一點心 (通菜街)

Open Now

Now Closed

今天去花墟行下又買花，所以搵食到太子，見這間點心舖排哂隊咁，又試一下先。點心價錢合理，款式亦多，叉燒餐包：6分，焗起左太久，不夠香，餡料少了點，雞扎：7.5分，蒸得剛好，雞夠滑，料足，用魚肚而非豬皮，good。牛肉球：3.5分，蒸過火，用過量梳打去"那"，有d搶喉。春卷：6.5分，夠脆，味道ok，蘿蔔糕：6.5分，可以，蘿蔔夠多，亦煎得香口，蝦米腸粉：7.5分，蝦米多夠香，腸粉亦夠滑。牛柏葉：5.5分，咸左d，"那"過籠，亦不整齊。蝦餃：7分，蝦肉鮮爽，比例ok，芒果腸粉：7.5分，果味香甜新鮮，皮亦彈牙。總括食物出品都可以的，但地方實在太窄，而且d阿姐招呼就......，做遊客生意左d。

this was the first "real" food I had since I arrived in HK and I couldn't have chosen a better place to go. the food is amazing! we had prawn buns and mango custard dessert (try both!) as well as a variety of other things and nevertheless walked out with less then 100 HKD spent.

呢幾年越黎越多點心店出現想食點心唔只剩係去茶樓啦試過市面上唔同點心店唯獨一點心最能保持質素平日既下午時段去到到係人山人海今次等左半個鐘我地叫左普洱同鐵觀音呢度既茶茶味唔濃 比較淡口而鐵觀音係用茶包而非茶葉今次叫左糯米雞、鳳爪排骨飯同埋四寶滑雞扎全部都好好份量雞扎用腐皮包住腐皮吸收晒入面餡料既精華非常非常juicy呢個要趁熱快食如果唔係就會覺得有d油膩雞扎入面勁多料有冬菇、火腿同埋切件雞扒好味道😋😋😋糯米雞就熱辣辣上台非常非常大足料 入面既雞肉好滑由於太大 竟然食唔晒下次黎就會想食蝦餃同芒果卷

跟朋友點了7道菜，食了大約30分鐘，侍應走過來告訴我們：「幾位可唔可以合作小小？出面仲有人等。」什麼情況？食了約30分鐘卻叫我們可否合作少少？盡快食？服務態度超差！

食店入座的安排極差:之前曾光顧此店幾次，星期天早上跟家人等候約45分鐘後入座，我們依"指示"坐低後，老闆娘話要安排另外的客人坐我們坐着的位置，要求我們換位。當本人表示不想換位時，老闆娘不耐煩，不客氣地説這裡是她話事，竟無理地說:若我們不想坐她安排的座位，就出食店門外再排隊輪候，或選擇不用膳，可以不做我們的生意，還説如果我們不坐她安排的座位，隨即會安排其他客人入座，免得阻礙她(意思即是叫我們: 一.坐她安排的座位;二.即走。)基於覺得跟家人吃東西是一種享受，應該開開心心。最後，我們離開。雖然生意好，不愁無客，亦不在乎我們小客的光顧，但這是應有的待客態度嗎?要忍受如此囂張的態度，被施捨個座位，勉強人做我生意， 即使食物再美味，也沒品嚐的興致，吃了也背脊骨落。

專程來吃正宗一盅两件~它是自家做的香港老式點心今次叫外賣比家人吃好吃，因這裡的東西真的好好吃！個菜乾排骨粥好綿好味，另外的叉燒腸粉也是十分足料又有芫茜既香，真係皮靚餡又靚！最好吃的炸點心個人十分推薦吃佢甜而不膩，是好好的飯後甜品。香芒奶皇卷（$26）是凍的甜唔，新鮮每天製造且是限量供應的。呢個甜品好味，其他的每一款點心都好別緻，食物都令人驚喜，一點心係好值得一試嘅餐廳！

