熨烤達人 (Closed)

這天舊同事約吃韓燒。難得大家都是元朗友，約吃飯可以留在原區，不用搭個西鐵或巴市出市區，方便多了。 同事建議去元朗西菁街的熨烤達人。 韓式料理雖不如日菜或中菜款式多元化，但總能隔一段時間就加點新的好玩的元素。 例如韓燒的烤爐的周邊加個槽，開了爐，倒進蛋槳，待煮了一會兒，蛋槳熟了，就可以搭配著肉類一起吃，多新穎。  五花腩肉的油花似白雪，厚厚一塊，只看著它便覺得很滿足了。  比起吃，有些人燒烤的時侯更喜歡是幫別人燒。在燒的過程，看著紅噹噹的肉身慢慢變色，香味漸漸滲透出來，看著別人吃得津津有味，更甚自己品嚐。我便是這種喜歡燒多過吃得人。  有個內地KOL 喜歡在YouTube上載她就地取材，用一些意想不到的工具來煮菜的影片。我記得她也曾經用熨斗煎熟食物。現在自己拿著這個造型像熨斗的東西來「燒」，很新奇，簡直玩得不亦樂乎。 吃的體驗夠特別夠開心，好像食物都變得更好吃了！

呢間韓燒係數一數二出名了，鄰近元朗千色，行完街就去食韓燒歺廳不算大但勝於寬敞，別具特式的前菜有酸羅白，玉米粒，茄子，一點都不馬虎，豬肉係鎮店之寶，有梅花肉，五花肉扣，當然一分錢一分貨，這賣點係件件肉已切好方便燒，只包住生菜一口豬咁食，滋味沒法阻擋呢個燒，一定要壓住塊豬，好不客易就會熟，以壓住燒，鎖緊肉的肌肉，肉的組織壓住，難怪件件肉都鬆軟飲品齊上，每人愛好啤酒快點叫豬宴歺有梅肉，五花腩，豬皮，豬舌，豬頸肉等，今晚不吐不快

朋友約我一齊食韓燒、飲啲酒傾下計咁於是約左呢間試一試店舖雖然不算好僻，但位置都不太好找所以望落人流較少·豬皮💰HKD48有四大片，捲捲的，要用果啲IronMan壓住來燒😆幾過癮燒得耐啲既話脆口好多，剪開好多小件，要來佐酒傾計岩哂🥂😏😏·豬頸肉💰HKD58牛排肉💰HKD88兩款都係有些少調味既，都算係厚身唔會太薄，不過份量有啲少🤭但係好味既，而且店員會提醒先食豬，食牛之前會先幫我地換成網燒！都幾細心👏🏻👏🏻·芝士炸雞💰HKD138大大一盤😂兩個女生完全食唔完！但係質素麻麻😢炸粉好厚望落大大件，其實雞肉好細舊🙈失望⋯⋯·荔枝cider💰HKD43柚子酒💰HKD88朋友仔想點少少酒飲下傾計，都好飲既，易入口、但柚子味唔濃🥂🥂·總括來講質素不過不失、價錢上稍貴🙈不過都預左，始終有主題既餐廳都唔會平😅

元朗西鐵站的市中心一帶睇戲後好肚餓，在周圍地帶行街買野，沿途有好多間食店由於喜歡食韓式燒烤及料理，去了間餐廳叫熨烤達人食晚膳，見有佈景框架和公仔手板比小朋友拍照玩樂，幾有心思，使到大人小朋友皆享受到店的美食同氣氛。前菜有幾款，包括泡菜，都是跟韓式製作，飯前食是先嘗過，相信會看出之後菜餚的水準。食韓式料理一定有芝士配料做的菜，食芝士燉飯有些辣，蔬菜粒加芝士燉飯，由於芝士味濃郁，好快食出當中的主要味道，芝士香反而大過飽肚的感覺，比飯香吸引住食。金仔炸雞飯，是有炸雞食令人想起飲啤酒，炸雞剛好熟又脆身，完全沒有油脂感，跟飯分開食或混合食同樣ok, 証明連飯都好軟身可口。原本想食埋韓式燒烤但已飽了，留待下次再來食時先啦。

