餃掂手工餃子雲吞專門店

Open Now

Now Closed

龍鳳松茸餃黑松露就食得多，白松露即係第一次喺呢度食到。雖然食落唔係好識分黑松露同白松露嘅味道有啲咩唔同，但都係幾特別。松露味道幾香，跟咗個湯都幾清甜，有啲似係有用雪梨蘿蔔煲出嚟。餃子同湯係分開上，但建議浸一浸湯，用匙羹潷埋湯一齊食。煎壽喜燒牛肉餃子🥟我覺得好味過甜記餃子，甜記餃子煎個外皮會好硬。餃掂算係適中，會有兩邊係煎到脆和硬，但中間就會係林身。成件事有啲似係堅信號嘅生煎包咁～ 因為裏面都有啲壽喜燒湯汁，我夾嘅第一嚿餃子太大力，就漏汁 quite juicy 。牛肉仲有夾埋京蔥，都幾有日本風味叫咗個山楂雪梨茶。店員幾好，見到我老婆大肚，會提佢唔好飲。😂豆漿幾大杯，好似用啤酒杯🍻裝

今個weekend，依然落雨，我們在太子附近，見到呢一間餃子店門面非常大同光鮮，所以入去食晚飯，順便避一避雨。我哋兩個人，叫咗一個中size嘅煎餃，同埋一個大size嘅湯餃，再加菜同雞翼，兩杯嘢飲，已經非常夠兩人份量。至尊煎餃金黃色，熱辣辣， 10分香脆。裏面的餡料豐富，淡淡滿足。雙拼湯餃非常健康，絕對不是味精湯，湯底非常濃厚的蘋果味，仲有好香嘅無花果，我哋分別叫咗兩款豬肉餃，一個是有木耳，另一個是沒有。兩款都好吃，豬肉很香，包得大大隻。青菜整得剛剛好，不會很老，亦都冇渣。雞翼醃得非常之入味，配埋蜜糖醬汁，連軟骨都可以食埋。一定要試吓呢一度嘅辣椒醬，四川辣椒油非常之香，另一款是菜脯豆豉辣椒油，這一款非常之特別，每一啖餃子可以加一粒菜脯，辣辣地，又很香豆豉味。飲品方面，我們叫了一杯凍豆漿，另一杯是山楂水，兩款都非常清熱，適合食完辣椒醬飲。

突然心血來潮想食煎餃，見到呢間網上好多好評，決定嚟試吓，食完真係食唔落其他連鎖餃子專門店！大推香煎軟心芝士餃同埋壽喜燒牛肉餃，兩款煎餃都脹卜卜啖啖肉，芝士餃入邊有豬肉同埋粟米，芝士非常軟熟，粟米非常爽口，一軟一爽，口感好豐富，就算有滿滿嘅芝士都唔會覺得膩，一定要嚟試吓！壽喜燒牛肉餃爆曬汁，第一啖咬落去一定要小心焫親，牛肉都非常鮮嫩，鎖住晒啲肉汁，好正！除咗煎餃，我哋仲嗌咗個蜜餞雞翼同埋四川涼皮，雞翼甜甜地咬落好嫩滑，佢有分大碟（5隻）同埋細碟（3隻），想試吓嘅可以嗌個細碟。四川涼皮有辣度可以俾你揀，我哋嗌咗個中辣都唔算好辣，但係驚辣嘅朋友可以嗌個小辣試吓先，覺得唔夠辣可以再加辣椒油。最後我哋仲嗌咗個蜂蜜檸檬薏米水同埋豆漿，配餃子必飲！#nomnomdumpling #太子

Vivian又又又肚餓了，搵到間幾好味嘅餃子，仲有其他麵食，小食，味道都好正，尤其是碟涼麵😋Menu👉🏻👉🏻👉🏻👉🏻龍鳳松茸雙餃（湯餃）$92餃子浸湯食，湯好清甜，松茸味好香，湯吊到松茸嘅香味，好正😋香煎軟心芝士餃（煎餃）$58餃皮唔會煎到硬骨骨，中間心係芝士，識拉絲架😋四川涼麵 $31好味，麵質好煙韌，撈芝麻醬好正，仲有少少辣醬，青瓜絲，撈埋食好開胃，食完一碟想食多兩碟蜜餞雞翼 $33雞肉好滑，個醬係碟雞翼嘅靈魂，應該係糖漿，係糖漿嘅味道😍超好食蜂蜜檸檬薏米 $20清甜，又唔會太甜，有淡淡的檸檬香味～～凍豆漿 $15食餃子配飲豆漿是對的

