筷趣一町 (Closed)

今日去左旺角朗豪坊行街，行到攰就去左間新開嘅餐廳筷趣一町食個飯，餐廳空間都幾大，坐落好舒服。泰式鮮海蝦炒即食麵 $88呢個即食麵加入左泰式風味，用料非常豐富，大蝦充滿鮮味，食落有少少辣，鍾意食泰國菜嘅朋友真係唔好錯過呀擔擔即食麵 $58呢個麵食落口感好彈牙，而且一啲都唔辣炸小食拼盤 $78 呢個拼盤有軟殼蟹、廣島生蠔、春卷同埋雞翼四種炸物。個人最鍾意食廣島生蠔，食落教juicy亦唔油膩，配埋個特色泰式酸辣醬，食落更惹味法式西多士配雜野莓 $68呢個法式西多士真係非常出色，外脆內軟，裡面食落似布丁嘅口感，同平時食嘅西多士口感真係好唔同。伴碟重有啲雜莓，個西多淋埋個楓糖漿食就更加好食香草鮮奶咖啡 $46＆特濃咖啡梳打$42咖啡口感順滑，好重奶味，拉花都幾靚個梳打飲落就係有氣嘅特濃咖啡，飲落好解渴今餐非常豐富，而且位置真係好方便，有機會下次都會再嚟！💕旺角亞皆老街8號朗豪坊B2樓26-27號舖

放工食個快趣dinner ，趕睇戲間餐廳幾闊落，坐得幾舒服點餐可以用QR code，然後直接用信用卡付款方便快捷👍🏻首先點左個小食，炒牛肉腸，味道一般，我覺得有點「so」味，只係將條牛肉腸切片，咁就$48呢個fusion牛肉麵值得推介，加咗紫菜，第一次咁食法，個公仔麵好香，軟硬度啱啱好👍🏻嘩嘩嘩，法式西多士配雜梅$68，淨係睇埋相就不得了，多士面燒得好脆，入面好鬆軟，好味到流晒口水，可惜份量偏細，好似食咗空氣咁，但都值得推介，佢嘅甜品出色過佢嘅主食西柚梳打，一般，冇乜特別，但都唔差

精緻甜品🍮鮮蝦紫薯甜品好精緻好靚，令人傷心悅目，青檸梳打清新入味好飲，環境舒適空間大，可以安靜地品嚐食物同埋傾偈，泰式公仔麵味道獨特開胃，服務態度非常好，食物速度都算快

即食麵係唔少人心目中都係茶記／頹食／平食之選，想當年我都係靠佢喺英國讀書嘅時候思念下香港味道🤣估唔到即食麵而家都可以搞出唔同花臣變成fusion菜，講緊嘅係係朗豪坊呢間Noodlemeen筷趣一町，主打用即食麵配合唔同菜色嘅材料變成fusion菜，中／西／日式都有，夠晒特別，呢日我就嚟試下睇下呢個新嘗試work唔work先🤪燒羅馬生菜配溫泉蛋及鯷魚汁凱撒沙律用上呢個presentation都幾震撼🤣成棵巨型生菜加埋沙律醬、煙肉粒、多士同溏心蛋，係要用刀叉食嘅沙律，生菜好爽脆，作為開胃菜就啱啱好。美式香辣炸雞配巴馬臣芝士及黑松露醬薯條炸雞皮薄有肉汁💦調味剛好唔會好重口味，薯條面頭灑上唔少巴馬臣芝士碎同黑松露，好香黑松露味，薯條幾香脆。意式卡邦尼即食麵配溫泉蛋經典嘅卡邦尼意粉就食得多，用即食麵做base就真係第一次試，鬈曲嘅麵條都幾掛汁，醬汁creamy但唔會好漏，重點係面頭溫泉蛋，沾滿蛋汁一齊食就更好。沙嗲牛肉麵（配酥炸軟殼蟹）沙爹牛麵有幾hit🔥大家都知啦，呢個就多啲花臣，可以揀配酥炸軟殼蟹／廣島蠔等配料。牛肉幾腍滑，湯底味道濃郁，花生味幾香。不過記得要快啲食因為即食麵吸湯就會有少許發