今次是我的第一次食韓燒，於是朋友推介我點了一個豬頸肉，另外再點了個炒飯及冷麵熨烤達人有個有趣的特點，便是用熨斗形的重物壓平肉，所以便可以平均地把肉燒熟。由於人不多，等了15分鐘左右，所有菜也上齊了。豬頸肉是我認為不過不失的食物，達到了我的期望，油脂分佈很好，但分份量不多，只有6件，很快便食光了.反而炒飯是最令我喜愛的，本是用於填肚的食物，卻被我們一致認為是最出色的食物，飯是粒粒分明的，而且調味很好，所以是最快被食光的食物。至於冷麵刖十分普通，不食也可以。

一入到去，餐廳佈置很有特色同埋油煙唔算大，相信餐廳嘅抽風系統都做得幾好！另外每枱桌面都會有個烤肉小貼士，分別教你五花肉、片裝牛肉及肉眼扒要用中火/大火，大約幾耐去熨熟食物👍🏻餐前小食有好幾款（酸酸辣辣好開胃🙌🏻）另外，爐邊凹槽2則可倒上蛋漿，另外可按個人喜好加入芝士或粟米😍燒肉質素唔錯喔，拎啲肉熨2吓又玩吓咁，好玩又好食😹（其實店員話我知用個熨斗嚟壓住啲燒肉會受熱平均啲，咁就唔會一邊燶晒，另一邊未熟啦！👍🏻）燒完～用生菜包住嚟食！好好味啊🤤🤤最後整番杯 Cider Special with strawberry🍓 淡淡草莓味嘅清新飲品，凍冰冰之餘仲可以用嚟消除油膩感！Perfect ☺️☺️☺️

襯呢個禮拜冇乜雨 就去咗元朗個邊游水 游完水好肚餓！又要等一個鐘頭先食得 就同朋友周圍行睇下食咩好 見到呢間熨烤達人就好想食下燒肉😍所以就入咗去舖頭嘅主題係hero 好多marvel嘅主題裝飾 仲要咁啱係電視播緊avengers3!店舖係主打韓式燒肉 燒肉類選擇唔係話好多 不過勝在高質 仲有唔少熟食可以揀叫咗份特級雪花牛 賣相幾靚 雪花均勻 燒嘅時候都快熟 食落真係高質好食 油脂同肉味平衡 係好食嘅之後叫咗牛肩胛肉 都好食嘅 不過相比雪花牛會韌啲燒咗個扇貝 大大粒加埋牛油 幾好食 不過就要燒耐少少熟食叫咗個雞翼同芝士雜菇 都好吸引！雞翼啱啱炸起好脆同好香 味道好夠 炒雜菇都好香 份量仲好大 食到唔停口飲品叫咗草莓同白桃cider special 加埋韓國七喜一齊 草莓味甜甜地幾好飲

心血來潮想食燒肉 所以今日同朋友去左元朗食熨烤達人 去到就二話不說叫左杯白桃味嘅Cider Special黎到杯野賣相加分 上面插住一樽韓國七喜 幾特別 飲落似忌廉溝鮮奶 白桃味就無乜啦 不過自己鐘意飲忌廉溝鮮奶嘅關係 所以整體上我都滿意 而且好大杯好夠喉止完渴我地叫左個胡椒雞翼做前菜 胡椒味幾重 雞翼都夠入味 唔會太鹹另外仲叫左個芝士焗雜菌 芝士同每款菇類都好夾 幾好食到主菜部份 我地叫左兩款肉 一款係特級雪花牛 另一款係牛肩胛肉 兩款肉質都好細嫩 咬落牛肉裏面會有少少牛油滲出黎 再配埋佢個韓式辣醬就更加好食 兩款肉類比較之下我自己就鐘意雪花牛多啲 因為雪花牛比肩胛肉腍 同埋牛肉味重啲到海鮮部份 我地叫左三隻帆立貝 燒熟之後肉質唔會變老 仲保留到海鮮嘅鮮味 帆立貝附帶少量牛油 食之前再加少少檸檬汁味道會更上一層 更加開胃

