滿樂潮州 (東薈城名店倉)

Open Now

Now Closed

住東涌既朋友生左小朋友, 探完BB就去醫肚我地就去左東薈城睇下有咩食, 見到D間滿樂潮州勾起我地食潮州菜既慾望咁我地就入左去食入面都光猛, 枱同枱之間距離夠, 夠晒社交距離, 又岩吹下水冇幾耐就黎個兩個前菜, 甜甜地, 幾開胃鵝片+墨魚片D個係食潮州野必叫的, D滷水真係完完全全滲入鵝肉度, 唔只係流於得係皮度, 超級好味, D墨魚片彈牙, 好味蒜香梅汁蒸鱔片係夏天就最想食D酸酸甜甜既野, 職員就推薦左D個比我地, 食落唔單止個味逹到我地既要求, 個鱔片仲要係好彈牙, 好夾D隻汁, 職員推薦得好方魚肉碎粥咁主食我地就梗左D個方魚肉碎粥, 本身我想食蠔仔粥, 但友人原來唔食蠔仔, 咁醒目既職員就推薦D個, 食落其實就係蠔仔弼既冇蠔仔版, 方魚好香, 肉碎就增加左口感, 唔錯鴛鴦水晶包食飽梗係要食下甜品啦, 潮州既甜品都比較特別, 有D個水晶包, 個皮幾煙靭,  食落甜甜地, 幾好味, 口感幾好總結估唔到幾好味, 性價比幾好, 特別想推薦鵝片, D個必叫的!

放假同老婆去了大澳遊玩了一天，之後返東涌順便食晚餐才回家，今次就揀了一間食潮州菜的酒樓。店員會送上潮式花生及酸菜，非常開胃。本來想食滷水鵝，但老婆唔食鵝，唯有試其他。半煎煮馬友魚：馬友煮得超好味，以上湯炆煮至熟，湯底充滿魚肉鮮甜及馬友魚油的甘香，加上大量香葱及芫茜等調味，即使食到最後魚肉依然唔腥，魚肉甘香嫩滑，連湯都完全要喝掉，不要浪費精華。和味橙香排骨：老婆最喜歡的小菜，一上枱已經聞到刺激味蕾的橙香酸味，入口即時醒晨，酸味刺激味蕾，排骨炆得很腍，十分開胃。蓮子棗皇糕：棗皇糕裏面有粒粒的蓮子碎，非常有咬口，而且棗皇糕新鮮熱辣又不會過甜，煙煙韌韌又飽肚。

補番母道節果餐既食評🤣 媽媽最愛鮑參翅肚 所以試下依間東涌既潮州菜 提早慶祝所以好多位 坐得舒服～ 叫左個set 人均under $700 少少貴 不過媽媽食得滿足都值得😋✅ 龍鬚子母中蝦外面係脆脆 冇咩味 入面隻蝦夠大隻 但炸得耐左 少老✅ 紅燒潮州中鮑翅全晚最佳 媽媽大贊潮州翅好好食 同埋個底有蠟燭座住 令佢keep住熱✅ 蝦子海參伴鵝掌好肥美！滿滿既膠原蛋白 汁調得好惹味！✅ 脆皮炸乳鴿即炸熱辣辣！➡ 正常冇咩特別：瑤柱肉碎煮水瓜壽桃｜木瓜燉雪耳｜生果拼盤🦁 滿樂潮州東涌達東路20號東薈城名店倉地下22號舖尖沙咀彌敦道132號美麗華廣場一期食四方4樓405 號舖🦁 人均消費：$666｜推介：❣❣❣️❣️/5

這間位於東薈城的滿樂潮州，主要以潮州菜為主，多款地道潮式食品供應，還有多款套餐，適合一家大細光顧。父母親節都有套餐。先送上潮式小食。潮州咸雞花生咸雞雞皮皮下脂肪不多，雞皮爽口，雞肉嫩滑且有醃製過的咸味，下面以香脆的炸花生墊底，送酒一流。半煎煮馬友魚原條馬友略煎至表面帶金黃，再加上上湯煮至馬友剛熟，馬友魚皮有彈性，魚肉雪白嫩滑，而且鮮甜。鮮蠔仔泡粥蠔仔粥裏面有超多的蠔肉，每隻都脹卜卜，蠔肉鮮甜不腥，還有些炸至香脆的方魚，冬菇及肉碎，完全無味精，食完都不會口渴。

