餃掂手工餃子雲吞專門店

Open Now

Now Closed

以前係其他區有食過，今日經過金都見到就決定同朋友一齊食多次。餃子係肥胖胖同好飽滿，外皮係有彈性個種唔係薄皮。個人一向偏向厚身少少唔薄既餃子，因為鍾情有口感，配埋肉餡會幾豐富。今日加+8叫咗雙併餃，因為想食元貝豬肉+椰菜木耳豬肉，個人比較中意椰菜豬肉，因為食到爽脆既椰菜香、木耳都幾有口感，清淡得黎係有口感的，唔會有滯，個湯都係以前成日飲的粉葛湯，成件事好家常。朋友叫咗松茸豬肉煎餃，餃子即叫即煎，上台仲係熱口的。內餡豬肉比例會多少少，係到諗如果加少少黑松露可能會令松茸更出？Anyway係好重肉香既松茸餃，個人偏向菜餃。朋友叫多一碟皮蛋share,皮蛋有用傳統紅油汁，食落唔會太刺激，食到醋酸個種。另外加咗呢種成日會叫既：蜂蜜雪梨薏米水，個人一直都中意，因為唔太甜，而且粒粒薏米幾真材實料。

平時都幾中意食餃子,但見開既都係大型連鎖店,見呢間專食餃子,又有做埋湯,就試左啦!我叫左個皇牌既餃子,分別有黑松露同埋白松露,味道唔錯,同埋比平時既餃子再大隻d.叫左佢既鎮店湯飲,唔錯。叫左蜜餞雞翼,又幾好食,同埋有細份同大份,變左我一人都可以食到。之後仲叫左杯雪梨水,好清熱氣。小食我仲叫左黃金日本唐心蛋,有流心既效果,味道特別。今次叫左好多野食,都只係二百幾,係幾划算。店裡有老闆既人生格言,都幾搞笑!

小店主打既餃子，每日店內新鮮手工包製，款式選擇好多，除左傳統味道既餃子，仲有幾款自創新口味，煮法可以揀煎餃或湯餃，甚至買生餃子，帶回家自己煮。玉蟹雲吞皇(5隻)：一口咬落去，爆左D蟹籽餡料出嚟，仲有蟹肉和大蝦，肉質甜美，口感好Juicy。竹昇米線：米線質地較彈牙，配搭雲吞食，簡直係絕配。餃子麵(6隻)：皮薄餡多，雲耳椰菜同鮮肉比例啱啱好，食落好鮮甜；麵質地較軟身。至尊松茸豬肉餃 (8隻)：松茸係菇中之皇，擁有獨特濃郁既香味，而且營養價值豐富，果然係鎮店之寶。狀元九鼎湯：用左美國蛇果(蘋果)、生魚、無花果、准山、豬尾骨煲，真材實料，不含味精 ，感覺更健康。山楂雪梨水：小店自家製既飲品，酸酸甜甜好開胃。總結，餃子全部都好足料，大隻又扎實，香港製造既良心小店，絕對值得支持。

想試很久! 餃子口味款款都精緻吸引 (*´∀｀)皮厚薄適中，個人比較喜歡湯餃滑滑質感，友人則喜歡金黃的香脆煎餃🤤 加一服務費：✖ ✿ 龍鳳松茸雙湯餃(中) $92松露愛好者會喜歡的一款ʕ•ٹ•ʔ黑、白松露感覺差不多🤣黑松露好像較濃郁配的狀元九鼎湯富蘋果清甜，不搶餃子味😋 ✿ 元貝豬肉餃+雲耳椰菜豬肉煎餃(大) $65+8元貝豬肉：元貝香很明顯，內餡配搭了芹菜(?)粒減低膩感雲耳椰菜豬肉：口感豐富，兩款之中這款更中我 ✿ 四川涼皮 $33選了小辣但對我來說辣度不小，但適合友人😂涼皮很滑溜，吃時不斷濺到自己🤣若配料中有我喜歡的脆豆會更高分 :-p ✿ 麻辣松花皮蛋 $26味道正常但不覺麻辣，反而助我解辣😂 ✿ 熱蜂蜜檸檬薏米水(杯) $20在薏米水的基底上加上輕微酸甜，不像果汁般甜膩，推薦試試

人唔係多，但落單有個侍應話我今日第一日返工唔識，你叫第二個。另一枱叫另一個落，佢話唔得閒遲啲先。再有一枱叫佢落單，佢就話執埋嘢先，但其實冇人，絕對可以落左單再遲啲先執。超冇禮貌稱呼僱客做呀叔呀姐。千奇唔好幫襯助長呢啲咁嘅服務態度。