香港嘅餃子店唔少，一條街可能都有幾間。今次第一次試餃掂嘅餃子，新鮮又足料，絕對值得試一試。香煎軟心芝士煎餃金黃色嘅餃子每粒望落都好飽滿，煎得好香脆，咬落去熱辣辣，仲有邪惡嘅流心芝士，加埋粒粒粟米，令到餃子食落去冇咁易膩。雙拼湯餃 狀元九鼎湯用左蘋果生魚無花果等材料煲嘅湯底，飲得出個湯冇味精。韭菜豬肉同粟米豬肉都係非常足料，特別喜歡餃子入面鮮甜爽脆嘅甜粟米，食得出用左新鮮嘅材料。四川涼皮涼皮有好香嘅蒜味，加左大量嘅蒜粒同辣椒油，又辣又香口。涼皮都好彈牙，涼涼的好岩依家嘅天氣食。黃金原味皮蛋平時食開黑色嘅皮蛋，今次試下黃金皮蛋。切開左嘅皮蛋每塊顏色都好金黃，望落塊好吸引，醬汁酸酸地，係開胃嘅小食。蜂蜜檸檬薏米水甜甜嘅蜂蜜味帶微微嘅檸檬酸，有好多薏米好足料。

始創對面馬路嘅搞掂，每次經過都覺得好吸引🤩超級鍾意食手工餃子嘅我終於約到朋友陪我去食舖頭裝潢簡約木質感覺座位算係寬敞餐牌第一頁就係佢推介嘅狀元九鼎湯見到佢入面材料豐富原來只係$22一碗見到佢有生魚、豬尾骨同埋蘋果無花果、淮山等材料味道香濃原來嗌湯餃嘅話係會跟埋狀元九鼎湯但我哋真係好鍾意食煎餃，所以另外再叫湯品自製山楂雪梨水$20杯食完煎餃，超級熱氣，飲杯雪梨山楂水啱啱好飲落去味道唔會太濃，應該材料好足即時感覺喉嚨都舒服咗每份煎餃都係即叫即整order時店員講明要預20分鐘但我哋5分鐘左右就已經到但係絕對值得等新鮮熱辣辣嘅煎餃龍鳳松茸雙煎餃 🥟 （大份12隻$147）左右兩邊係唔同嘅黑白松露老實講，外邊根本分唔到係黑松露定係白松露食落有一邊係比較另一邊係比較清淡咁矜貴嘅黑白松露，個人認為唔適合點醬料，掩蓋味道韭菜豬肉煎餃 🥟 （大份10隻$61）口感嚟講，蔬菜煎餃比較足大大粒肥嘟嘟嘅煎餃餃子皮薄餡多韭菜口感爽脆 清新豬肉多汁又香

<龍鳳松茸雙湯餃> $92/ 8只湯餃會附上狀元九鼎湯，用料豐富有美國蛇果、生魚、無花果、准山、豬尾骨，老火湯健康無味精！龍鳳松茸雙湯餃其實是黑白松露餃子，兩款松露餃毫不吝嗇加入很多松露，吃起來香氣十足！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<香煎軟心芝士餃> $58/ 7只芝士餃子只有提供煎餃，餃子外皮煎至香脆，中間的芝士是流心拉絲狀態，一定要趁熱享用！除了芝士鮮肉還額外加了粟米粒，口感更有層次🧀⤫ ⤫ ⤫ ⤫ ⤫ ⤫ ⤫ ⤫ ⤫ ⤫<雙拼湯餃> $50/ 7只雙拼餃子有四款口味可選擇，揀了雲耳椰菜豬肉餃及粟米豬肉餃，雲耳椰菜跟肉的比例剛好，菜餃的口感較爽脆！粟米豬肉餃用了新鮮粟米，清甜的粟米可減輕膩感🌽⤫ ⤫ ⤫ ⤫ ⤫ ⤫ ⤫ ⤫ ⤫ ⤫<自家製山楂雪梨水> $20/ 杯<蜂蜜檸檬薏米水> $20/ 杯兩款飲品都是自家煲製，山楂雪梨水用了山楂片、雪梨、甘草、冰糖、麥芽，酸酸甜甜很開胃，而蜂蜜檸檬薏米水有助排毒去水腫！