喜歡這飯店的食物比較淡口，不會落太多的鹽和味精，又近屋企，外賣加餸一直喜歡用它。但收銀姐姐的態度強差人意。是的，衹需買外賣，外賣沒有付服務費，但請你不要覺得厭煩，你公司需要每分每毫的生意，令客戶多走兩步不跟你們買是很容易的。

這家的開胃菜惹味的很，酸菜爽脆剔透，把我們的味蕾一下子就打開了，首先上來的是潮州鹹雞，半隻雞的份量剛剛好，不大不小，顏色是淡淡的醬香色，味道沒有客家得鹹，肉質緊實，很有雞味，我一口氣吃了好幾塊下肚。半煎煮馬友魚，馬友被煎的剛剛好，雖沒有乾煎的那麼金黃，但說到底因為是半煎煮，其實是多了鮮美的湯汁，伴著我喜歡的芹菜、小白菜，著實讓人喜愛。魚肉鮮嫩，沒有泥土腥味，配上一大口濃濃的湯汁放進嘴裡，真是美味極了。合味橙香排骨這是一到必食菜。對我而言，雖不喜歡豬肉去，但因為加了香橙，它的清香和甜蜜包裹住肉汁，吃起來絲毫不覺得肥膩，甚至讓我有種齒頰留香的感覺。接下來是我期待已久的這碗看似平常的的蠔仔粥，蠔仔看上去像白糯糰子，一個個圓嘟嘟、滑奴奴的，放進嘴裡，好神奇的感覺，因為入口即溶，好鮮嫩啊..... 粥裏下了很多大地魚乾，咸鮮味十足，再配上芫西的香味，分外好吃。

自從屯赤公道開通吉東涌真係方便好多，行完街就搵個地方食飯，選擇又多，真係weekend好去處鮮蠔仔泡粥－份量多，夠二至三個人食，蠔仔多，加入魚乾有小心思半煎煮馬友魚－馬友肉厚又滑，半煎煮仲有少少魚湯可以飲，魚湯鮮甜加上大量香芹同白菜，非常美味潮州咸雞花生－咸雞咸香入味，送飯一流，花生香脆，食唔定口和味橙香排骨－大大件排骨加上美味甜酸汁非常惹味，特別是香橙味濃又夾排骨連子棗皇糕－棗紅糕唔太甜，煙銀，加上蓮子特別得黎又多一層口感

哩日約左朋友去東涌搵食🤤 你無睇錯真係👉東涌! 唔打唔撞下(其實係不情願無奈下)係哩區碌左一段時間🙈放工喺東薈城食就最方便不過啦😄 入面有間潮州菜同事食過話唔錯，所以一於去試下。·🐖韭菜豬紅  HKD$58/小份平時去食潮州打冷既熱門潮式小品，份量都唔少，$58幾抵食👍 豬紅鋪滿哂成個碗，一咬即化好軟綿🤩 而韭菜箭底仍然保持到翠綠，口感keep到爽口😋·🥣咸菜豬肚湯  HKD$168個湯幾夠胡椒味，豬肚洗得乾淨👍 完全無膻味!! 咸菜醃得不錯，鹹香酸味足，口感爽脆。除左豬肚，湯亦用上豬肉🐖一起烹煮，令湯頭更加鮮甜😚·🐟椒鹽九肚魚  HKD$98/例賣相精緻有花心機😻 用紅色椒鹽粉砌成”味道”2字🤩 好有feel！九肚魚炸得香脆，雖然唔算好大條，但都頗有咬口，惹味香口😋·🐮清湯蘿蔔牛筋牛腩煲  HKD$128/例湯頭整得幾清無乜油，就算用左牛筋牛腩一齊煮都唔會好油膩👍牛筋牛腩口感軟腍，唔會硬磞磞，抵讚! 而白蘿蔔軟嫩無渣，入口順喉😽·🥣鮮蠔仔泡粥  HKD$78粥既質感係類似稀飯🍚 食後感覺飽肚。蠔仔份量多又飽滿肥美😻 粥品味道好鮮甜，而且還加入香芹、冬菇及肉碎一起烹煮，好豐富😋