太子都幾多餃子店，呢一間裝修光猛好闊落，想傾吓偈坐得舒服啲就入左呢一間兩個人一人叫咗一杯嘢飲，有山楂雪梨水同埋檸檬薏米水，如果食辣想解辣嘅話就建議山楂雪梨水，檸檬薏米水會再甜少少，兩款都幾清甜！菜甫都好正！兩個人叫左三份餃，當然最出名就係係佢呢一個至尊松茸豬肉餃，套餐跟左講明冇味精嘅狀元九鼎湯，8隻80蚊，價錢稍貴，但寫明用新鮮豬肉同新鮮本地菜，每日即包，每隻都好大隻，性價比都唔錯，松茸寫咗好多對身體好既嘅功效，入口的確香菇味好重，同埋比起其他嘅餃子內涵會更厚實，啖啖肉！ 個湯好清甜，唔會鹹或者有味精嘅感覺，好順口，有無花果、蘋果、淮山同埋豬尾骨，感覺10分健康另外都叫咗一個白菜豬肉餃，46蚊7隻，呢一款比起松茸豬肉較味道上會比較清爽，口感豬肉彈牙，加埋白菜好爽口，湯餃好夾另外叫咗10隻軟心芝士餃，$69蚊10隻，好欣賞佢煎餃個皮好薄，外皮香脆，仲可以見到透出嚟嘅粟米顏色，所以唔會好膩，軟心芝士餃鹹香香，流心好正，加埋啲粟米中和同增加口感，粟米必欣賞佢嘅新鮮粟米保持爽脆到整體層次感好足，推薦！

每次一同老公諗食咩嘅時候大家都打晒交咁，一諗唔到食咩就會揀我哋都鍾意食嘅餃子🥟呢間餃子店之前喺荔枝角道已經食過，估唔到太子開咗間新嘅分店😍環境更加舒服！主打菜式就係呢度嘅松茸餃子餡！仲見到有款新嘅金脆蝦肉煎餃即將推出😍超期待小食款式都唔少拍青瓜份量唔少，而且幾入味皮蛋我就淨係鍾意食黃金皮蛋，呢度兩款都有😝仲要係溏心㗎呢度嘅醃蘿蔔同其他餐廳有少少唔同，要問姐姐拎嘅，我反而覺得咁樣仲家衛生😉醃蘿蔔味道偏甜，怕酸既老公最鍾意湯餃子我哋揀咗元貝豬肉同埋雲耳椰菜豬肉餃子雙拼，餃子大大粒🥹最鍾意呢款爆餡嘅東北餃子，一啖咬落去就最滿足！粒粒餃子都有湯羹咁大隻，而且透餡完全可以睇得出係邊一款餃子！元貝豬肉超香元貝鹹香味，雲耳椰菜餃超足料！勁爽脆今日天氣涼涼哋，我就叫返杯熱嘅蜂蜜檸檬薏米水嚟暖吓身，老公就叫咗杯自家製山楂雪梨水，好大杯😳$20/1好抵飲煎餃上枱好震撼，一大片金黃色，煎得非常之靚😻自問係一個每一次煎餃都會煎到燶底穿皮既人嚟講，真係心心眼😻我哋叫咗龍鳳松茸餃，即係黑白松露煎餃，仲有兩款松露醬，一上枱已經有好濃郁嘅松茸香氣。新鮮豬肉餡料好Juicy，好食到老公一隻接一隻咁啪😳佢話果然貴得有道理

鄰近始創中心嘅餃掂餃子店！平時唔同區都見到佢，好多分店😮發覺餃子款式都唔少基本嘅韭菜豬肉餃，粟米豬肉都有但最特別就係元貝豬肉餃，壽喜燒牛肉餃，龍鳳松茸餃等等☝️-龍鳳松茸雙煎餃 $98（8隻）黑白松露嘅味道好出眾平時鐘意食黑松露嘅呢個真係必試👍🏻想淨係試白松露餃嘅都有得試添！-粟米豬肉煎餃 $61（10隻）粟米同豬肉嘅比例各佔一半-兩款餃子都有肉汁！唔會好乾或者好多肥豬肉而且調味啱啱好唔會好鹹👍🏻重點係價錢唔會好貴餃子唔煎都可以配湯，聽講都唔錯，下次再試下🤤另外仲有菜脯豆豉醬，四川辣椒醬，酸蘿蔔加埋一齊食辣辣地好開胃！如果想買仲可以一罐罐買返屋企添👍🏻-山楂雪梨水/蜂蜜檸檬薏米水 $20都係自家制，好健康又解渴唔會太甜，甜度啱啱好😚豆漿$15順滑冇渣豆香都唔錯👍🏻👍🏻