以前係其他區有食過，今日經過金都見到就決定同朋友一齊食多次。餃子係肥胖胖同好飽滿，外皮係有彈性個種唔係薄皮。個人一向偏向厚身少少唔薄既餃子，因為鍾情有口感，配埋肉餡會幾豐富。今日加+8叫咗雙併餃，因為想食元貝豬肉+椰菜木耳豬肉，個人比較中意椰菜豬肉，因為食到爽脆既椰菜香、木耳都幾有口感，清淡得黎係有口感的，唔會有滯，個湯都係以前成日飲的粉葛湯，成件事好家常。朋友叫咗松茸豬肉煎餃，餃子即叫即煎，上台仲係熱口的。內餡豬肉比例會多少少，係到諗如果加少少黑松露可能會令松茸更出？Anyway係好重肉香既松茸餃，個人偏向菜餃。朋友叫多一碟皮蛋share,皮蛋有用傳統紅油汁，食落唔會太刺激，食到醋酸個種。另外加咗呢種成日會叫既：蜂蜜雪梨薏米水，個人一直都中意，因為唔太甜，而且粒粒薏米幾真材實料。

平時都幾中意食餃子,但見開既都係大型連鎖店,見呢間專食餃子,又有做埋湯,就試左啦!我叫左個皇牌既餃子,分別有黑松露同埋白松露,味道唔錯,同埋比平時既餃子再大隻d.叫左佢既鎮店湯飲,唔錯。叫左蜜餞雞翼,又幾好食,同埋有細份同大份,變左我一人都可以食到。之後仲叫左杯雪梨水,好清熱氣。小食我仲叫左黃金日本唐心蛋,有流心既效果,味道特別。今次叫左好多野食,都只係二百幾,係幾划算。店裡有老闆既人生格言,都幾搞笑!

小店主打既餃子，每日店內新鮮手工包製，款式選擇好多，除左傳統味道既餃子，仲有幾款自創新口味，煮法可以揀煎餃或湯餃，甚至買生餃子，帶回家自己煮。玉蟹雲吞皇(5隻)：一口咬落去，爆左D蟹籽餡料出嚟，仲有蟹肉和大蝦，肉質甜美，口感好Juicy。竹昇米線：米線質地較彈牙，配搭雲吞食，簡直係絕配。餃子麵(6隻)：皮薄餡多，雲耳椰菜同鮮肉比例啱啱好，食落好鮮甜；麵質地較軟身。至尊松茸豬肉餃 (8隻)：松茸係菇中之皇，擁有獨特濃郁既香味，而且營養價值豐富，果然係鎮店之寶。狀元九鼎湯：用左美國蛇果(蘋果)、生魚、無花果、准山、豬尾骨煲，真材實料，不含味精 ，感覺更健康。山楂雪梨水：小店自家製既飲品，酸酸甜甜好開胃。總結，餃子全部都好足料，大隻又扎實，香港製造既良心小店，絕對值得支持。

想試很久! 餃子口味款款都精緻吸引 (*´∀｀)皮厚薄適中，個人比較喜歡湯餃滑滑質感，友人則喜歡金黃的香脆煎餃🤤 加一服務費：✖ ✿ 龍鳳松茸雙湯餃(中) $92松露愛好者會喜歡的一款ʕ•ٹ•ʔ黑、白松露感覺差不多🤣黑松露好像較濃郁配的狀元九鼎湯富蘋果清甜，不搶餃子味😋 ✿ 元貝豬肉餃+雲耳椰菜豬肉煎餃(大) $65+8元貝豬肉：元貝香很明顯，內餡配搭了芹菜(?)粒減低膩感雲耳椰菜豬肉：口感豐富，兩款之中這款更中我 ✿ 四川涼皮 $33選了小辣但對我來說辣度不小，但適合友人😂涼皮很滑溜，吃時不斷濺到自己🤣若配料中有我喜歡的脆豆會更高分 :-p ✿ 麻辣松花皮蛋 $26味道正常但不覺麻辣，反而助我解辣😂 ✿ 熱蜂蜜檸檬薏米水(杯) $20在薏米水的基底上加上輕微酸甜，不像果汁般甜膩，推薦試試

人唔係多，但落單有個侍應話我今日第一日返工唔識，你叫第二個。另一枱叫另一個落，佢話唔得閒遲啲先。再有一枱叫佢落單，佢就話執埋嘢先，但其實冇人，絕對可以落左單再遲啲先執。超冇禮貌稱呼僱客做呀叔呀姐。千奇唔好幫襯助長呢啲咁嘅服務態度。

