奧爾餐廳 (Closed)

下呢間嘢呢坐得係ok嘅起碼啲位係闊 而且洗手間亦都乾淨 ，不過呢有啲暗啲燈光做得唔好。 門口條路一邊有咪錶位但唔容易搵到 因為畀啲人長期霸住。 另一邊要走鬼。 歐陸早早餐 跟一件扒可以雞牛豬任揀 ， 我揀件雞扒 唔算大 不過亦都幾好食。 35蚊 就算係咁啦。 佢跟埋嘅嗰個火腿通粉又幾好食喎個湯幾甜， 杯凍奶茶都充得幾好合格之上。 老老實實嗰句土瓜灣呢啲舊區 呢一間嘢係叫做真係乾淨企理 適合一家大細坐嘅。 係唯一一樣嘢真係啲燈光唔係咁夠。

最鍾意就係食早餐。今日一大朝早就同陳生去食早餐，呢間嘅早餐大約$35 ，價錢合理，質素亦都唔差。我哋都叫咗個歐陸早餐，abc各選一樣食物，a區嘅肉類好細心喎，可以比你簡煎or炸，我最後揀咗牛扒配黑椒汁，炒蛋，雪菜肉絲米粉，飲好立克。份量都算多。牛扒比想像中好食，無筋，而且都幾淋，炒蛋就正常啦，如果再生少少，有反蛋汁就更好啦。雪菜肉絲米，配左啲粟米，我至愛。另外個餐仲包餐包，所以一定夠飽。另外，值得一贊嘅係我叫嗰杯好立克，好濃味。一啲都唔似出面啲餐廳，好淡。

其實係呢間都食左好多次，不過好似唔多人知，所以覺得要分享一下！！！有焗飯有焗意粉又有扒好正宗既西餐廳waitress 送餐一出啲鐵板哇 ～香氣四溢原本已經肚餓，聞到更加想流口水🤤啲野食又Keep 到水準，如果遇岩節日有時會有豬手、豬鞍食價錢非常之抵洗手間非常乾淨我諗係呢啲地方係冇諗過可以keep得咁乾淨，因為有好多餐廳廁所見到都唔敢去。等位都好快野食又唔會等好耐！同三五知己去食飯傾偈都岩，坐得又舒服！

今日下午工作途經土瓜灣。放工後，順便在那𥚃吃晚才回家。見「奧爾餐廳」是西式餐廳。心想應該好好吃，不仿試一試。我點了四安士牛扒拼龍脷柳配白飯，忌廉湯及熱奶茶送甜品。主菜有牛扒及煎龍脷柳，伴碟配菜有栗米粒，紅蘿蔔，翠肉瓜及西蘭花。賣相一般。份量好少。牛扒"薄切"類別，食起來肉好老及好韌，口感一般，沒有什麼牛肉的味道。龍脷柳比牛扒厚一點，食起來感覺外脆內軟的，沒有鮮魚味道。全部配菜味道清淡。白飯，口感都可以。忌廉湯，䁔䁔地。味道淡淡地。餐飽好細小，甜甜地，口感一般。熱奶茶，夠熱。紅茶及淡奶偏重紅茶味重，苦澀了小小。甜品是芒果的味道是好像馬來西亞的芒果風味配上淡奶。味道幾好。餐廳環境尚算可以，座位距離不太濶。等候待應落單及送餐上枱時間好快。

未來老公仔星期六都突然要返工真係慘慘豬我唯有好好咁接佢收工啦🤣唔知食咩好周圍行吓，見啱就入去食行行吓就見到奧爾，有扒餐有焗飯，就走咗入去食了南瓜湯好少le d平民式ge西餐廳會有，通常都係羅宋、忌廉但好稀、好淡🤦🏻‍♀️🤦🏻‍♀️🤦🏻‍♀️我ge海鮮焗飯普普通通，都係冇咩味🙈🙈🙈牛扒餐牛扒同腸仔都唔錯黑椒汁有味咖😂😂😂有甜品送😍😍😍1個啫喱，1個布甸花奶係重點🤤🤤🤤

是日尖子帶隊, 來到奧爾餐廳. 週末下午二時到達, 不用等候便可入座. 店內地方不大, 港西式的格局, 座位狹窄, 坐得不太舒適. 午餐選擇極少, 只好點選了日式野菜雞肉稻亭烏冬(HK$48), 韓式牛柳粒石鍋炒飯(HK$48). 侍應先送上麵包和餐湯. 麵包是半片多士, 很一般. 餐湯是水汪汪的忌廉菜湯, 不太討好. 再來便是日式野菜雞肉稻亭烏冬, 賣相非常核人, 就好像昨夜的剩菜煮成一鍋. 試一口, 湯底甜中帶丁點鹹, 這個湯底筆者不buy, 沒有什麼胃口了. 尖子的韓式牛柳粒石鍋炒飯, 好像乾乾的, 也不是筆者的喜好. 這個價錢, 應該還有其他更好的選擇.