餃掂手工餃子雲呑專門店主打手工餃子。除了可在餃子店也提供外賣自取的服務。 餐廳提供不同種類的餃子，煮法可選較為香口的煎餃，或者湯餃子煎 至尊松茸豬肉餃 中 $80香味且名貴的松茸作餡料，大大粒的至尊松茸豬肉餃，富有可口的野菌香氣，配合豬肉的鮮甜味，值得一試！湯 莞茜豬肉餃 中 $53作為芫茜控必點餃子，芫茜味唔算太重，豬肉既甜味提升左芫茜既香味，淡淡芫茜清香另外餃掂湯頭清甜唔重味精味，讚！煎 韭菜豬肉餃 中$ 46眾多的餡料中，韭菜豬肉餡人氣極高，韭菜翠綠，滿滿韭菜香氣回味手拍青瓜$26另外試咗蜂蜜檸檬薏米水同豆漿，唔會太甜📍餃掂手工餃子雲吞專門店太子荔枝角道1號嘉業大廈地下E號舖

放工係太子快食，之前外賣買過呢到既生餃🥟覺得好特別，今次放工就堂食試下，平靚正！粟米豬肉餃🌽湯餃都好足料！湯底係養生嘅狀元九鼎湯，有養顏保健既功效，清清地唔錯。韭菜豬肉餃🥬食餃子點可以唔食韭菜！必點！壽喜燒牛肉煎餃🥩估唔到餃子都會有壽喜燒味，咬落好香勁juicy！香煎軟心芝士餃🧀煎到金黃色，芝士控必點！好邪惡！自家製山楂雪梨水酸酸甜甜，降火消滯，凍飲幾正！呢到仲有好多特色餃子想試，有咁多分店，可以慢慢試😆！

餃掂 港九新界都有分店食左好幾次係會重覆去既餃子店今次去左旺角荔枝角道分店🥟龍鳳松茸雙湯餃 (8隻) $92跟狀元九鼎湯餃子餡係豬肉撈左切粒既松茸全個底部加左一層黑/白松露醬個人鐘意黑松露餃 味道比較濃郁🥟元貝豬肉湯餃 (7隻) $51跟狀元九鼎湯豬肉餃子餡加左瑤柱同芹菜入口好明顯食到瑤柱絲雖然芹菜粒唔算太多但有好濃烈既芹菜味道湯餃都會跟狀元九鼎湯重蘋果味🥟玉蟹雲吞皇 (5隻) $50呢款雲吞 本人都係第一次食以為呢到得餃子 原來仲有雲吞餐牌有👍🏼手勢推薦上枱時候 餃子餡呈橙黃色 好吸精肉質甜美 加左蟹籽增加口感🌱上湯松茸時蔬 $35有6大條嫰菜芯上湯菜可以清一清口腔更加食清楚各款餃子🍺熱蜂蜜檸檬薏米水 一杯 $20重蜂蜜味 幾好飲

今日黎到太子經過呢間 餃掂手工餃子雲吞專門店 就入去試下啦～ 入去坐低睇睇餐牌 見到有好多款唔同口味嘅豬肉餃子選擇 真係花多眼亂🤩 同埋有雲吞、麵類、仲有唔少小食揀 揀左一陣終於揀好🤣 蜂蜜檸檬薏米水 $20呢排天氣落雨又濕又焗 飲番杯蜂蜜薏米水 去濕同埋滋潤一下真係唔錯😌 凍豆漿 $15豆味濃 冇渣 又唔會過甜 好味😋 等餃子嘅時候就試吓佢啲醬汁😬 有四川辣椒醬、菜脯豆豉醬、同埋食餃子唔少得嘅醋🫢 推薦菜脯👍🏻少少辣好惹味😋 仲有酸蘿蔔好出色 酸酸地好開胃～ 四川涼皮 $33原本以為係涼菜細細碟 點知原來份量都唔少😌 涼皮薄身晶瑩剔透 配埋醬汁同埋少少辣 撈埋一齊好好食😋 蜜餞雞翼 $25第一次食用蜜餞煮嘅雞翼 有啲類似蜜糖雞翼嘅感覺 一啲都唔痴牙 雞翼煮得入味又唔會過甜 讚👍🏻 龍鳳松茸雙煎餃 $98可以一次過試晒黑白松露同埋新鮮豬肉嘅手工餃子呀😍 呢間店每日新鮮包嘅餃子 用上新鮮食材同埋新鮮豬肉 松露味好香 餃子煎得啱啱好 香脆又唔會燶晒😌 好食！ 香煎軟心芝士餃 $58咬開入邊真係好多芝士😍 配上豬肉同埋粟米 多多芝士都唔會覺得膩😙 大推呢個😬 整體嚟講 呢間 餃掂手工餃

