又一戟

Open Now

Now Closed

📍 又一戟嚟到葵涌廣場一定要去3樓買班戟‼️我相信佢哋每日都一樣係超級多人排隊🥶做到踢晒腳冇停手😶‍🌫️長長嘅人龍，令我覺得人手不足嘅問題真係好嚴重🤣冇辦法啦鬼叫佢哋咁出名咩🧐🔸 Oreo脆脆雪糕班戟+荔枝雪糕球 $27揀班戟之外仲可以任揀雪糕球嘅味道，由於平時喺出邊好少有機會食到荔枝味嘅雪糕，所以今日就揀咗荔枝味😍店員落完單之後係即叫即整，我哋就OK買咗一二邊等，其實都差唔多要等成10分鐘左右😭之後又聽唔到我嗌Number，所以Miss咗😕不過佢哋幫我將我份班戟放咗喺雪櫃，埋去問佢嘅時候佢即刻拎返出嚟俾我👍🏻好彩都冇溶到🥰超巨形份量，有一塊oreo，旁邊佈滿oreo碎，食荔枝雪糕嘅同事都可以咬到碎碎😚，班戟嘅中間亦沒有空心嘅情況，滿滿的cream😆不過食到去最後可能會有啲甜到漏🙈評分時間❣️ (最多五顆星，如不推薦會打交叉）食物質素⭐️⭐️環境⭐️⭐️服務質素⭐️⭐️⭐️價錢💸:埋單$27餐廳資料📋: 又一戟🕌地址: 葵芳葵富路7號葵涌廣場3樓85B號舖

🍌熱香蕉朱古力班戟 $25熟悉嘅班戟型態都係一塊塊向上疊但呢度為咗便攜就將佢捲成甜筒形賣相都幾可愛班戟皮屬於超薄脆類型 單食絕對唔飽嗰種😂包著滿滿嘅忌廉 面頭插咗半條香蕉經過炙燒 香蕉暖暖哋外皮微脆相信最吸睛都係一柱擎天嘅雲尼拿味雪糕屬於平價雪糕味道 口感都順滑女仔食完一份都真係幾飽 主要係材料比較膩

見到社交平台啲雪糕山勁吸引😍於是黎朝一朝聖😋好似得葵芳分店有得咁賣🧐————————————————————————🐕珍量三味雪糕山（$20）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯$20有三座山峰真係勁平原來食雪糕真係可以食到飽😂豆腐清香淡雅薄荷朱古力清爽但偏甜奶香玄米茶帶有茶澀嘅餘韻 不過要加$5就唔太抵————————————————————————🐕肉鬆紫菜蛋Crepe（$28）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯第一次食呢間嘅咸Crepe肉鬆比得好足 夾入切片烚蛋 灑上紫菜入面嘅沙律醬幾特別 似偏酸嘅卡夫奇妙醬餅皮就唔使講 保持到煙韌軟熟————————————————————————

三間鋪頭都有去食過今日經葵廣，見人唔係好多就買左一個熱食落單時佢冇話要等幾耐，甘我就企旁邊等我企開好遠，佢就不斷話買野食上前，唔係買野食行過啲我都已經企開3個人身位，佢都要甘樣講😅真係無言如果我真係需要買野食，會唔會企到甘開去嗌？都算啦，等左15分鐘，佢地不斷只出凍食連後面落單既都早過我直到30分鐘，我走去話退錢，佢地望住張紙話差唔多到，但佢都話退其實我睇過張紙，後面都已經有啲劃左擺到明唔想整，但又要接單😒😒係度浪費我時間

第一次寫食評,呢間全店店員啲態度都衰到貼地嘅嘢真係唔寫得唔得,嗰一粒星係唔可以比零分先畀落去嘅,服務應該係負5粒星次次行過呢間嘢都好多人,所以從來都冇打算食,見朋友推薦就買一個試下啦,首先已經唔提供餐牌,問店員嗰個吞拿魚班戟可唔可以加粟米,佢就以一副：你係咪買㗎,唔係唔好阻住曬嘅表情望住我,唔得我問題就走咗去,心諗可能人太多,佢真係忙啦,冇得加咪算囉,直接要一個吞拿魚班戟,現場所見起碼企咗二十幾個人喺度,店員淨係比咗個號碼又唔講究竟要等幾耐,基於疫情,我決定周圍行下先再返嚟攞過個班戟返到去攞嗰班戟,另外兩個店員唔係比個班戟我,只係好唔客氣咁同我講話：過咗幾十個20幾個號碼啦！（怪人唔乖乖喺度等緊,心諗而家疫情喎,聚集咁多人喺度= =）前題係我乜都冇講過,心諗呢度啲店員個個被害妄想症咁,慌死你因為個餅淋咗要求佢再整過,我自己都知過咗咁多號碼個餅一定淋根本就冇諗過要佢整過囉）.落單嘅時候我要求小醬,食落去只有好鹹嘅吞拿魚味,一啲沙律醬都冇,而家我係要求小醬唔係唔落醬,做唔到嘅其實可以直接出聲我唔幫襯就得,反正大把人願意貼錢買難受.總括而言呢間嘢完全一副：我d態度係咁㗎啦你唔好幫襯啦,唯一所