想起“飲茶”或“一盅兩件”這詞，總會聯想到很多很多一籠籠的點心，就連外地遊客來港都會想來一嚐的特色美食…以往只有在酒樓及中午前，才可以能夠吃到的，現在晚上都可以在小店舖品嘗了。在太子區附近都是一間一間的酒吧之中，品酒前就當然要先醫肚…來個品茶先吧！！店舖座位不多，在門口等候時，就可以先看點心紙，先行討論點選想吃的點心，種類不算多，都是一般酒樓常見的點心。在門外等候時點心選擇不多？沒關係，入座後枱上還有一張，之前選的不夠，可以再選再加單。蝦餃定必是最受歡迎之一，皮不厚也不太薄，剛剛好，需沒有原隻大蝦，但與肉的份量比例就剛剛好。蟹皇蒸燒賣，少量蟹籽放面只作點綴的感覺，但內在的豬肉與蝦肉的配合就剛好，沒有粉粉的感覺。而鮮竹牛肉球，就有些油膩，進口感覺滑溜溜的。香煎蘿蔔糕，沒想像之中好吃，蘿蔔味及臘味不夠，感覺硬硬的，始終都是媽媽做的好吃…哈！超級推介~四寶滑雞扎，份量超足，雞件猶如雞扒般大件，當然沒有一隻手掌咁大，但至少不是一口雞，內裡原隻大東菇及厚切火腿條都比我感覺大件，比較一般酒樓都來得有誠意沒有欺場…奶皇包就比較失色了點，但同樣大件，一籠只有兩件，中間的涵料也不算少，奶皇味就比較淡。最

我和阿囝叫了6-7個點心，吃到差不多，用了20分鐘左右進餐，只是食剩3個點心，所以要休息一會，諗住一陣再吃剩的點心。在休息時，我們用手機來消磨3-5分鐘，點心店的老闆問我，還要叫點心？我說不要，他語氣好不客氣地叫我個囝唔好玩手機，爽手D，快D食，你睇出面好多人等㗎。嘩……我有咩得你呀！你又唔叫我隔離枱個2個人，枱枱人都用手機啦！痴線！我以後不會再來，不識尊重客人及不合情理的黑框四眼老闆！都唔知點解可以入到米芝蓮餐廳名單。

次次夜晚8點幾嚟到，都要排隊等位，等候時間15-20分鐘，地方細，座位數量少，落單後，上菜速度尚可接受，食物夠熱，應該係即叫即蒸，味道係好食既，不過之前嚟過一次，嗰次食蝦腐皮卷，腐皮超級咸，好似浸過士油咁咸，所以今次都唔敢再食啦！餐廳整體 其實都Ok既，不過有好多地方希望可以改善一下。

本着吃好東西的心去 但食物不似預期蝦餃和潮州粉果 算不錯了 但其他的在星級以下腸粉 有米槳味但不夠滑鳳爪排骨飯和糯米雞 真的很一般最失望的是春卷和鮮蝦腐皮卷 首先至命傷不夠脆 再者蝦真的很貴嗎？ 差不多一半是芹菜之類的饀料 以前的稻香做的比它好吃很多雖然價格有競爭力 但食物整體來說只要一般 沒有令人有再去的意欲

呢間野我由開店食到而家，收銀人員都換咗幾個，我相信都轉了幾手老板。無可否認野係好食，價錢唔算貴。但服務質素真係越來越差，態度唔想做咁，仲慘係有咗米芝蓮星後就越來越多人排隊但試過兩次未食完就趕人走昨晚在無咩人等情況下去咗食我和家人食完執袋準備埋單個服務員呀姐已二話不說就攞咵我張單出去櫃面我其實已經收拾緊預備離開但你都唔係急到咁呀！之後我家人慶到就咁比錢個服務員果位呀姐仲要話：我地多人排隊呀！多人排隊都唔係急到咁趕人走架！仲要我們食潮洲粉果要求要辣油呀姐好似雲遊咁比咗辣醬我話：呀姐我係用來食潮州粉果架可否再比辣油我呢？佢無任何回應游游閒咁先攞辣油來，真係食到火都嚟！

本應是一個台灣朋友來了香港，說想食點心飲茶我就要找一間晚上也有得吃點店的店在OPENRICE找到這間怎了大頭蝦的台灣朋友竟然到了九龍才知道拿錯別人的行李我在公司幫她打去航空公司知道她的行李還在機場她要折返到機場拿，變得我們錯過了這個晚餐因為我自己另外有約朋友一起吃，唯有下班後5個人繼續吃吧其中一個朋友的同事說這間店又貴又很小一碟我不理，先去到門口看看價錢！所以我大概7點到店門口已經有人在排隊在OPENRICE也看到有人說任何時間都有人排隊再看價錢，喂！也沒有很貴呀，普通價錢，十多蚊一碟還好呀好吧，先拿個籌，朋友未到齊，先排著吧~在等候其間店員已經給我們這張點菜紙應該是希望大家不要在坐下後才左想右想吧香港人很多都有選擇困難？等齊人就可以入座了！另外每個人面前有墊枱的餐紙因為入來前已經選定了，可以下單，沒等多久已經有點心來了先是燒賣，一般SIZE，吃下不算多肥豬肉，爽口的應該有一點蝦肉，沒有一口肥豬肉的油感5個人去，原來叫點心挺麻煩蝦餃只叫了一碟，我有吃到，沒我想像的好吃，我個人比較喜歡吃蝦餃所以要求比較高一點我覺得涵料可以再多些...感覺豐富點鮮蝦菜苗餃看起來很好吃...不過也只了一籠，

