Morton's of Chicago

嚟呢度食生日飯，一定令你稱心滿意，滿滿的儀式感，步入餐廳，當服務員帶到去張枱，已經成枱都係生日佈置👍🏻生日Menu 寫明日子同埋人客名稱，令你有個好好嘅紀念，再加上佢哋嘅即影即有生日卡，實在令你full of birthday memories 🥰嚟到當然要試佢哋嘅牛扒，我哋叫咗Porterhouse Steak，二人份量絕對足夠，甚至乎食唔晒添。牛扒煮得好香，好有肉味，大滿足。頭盤龍蝦湯夠濃，另外好想稱讚嘅就係佢哋嘅甜品platter ，整得好靚，又好味，令一個生日飯畫上一個完美嘅句號。…Read More

首先book咗枱話生日佢會幫你印埋個名喺個Menu度幾有心思同儀式感另外book咗個set坐低嗰下都有少少期待一開始嚟咗好大個包 一嚟到睇到係有驚喜等多一陣以為有serve會幫你分點知原來唔會 會食到好理hea個包得個大字 食落去唔特別牛油亦都唔香 就係普通牛油意大利雲吞唔差 佢會問你加唔加芝士一定要加 加咗會好食啲龍蝦湯千祈唔好叫 好苦好難飲牛扒叫咗西冷 切落去嗰下已經feel到賴嘢係燒得唔差 但肉質參差牛肉嘅質地同紋理反應左好明顯feel到牛扒成本唔高另外有個芝士焗龍龍蝦唔太新鮮 芝士都正常但整體一般配菜揀咗黑松露薯條超一般 唔建議食 薯條好難食薯蓉還好甜品方面剩係得個焦糖燉蛋好食。芝士撻一般其他全部唔建議擺落口成餐飯叫咗兩杯Cocktail都唔好飲2600/2 唔建議食 成餐飯，只可以用一般嚟形容佢做唔到呢個價位 同地方扒房應有嘅質素仲衰過out back。…Read More

結婚周年紀念，老婆鍾意食扒，就搵咗呢間歷史悠久嘅扒房慶祝星期六中午落雨比較少人，入咗後第一個驚喜係餐牌頂部標題係專屬的，會特別印出來上菜時的儀式感滿滿，職員服務有禮，會主動過來關心我們的需要，又會為我們拍照最驚喜係餐廳主管過來問食物如何，我說非常好，只是其中一塊牛扒煎得比較熟，但係都可以既主管二話不說就幫我換（其實嗰刻我反應唔切，我覺得其實都ok食得唔想浪費食物）如果我知道佢會換，其實我唔會出聲，講真都唔係難食，咁換好浪費，所以有啲唔好意思食物質素當然係好，配一杯意大利紅酒好夾，而且塊牛扒好大塊，成個餐好豐盛食唔晒最後想蛋糕嘅時候一併俾埋曬咗嘅相我哋，相架仲有人手畫同寫嘅相框，有驚喜😊…Read More