從迎東村出到東薈城，都是10分鐘左右，在商場地下有很多食肆，見到這間潮州菜幾特別。現在還是四人限聚令，今晚兩個人都可以坐到大枱，每枱的距離亦很遠。潮州鹹雞花生潮州菜凍食是非常普遍，這一隻咸雞其實不是太咸，和想像的有點不同，雞肉亦鮮嫩，很容易入口，本以為要配飯一起吃，結果一件一件不停口，加上花生粒很香脆。和味橙香排骨每一件都大大嚿，香甜的橙醬汁配搭排骨肉，又酸甜又有咬口，靠近排骨的肉是特別滋味。蓮子棗皇糕這個是比較養生的傳統甜品，喜歡紅棗的味道，那個甜味感覺很滋潤補身。仔細看是分了一層層的，中間夾着蓮子粒。

平時食得多日本野，刺身、壽司、拉麵等，有時都想轉換下口味，今日入到東涌就試下啲潮州菜帶比味蕾新刺激。餐廳裝修同環境都算舒服，食物又唔差！前菜上左兩碟小食，分別係咸菜同蓮藕。蓮藕有驚喜，有別於一般爽口嘅形象，食落少少似糖冬瓜，令人好深印象。我地先叫左半隻潮州咸雞花生，雞味十足又嫩滑。我自己想食好耐嘅半煎煮馬友魚終於食到啦！平時食到嘅馬友多數都係煎或蒸。今次半煎煮令我有驚喜，一嚟煎過令魚嘅油份滲出，表皮焦脆，令味道豐富。再用湯煮嘅時候保持魚嘅鮮味，配埋麵豉、白菜仔等配菜，好食到停唔到口。食完魚再食道和味橙香排骨，同之前食過嘅香橙骨唔太同，佢地橙味可以用撲鼻而來黎形容。骨頭唔算大，肉嘅比例多，味道酸甜，好開胃。仲叫埋潮州菜唔少得嘅鮮蠔仔泡粥，食到蠔仔嘅鮮味之餘，同時又飽肚嘅感覺。我地更撈埋馬友魚嘅魚汁嚟個crossover，係成功嘅，又提鮮了。最後當然要叫返個甜品收尾。我個人本身愛食紅棗糕，而呢個蓮子棗皇糕食落有啲似馬蹄糕，裏面一粒粒嘅蓮子有咬口，紅棗味道突出，值得一試。

近排在東涌100區返工，經常在東薈城搵食，中午試過這間潮州菜價錢公道而且地方寬敞，就決定和潮州人老竇試試這裏的晚餐。【前菜】一碟花生一碟鹹酸菜，兩款都是酸味味的挺開胃。【半煎煮馬友魚】馬友除了製作成咸魚好吃外，其實潮州人亦會煎來吃，以前過年都會一大家人到嫲嫲家吃到煎馬友。這條魚份量十足，非常大條，有兩斤吧，外皮煎脆了，中間魚肉又幾結實，那個醬汁亦咸咸香香，不會太過濃烈蓋過魚的味道，而且馬友較少細碎骨頭，很容易入口。【鮮蠔仔泡粥】老人家就是喜歡吃這種半粥半飯的泡粥，一顆顆肥沃飽滿的蠔仔泡在粥面，咬落去彈牙又多肉，白飯就一粒粒索了湯汁，加上肉碎粒，都幾滋味！

呢排愛上潮州菜，近半年已經食過好幾間潮州菜館，質素都相當唔錯，其中滿樂潮洲東涌店嘅用餐體驗都令我幾驚喜。當日放工去食已經8點左右，帶住疲累身軀飲啖茶食啲小菜已經令人舒暢。先有餐前小食過吓口癮，咸菜係潮州菜常見嘅小碟。另外仲有紅棗蓮藕，紅棗甜味滲透蓮藕，蓮藕無乜牽絲更令人聚焦係佢嘅味道中，甜嘅蓮藕又幾特別。愛吃雞肉嘅我地點上一客潮州咸雞花生。半隻份量兩人分享都頗多，咸雞肉質幾嫩滑，花生特別香口，作為第一道菜確係讓我地胃口大開。朋友期望甚高嘅和味橙香排骨都幾出色，排骨每件都大大塊，肉唔柴又裹滿厚厚一層橙香汁。概念好似糖醋排骨咁，但多咗淡淡果香，相對無咁膩口。而汁醬酸度聞落好出，很來勁！重頭戲—半煎煮馬友魚整整全條馬友魚開半，香煎完再煮，又有煎過嘅香氣，又有煮嘅嫩滑，一味魚卻有兩種滋味。馬友魚本身油份頗高，食落魚肉嫩滑無乜刺，加上魚湯加持，真係超鮮嘅一道菜！更令平時少食魚皮嘅我無忌諱地食，真係有一種魔力。側邊更有蔥薑蒜、芹菜、冬菇等配菜，想食多點菜更有白菜仔作伴，一道豐富無可挑剔的馬友魚。蠔仔粥食得多，但呢度嘅鮮蠔仔泡粥都讓我刷新了對蠔仔粥的看法。粥食落相對從前吃過嘅清淡，更食得出食材嘅鮮味

