萬豚屋

Open Now

Now Closed

晚上1個人上完堂搵飯食，去到門口已經聞到好重黑松露味，等左30分鐘，叫了個醬油豬軟骨稻庭烏冬配香菌濃湯(加一後$103)。烏冬和湯是分開上的，湯用石鍋上，熱但不是滾的，我一開始不覺得有問題，但之後坐我旁邊的石鍋送到時是滾著有泡泡的，不過我自己不喜歡吃太熱的東西，所以只是熱我都OK。一吃才發現，香菌濃湯的「香菌」，原來是大啡磨菇和黑松露，我不喜歡黑松露的味道，所以覺得少伏....只怪自己沒看清餐單，我以為黑松露這算貴價&味道特別的食材是會寫在餐牌上，因為我沒看完整個餐牌，見到「香菌」二字就叫了，完全沒想過這佈滿整間餐廳的黑松露味原來是來自香菌濃湯。醬油豬軟骨方面，味道OK，不算十分特別，跟我家樓下屋村商場那家日本餐廳差不多，但是！豬軟骨只有約1/3連著肥膏的部份是軟、可以入口的，其餘2/3，簡直乾過我銀包....唯一值得稱讚的是，萬豚屋竟然唔搭枱。

是日在尖沙咀辦完正事 時間尚早 去試試人流不絕的萬豚屋先～～相公係店子裝修前食過 我則是初體驗呢～～當時1時半左右 去到竟然即有位 入去坐定定無耐就開始多人了 超好彩好！食野！香菌濃湯厚切豚肉手打烏冬 $86 餐廳以石燒烏冬作主打 是次選了料理長推介湯底可選香菌濃湯/ 魚介豚骨濃湯/ 香辣三色味噌湯以及黑蒜油豚骨湯菇菌控的我自是選了香菌濃湯了 店員緩緩端上時 噗滋噗滋的 目見牛肝菌 翡翠苗等 食指大動了！厚切豚肉亦絕不欺場啊 有嚼口脂肪比例亦平均！湯底帶有濃濃黑松露香 配合豚肉的鹹香 中和了飽膩感！手打烏冬Q彈 吸收了湯頭 讚！香菌濃湯厚切豚肉稻庭烏冬 $94 相公選的是相同口味 只是配稻庭烏冬 烏冬是另上的 同樣好味 只是更扁更Q彈 個人覺得配手打烏冬已經夠了木魚豚肉玉子燒 $52 一般有點像大阪燒一類的製法 紫菜木魚沙拉醬都太多了 把蛋香都淹沒了還是喜歡平日玉子燒的純粹 而且 豚肉餡料太老了 不怎麼嚼得動 這道不推薦總體來說 烏冬的驚喜度和CP值都很高 會再來的

今日同男朋友仔係尖沙咀覓食佢話想試呢間舖頭好耐 趁著今日紀念日試下今日天氣幾凍侍應安排我地坐係對正門口第一張台好凍我地叫左三樣食物生牛肉烏冬唔記得影相不過佢普普通通無咩特別不錯個野菌湯底就好正

上星期本來想同老公去尖沙咀某間店舖食石燒湯烏冬，因曾經同阿女食過好正的，但由於係喺啲橫街窄巷，記吾起喺邊度，所以放棄咗。今日又去尖沙咀，終於再次找到間店舖，於是再去食過！諗起都流口水店鋪裝修都幾得意，牆上有好多豬仔嘅圖畫，每隻豬仔身上都有唔同嘅圖案或衣服，幾有東瀛feel，木餐枱嘅邊係彎彎曲曲，好別緻。食物主要係石燒湯烏冬，但都有幾款飯和小食可供選擇。醬油豬軟骨手打烏冬 ($82)選擇魚介䐁骨湯底 , 因為上次試過香菌濃湯底。湯底聞到已經好香，飲落已經要動起隻手指公，非常鮮甜香濃。烏冬煙靱度適中。豬軟骨大細共有三四嚿，非常入味，而且好唸好鬆軟。窩蛋浸落啲熱湯度冇幾耐就變成流心蛋，好正。輕輕把菜苗仔浸熟再食，爽得嚟又帶點草青味，感覺好 fresh。除咗菜苗仔，仲有大量粟米粒，食極都有。Daily Catch 海鮮手打烏冬 （$92）同樣選擇咗魚介䐁骨湯底，海鮮料有蝦、蜆和蟹柳，其他配菜則一樣有窩蛋、菜苗和栗米粒。由於有海鮮餸料，所以湯底特別鮮甜美味。湯烏冬是用石鍋盛載的，上枱時湯還在滾，一邊食一邊冒着煙，冬天食佢是最好不過的選擇！之前食過好幾間石燒湯烏冬，覺得呢間最好食！

