紅葉茶屋 (海之戀商場)

Open Now

Now Closed

牛肉壽喜燒定食 $138壽喜汁偏甜，我個人幾鍾意😋。但個牛肉非常之韌，係韌到正常出街食都唔會食到咁嘅程度，佢收百幾蚊俾啲咁嘅牛肉都幾失望😓。其他配菜就正常，佢個set 仲有麵豉湯同漬物，飯可以任添。海鮮四色茶漬飯 $148海鮮丼飯刺身就正常質素啦，但個飯有啲熱令到上面個刺身變咗有啲熟。不過我估佢本身個刺身都唔係雪得太凍，成舊係偏暖嘅，但都叫接受到。成個set最好食就係茶漬飯個蝦湯，個蝦味都幾濃，就咁飲幾好飲😂，撈飯都唔錯。至於其他環境衛生嗰啲方面都還好用。服務就一般，冇乜特別被服務過😂，連水都冇添到😓

紅葉茶屋 🍁MOMIJI-CHAYA もみじ茶屋 (海之戀分店)朋友聚會去左海之戀-「紅葉茶屋」🍁 元祖來自日本~鎌倉人氣日式餐廳我們每人叫左個定食：🔹️生薑燒豚肉定食🐷👍豚肉份量多，大滿足😋燒汁十分入味帶有少少薑味， 有生薑蓉可以加理一起食。再夾白飯食真係好好味我們一致認為三個裹面最好食嘅一個定食🔹️吉列豬扒定食🐷豬扒厚身， 吉列不算太脆， 可併日式酸甜汁帶出鮮味🔹️照燒雞肉定食🐔👍雞身好滑， 不太肥膩，燒汁十分入味，送飯一流以上套餐跟2個醃菜，白飯， 沙律菜伴碟， 麵豉湯 同加錢跟飲品 泡沫咖啡☕️( 伴碟有一個秋葉嘅碟仔上面有少許朱古力好靚🥰)，熱柚子茶，百香果茉莉花🍵( 好清新有啲甘草味，百香果 x 茉莉花味道原來咁夾👍)可以望出去見到荃灣西少少海景，還有秋葉樹🍁裝飾， 最靚是榻榻米房間，感覺好像去左日本。📍荃灣大河道100號海之戀商場3樓3012號舖

今次約咗朋友喺荃灣食飯😋因為朋友帶住小朋友，所以要搵間座位闊落啲嘅餐廳😆就揀咗呢間好容易搵位嘅紅葉茶屋 ☺️全木系嘅裝修，我哋坐嘅位仲有紅葉襯托嘅海景添🤩另外仲設有榻榻米座位，對正海景好正好開揚🤤成個環境感覺好日系，和風味滿滿🏮🥘和牛肉壽喜燒定食 ($178) 有普通牛肉同和牛壽喜燒兩種😁冇後悔加多少少錢叫和肉😛肉味濃，肉質又軟腍😋蔬菜種類多又吸汁，醬汁偏甜同偏濃味，但就好好撈飯🤣🤣🤣🍜柚子香蔥蜆肉烏冬 ($85) 擺盤好靚😍好多蜆，仲要望落隻隻都好飽滿🤤蜆肉肉厚鮮甜，烏冬夠煙韌彈牙👍🏻唯一缺點係柚子香唔突出，同鏗魚清湯烏冬分別唔大😅😂😂🧀抹茶雲石紋芝士蛋糕 ($55) 賣相叫人失望😔只係蛋糕面層畫咗少少雲石紋，並不如menu上成個蛋糕都佈雲石紋😂兩層芝士慕絲夾住一層抹茶慕絲，芝士味濃但略厭蓋過抹茶味🍵但以芝士蛋糕來講味道唔錯🫣

【日本過江龍·木系抹茶控茶屋🔥😍】/////由日本鎌倉過江龍到香港嘅餐廳 開左幾間分店 依然人氣爆棚 試過節日想book位好full😳定食有多款牛肉壽喜燒 都有拉麵 甜品等～環境全用木系裝修 裏面更加有近海景 紅葉裝飾嘅塌塌米座位 充滿日本特色🤘🏻.｜鎌倉紅葉茶屋抹茶提拉米蘇 ($58)提拉米蘇充滿香濃抹茶粉 抹茶味微甜回甘一層層幼滑忌廉以及濕潤海綿蛋糕🍵🍰｜鹿兒島黑毛一口和牛定食 ($138)牛肉非常軟腍 配搭蘿蔔蓉口感更豐富😛定食包埋麵豉湯 小食 珍珠米 好飽肚yaaaa｜黑麻油濃厚豚骨湯拉麵 ($98)散發黑麻油香氣 豚肉切薄片口感軟腍😁拉麵吸晒湯底嘅精華 掛汁又爽滑｜炸餃子 ($38)餃子外皮炸得脆卜卜 内裏肉質香口 幾抵食——-📍紅葉茶屋 (海之戀商場) (荃灣)荃灣大河道100號海之戀商場3樓3012號舖