虽不在Word's Best 101 Steak Restaurant 上 （世界101 最佳扒房）,但比起香港另外两家上榜的牛扒屋的牛扒更高质！使我非常怀疑这奖项的真实性......这裏能看到维港海景环优美。是香港老牌的牛扒屋。我认为比Ruth Chris, Regent steak House, Rosewood steadhouse, Fireside牛扒 更优质。我觉得酒店内的牛扒屋只有更多花款，如搞个点火表演或烟薫，牛扒质量确实是比不上。我的牛扒达人丈夫（每次单要纽约都疯狂吃扒，绝对对吃牛扒经验丰富），在香港他最爱就是这裏的牛扒, 所以昨日他生日我便请他来吃扒, 吃完晚饭后回来还一直说很饱，但真的超好味！哈哈，昨晚花的二千七绝对值！牛扒由618至197+10%.不等|带骨肉眼^（ Bone in rib eye)我和女儿点了1068十10% 带骨肉眼扒,（Medium Rare)点了三成熟，外皮抛得焦香，中心带点血半生熟的，牛味十足！|卡津肉眼扒^丈夫点了858十10% 我觉得卡津腌肉眼扒有点太咸，肉質不錯。|龙虾汤^有强烈的酒味酒香非常浓郁但是龙虾味凉淡龙虾也煮过头感觉一般|洋蔥汤^洋葱味太淡！汤有太甜好象加了其他酱汁或是罐头汤一样。还好我和女儿分享了一碗，这儿服务很好还把洋葱汤分开来焗分两碗上菜。但洋葱汤我还是不推介的！|面包^这个餐前面包可能是在香港扒房中做得最好！内裏还有洋葱粒、十分有诚意！牛油味软香！喜欢吃面包的可以跟服务软多要一大个！吃不完还可以打包呢！|焗珍宝马铃薯^皮焗得很香脆,加上了乳酪(sour cream)䓤（chives)和烟肉(bacon), 还可以,|經典焗暖心朱古力餅^暖心朱古力朱古力很香！虽然流心不算太多,熟了一点，但整体还是满意的！甜品中最推介|柠檬舒芙蕾^生日送的soffle真的太太太太甜了这个我不喜欢 没有开酒水，三人吃了约2700元, 人人均九百,其实如果不叫汤和焗薯已经够饱！估计人均七百便可以了。如果需要点头盘的，根据我多年来这裏的经验可以考虑吃生蚝，这裏的生蚝不大但是新鲜的！#牛扒#香港西餐#香港扒房#尖沙咀#美境餐厅#香港看煙花餐廳#維多利亞港#米其林#黑珍珠#香港牛扒#香港牛扒…Read More

星期日去食午餐，有Sunday Jazz Brunch嘅套餐（$788/person)～餐廳位於尖沙咀喜來登酒店內，入面環境都好靚，窗口位置可以望到維港景色🏙️而且仲有駐唱歌手繹演jazz嘅歌曲，氣氛都唔錯👍不過枱同枱之間都距離都有少少近🙈店員非常親切而且helpful!值得讚下🫶🏻。洋蔥包每一枱都有嘅餐前小食，網上見到好多人都勁推介，果然名不虛傳！非常大隻，外脆內軟，見到入面層次分明，而且有好香嘅洋蔥味，配上佢哋自家嘅牛油好好食。但記得要節制唔好食太多，如果唔係就食唔落後面嘅菜式😂。Pan Seared Foie Gras 香煎鵝肝配蘋果醬有兩大嚿鵝肝🤤外層煎到脆脆地，好似焦糖嘅口感，入面唔算好滑好creamy，但感覺冇咁油膩～蘋果醬味道唔錯，甜甜地可以配埋鵝肝中和下。Lobster Bisque 龍蝦湯餐廳嘅staff會喺你面前將啲湯倒落碟，非常熱辣辣～有真材實料嘅龍蝦，食落肉質新鮮結實🦞，而個湯本身都好濃味（甚至有啲鹹XD）另外佢係好稠嘅湯嚟，好快就會因為凍咗而稠到變咗啫喱狀咁><所以要飲快少少🤏🏻。42oz Bone-in Prime Rib 帶骨燒牛肉配辣根牛肉汁份量超級多！我哋兩個人食，食咗一半已經好飽🤣揀咗medium rare，可以食到嚿肉比較真實嘅質素～牛味好濃！另外會配辣根牛肉汁～平時都唔常見，質地係泥狀，味道都幾濃，有啲wasabi嘅感覺(?)😂，都幾惹味。Parmesan & Truffle Fries 芝士松露炸薯條 ｜ Truffled Cream Corn 黑松露忌廉粟米兩個配菜都好出色，薯條係幼薯，熱辣辣又好脆，調味適中，食到停唔到口嘅感覺🤣忌廉粟米好好食😋！！個人力推！啲粟米甜甜哋，食落好creamy而又唔會覺得膩。Morton's Legendary Hot Chocolate Cake 莫爾頓經典焗暖心朱古力餅（二人份）比想像中大份，而且個雪糕都好大方，俾咗好大球🤣個朱古力餅嘅外層微脆，質地似實淨嘅muffin，而唔係蛋糕嗰種，入面係軟心朱古力醬，但未至於流心～味道都好甜好好食😋。2-hour Free Flow Package Alcoholic (HK$460)| Non-Alcoholic (HK$198)另外可以加配兩小時飲品free flow！本身諗住嗌non-alcoholic free flow，但見到佢一杯mocktail 先$70，又唔想夾硬飲3杯😂所以最後都係單嗌就算～…Read More