奧爾一間久唔久就會來食晚餐的餐廳。嚟得呢度，多數食牛排！呢度啲牛排唔係特別出色，只是價錢公道！晚餐，有好款揀。我曾經試過：▶️$73鐵板羊架拼漢寶豬柳！羊架好味，有兩片！豬柳就冇乜特別，普通食果啲。▶️$98鐵板牛柳拼雞扒！牛柳一舊，雞扒一塊，份量可以！牛柳六成熟，味道不錯，仲有小小紅係中間！牛柳味道剛剛好⋯⋯好⋯⋯好……..味…..呀！😂雞扒似炸，味道一般⋯⋯可以咁啦。▶️牛扒要貴果款都二百幾三幾蚊。我試過，只是一般貨色！味道都係一般！試百蚊已足夠！▶️甜品，有布丁，啫喱揀。我多數選啫喱，穩陣啲！▶️湯，紅/白/周打魚湯！我多數選紅有蔬菜。

很久無嚟土瓜灣，舊地重遊“食街”，食肆好多唔同咗，繞場一圈，覺得哩間價錢相宜，可以一試。叫咗雜扒意粉，鮮茄焗豬扒飯，另加$10可享一份焗蠔（兩隻）周打魚湯味道濃郁，湯上仲有一塊餅乾，感覺懷舊薯蓉焗蠔勁抵勁好味，蠔味濃郁，薯蓉吸晒蠔味及牛油香味，簡直一流雜扒意粉特別在於腸仔度，竟然用這種香腸意粉口感不錯，夠彈牙，其餘扒類則一般；而豬扒飯味道屬穩陣派，豬扒肉質腍身，屬不錯嘅選擇。最後，驚喜係有個超濃葡萄味啫喱作總結，感覺好豐富

遲左落車，路經呢間西餐廳。俾個晚餐餐牌吸引左，鋸扒最平唔洗一舊水，58蚊晚餐亦有湯有包有飯有野飲。入到去無乜人，正，靜靜地。我點左個青口雞絲意，周打魚湯。味道都ok, 可以一試。呢度最緊要係坐得舒服又唔貴。今時今日，有時食個茶記晚餐都要5-60蚊，不如去間坐得舒服又會播輕鬆音樂既西餐廳。

工作中午餐，去到呢條街搵食，餐廳好多，呢間新開，紫色門面光鮮，入內係港式扒房嘅格局，紅色梳化加黑枱面，乾淨企理！店員都係黑背心恤衫，食品都以扒類為主！餐包：港式扒房嘅甜餐包，熱辣辣好鬆軟，唔搽牛油都好好味！餐湯：羅宋湯，湯底好濃，茄醬酸酸加啲微辣開胃，蔬菜索晒湯無煲爛，仲有少少爽口！煎薄牛扒洋蔥汁意粉（$45）牛扒唔大塊，唔韌，雖然無乜牛味，好在無喇到橡皮咁！意粉係港式長意粉，無咬口，好在未算淋！ok! 蔬菜翠肉瓜同紅蘿蔔都灼得爽脆，粟米粒甜！醬汁另用碗上，呢樣幾好，可以自己決定落幾多，味道鹹鹹地，其實無乜洋蔥味，普通西餐醬汁！凍檸茶：茶底正常，味道清爽！同事食！野菜雞肉稻亭烏冬（$48）牛柳粒石鍋炒飯（$48）焗芝士煙三文魚鴨胸意粉（$48）凍奶茶：店員有禮，上菜收碟爽手勤快！有笑容！港式扒房西餐廳，係我哋細個認識西餐嘅第一步！雖然調節過嘅西餐！細個已經覺得好高級！反而自在過而家正宗嘅高級扒房！

想試下呢間新舖，估唔到有驚喜！叫左個比普通鐵板扒餐貴($7x)少少既黑椒汁牛扒併比目魚($$8x)。包飲品，湯，餐包，甜品。問待應改鐵板上都得！！牛扒係薄牛，冇overcook!＄100留下食到懷舊扒餐算係咁

路經土瓜灣，忽然想食港式西餐，進入了前身叫明寶石的奧爾餐廳。裝修沒有改變，以卡位梳化為主，雖然不是豪裝，但乾淨企理。叫了簿牛扒腸仔飯和鮮茄焗牛脷飯兩個晚餐。先上暖暖軟熟的餐包，湯選了忌亷和周打魚。味道不錯，不會水希希，亦有些料，周打魚湯還浸著塊加拿餅。簿牛扒腸仔飯足料外，還有些粟米粒，紅羅百伴碟。兩個飯都幾好味，除餐飲外，還有甜品，可選布丁，啫喱或涼粉。整個餐都係$60 多元，不用加一。如此經濟的價錢，食物味道又不錯，坐得舒服亦不嘈吵，確實是一個很好的選擇。