今日去到太子呢間嘅餃掂手工餃子雲吞專門店食佢地撚手嘅松茸餃，一諗起都即刻流晒口水🤤今日夜晚6:30去到都已經接近full house，好彩都唔使等位，之後我地就嗌咗：1） 至尊松茸豬肉餃湯餃（跟狀元九鼎湯）🥟🥟🥟🥟🥟 / 🥟🥟🥟🥟🥟2） 香煎軟心芝士餃 🥟🥟🥟🥟🥟 / 🥟🥟🥟🥟🥟3） 蜜蜂檸檬薏米水 🥟🥟🥟🥟🥟 / 🥟🥟🥟🥟🥟4） 四川涼皮 🥟🥟🥟🥟 / 🥟🥟🥟🥟🥟松茸豬肉餃湯餃真係唔需要多講，絕對係世一餃子，一咬落去淡淡松茸嘅味道滲出嚟，配合埋豬肉嘅口感，真係好快不知不覺就食晒😋到香煎軟心芝士餃，真係煎得好香脆，就算講緊係已經放喺度攤咗一陣都依然可以食到個種爽脆口感。四川涼皮感覺似雞絲粉皮，不過就將花生醬轉成辣醬，愛好食辣嘅朋友不容錯過。最後嗌咗杯蜂蜜檸檬薏米水，好欣賞佢嗰種唔需要落冰但已經係凍冰冰，起碼唔會因為啲冰而令到杯嘢越飲越淡，最開心嘅係杯嘢唔甜又解渴，非常好飲。埋單最後$242，雖然已食餃子黎講，餃掂係會比其他餃子店貴多少少，但可以食到出邊冇得食嘅松茸餃同非常真材實料嘅狀元九鼎湯，仲有其他高質嘅食物，絕對係值回票價。

嚟到太子唔想食茶餐廳，見到有餃子店睇過餐牌ok就走入去食 店舖環境都光猛乾淨，冇黐入入嘅感覺打開餐牌見到款式選擇都幾多見到有個餐牌有個至尊松茸豬肉餃, 見佢86蚊好似好貴,但係睇清楚原來86蚊煎餃有八隻跟多一個湯,咁計落又真係幾抵食喎另外就叫多個芫茜豬肉餃貪得意又叫咗一個日本龍鳳蛋,真係做到溏心效果， 仲有啲松茸醬好惹味餃子煎得夠脆，仲要係底面都有煎每隻餃子都好大隻皮薄料多有肉汁松茸餃食落有一啲雜菌菇嘅味道覺得好健康配咗一個湯 飲完冇口渴覺得冇味精芫茜豬肉餃芫茜味夠濃鬱 芫茜控覺得合格飲品豆漿唔會好甜蜂蜜檸檬薏米水覺得好特別底都有唔少薏米整體覺得不錯， 製作出品用心，可以再食

去完金都睇婚紗就過隔離食咗呢間餃子，真係皮薄餡靚，小食飲品都好出色。至尊餃子餡係松茸同豬肉，呢個揀個灼，因為佢會跟一個狀元九鼎湯。餃子一咬開就有好香嘅菇味，之後再食到豬肉嘅香味，仲有啲蒜香味，然後再浸一浸落湯到，配埋一齊食好正！狀元九鼎湯勁足料，有美國蛇果、生魚、無花果、淮山、豬尾骨，所以飲落係有啲甜甜哋，天然嘅甜味，再有魚香味。功效仲可以補氣健脾，竹一津抗燥。香煎軟心芝士餃呢款只有煎，餡入面啲芝士煎到溶咗，好香芝士味，再配埋甜甜哋嘅粟米，唔洗點任何嘢都好好食！蜜餞雞翼好香嘅蜜糖味，食落雖然甜，但唔乸喉，蜜甜味天然，滲到落雞肉！檸檬蜂蜜薏米水薏米嘅份量，而且配埋檸檬同埋蜜糖，飲落個喉嚨好舒服，仲可以解膩。豆漿好香黃豆味，唔會太甜，亦都冇渣，餃子配豆漿係絕配！自家製酸蘿蔔（只限堂食）食食下見到招紙，即刻問姐姐拎嚟食！好酸好開胃！