本人於4月14日晚上8時用膳， 當時未有開啓取票系統，只表示冇位。隔5分鐘再來 再問亦表示冇位，但只開了取票系統對空氣講「拎票」，然後一位女孩立即取票並立即可內進用餐，員工對本人家庭及bb未有理會，直至我向其他員工投訴先給位置，此次經驗十分差，希望正視。該員工戴黑色粗框眼鏡，身形瘦削，較為年青，感覺愛理不理。香港的餐飲業服務質素一直被人劣評，公司應該做好員工管理，定期檢討員工質素，進行一下訓練。希望不會再有同類事件發生。

同朋友行完DonDondonki 想食個清新晚飯 就食呢個日式刺身茶漬飯 之前係另一間都食過一次覺得幾好 呢間裝修都幾靚 仲有榻榻米座位 我地叫了兩個茶漬飯 刺身幾新鮮 配合蝦湯同魚湯 兩種食法 兩種滋味😋🌸 食完之後我哋仲叫咗甜品 抹茶紅豆白玉 🍵都好好味 清新又冇咩負擔 甜品又好味 日本風情日完滿🌸

少見荃灣有咁和風式裝修又咁大間既餐廳，於是我行完Donki就決定入去試吓，叫咗個溫泉蛋卡邦尼烏冬同士多啤梨窩夫，結果個主食黎到，我竟然見識到咩叫做圖片只供參考😕，係唔完整既溫泉蛋🙄一邊白色一邊透明，食落口個烏冬味道好淡，搞到我完全無意慾食，好彩個甜品整得好靚😊，食完個甜品即刻個心情好番好多，最低限度唔係淡希望餐廳可以改善一下主食既味道同賣相啦，如果唔係浪費哂咁靚既裝修，環境舒服又有戶外空間。

提早一星期預約及預留卡座。比預約早到已經可以直接入座。用手機點餐，勁好。因為小妹我大食同肚餓。所以餐廳好好，俾我免費多添一碗白飯。🙈🙈🙈🙈我叫咗個增量嘅牛肉壽喜燒。湯底味道剛剛好。唔太甜或咸。宜家仲有一隻溫泉蛋可以掂牛肉嚟食。個口感同味道太幸福了吧。湯底里嘅蔬菜都俾我食晒。因為湯底真係太好味。食完定食+2碗白飯同炸南瓜餅+炸牛肉薯餅後，我地仲叫埋期間限定嘅甜品。呢間服務好，食物好，環境好嘅晚餐。正呀！👍🏻👍🏻👍🏻👍🏻

今日尊登去荃灣海之戀商場入面有間人氣極盛的日式茶屋食lunch, 入到去嘅感覺完全係100%日本食店的感覺，裝潢全部用日式木系，再加上一個面向無敵海景的榻榻米位置，而窗外更望到紅葉的裝飾，勁有日本氛圍。🥢 牛肉壽喜燒定食 👉🏼 既有牛肉的鮮嫩，又有蔬菜的清新，還有醬汁的甜美，讓人一吃難忘。🥢 腐皮壽喜燒定食 👉🏼 腐皮壽喜燒的口感既有腐皮的韌性，又有蔬菜的清脆，還有醬汁的香甜，三者相互融合，能帶來愉悦的味蕾體驗。🥢 生薑豚肉燒定食 👉🏼 豚肉夠晒鮮嫩口感，肉質飽滿，咬上一口，肉汁四溢，令人陶醉。配合生薑的加入，為這道菜增添了獨特的清香。🍵 熱忌廉抹茶拿鐵 👉🏼 忌廉的絲滑與抹茶的香醇交織在一起，帶給一種獨特的味覺體驗。🥄 鎌倉紅葉茶屋抹茶提拉米蘇 👉🏼 綿軟的蛋糕與奶油、芝士等完美融合，入口即溶化，與抹茶的味道相結合，形成一種既清新又濃郁，既綿軟又豐富的口感。🧁 抹茶蕨餅新地 👉🏼 口感既有蕨餅的韌性，又有抹茶的清香，再加上軟雪糕，不僅提升了整體的甜度，也為口感增添了更多的層次和變化。

