Video
5-min walk from Exit B, Quarry Bay MTR Station
continue reading
Opening Hours
Mon - Fri
07:30 - 18:00
Sat
07:30 - 16:30
Sun
Closed
Public Holiday
Closed
Above information is for reference only. Please check details with the restaurant.
由於區内冇咩選擇，同埋呢間既早餐算係同其他茶餐廳唔同，最近就幫襯佢。 食物唔差，比區内附近餐廳平，但看鋪嗰個女仔既服務真係好差喇。永冇笑容，說話粗聲粗氣，落單時唔會望住客人，我明白唔夠人手，但都唔洗咁樣對食客。做得咁唔開心，唔好喺度做， 唔好發泄落啲食客度。太古坊呢頭星期六日冇得揀咋。
continue reading
公司附近嘅餐廳幾乎已經試過哂，見今日天氣麻麻，只好過對面馬路求其搵啲嘢食🍽 因為今朝比較忙，遲咗啲出門口，大部份餐廳已經坐滿人，好在「新森林」仲有位，今日就揀佢啦「新森林」以食焗飯為主，如果你要食湯麵都有嘅，可惜選擇唔多😌 既然係咁，今日我都食焗飯啦，點咗個「蕃茄豬排併咖哩雞焗飯」，鍾意食得濃味嘅你，都應該會喜歡，不過小秘書我就覺得太heavy，醬汁亦太多 所以都食淨咗啲👉🏻👈🏻 至於跟餐果杯蜂蜜水，真係唔講都唔覺佢用蜜糖嚟沖嘅... 不過就當水飲咗佢囉。整體只係好一般，加上啲飯粒好碎吓，我覺得「新森林」換過間米嘅供應商應該更好😌 純粹個人意見👀
continue reading
新森林平時外賣買得多堂食反而冇咩今日一放lunch就衝落嚟 因為遲少少就會好多人我自己交左個吉列豬扒拉麵拉麵唔係正宗日式鋪頭果d幼拉麵 但口感麵質都唔差湯底我揀左豬骨湯 味道幾濃但偏鹹左少少吉列豬扒另外上既 咁就唔怕會整到淋曬大大塊既豬扒要自己切 裡面都既厚肉豬扒味道係夠既 可惜我覺得粉厚左dd 而且食落有d硬 我另一個friend叫左雜扒飯份量又係好足 佢話呢塊豬扒幾鬆軟 食左一舊仔 我覺得好味過我既吉列豬扒值得一讚係佢炒飯底夠乾身 唔會一pat pat咁午餐有跟野飲 走時先見到原來可以轉紅豆冰下次再試埋先
continue reading
今天要到鰂魚涌工作，出外工作，午飯時間也「比較多一些」，於是我和同事一起細心地挑選我們的午餐。經過的大多數是茶餐廳，最後選了新森林焗之專門店。一班「麻甩佬」無肉不歡，小弟選了「芝士茄汁牛脷飯」！因為老婆大人不太吃肉的關係，家裡都很少有肉吃。鐵板上有蛋炒飯作底，飯面鋪著2件大大條的牛脷，再添香甜茄汁，最面還有微微燶的芝士。正！一般坊間的焗飯敗筆之處在於飯焗太久，令到飯太乾，不能入口，這兒沒有這個問題～
continue reading
自從太古坊”動土”，就轉戰太古城搵食，不過今日朋友要趁食晏時間去太古坊銀行，所以我先負責搵位，天氣咁凍，又要等朋友先開餐，咁去新森林食飯就啱晒了，可以食住等又唔會凍晒！真係要俾個叻自己，咁都諗到！呢到主要係焗飯或焗意粉，份量大大份，選擇又夠多，人流去得快，等位時間唔算長，所以都見到好多人幫襯。餐廳坐位算多，但全部滿座，坐位唔寬敞但唔會迫迫澀澀，以太古坊茶記黎講，呢到叫坐得舒服同埋地方算乾淨。 我叫左芝士焗咖喱慢煮牛腩，熱辣辣的焗飯配咖喱，double 左辣的感覺，牛腩好軟淋淋，茶餐廳有咁的水準實在難得！唔好睇佢個焗碟咁淺，份量滿滿，牛腩同芝士用料之足連我呢個大食怪都食唔晒，食淨3份1！ （下次要叫少飯）老實講，隨住太古坊”轉型”茶記買少見少，希望呢間抵食夾大件的新森林能繼續留低，為我地基層打工仔提供價廉物美的食物，可以食個靚午餐，充充電，打打氣，再返公司博殺
continue reading