日子就咁忙碌而平凡，基本上每日都好緊湊，平時好好少時間陪家人一齊出去食飯，更無話飲早茶喇，琴晚我就提議不如一家人出去飲早茶，雖然要犧牲緊D睡眠時間，但陪下家人仲係值得嘅。想同佢地去未去過嘅餐廳飲早茶，聽講一點心都唔錯，不過去到有D意外，太多人排隊喇，既然嚟到就等下喇。牛栢葉唔系每間餐廳都有得食，我地一家都幾鐘意，所見到都會點，好彩都無令我地失望，味道幾好同埋好爽口，牛肉丸好大粒，爽口彈牙，分量又大。松糕好松軟，比較香甜，但又唔系甜到滯嗰種，一人一件剛剛好，我好鐘意呢個牛仔骨，味道好濃厚，又蒸得好淋，啱我口味，特別推薦呢度嘅四寶滑雞紮， 薄而滑的豆腐皮吸滿左花菇，雞肉，花膠，火腿，蒸出的純正鮮味。鳳爪，蝦餃同埋糯米糍其他點心都唔錯，唯一唔好嘅就係等位時間太長，雖然味道唔錯，未到特別好食嘅程度，唔值得等咁耐 。

一個人，等了十多分鐘，大概12:35入座堂食1. 蟹黃蒸燒賣 ＄24 一份四個 很彈牙，經典的燒賣。香菇很大片、蝦很Q彈，蟹卵在上面幾個裝飾，看起來很靚。鹹度適中，不加醬直接吃。裡面有一顆吃到蝦殼還有骨頭，但瑕不掩瑜。2. 薄皮鮮蝦餃 $ 26 一份四個口感十足：皮很薄、透明、              蝦很彈牙顏色美：透明的皮 配上粉橘色的蝦 味道融合：簡單的食物口感很好，只是稍微偏鹹一點，若口味淡一點，幾乎完美。3. 鮮蝦菜苗蝦 $20 滿好吃的，很特別。皮很軟但是Q彈牙蝦很多、碎碎的、但很彈牙。菜苗吃起來會有菜梗、有咬勁渣渣響的感覺，整體來說口感十足。好吃又好看。味道偏鹹跟甜，比薄皮鮮蝦餃還鹹，若是味道淡一點會比較好。4. 擂沙炸煎堆 ＄17 一份三個外殼有白芝麻 跟麻糬 炸得很靚 外面白白的 QQ彈牙 裡面配黑芝麻裡面的餡過甜，吃一個就很夠了，因為太甜。但是不油膩。5. 懷舊雞包 $14 一份兩個聞起來雞包的麵粉皮香香的，有麵粉的味道。雖然外表看起來是很普通的包子，但是咬下去整個香菜很香很濃郁，還有香菇的香味。口感也十足，香菜的葉子和梗，還有韭菜綠綠黃黃的，咬起來有脆脆的聲音

因為住得近，平時多數外賣，因為呢度真係任何時候都咁多人，遊客亦非常多！難得今次有朋友過開來又想試，就破例陪佢等下位坐低食。必食推介一定非燒賣莫屬，用料新鮮，唔會覺得豬肉好肥，仲有蝦喺入面，大大粒好抵食牛仔骨亦十分入味，炆到好腍，配埋黑椒汁味道剛剛好，不會太咸或膩。煎蛋牛肉飯都係另一款我經常叫的，尤其一人晚飯外賣返屋企食一流，牛肉嫩滑，有些芫茜撈喺入面，蛋一般都係煎熟的，我個人較喜歡少少生可以有蛋黃撈下飯，不過加埋甜豉油都已經好夠味今次兩個人嚟可以叫個馬拉糕作結，新鮮蒸出來軟綿綿，味道又不會太甜，恰到好處 埋單100左右，咁嘅質素又食到飽飽，忍唔住要寫個食評支持下！