去咗紅葉茶屋，係一個好正嘅體驗。呢間位於海之戀嘅日式茶屋，係一個寧靜嘅角落，好適合搵個friday night慢慢嘆返個fine dining。由MTR荃灣西站行少少就到，交通都算方便。一入去就見到佢嘅木系裝潢，有種溫暖又回歸自然嘅感覺，加上榻榻米嘅設計，坐喺度食飯，感覺好似真係身處日本。窗外就係汀九橋嘅景，視野開揚，一邊食飯一邊望住海景，真係享受。豪華海鮮丼茶漬飯（香濃蝦湯）$168，係將鮮味蝦湯倒落配咗各式海鮮嘅飯上面。海鮮包括甜蝦、吞拿魚、三文魚、帶子同魚子，新鮮又好食。嗰陣暖笠笠嘅湯汁滲透晒入飯粒，令晒海鮮嘅味道更加突出，食落既滿足又過癮。這種吃法簡單直接，卻能品嚐到食材的精髓。炸牛肉薯餅$35，熱辣辣出爐，賣相吸引。香蔥柚子蜆肉烏冬$85，又係另一款令人驚喜嘅選擇，湯底入味，蜆肉鮮甜，香蔥提味，烏冬Q彈，成碗食落去好滿足。至於甜品同飲品，鎌倉紅葉茶屋抹茶提拉米蘇$58同冰抹茶拿鐵$25都係必試。抹茶提拉米蘇味道夠濃，口感綿滑，而冰抹茶拿鐵就正好解膩，清新得黎香味足，完美結束呢一餐。總括來講，紅葉茶屋嘅食物、氣氛同服務都係一流，下次想再享受一個悠閒嘅dinner，我一定會再嚟！

見有咁多笑面，應該伏極有限，就選左呢間坐得思服嘅日式cafe試下。已經選最難唔好食的壽喜燒，都中伏。1黎壽喜selling pt係熱碗上，暖的。。。2 黎精粹係牛，已選中檔次和牛，bowl 上的和牛已熟透， maybe唔熱關係，食落仲有d騷味。。。3黎壽喜燒汁，都係死鹹。。 打算叫多碗最穩陣叉燒拉麵補償下，都可以死鹹, 叉燒實的的。。。只有dessert食得過，main dish真的要努力改善，不要浪費左個思服vibe的cafe裝横~~

餐廳最裹面有幾張和式用餐區感覺就像在日本吃飯一樣要先脫鞋再坐到榻榻米上吃整個環境的裝飾非常有心思˚✧₊海鮮四色茶漬飯 𝟰 𝗸𝗶𝗻𝗱𝘀 𝗼𝗳 𝘀𝗮𝘀𝗵𝗶𝗺𝗶 𝗿𝗶𝗰𝗲 𝗯𝗼𝘄𝗹 + 𝗼𝗰𝗵𝗮𝘇𝘂𝗸𝗲 ($𝟭𝟰𝟴))有齊三文魚、藍鰭吞拿魚、甘蝦、魚子非常豐富新鮮可以當刺身飯沾𝘸𝘢𝘴𝘢𝘣𝘪吃鑄鐵茶壺內滿滿一壺龍蝦湯吃膩了又可以加入龍蝦湯伴飯吃暖暖的很美味˚✧₊和牛肉壽喜燒定食 𝗪𝗮𝗴𝘆𝘂 𝗕𝗲𝗲𝗳 𝗦𝘂𝗸𝗶𝘆𝗮𝗸𝗶 𝗦𝗲𝘁 𝗠𝗲𝗮𝗹 ($𝟭𝟳𝟴)和牛肉質嫩嫩的壽喜燒已把和牛煮得剛好另外還有蛋液把牛肉浸上蛋液，更加滑溜甜甜的湯頭伴上菜、豆腐和洋蔥一口米飯一口牛肉真是享受 兩個主要均附有前菜和漬物牛蒡絲和醃蘿蔔非常提升食慾˚✧₊和風炸雞盛合 𝗙𝗿𝗶𝗲𝗱 𝗖𝗵𝗶𝗰𝗸𝗲𝗻 𝗦𝗲𝘁 ($𝟯𝟱)盛合有雞全翼和炸雞球最愛芝麻雞翼，炸得香脆可口配上檸檬汁和沙拉醬令味道更多變化˚✧₊熱忌廉抹茶拿鐵 𝗖𝗿𝗲𝗮𝗺 𝗠𝗮𝘁𝗰𝗵𝗮 𝗟𝗮𝘁𝘁𝗲 ($𝟮𝟱跟餐可以加錢配飲品熱忌廉抹茶非常吸睛抹茶有淡淡海苔香、也有少許苦澀味配上熱忌廉和朱古力可中和抹茶的苦澀˚✧₊冰抹茶拿鐵 𝗜𝗰𝗲𝗱 𝗠𝗮𝘁𝗰𝗵𝗮 𝗟𝗮𝘁𝘁𝗲 ($𝟮𝟱)冰