要食豚肉，尖沙咀都有唔少選擇。原先就想食吉列豬扒既，誤打誤撞都好搵左間食豬，不過原來主打拉麵同個湯底既。睇OPENRICE既評價都幾高，就試試喇。總括而言，依間野係行民間小鋪，土炮小店的，所以就唔好同吉XX果D吉列豬扒專門店比了感覺味道算普通，沒太大驚喜吧，就是間地區小店，唔好比任何期望係佢任何一款豬肉上面其實佢係賣湯底.....普通~厚燒十勝豚丼調味一般日式，厚切肉不過肉幾乾硬。燒得都唔錯，豬油亦香。正~萬豚屋雜菌湯底，比得個「正」佢因為我諗真係得依間鋪先有得食，亦都好濃厚。同拉麵普通襯。伏~比番個伏塊吉列豬扒先，其實佢係好普普通通既炸豬扒，無咩麵包糠，無鬆軟既豬肉.....PS:我位用餐伙伴話鋪頭有陣臭味，可能依D野就睇你果日好唔好彩

天氣開始轉涼 係時候食多啲熱野☺️ 呢間出名石燒手打烏冬 peak hour都幾多人排隊～----------石燒手打烏冬上級厚切豚肉 香菌豚骨濃湯 ( $66/2件 $76/$4件 )濃郁嘅足料豬骨湯底 濃到有啲漿住嘅感覺 加入黑松露 大蘑菇 後更加香濃滋味😎如果唔中意松露味 又想試濃豬骨湯底都可以揀#魚介豚骨黑蒜油豚骨 🤗 而出名嘅厚切豚肉炆得好入味好淋 脂肪入口即融 好舒服☺️-上級美國牛肉 香辣麵豉 ( $72 )辛辣係落左韓國嘅辣醬 分大中小辣 味道偏鹹🤔 牛肉都濃味夠厚 份量都唔少😆兩個石鍋手打烏冬夠哂彈牙煙韌 掛湯能力都唔錯 再加埋生蛋 豆芽 成個鍋都幾豐富😙-小食方面就試左胡麻醬油冷菠菜 ($18) 同埋唐揚一口雞 ($24/3件) 話就話一口 其實都幾大件🤔 炸皮唔厚 嫩滑多汁 有少少脂肪但唔太膩 調味都唔太濃烈 點埋個沙律醬食就最啱😝-*烏冬或飯類送咖啡或茶*另有凍手打烏冬同丼飯選擇*需另收加一服務費

曾幾何時，萬豚屋係尖沙咀其中一間最有代表性之一嘅日式烏冬店。記得好多年前去過，夜晚6點半，已經出現排隊人龍。的確而家日式拉麵/烏冬店愈開愈多，連過江龍都有好幾間，每間嘅質素都好高。星期日下午3點，未食晏，嚟到萬豚屋門口，一個人都無，以為下午休市。但經過嘅時候見到佢仲有一個鐘先落場，一於再入去找尋那些年的味道。叫咗個厚切吉列豬扒配香箘湯烏冬。隔咗一陣，待應就棒住個石窩上枱。上枱時，湯底仲滾緊，待應都細心地提醒我小心熱。香菌湯底好香，好香，好香！！好重嘅菇味，好濃郁，奶白色嘅湯飲咗一啖就停唔到口。吉列豬扒另上，防止浸濕脆口嘅外皮，粉漿唔厚，而且因爲用上厚切豬扒，炸完都仲係好Juicy. 烏冬彈牙唔會因為煮得過時而淋晒。以石窩上更加可以保持溫度，湯度唔會因冷卻而有油浮面。咁耐無嚟過，今次再食一樣覺得咁好味。水準保持得咁好，喺尖沙咀地段，只係$60-$70 一set (烏冬+ 飲品)，難怪咁多年仍然 屹立不倒！

近排，天氣涼涼地，開始想搵d 暖既野食，所以就黎左呢度，等左20~25分鐘就有位。一入到去間鋪，都覺得好暖。同埋見到好多人都食石燒烏冬。好吸引甘。呢間鋪，佢地既野食係要客人自己填落張落單紙上，劃低自己想要既野食就遞返張紙比店員。我就嗌左牛肉手打烏冬(香菌湯底)，野食大概等左15分鐘左右。香菌湯好濃，好夠熱，好重既菇味，野菌味，好好飲，佢仲有埋野菌係入面，幾好食。牛肉都好新鮮，唔會"鞋"。個烏冬好有咬口，唔會林晒，好好味。下次再凍d，一定會再過黎食。