今日心血來潮好才想食肉，住元朗嘅朋友介紹我黎呢間食韓燒嘅餐廳，食番餐勁！由於我同朋友都實在太肚餓了，我地好豪氣地點咗呢個超級熨斗烤壓，係一個有哂我地想食嘅肉嘅餐😋好快就有得食喇，一大碟的肉，我唔客氣喇！調味豬皮呢個係已預先燒過嘅豬皮，只要烤番熱就可以食喇。雖然略嫌唔夠厚同爽，不過當過下口癮都唔錯。厚切五花肉片五花肉燒得好香口，而且夠厚身，食得好滋味呀！特級雪花牛就咁睇已經流哂口水，d雪花好靚，好嫩滑好好味。牛肋骨肉質軟腍，愈近骨位就愈有咬勁（骨位燒耐d會更香)。M5牛肉眼扒我地將好野留到最後，係大大塊嘅牛扒，仲要寫明係M5，質素有保證。我地鍾意食半生熟，所以將牛扒燒到五至六成熟就ok。好好食呀！肉夠腍，肉味重，再加埋肉眼嘅油筋嘅香，一啖食落去，真係不得了🤤🤤

今日同朋友仔黎到元朗覓食，見到呢間韓式燒烤店裝修幾有特色，又可以一面慢慢燒野食，一面傾下計，就坐低咗。一坐低店員就送上幾款前菜，其中泡菜同蘿蔔值得一讚，泡菜酸辣度剛好，蘿蔔微酸，幾清新。之後店員加蛋汁喺爐邊，叫我地可以加d芝士同粟米落去，我地再加埋泡菜，好好味呀！調味五花肉韓燒必點item，最鍾意就係用菜包住食，再加上泡菜同蒜片，十分正呀！調味豬皮應該係預先已經燒過，店員話燒一分鐘就ok。薄薄地一片，有點煙韌嘅口感，唔錯喎。牛肋骨長長的一卷，攤開後薄薄的。牛肉幾嫩，加少少鹽會好食d。草苺Cider🍓🍹呢個有驚喜！係草莓沙冰加Cider，唔會太甜，感覺好fresh！今晚食得好開心好滿足，會再黎呀！

話說今次又黎元朗覓食,我本身都好鍾意食燒肉，係名副其實既食肉獸所以今次係元朗都唔例外揾燒肉店食飯。 以前都去過好多燒肉放題店， 貪個d係任飲任食，但當然d質數就睇你食咩價位啦。 同常我都係食d平價d既。 咁今次就行過發現呢間有個熨斗做卓頭既韓式燒肉店。咁又肉癮起就拉埋女友人入去試下啦。 咁食物黎講我地就叫左個燒肉拼盤同一個原條鰻魚飯就咁呢兩樣我地都已經叫左成700 幾蚊, 兩個人黎講相比起食放題式既燒肉， 其實都算貴。但好在出到黎d野食質素都唔錯， 堅係好大條鰻魚, 同埋d燒肉質素都好好，自己係個爐上面熨兩熨就食得擺落口d牛肉好鬆化入口即溶既感覺真係好ok. 跟住食食下又比女友人發現原來只要like佢地Fb就可以有杯免費既荔枝特飲。 當堂底左 整題黎講呢間野唔錯