呢晚再次嚟咗荃灣呢頭行街 又諗起呢間日式餐廳✌🏻 因為上次嚟覺得感覺氛圍都唔錯 呢晚就叫咗啲上次冇食過嘅菜式牛肉壽喜燒定食牛肉喺壽喜燒汁入面份量都幾多 而且唔會太肥 側邊嘅配菜仲有椰菜 菇菌 豆腐😎 真係一個健康之選 最值得推介嘅係佢嘅溫泉蛋配飯好正😊 定食仲包括兩款開胃漬物 醃白蘿蔔同牛蒡🥕 另有碗麵豉湯 海鮮四色茶漬飯入面有三文魚 吞拿魚 赤蝦 同埋三文魚子 茶漬飯有兩個食法 只要根據指示卡 就可以輕鬆試到兩款口味😚 茶漬飯可以選擇湯底我地揀咗香濃蝦湯 蝦嘅味道同埋海鮮飯好夾 我就比較鍾意加咗湯嘅食法😻鎌倉紅葉茶屋抹茶提拉米蘇呢個可以用優惠價加配 見到幾乎枱枱都有嗌呢個甜品😂 tiramisu由蛋糕 抹茶粉同埋cream製作而成 層次分明 不過cream嘅部份比較多🍵抹茶雲石紋芝士蛋糕睇相已經好想嗌呢個芝士蛋糕 果然嚟到個賣相同幅相一樣咁靚🧀 味道方面芝士蛋糕嘅底層並唔係餅底 而係真係一層薄薄嘅海綿蛋糕 而上面嘅抹茶芝士味道幾夾🍰 側邊仲有啲脆米同埋士多啤梨果醬飲品套餐可以用優惠價加配飲品 我哋嗌咗一杯Asahi Super Dry同埋冰抹茶拿鐵☕️ Asahi啤酒足足有500ml好

日式餐廳紅葉茶屋各來質素有保證，今日第一次黎到荃灣分店, 原來窗邊可以望到海景🥰真係幾唔錯! 叫主食嘅話仲可以優惠價加購飲品,小食同甜品, 非常抵! 同朋友叫咗多款食物share: ✨🍲牛肉壽喜醬汁烏冬 $98✨🍨抹茶蕨餅新地 (+$35)✨吉列豬扒滑蛋丼 $118✨🥟炸餃子 $38✨和風炸雞盛合（雞件/雞全翼）(+$35)✨明太子雞翼（2件）$68✨🍵抹茶拿鐵抹茶絕對係店家嘅招牌產品,每次黎都食叫! 個人非常推薦抹茶拿鐵同抹茶蕨餅新地, l 香氣濃郁, 又唔會苦澀! 佢嘅小食絕對值得加配埋, 全部即叫即整, 冬天食特別滋味! 整體黎講, 食物質素幾好, 價錢又唔貴!

繼續發掘下荃灣好嘢食🤭一search之下先知紅葉茶屋原來都有唔少分店，不過海之戀呢間都幾隱蔽，平時呢層比較少人上嚟，仲整咗啲紅葉樹同榻榻米，都有幾個打卡位🍁牛肉壽喜燒定食$138定食包左漬物、溫泉蛋同麵豉湯，牛肉份量幾多，肉質嫩滑，配上香軟珍珠米飯😋😋perfect🍁腐皮壽喜燒定食$108腐皮份量比想象中多～湯底同配料同牛肉壽喜燒一樣，適合素食者，湯底清甜🍁生薑燒豚肉定食$118豚肉調味唔錯，肉汁juicy，另有一大勺薑蓉自己蘸，帶微微焦香🍁熱抹茶拿鐵+$25呢個絕對值得加，抹茶味好濃，而且牛奶味好重，仲配咗幾粒石頭朱古力，唔會太甜，亦冇綠茶嘅澀味，好飲🫶🏻🫶🏻🍁熱忌廉抹茶拿鐵 +$25抹茶拿鐵上面再加咗一大圈忌廉，略為有點膩🍁熱檸檬紅茶 +$15鎌倉紅葉茶屋抹茶提拉米蘇 +$35細細一客，同朋友share食每人一啖🤣忌廉味較重，普普通通