🍜即食麵平時就食唔少，但即食麵主打餐廳又試過未呢？今次Caca就去咗一間以即食麵做出多款菜式嘅專門店，地點仲好方便架，就係旺角朗豪坊！鬧市中🌴樹林小清新嘅環境一眼就會發現喇🔍👧🏻Caca今次食乜野？🍜沙爹牛肉即食麵- 平日必食嘅沙爹牛麵，呢度做到不同嘅係，沙爹較辣些少，更惹味！🍝意式鮮海蝦炒即食麵配香草龍蝦蕃茄汁-完全係以為西餐嘅效果，配料醬汁同即食麵完全match！🐔香煎雞扒-香脆可口嘅小食，必定要追加！🥩羅勒威士忌炒美國牛小排-感覺好似台灣夜市嘅🎲仔牛咁好滋味😋🍞法式西多士配雜野莓-明明食飽咗，但呢個甜品麵係忍不住口食晒！☕️養生洛神花茶🍹草莓蕃石榴梳

係出面排隊 一直都冇侍應😅行入去問 又話好忙要等等😅客人全部自己落單 水都係客人自己去倒🙂真係唔明白有咩咁忙😅眼見d枱都係空 但就唔叫人入去😅不過味道係ok 但係唔明點解就係唔叫人入去😂

喺朗豪坊搭地鐵必定經過B2層嘅筷趣一町，次次經過都覺得好新奇好想試下，Happy Friday喺旺角見完客梗係順便食埋晚飯。平日嘅六點幾人流唔算多，餐廳座位寬落，空間感十足，半自助式嘅餐廳，點好菜坐埋位等食就得！menu主打即食麵！全部都係麵麵麵！Fusion樣樣都好吸引，最後決定食一個湯麵，一個炒麵！🍝意式卡邦尼即食麵配溫泉蛋🍝 $78 同事一向大愛卡邦尼意粉，所以必點意式卡邦尼即食麵！先講個醬汁非常creamy，奶香同芝士味均勻，香濃而不膩，配上溫泉蛋攪勻後多左蛋香成個麵更滑！配菜仲有勁多煙肉粒同菇粒，食落口感豐富。意粉變左即食麵，估唔到同樣的掛汁，加上即食麵麵質煙韌同香口，好驚喜！推介！ 🍜沙嗲牛肉麵🍜  $70（自選一個配菜 +$12 煙豬肉火腿🍖）沙嗲牛肉麵係必點之選！加$12左右可自選類似常餐或車仔麵之類嘅配菜，我揀左比較少見嘅煙豬肉火腿🍖上枱是一刻以為點左一碗拉麵，因為加左一大片紫菜🤣沙嗲牛肉醬汁勁香濃帶點微辣，牛肉肉質軟嫩仲幾淋，配上煮得剛剛好嘅即食麵，爽口彈牙！煙豬肉火腿煎得香口薄脆，抵食又好味！🍤炸小食拼盤🍤 $78 炸小食拼盤有廣島生蠔、軟殼蟹、春卷同雞翼共4款。