@Morton's Chicago 今日同和友人行TST,突然之間好想鋸扒,諗起喜來登酒店嘅Morton,出名係炭火燒,就諗住去試試啦！打電話訂位,佢話只有五點半有位,既然咁有緣份,唔係唔試嘛到咗餐廳,兩位侍應帶我們入座,眼見餐廳只有三圍枱有客人,心諗邊有咁多人食吖諗咗好耐我哋決定嗌套餐,侍應好好幫我哋轉咗龍蝦湯#洋蔥大包微暖,軟熟,少少洋蔥味,牛油冇乜香味#龍蝦湯侍應會在席上倒湯,好有儀式感,有兩舊龍蝦肉,都算大舊,湯唔算好濃,有龍蝦味,太重辣味（我估可能係胡椒粉）#珍寶蘆筍超老,有渣,係我食過扒房最差嘅蘆筍#黑松露薯條有好少黑松露味,份量好多,食唔曬#蟹餅有淡淡蟹肉和薯蓉,呢個好味#煙肉焗帶子超鹹,好油主菜#西冷扒+$200有牛味和炭香味,order咗五成熟,肉質啱啱好, juicy#免翁牛扒冇乜牛味,有炭香味,都係五成熟肉質都好好, juicy甜品#焦糖布甸面帶焦糖脆,布甸滑#朱古力心太軟未食都之後好甜,流心服務方面：餐廳會為慶祝嘅客人拍照並送上照片留念和在甜品碟上寫上生日字句（我唔知道甜品係咪免費）,預訂仲有一張寫上生日人名嘅餐單另外我都見隔離枱係有在枱面上佈置的（唔知係咪有特別order）上完麵包和餐湯後,餐廳職員急忙一次過上曬其他食品,所以好快凍哂,我認為呢啲高級嘅餐廳,唔應該急住一次過上食物,(唔知係咪諗住翻桌),應該視乎返客人嘅進食情况上,感覺好唔細心真心今次體驗係失望嘅,又或者我抱住太大嘅期望嚟掛,唔係我想像中咁好,呢個價位好多其他選擇,不過最估吾到就係今日餐廳全場爆滿,座無虛席（今日係星期日）,同埋去洗手間嘅時見廁格側邊有廁紙在地上總結:炭火燒牛係最好食,不過未到天花板級數其他食物冇什麼驚喜…Read More

前排屋企人生日，即刻上網book咗呢間comment唔錯嘅steakhouse慶祝生日✌🏻！btw記得提前上官網book估同WhatsApp 預訂2人set menu～前菜方面lobster ravioli好有驚喜😍，包滿咗creamy 龍蝦餡，帶有少量龍蝦肉，個ravioli皮都幾薄，最正係啲汁，點埋餐前送嘅包，好好食👍🏻！我哋仲額外叫多咗碗洋蔥湯🧅，面頭鋪滿咗溶化嘅芝士，洋蔥已經煮到好腍，果然係Signature soup!! 推介❤️Main dish方面，我哋加咗$800叫斧頭扒🥩，有36oz，三個人share都好飽🤣，medium rare啱啱好，肉質紅嬾juicy😋，有少少肉味，可以問店員攞啲mustard點埋食，就唔會咁漏🤘🏻😎但係真心唔好叫bone marrow，面頭全部都係麵包糠，比$228好似齋食麵包糠😭👎🏻Side dish嘅蘆筍同西蘭花都不錯🥦，但係更推介mac & cheese，真係好正！好多芝士拉曬絲！芝士+pasta控必食🧀💛！甜品方面就普普通通，冇乜特別。🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙: •Set menu for two $2,088- Appetiser: lobster ravioli & Parma ham salad- Mains : Tomahawk steak +$800 & Roasted bone marrow +$228- Sides: mac & cheese +$48 & broccoli - Dessert platter •french onion soup $170•roasted jumbo asparagus $120📍 Morton's of Chicago 尖沙咀彌敦道20號香港喜來登酒店4樓…Read More

