯，味道上感覺同過往冇乜太大分別，對於簡單嘅一餐嚟講係過得去，整體而言就係普通，但如果對比返價錢嚟講就有啲貴嘅個人認為，唔會話抵食😗

呢一間Pepper Lunch冇學生餐覺得價錢有少少貴嗌咗一個牛肉雞肉但係肉類又比想像中少同埋比較繁忙，所以速度都有少少慢但係依然可以自己調配醬汁Pepper Lunch依然都是比較好吃的鐵板飯餐廳

今日嚟到九龍灣唔知食啲乜嘢好結果都係行咗入去food court睇吓有乜嘢好食結果都係食返Pepper Lunch，九龍灣呢間有返套餐可以加$18要返一款小食同嘢飲上次喺第二區嘅food court Pepper Lunch冇得加套餐黑椒牛肉飯$53，正😋😋記得要拎埋佢嘅蒜蓉汁同蜜糖汁。份量唔算多🙇🏾‍♂️但真係幾好食嘅👍🏻+$18可樂&小食係粟米，佢落返本身嗰啲蒜蓉汁，仲要落咗勁多咁，搞到勁鹹😅唔建議揀呢個粟米如果真係要揀小食揀其他嘢點都好過粟米🙇🏾‍♂️🙇🏾‍♂️個人認為Pepper Lunch份量越來越少，變相覺得佢越嚟越貴🙇🏾‍♂️🙇🏾‍♂️

Pepper Lunch胡椒廚房，經由自已來混合拌炒，再搭配我們特調秘製醬汁，打造奇妙料理體驗，同時創造自我風格的專屬美味！牛肉嫩滑，飯粒分明，鐵板輕鬆鎖住食材的鮮嫩原味，透過巧手，完美呈現美味。凍檸茶

經常路過九龍灣但係好少係food court 度坐低e下肚仔 今次就黎試試😈😈pepper lunch express-大盛牛肉飯次次見到鐵板倒醬汁總會聽到渣渣聲好吸引😍😍呢度似係煮熟再放鐵板 肥牛肉算多 有栗米🌽 泡菜、黑胡椒 感覺沒我期待中咁好味 普通飯香沒焦 唔似煲仔飯有焦咁香口 可能我口味重😅總覺得醬油放得唔多 淡得濟🤷🏻‍♀️🤷🏻‍♀️ 至於牛肉方面還算可以 就係色相方面差d 如果加個醬料或者多醬油更好 上菜算快 服務還不錯

睇完戲，剛好中午吃飯，睇到pepper lunch，都幾多人排隊，好彩我地羅完位，等左10分鐘左右就可以入去。點左個三拼飯牛肉+雞肉+三文魚肉比較少，味道中中地，就是滴飯好食啲我最鍾意就是送嘅湯番茄雞肉意麵有滴酸酸地，雞肉都OK最後講下價錢，都算平只不過點餐需要去前台

以前我同我屋企人都好鍾意食Pepper Lunch，自從德福food court裝修之後，就好耐冇食過。咁啱經過德福見到food court開返，我就同屋企人去咗食Pepper Lunch。------------------------------我以前嗌pepper lunch都會加腸，基本上我係為咗條腸而去食Pepper Lunch。咁耐冇食咁一定要加番條腸食㗎啦，點知已經冇得再加腸，得返芝士蛋嗰啲！我真係勁失望！但因為屋企人好鍾意食Pepper Lunch，我就照食啦。------------------------------我就嗌左黑椒雞肉飯，味道都係同之前一樣水準，冇乜特別。------------------------------咁啱經過又諗唔到食咩嘅話都可以去食下。

喺九龍灣附近做完嘢正值lunch time就喺德福商場搵吓有咩好食喺food court行嗰陣就比呢間Pepper Lunch吸引咗.雖然周圍都有分店但次次經過都忍唔住再食🤣🤣價錢唔貴 大份又好食.叫咗一個咖喱芝士雞肉飯🤩個飯嘅份量好多芝士 粟米同雞肉嘅配料都好豐富出爐嗰陣熱辣辣仲可以加埋自己鍾意嘅醬汁正😆😆😆唔怪得咁多附近做嘢嘅人都嚟食🤣

Pepper Lunch既鐵板牛肉飯性價比極高。價錢適中，學生價更加抵食（所以見到好多學生排隊買🤣）除咗牛肉，多左好多唔同嘅款式：三文魚、雞肉、明太子。第一次試九龍灣呢間，試一試經典主打—牛肉。▪️大盛黑椒牛肉飯 $55 平時食普通size既牛肉覺得唔夠喉，今次專登揀x 1.5倍嘅大盛。份量明顯比起正常size多一倍，價錢只係加$5，好抵食！牛肉口感唔肥，而且好有牛味，生熟度自己掌控岩岩好！另外可以自己加醬汁，分別有燒烤汁同蜜糖汁。不過我覺得就咁黑椒牛油味已經夠哂好味，所以冇落任何醬汁。📍Pepper Lunch九龍灣偉業街33號德福廣場二期5樓501B號舖Foodeli 11號舖