今日早左收工，想搵個地方坐低食少少野，去到朗豪坊見到呢間好多位，設計又唔錯，於是就入左去食。叫左兩樣野，一個擔擔公仔麵，一個法式西多配雜莓。枱面有自助落單QR code，方便我呢d一個人唔洗行出行入又要睇住個位。野食麵好快送到，落左單3分鐘已經嚟左個麵。個擔擔公仔麵係幾好味，d麵都幾彈，份量唔算好多但夠一個女仔食。本來仲同朋友whatsapp緊話呢間唔錯，上野又快，價錢唔算貴，可以一試。但食到差唔多最尾，竟然見到有條短頭髮喺個湯底到😡 於是叫staff過嚟，問係唔係頭髮嚟，個staff好似發呆咁，話「應該就係喇」。下，一句sorry或者唔好意思都唔講？跟住仲問我係想點，雖然唔係好差態度咁問我，但一句唔好意思都冇，真係令我好嬲。我只係同個staff講我唔要喇，你收走。其實你講一句sorry我都唔會再追究，但依家呢個時勢仲要食到有頭髮，仲要我今日5點幾嚟，全場都冇10個客，完全唔忙嘅時段衛生都咁。最緊要係個staff handle得太差，問我想點？你講聲唔好意思先好嘛？我冇影低報食環，只係想你正常識講一句sorry啫？！😡😡😡真係太嬲，搞到我用一分鐘食埋個甜品走人。唔會再嚟呢間！！🤬🤬🤬🤬

𝙬𝙝𝙚𝙣 𝙞 𝙨𝙖𝙮 𝙞 𝙬𝙖𝙣𝙩 𝙞𝙣𝙨𝙩𝙖𝙣𝙩 𝙣𝙤𝙤𝙙𝙨, 𝙩𝙝𝙞𝙨 𝙞𝙨 𝙩𝙝𝙚 𝙤𝙣𝙚 𝙞 𝙩𝙧𝙪𝙚𝙡𝙮 𝙬𝙖𝙣𝙩🍜 𝙫𝙚𝙧𝙮 𝙘𝙤𝙯𝙮 𝙥𝙡𝙖𝙘𝙚 𝙞𝙣 𝙡𝙖𝙣𝙜𝙝𝙖𝙢 𝙥𝙡𝙖𝙘𝙚 𝙬𝙝𝙚𝙧𝙚 𝙮𝙤𝙪 𝙘𝙖𝙣 𝙚𝙣𝙟𝙤𝙮 𝙣𝙤𝙩-𝙮𝙤𝙪𝙧-𝙣𝙤𝙧𝙢𝙖𝙡-𝙠𝙞𝙣𝙙 𝙤𝙛 𝙞𝙣𝙨𝙩𝙖𝙣𝙩 𝙣𝙤𝙤𝙙𝙡𝙚𝙨! 𝙨𝙬𝙞𝙥𝙚 𝙩𝙤 𝙨𝙚𝙚 𝙩𝙝𝙚𝙞𝙧 𝙖𝙢𝙖𝙯𝙞𝙣𝙜 𝙛𝙧𝙚𝙣𝙘𝙝 𝙩𝙤𝙖𝙨𝙩 𝙩𝙤𝙥𝙥𝙚𝙙 𝙬𝙞𝙩𝙝 𝙢𝙞𝙭𝙚𝙙 𝙗𝙚𝙧𝙧𝙞𝙚𝙨!.除咗米線之外嘅公仔麵應該係排第二香港人最鍾意嘅麵食，除咗沙爹牛麵五香肉丁麵之外，fusion公仔麵你又食過未？將pad thai轉做公仔麵比起金邊粉仲更加索味，用卡邦尼方法煮原來又幾夾，撈埋溫泉蛋仲每啖都有蛋香！除左公仔麵之外仲有一系列小食，牛小排正正常常但呢個定價有啲進取，雞皮餃子包住個餡仲有粒粒軟骨，又有雞皮香夠juicy又有咬口，配埋海草沙律解膩就岩哂，全餐最出色都係個甜品西多士，沾滿蛋漿炸到表皮香脆，淋埋糖漿同厚切牛油真係冇得輸🤤