可能都知大家呢間係食pancake，其實佢嘅雪糕都夠晒IGable。我哋揀嘅係2球珍寶size，睇落真係成個雪糕山咁😳 珍寶size大概係4球雪糕🍨，賣相夠晒誇張。我哋一球豆腐味，另一球加$5叫咗個特別口味：提子冧酒。雪糕豆腐味實在係太淡有啲失望☹️提子冧酒都唔錯，除咗提子粒之外🍇食落都幾香呢個價錢真係超抵，淨係打卡都值得玩🤟🏻同埋佢仲有好多口味，不過下次我哋都係穩穩陣陣叫返朱古力先🍫！

次次去葵廣都見到呢間店滿滿人龍，但每次都冇心嘗試，因為覺得班cake好似冇乜特別。今日食完鹹點想食一個甜點作結，見佢唔算多人，就決定試下啦！今次揀了朱古力芝士蛋糕加雪糕班㦸，店員落完單，即叫即做，拎到嚟分量大，上面鋪滿朱古力芝士蛋糕，蛋糕味道好好，但偏甜，再加上cream朱古力醬。雪糕方面我哋揀咗朱古力雪糕，諗住襯返朱古力主題，好大球朱古力雪糕，雪糕味道正常。每一啖都係食到有cream有雪糕有蛋糕，連最底下嗰層都有好濃嘅朱古力醬同埋類似米通嘅東西。不會像食過下面有空心嘅情況，成個都滿滿， 10分滿足！以$29呢個價錢，性價比10分高！下次再試其他～

人人都話去得葵廣就要食佢，係葵廣必食之一，咁啱得閒咁就去試吓啦！簡簡單單叫咗個芒果pan cake。由於係即叫即整，而且都好多人排隊食呢間，都等咗一段時間先有得食。Pancake嘅成份好簡單，上面係cream，加啲朱古力醬，下面再有啲芒果粒，再下面就係雪糕。揀咗芒果味雪糕，雪糕軟綿綿，幾滑，都幾有芒果味，幾香。同埋芒果雪糕嘅份量都唔少。食到底都有。佢個pancake都有蛋香，新鮮整起確實幾好食。店家都貼心咁包多張紙巾，食曬就可以用埋，又唔太怕整污手。

對上一次黎葵廣掃街應該係幾年前既事 今次難得約到朋友黎掃街 梗係要食返個葵廣必食既班戟 好記得幾年前黎食係冇咁多選擇架 宜家有埋雪糕同飲品 雪糕仲要有好多隻味 班戟就有甜又有鹹 今次係揀左平日星期一去食 冇咁多人唔洗等太耐 我揀左蜜桃加雪糕班戟 雪糕揀左個特別少少既 要加五蚊既海鹽味雪糕 賣相好令 係藍色既 另外班戟入面仲要有好多好多既蜜桃 雖然係罐頭既蜜桃 但都覺得好好味 好足料 班戟皮係煎到好薄身 三十蚊就可以食到飽一飽 又好滿足朋友就俾佢地既白桃味既雪糕吸引左 標準就七蚊 珍寶就十蚊 差三蚊感覺上珍寶會抵食啲 咁就揀左珍寶 白桃味係需要另加五蚊 姐係杯雪糕係十五蚊 真係好大杯好抵食 而且味道食落係好清新既白桃味 唔會話好甜 值得一試

每一次嚟到葵涌廣場都好想食又一戟，奈何每一次都怕食唔哂無挑戰到。今次信心滿滿覺得會食得哂！又一戟班戟口味有好多，諗咗好耐決定要開心果醬曲奇雪糕味一開始我以為開心果醬得上面個篤，點知一路食落去原來塊班戟皮都搽咗好多，其實開心果醬有啲似榛子醬，但更有咬感同nutty啲。所有餡料加埋簡直係有200%滿，因為我一路食一路係個戟皮到吱咗啲雪糕，cream同醬出嚟！極狼狽！或者如果戟皮唔好咁薄會好啲？咁就唔會漏出嚟？但總括嚟講，我已經想再食啦

呢度嘅雪糕就出晒名又平又抵食，到今時今日都係以一個好低廉嘅價錢就可以食到飽哂，真係好難得。今次我哋食咗個曲奇班戟，配左個曲奇雪糕去fit哂個戟。出到嚟賣相唔錯，啖啖都係雪糕同埋cream，上面啲雪糕真係比得好多，除此以外，當你食晒面頭嗰啲雪糕，食佢個皮嘅時候，你會發現入面啖啖都係cream同埋朱古力醬，真係比得好足料。中間會有啲曲奇碎去配搭返佢啲cream，食落口感好豐富，不過就有少少漏，不過食得呢啲我哋都預咗會熱量爆炸$27已餵得飽兩個人，抵爆。