雖說韓燒受歡迎，但也不是人人喜歡，今天生日主角主張韓式燒烤，為顧及有些朋友不好此道，所以選了「熨烤達人」，這裡主打韓燒外，也有其他食物選擇。餐廳面積一般，椅沒有椅背坐的夠豪情，不拘小節，印象深刻是鐵板上有獨立位置用作放蛋槳，可按喜好放入芝士及粟米，鐵板的熱力慢慢煮熟蛋槳，以為很兒戲，但味道又不錯喎。真露煮大蜆真露所指是清酒，湯中酒的濃度頗高，不喜匆嚐，差不多浸得滿滿，蜆夠大隻，肉結實夠新鮮，蜆肉連湯吃夠風味。寒冰水冷麵有趣是冷麵伴著了一條雪條，雪條內有一些雜果，可以一邊啜雪條一邊食冷麵，或者等待溶化一起吃，冷麵不錯，軟硬適中，有蛋、蘿蔔等配料，消暑良品。原味雞翼。 雞翼四隻分開八小份，原味是指沒有辣的雞翼，煎了一陣雞油慢慢滲出 ，雞翼的size不算大隻，好快就食清。「熨烤達人」提供了韓燒和熟食，朋友共聚食食談笑一番，輕鬆不錯。

因為今年沒有打算去韓國旅遊，但又想回味那韓式燒烤，所以今晚和家人到「熨烤達人」尋回味，這餐廳佈置頗特別，打造一個英雄聯盟基地， 看見椅子的英雄圖案，有美國隊長、iron Man 、變形俠醫等，感覺自己也是英雄角色之一。特級雪花牛。食物方面，主打韓燒食物並不便宜，一份雪花牛6件要108蚊，質素卻比預期好，只是稍為香煎幾下已可入口，肉質軟靭適中，點醬添味道層次，只是份量稍嫌少完全唔夠喉。韓式啤酒雞扒這件雞扒份量夠大，未煎熟已有淡淡啤酒清香。厚身要煎少少，肉質不錯，不是太肥膩，切開分享每人有兩至三塊。調味五花腩 細細件一啖一口，不厚身所以煎幾下就可吃，五花腩調味不俗，不用再點醬就可吃也ok。一向烤肉店的價錢不算便宜，此店也一樣，但食物質素搭夠，下次回味韓式燒烤會再光顧。

今晚約左男友人食韓燒，睇完餐牌後都係決定食鰻魚飯，好似好吸引咁，男友人就叫左個燒肉餐。爐開左之後，喺蛋漿上加人粟米同芝士就等佢熟。首先燒左豬皮，好香，唔錯！然後就燒磚頭五花腩，好肥厚，用個熨斗板壓一壓會較快熟，前後反左幾次終於燒好，然後剪成一條條就食得。豬肉味香，點啲醬油一齊食都幾好味。燒完豬個鰻魚飯就到啦，比我預期嘅大條，好正呀！鰻魚味道好好味！什至比燒肉仲好味。中間有層玉子，入口係半熟，蛋好滑，一啲都唔老。燒完豬之後就換個網燒牛啦。牛分別有一口雪花牛粒，牛肩胛同m9霜降西冷，味道黎講最滿意牛肩胛，入口油香四射，肉切得夠薄，好滿足。最後飲多杯荔枝特飲，like fb送架，份量夠哂大杯，配燒肉就最啱！

那天晚上我和太太外父母一行四人前往位於元朗的熨烤達人共進韓式晚餐，其食肆的主要特色是除提供韓式鐵板燒烤膳食外，亦以類似熨板式手揸鐵塊壓在食物(如扒肉類等)，目的乃加強烤食物的全面程度及速度等。而當晚我們所叫的餐款如下：首先黑松露明太子蛋卷，它乃以兩塊厚煎炒蛋塊為主，其面上添一些韓式醬料，因此食落份外熱辣香滑軟熟惹味，再配以一些素食生菜，自然潤喉清胃；然後江南UFO，則以一塊約九吋長直徑的雙簿餅塊為主，中間夾著一些肉醬配韓式醬料，一分六件，每塊咬落質感爽兼熱辣滋味，亦盡顯韓式簿餅的獨特風味；此外黑鬚炒飯，它和市面上一般碟頭炒飯大同小異，都是炒飯配以一些雜菜粒，但其風格是以切碎的炒魷魚粒為肉類主餸，再加上鑊油香炒下，每啖飯吃落真可口十足。