前身係Pacific Coffee, Starbucks. 而家係一間輕食加西式嘅餐廳, 餐廳內雖然有好多座位, 不過晚市係坐唔滿的！我們揀左一個麵底加2款食物，有三款面揀，一丁麵、烏冬及蒟蒻麵。我未試過蒟蒻麵所以試吓，兩款食物我揀了炒雜菜及香腸，有一大塊紫菜，其實食物款冇咩揀，都係煙肉、雞翼及溫泉蛋等等，沒什麼特別款式！而蒟蒻麵嘅味道冇乜味，啱晒減肥人士。佢另外亦有設晚餐set, 多數都係西式. 不過一個普通的面加兩款餸要$63就有啲貴!可以數code落單及到櫃位點餐。code點餐係直接付款，信用卡或其他。佢哋個晚餐套餐，我估應該好食過呢個麵餐！

[朗豪坊港式西餐廳 即食麵大配搭🥳］位於朗該坊既港式西餐廳「筷趣一町」新意多多，用即食麵做主題，搭配出唔少創意料理，打卡就絕對合適啦！至於味道又如何呢？1️⃣擔擔即食麵 $58帶少許辣既擔擔麵用上即食麵亦毫不失色，意外地大有驚喜。麵質爽口，掛湯一流，十分入味👍🏻👍🏻而且湯底好足料，真係值得一試‼️2️⃣日式野菌黑松露炒即食麵配煎蛋 $68而炒即食麵就有所失色了🤥雖然野菌數量極多，煎蛋亦脆卜卜，但黑松露味就消失得無影無蹤。上面淋咗沙律醬，令成碗麵得番沙律醬味，有啲似某品牌既炒麵杯面😓但如果唔理個黑松露既話，整體而言都算好食！😋值得一提既係，餐廳環境清幽雅致，十分闊落。不過佢地唔收現金，只提供visa，master card，八達通，wechat pay，Alipay等付款途徑，大家記得小心啲啦🙆🏻‍♀️📌筷趣一町 (旺角)旺角亞皆老街8號朗豪坊B2樓26-27號舖🍽美味指數：🌕🌕🌕🌗🌑📍環境指數：🌕🌕🌕🌕🌑😻服務態度：🌕🌕🌕🌗🌑📷打卡指數：🌕🌕🌕🌕🌗

提起朗豪坊的B2層，筆者第一時間聯想到通往地鐵站路上的糕餅店。但原來這層也蘊藏著一間餐廳——「筷趣一町」。餐廳座位寬落，甚有空間感。由於當天抵達時間較早，未到晚巿最旺的時間，故人流未算很多。卡邦尼醬汁煮得creamy，入口有芝士和奶香味，還配有煙肉粒和菇菌。而意粉就用了即食麵來代替，想不到同樣的掛汁，而且即食麵的麵質和香味令到這碟卡邦尼別有一番感覺。拌勻溫泉蛋後會多了一股蛋香味，但要趁熱撈起，即食麵冷掉後會變得乾硬難撈。有點像車仔麵的自選系列，點選了沙嗲牛肉麵，碗上外加了一塊紫菜，裝飾得尤如拉麵。沙嗲牛肉沙茶味濃，配上即食麵後甚有地道風味。值得一提的是，這裡的即食麵質感爽口帶點彈牙，令人討喜的口感。至於雞扒，煎得外皮香脆，入口惹味。炸雞份量頗多，雞肉香口juicy但辣感不重。而黑松露配上薯條本來就是無得輸的組合，美中不足的是薯條未夠香脆。小食拼盤分別有雞翼、春卷、廣島生蠔和軟殼蟹4款。當中最喜歡廣島生蠔，炸粉不會過厚之餘，蠔咬進口亦頗為juicy。然而雞翼就有一點遜色，炸得有些乾硬，肉質偏實。2份炸物小食同樣配了泰式酸辣醬，蘸點完更加美味。上枱還溫熱的蘋果金寶，批底充滿牛油香氣，舖著香