好驚喜既steak house唔止牛扒好食，前菜海鮮同埋配菜都十分出色特別推介佢哋嘅海鮮 生蠔 蝦同埋龍蝦湯好飽 好滿足我哋四個人嗌咗一個 2人tomahawk ribeye dinner set 再加海鮮同湯 甜品嗌咗佢哋嘅新地同埋Carrot Cake因為我唔係好食cream 我下次會淨係叫carrot cake.(暫時係我喺香港食過最好食嘅)服務亦都好好，員工好細心 每次離開個位佢都會過嚟摺好啲毛巾我哋好好彩坐咗喺窗邊 可以望住維港嘅夜景推介生日來我見其他生日既食客有特別嘅餐牌 所以下次可能都會試吓慶祝生日…Read More

生日就係要對自己好啲，所以今年決定去試下傳說中嘅高級牛排館 —— Morton's of Chicago。叫左份招牌 USDA Prime 牛排，medium rare 做得剛剛好，外層煎到香脆，入面保持粉嫩多汁，每一啖都係肉香與油香嘅完美結合！配埋鹽花，非常好食。侍應知道係生日，仲特登送上生日甜品，印有「Happy Birthday」字樣嘅朱古力蛋糕，暖暖地好窩心。全場唔會太嘈，啱晒傾計影相打卡，感覺好有儀式感！侍應非常有禮貌，介紹餐牌好詳細，又會主動幫我哋影相（仲影得幾靚！）。整個用餐過程無壓力又舒服，好似去咗一場高級又溫馨嘅聚會。Morton’s 嘅裝潢走典雅路線，燈光柔和，座位之間有足夠距離，私隱度高，無論係情侶、家庭定朋友慶祝都啱晒。…Read More

對上一次食Morton’s已經有两三年了，今年慶祝決定翻翻黎試下保唔保持到水準半打生蠔~HKD318雖然唔系我最鍾意食既法國甜生蠔，但呢個價錢除翻開大約HKD50有一隻好抵食！！見到每粒都幾大隻飽滿！新鮮有蠔味亦唔會偏咸！推介👍🏻 仲有枝好可愛既TabascoMain就叫左T-bone ~HKD1100我哋叫左medium rare 但偏生。overall ok gei價錢偏高。另外on top 加左蟹肉同龍蝦肉。两款調味系一樣的所以試一款就夠，調味比較重，所以都唔係好食到啲海鮮味㗎啦，龍蝦肉就比較實個人一般，推介蟹肉，肉質較嫩。慶祝訂枱會送Hot chocolate cake原價好似HKD180😍😍保持到外脆內流心，濃郁朱古力味，同雲呢拿雪糕係絕配🥰🥰…Read More

老公生日🎂當然豪一豪佢訂左一間有氣氛浪漫餐廳^_^提前訂坐安排左免費佈置👍仲有特色生日菜單熱辣辣麵包食吾停好龍蝦湯好鮮甜龍蝦意大利雲吞出色夠重味😋仲叫左枝好易入口好香嘅白酒😂主場當然要食牛扒啦，質感肉質都滿分配菜仲有蘑菇同薯條👍滿足的一日，仲可以欣賞到尖沙咀夜景一流之選…Read More

首先嚟講呢間餐廳情調真係一流，好有儀式感😍，個景又靚。食物質素真係唔使講嘢，starter至steak，到pasta，都係西餐嚟講好高水準👍。佢仲要有啲套餐係包曬decoration，真係好有心思呀❣️，令我好希望每一年嘅結婚紀念都再會重遇呢個地方，睇下食返十年八年會唔會厭先😂。But anyway 我目前都係一週年紀念，祝我自己happy anniversary🤗。…Read More