又一戟💚雪糕珍寶山 $20-椰子味🥥淡淡嘅椰子香味不過冇果肉嘅所以唔使期待太多💁🏻‍♀️．咖啡味☕️上次食過睇返上次個評價啦🤣💁🏻‍♀️．豆腐味比較唔係太濃味嘅一種味道但正正因為咁所以做出好味嘅豆腐味唔容易㗎🤭好大機會都會有雪藏味❄️但佢呢隻冇嗰啲雪藏味或者化學味🙈．其實我一講雪糕 就冇乜嘢講🤣應該係講廢話暫時我食過嘅味道排次序👻：咖啡➡️豆腐➡️朱古力➡️椰子➡️香芋其實我排嘅次序都幾矛盾下🤣我好鍾意一啲唔係太濃嘅味道其實我諗緊朱古力同椰子係咪應該掉位🤣-20/8 eat唔寫得好詳細㗎啦💁🏻‍♀️過咗號碼嘅話原來佢會擺喺雪櫃雪住先都幾好嘅🤣-好味程度：🌕🌕🌕🌑🌑抵嘅程度：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌕🌑🌑

又一戟💚雪糕珍寶山 $20其實即係9球雪糕三隻味各三球👻😍(我唔係好識寫雪糕嘅食評🥺🤭請多多包涵)-朱古力唔會話太假💁🏻‍♀️有啲朱古力碎係入邊但有啲甜🥺．香芋一般般香芋雪糕味🤣得過且過唔會話太化學劑．咖啡冇話特別香濃但都好好味😋👻．整體來講 呢三隻味都冇伏🤭下次可以試其他味🙈想試豆腐味👻-11/8 eat唔寫得好詳細啦💁🏻‍♀️其實呢間我本身都想幫襯好耐㗎喇🥺不過其實係想食pancake但今次睇完foodie 社交平台實在忍唔到第一次幫襯就咁啲食雪糕👻下次想試豆腐味！Btw好癲嘅紀錄本身冇諗過諗住計時其實我都係睇返我影相嘅時間自己一個人用咗22分鐘食9球雪糕🤣阿媽 我得咗啦👻 我買完之後 行過去垃圾桶隔離食途中唔少人望住我對雪糕話好大堆啲人應該心諗我痴線🤣- 好味程度：🌕🌕🌕🌑🌑抵嘅程度：🌕🌕🌕🌕🌑服務態度：🌕🌕🌕🌑🌑會回頭率：🌕🌕🌕🌕🌑

窮遊香港-葵芳人氣平價雪糕山 呢間應該都好出名 純粹去朝聖 簡單紀錄下.⭐️珍寶雪糕 3球$20 （三款口味）點左 薄荷朱古力 曲奇 荔枝😱真心勁大份 旁邊人地望到都會嘩嘩聲😱份量出到黎接近9大球味道方面 都係常見平價雪糕feel👍🏻雪糕有唔少 朱古力粒粒 同曲奇.‼️上網睇番 佢地係用維記雪糕呢個價錢 呢個份量 冇投訴啦最後由於太多 2個人係食唔哂既🥰食完後唯一感受 我可以呢個月唔食雪糕啦 滿足.除此之外 仲試左 ⭐️藍莓芝士蛋糕班戟👍🏻表面有cream 表面 入面都有蛋糕👍🏻入面仲有朱古力脆脆 超夾👍🏻即整 好食 雪糕夠凍 唔會太硬.⭐️楊枝甘露 加$10👎🏻難飲 唔係用鮮芒果 唔多講.#hkfunfoodrecord窮遊香港#hkfunfoodrecord_葵芳. #又一戟 (葵芳)地址：葵芳葵富路7號葵涌廣場3樓85B號舖.⭐️評分：味道：3/5環境：-/5服務：2.5/5 外賣 等大概20分鐘 人多 都亂抵食：4.5/5

三球雪糕🍦$20 (珍寶/大)之前響雪糕關注組成日見到🤣一直都想去試吓😆今日咁啱順路🥸結果就走咗去食🙃原來最平$7就有得食🤓但既然難得嚟到，當然就是盡佢啦👀結果叫咗荔枝、芝麻同芒果😎大概等咗十分鐘左右☺️見到嗰陣有少少震撼🥸的確好多好大份😌我自己比較鍾意芝麻😙荔枝味道都OK，唔會好甜😛芒果味道就有啲假🥭整體都算唔錯，抵食👍又一戟 (葵芳)葵芳葵富路7號葵涌廣場3樓85B號舖