今天朋友約我去東涌outlet shopping ，行完就去揾食，在商場地庫見到間潮州菜吊著幾隻滷水鵝，朋友睇見就好想食，咁就入去一試。餐廳坐位寬敞舒適，服務員介紹我哋食招牌菜滷水鵝拼墨魚片，鵝肉滷得非常入味，味道濃郁，墨魚片爽口彈牙有口感，連墊底的豆腐都十分好味。蒜香梅汁蒸鱔片，鱔片鮮甜爽口，配上梅汁酸酸甜甜好開胃！蘿蔔豬皮魚蛋就有少少辣。我最欣賞紅棗黑豆豬尾煲，依家好少潮州店有得食，用黑豆紅棗炆豬尾，豬尾炆得剛剛好，淋得來又有口感，食落感到好多骨膠原，黑豆又有補血供能，簡值係女人的補品！最後食埋甜品，叫咗鴛鴦水晶飽，整餐飯就劃上完美的句號！結賬都係食咗七百多元！認真超值！下次可以約多幾個朋友一齊來再食！

成年無飛 有少少掛住行outlet嘅感覺今日走左去東薈城行 然後順便食埋個飯見到地下有間潮州菜 媽媽話想食 咁就入左去好耐都無食過呢啲餐前小食 咸酸菜 同花生好有回憶嘅味道 對上一次食到係10+年😂我地㨂左潮州菜必食嘅滷水鵝片加墨魚片鵝肉滷得好入味 唔會太靱 墨魚片好彈牙滷水汁唔太咸 所以啲豆腐好好食店員介紹左蒜香梅汁蒸鱔片 第一次咁樣食平時多數係豆豉蒸 又幾特別喎 酸酸地幾開胃鱔片蒸得岩岩好 入口有啲咬口 底部大大埋薑同葱一齊蒸 一啲都唔腥重有我第一次食嘅紅棗烏豆豬尾煲豬尾好軟淋 好多骨膠原 個汁好入味配埋淋淋嘅烏豆 好好食 媽媽話做法好正宗最尾叫埋鴛鴦水晶包 晶瑩剔透嘅水晶皮一睇就知夠薄 配埋麻蓉同紅豆蓉一流順帶一提 呢間潮州菜價錢好平民 有驚喜

好高興和朋友去了滿樂潮州❤️，這家歸納了傳統潮菜，港式潮菜及南洋潮菜，三個派別的潮州菜🍽😋👍🏻📌椒鹽九肚魚🐟🐟（$98/ 例）外皮相當酥脆可口，椒鹽惹味，魚肉香滑細嫩，做到外脆內嫩的口感😋❣️👍🏻📌咸菜豬肚湯🐷🍲（$168）正宗潮州滋補暖胃的湯品❣️🐖醃菜鹹酸爽脆，豬肚爽嫩無渣，湯品中還有豬肉，以胡椒為調味主調，相當濃郁清甜🐷🐷🐷❣️📌清湯蘿蔔牛筋牛腩煲🐮🐮（$128/ 例）白蘿蔔入味無渣，牛筋爽滑軟嫩🐮，牛腩入味夠腍，牛肉味香濃😋是吃光光之選❣️👍🏻📌韭菜豬紅🐖（$58/ 小份）一道很熱門的潮式小菜，韭菜新鮮爽口，豬紅味濃，爽嫩夠滑😋🐖👍🏻❣️📌鮮蠔仔泡粥🦪🦪🍲（$78）蠔仔量多👍🏻，每粒飽滿🦪，粥品加入了香芹、冬菇、及肉碎， 提升鮮味🍲😋📌菊花茶🌼🌼🍵必點之選，菊花幽香清潤，飲落好舒適❣️🌼📌小食今之是咸菜和紅棗糖蓮藕，相當喜歡紅棗去了核，蓮藕軟糯😋😋😋😋