首先一步入餐廳，我哋以為去咗大排檔，枱與枱之間使唔使咁近？ 近到我成晚聽到隔離個鬼佬打飽嗝😅 好影響食飯心情… 服務方面，待應好似好忙，忙到無同我哋介紹steak，以往明明佢哋會拎個tray出嚟present下d steak show off下，取消咗？🧐 算，當我係黎食steak，唔係食環境同服務，但係sorry，塊steak係失望！以前真係好食好多。成千蚊一塊steak，其實我會有期望，但係你望下隻碟有幾多血水滲出黎，係呀，一上枱已經係呢個狀態，切開就係更加多血水滲出黎，rest唔夠係咁㗎啦，仲好多筋，咁嘅質素，我去Dan Ryan食好過啦。講埋佢哋個signature 心太軟，一切閉，咦？無流心嘅？又一次玩弄我嘅期望🥲成晚得個蟹餅我覺得好食，食到一𢇁絲蟹肉，係足料嘅。總結一句，大不如前！千祈唔好去！同一價位，我去Grand Hyatt Steak House 食好過！ 起碼唔會嬲住走😇…Read More

兩人生日飯慶祝，二千幾蚊食物普通+女仔完全食唔飽一入去被安排坐在餐廳角落，完全遠離窗景，老牌古董裝修，廁所殘舊，佢枱面準備咗一啲生日祝福裝飾，其實枱枱都一樣，講真，有乜咁驚喜？坐咗冇耐就俾大大個包俾我地，淡淡地洋蔥味脆卜卜，係唔係非常之好味呢？正常囉，本來食少少留肚諗住一陣間有主菜食，好彩我冇叫佢收走，因為呢個包救左我個肚之後個龍蝦湯，飲左一啖真係黑人問號，太濃…濃到苦，好似食汁甘….主菜叫左龍蝦及牛…龍蝦味道正常，叫做有龍蝦味新鮮，但份量超級少，食兩啖就冇晒啦牛就真係好鞋，有牛味但似食橡筋咁…無肉汁…好普通囉…最後個甜品叫咗朱古力心太軟，好似係佢哋出名嘅？真係太甜，甜到唔飽既我都食唔到落去…好彩個包無收走…最後食包飽🥲如果佢食物質素好，份量少啲我都唔會投訴，但兩樣都唔得，埋單2千4…出面大把更好選擇如果覺得生日張枱有簡單佈置有影相個Menu寫自己個名好開心…環境又全英文好似好高級，呢啲門面嘢可能會有人會覺得值？作為壽星女，我食唔飽+食物質素普通，呢啲色水野無令我開心囉……Read More

nestled w stunning views of victoria harbour, this world-famous steakhouse is perfect for any special occasion or just a fancy night out:)every lobster dish we tried was claw-some! the freshness and flavours were spot on. portion size of baked lobster was bigger than expected. sides esp the crispy garlicky lyonnaise potatoes were also a hit. personally thought these were better than the steaks oopsfor desserts, their legendary choco cake was super gooey and addictive. but if ur not into sweets, u might want to skip this one hahabonus: we ordered the special occasion set menu x2, which came w complimentary bday decos, customised menus and a polaroidin our tums-appetisers 🦞maine lobster ravioli🥣lobster bisque mains🥩manhattan cut prime new york strip w bone marrow butter 10oz🔪porterhouse 24oz🦞baked fresh whole maine lobstersides🍟parmesan & truffle fries🥦sautéed broccolini🍋jumbo asparagus 🥔lyonnaise potatoesdesserts🍰dessert platter (NY cheesecake, crème brûlée, espresso pot de crème, choco dipped strawberry)🍩morton’s legendary hot choco cakeprice: ~$1200 pp rating: 7.5/10revisit? mayb…Read More