二訪筷趣一町，上次同朋友食得好滿足，今次決定拉埋好鍾意食麵嘅男友嚟🍜沙嗲牛肉即食麵 $58 (加軟殼蟹 +24) 擺盤成碗拉麵咁好過癮，撈勻後個沙嗲仍然好濃郁，有辣勁！呢排周圍都吹奏緊沙牛麵，呢到算中上啦！個軟殼蟹就不得了，原隻上，仲見到隻蟹眼仔碌碌望住你🤣 鬆脆而且調味夠惹味👍🏻 泰式鮮海蝦炒即食麵 $88 睇住menu張圖都唔知原來係即食麵版pad thai😂 正啊我超鍾意食，味道真心還原到泰式風味，轉用即食麵口感更彈牙，同埋無咁膩，私心推介✨羅勒威士忌炒美國牛小扒 $98 小食嚟講偏貴，但食完覺得好值得😹 個牛一放落口就知係靚肉，肉質軟腍，炒得好香，加上蒜片一齊食超正👍🏻雞皮餃子(6隻)配日本海草沙律 $78 影完相後有啲淋咗，我估計原本應該係脆口🤔 雞皮帶油香，加分✨ 好食，但平心而論無牛小扒咁出眾😋蘋果金寶配雲呢嗱雪糕 $68 好好食，估唔到甜品都出色，面頭好酥脆，內層果肉清香酸甜，好fresh😌藍天酸乳酪梳打 $46 漸層靚，酸酸甜甜，味道都算清爽嘅，但有啲偏甜。烤杏仁鮮奶咖啡 $46 烤杏仁味幾香，飲得出個層次～如果你鍾意睇我嘅食評，不妨關注我，支持吓我，謝謝你☺️💕

❤️即食麵大家就食得多 呢間創意fusion即食麵大家又有冇試過呢🤪呢間店將普普通通嘅即食麵加入中式西式泰式嘅元素 令即食麵唔再係頹食😙✔︎ 鮮海蝦炒即食麵配香草龍蝦蕃茄汁 $88醬汁偏酸 重鮮蕃茄味 仲有幾粒原粒蕃茄 好開胃😋即食麵煮得啱啱好 唔會太硬亦唔會太淋 好有口感😙酸酸甜甜嘅蕃茄醬配埋即食麵原來都幾好味❤️至於海蝦就好爽口～成碟麵醬汁好夠 每條麵都比啲汁包住😚唔會好乾💓溏心蛋要另外$12呢間店唔收cash的 淨係收支付寶 八達通 信用卡🤭好味指數：♥︎♥︎♥︎♡︎♡︎抵食指數：♥︎♥︎♥︎♡︎♡︎回頭指數：♥︎♥︎♥︎♡︎♡︎

建議：如果想食意大利飯，要等晚市。因為午市餐牌得即食面/烏冬/蒟蒻面今次係再訪筷趣一町，因為屋企人上次睇完 #小伏 123 話想挑戰下🤣🙈 晚市去到，唔係太多人，可以自己揀想坐邊。上次午市黎，好多食物都賣曬，所以可以揀既野比較少。加上餐廳以自助形式，要行番出櫃枱落單，同只接受電子方式比錢。今次黎到，發現除左可以出櫃枱落單，仲可以Scan 枱面個 qr code，係一個唔錯既方法，唔洗走黎走去。晚市除左可以叫番常設餐牌外，仲有套餐揀。除左可以揀燴即食面外，仲有意大利飯揀。另外，同上次午市相比，今次終於多番小食選擇🤪 (不過都係試唔到炒牛小排)整體黎講，店員服務唔錯👍 食物味道正常。不過，份量同價錢就唔係好成正品，價錢算係偏貴。今次試左： (晚市套餐 HK$148) 套餐包括：大蝦沙律、湯、主食(2選1)、甜品、飲品▫️茄子野菌意大利飯 配香煎香草羊扒整體味道中規中矩，份量唔係好多。雖然平時唔係太好食羊，因為好驚陣羶味。今次食落係有啲羶，不過都入到口，肉質亦唔會太嚡。 甜品係抹茶蕨餅 x 紅豆蓉，同前菜一次過上。所以放到最後先食，已經係室溫。味道正正常常，無咩特別。▪️泰式鮮海蝦炒即食面 (