太子都幾多餃子店，呢一間裝修光猛好闊落，想傾吓偈坐得舒服啲就入左呢一間兩個人一人叫咗一杯嘢飲，有山楂雪梨水同埋檸檬薏米水，如果食辣想解辣嘅話就建議山楂雪梨水，檸檬薏米水會再甜少少，兩款都幾清甜！菜甫都好正！兩個人叫左三份餃，當然最出名就係係佢呢一個至尊松茸豬肉餃，套餐跟左講明冇味精嘅狀元九鼎湯，8隻80蚊，價錢稍貴，但寫明用新鮮豬肉同新鮮本地菜，每日即包，每隻都好大隻，性價比都唔錯，松茸寫咗好多對身體好既嘅功效，入口的確香菇味好重，同埋比起其他嘅餃子內涵會更厚實，啖啖肉！ 個湯好清甜，唔會鹹或者有味精嘅感覺，好順口，有無花果、蘋果、淮山同埋豬尾骨，感覺10分健康另外都叫咗一個白菜豬肉餃，46蚊7隻，呢一款比起松茸豬肉較味道上會比較清爽，口感豬肉彈牙，加埋白菜好爽口，湯餃好夾另外叫咗10隻軟心芝士餃，$69蚊10隻，好欣賞佢煎餃個皮好薄，外皮香脆，仲可以見到透出嚟嘅粟米顏色，所以唔會好膩，軟心芝士餃鹹香香，流心好正，加埋啲粟米中和同增加口感，粟米必欣賞佢嘅新鮮粟米保持爽脆到整體層次感好足，推薦！

每次一同老公諗食咩嘅時候大家都打晒交咁，一諗唔到食咩就會揀我哋都鍾意食嘅餃子🥟呢間餃子店之前喺荔枝角道已經食過，估唔到太子開咗間新嘅分店😍環境更加舒服！主打菜式就係呢度嘅松茸餃子餡！仲見到有款新嘅金脆蝦肉煎餃即將推出😍超期待小食款式都唔少拍青瓜份量唔少，而且幾入味皮蛋我就淨係鍾意食黃金皮蛋，呢度兩款都有😝仲要係溏心㗎呢度嘅醃蘿蔔同其他餐廳有少少唔同，要問姐姐拎嘅，我反而覺得咁樣仲家衛生😉醃蘿蔔味道偏甜，怕酸既老公最鍾意湯餃子我哋揀咗元貝豬肉同埋雲耳椰菜豬肉餃子雙拼，餃子大大粒🥹最鍾意呢款爆餡嘅東北餃子，一啖咬落去就最滿足！粒粒餃子都有湯羹咁大隻，而且透餡完全可以睇得出係邊一款餃子！元貝豬肉超香元貝鹹香味，雲耳椰菜餃超足料！勁爽脆今日天氣涼涼哋，我就叫返杯熱嘅蜂蜜檸檬薏米水嚟暖吓身，老公就叫咗杯自家製山楂雪梨水，好大杯😳$20/1好抵飲煎餃上枱好震撼，一大片金黃色，煎得非常之靚😻自問係一個每一次煎餃都會煎到燶底穿皮既人嚟講，真係心心眼😻我哋叫咗龍鳳松茸餃，即係黑白松露煎餃，仲有兩款松露醬，一上枱已經有好濃郁嘅松茸香氣。新鮮豬肉餡料好Juicy，好食到老公一隻接一隻咁啪😳佢話果然貴得有道理

鄰近始創中心嘅餃掂餃子店！平時唔同區都見到佢，好多分店😮發覺餃子款式都唔少基本嘅韭菜豬肉餃，粟米豬肉都有但最特別就係元貝豬肉餃，壽喜燒牛肉餃，龍鳳松茸餃等等☝️-龍鳳松茸雙煎餃 $98（8隻）黑白松露嘅味道好出眾平時鐘意食黑松露嘅呢個真係必試👍🏻想淨係試白松露餃嘅都有得試添！-粟米豬肉煎餃 $61（10隻）粟米同豬肉嘅比例各佔一半-兩款餃子都有肉汁！唔會好乾或者好多肥豬肉而且調味啱啱好唔會好鹹👍🏻重點係價錢唔會好貴餃子唔煎都可以配湯，聽講都唔錯，下次再試下🤤另外仲有菜脯豆豉醬，四川辣椒醬，酸蘿蔔加埋一齊食辣辣地好開胃！如果想買仲可以一罐罐買返屋企添👍🏻-山楂雪梨水/蜂蜜檸檬薏米水 $20都係自家制，好健康又解渴唔會太甜，甜度啱啱好😚豆漿$15順滑冇渣豆香都唔錯👍🏻👍🏻