同事介紹這間萬豚屋他說湯底很令人回味去試了一次之後，果然被湯底吸引了之前已經堂食了幾次今次買左外賣，唔知味道會唔會不同我同同事分別叫了吉列豬扒同豬軟骨烏冬我地都選擇左香菌濃湯雖然只是有大蘑菇在湯入面 但卻散發陣陣類似黑松露的味道身為黑松露控…對這個湯底簡直欲罷不能堂食餐廳會用石頭鍋上所以外賣的湯自然沒有堂食的熱沒有辦法…lunch時間這裡實在太多人所以唯有外賣除了湯底~吉列豬扒雖然是外賣，但依然脆口豬軟骨入口很冧身湯中還有溫泉蛋蛋黃混入湯中更顯濃郁整整一碗湯都飲光了~外賣其實不錯~但堂食就更好味了

黑蒜油，味濃，香，但相對湯嘅味道偏鹹，豚肉煎餃不彷一試…………已經好耐無去，剛好呢幾日涼咗些，突然心想起食石鍋烏冬，腦中就浮現××一番，和萬豚屋。大慨六點幾到，不用等位，直接入坐……如果7pm 後，就要排隧囉

呢間鋪頭平時呢夜晚一定好多人排隊。今日諗住食晏晝，咁岩行呢一邊，見到間鋪竟然冇人喎，咁更要加入去試吓啦。中午嘅餐單有烏冬，飯啊有豚肉有牛肉。叫得萬豚屋都係食豚好啲。湯底，竟然係香菇嘅湯底wor，冇得唔試啦。其他嘅湯底都係一般食烏冬有嘅麵豉同大骨濃湯，所以都唔考慮啦。我揀左 「上級厚切豚肉烏冬」。烏冬係由熱鍋上嘅，因為天氣又涼餐廳又凍嘅關係感覺非常溫暖。香菇湯嘅香味係完全散播整個餐廳，味道非常濃郁。個烏冬係非常彈牙，加埋呢個香菇嘅濃湯呢系非常之夾。至於個主角豚肉，肉質係非常林，入口即溶，即使有脂肪都唔會覺得油膩。至於隻溫泉蛋可能係熱鍋中煮得耐，因為我根本冇留意有隻蛋係底，所以係熟過頭。至於朋友的吉列豬扒湯烏冬，塊吉列豬扒都好鬆脆，味道都唔錯，個粉漿唔會好厚，而且塊吉列豬扒都幾大塊。整體上，$60幾至＄70幾食到碗咁有質素嘅烏冬，仲有杯嘢飲都幾抵。呢度仲有免費Wi-Fi，非常好。

最近再次來万豚屋食烏冬，門口和室內都裝修過。室內燈光明亮了好多，牆壁上畫滿了不同設計的豬型圖案，增添了一點藝術色彩！食物方面，menu好像有少許改變，我點了主打菜「香菌濃湯豚肉手打烏冬」，石碢依然是燒到好熱，湯底香濃不太鹹，豚肉鬆化。另外朋友想試試「醬油豬手」和「北海道燒帆立貝」，豬手炆得幾入味，分量很大，兩個人吃都好足夠。帆立貝幾新鮮，加埋芝士、沙律醬之類來燒，味道很creamy! 總括來說，食物keep到水準，環境比以前舒服了，可以再來：）

今日天氣涼返少少，決定去食下好耐無食既萬豚屋。一入到去見到竟然裝修過，光猛左好多，好有藝術氣息，但係見到啲人唔同晒餐牌亦都有啲唔同，果刻有啲擔心。我同朋友每人叫咗一個花甲手打烏冬同一個海鮮稻庭烏冬，加一杯朱古力。杯朱古力甜到想嘔，得糖味無朱古力味海鮮烏冬先嚟到,香菌湯底，個湯底竟然唔係好熱不過海鮮算多，湯底個味道雖然唔錯但同之前唔一樣，稀左好多，亦都冇咁creamy，即刻失色左。花甲魚介手打烏冬湯底夠熱，可惜都係好稀同淡，唔會再好似之前咁飲哂成個湯啦。花甲算多，可惜有殻有碎左，差啲咬崩牙。烏冬比之前幼啲，無咁彈牙。係熱湯道耐左會變到好淋，之前係放左段時間 都係好煙銀總括黎講今次唔係唔好食，不過變得好普通，無之前咁好食咁有特色，唔再係我食烏冬既首選

好一陣子没来這小店，聽在尖沙咀工作的朋友説她裝修過便借故再去回味我的至愛……黑芝麻濃湯烏冬進店後感覺光猛咗，兩側牆上手繪咗不同形態和色彩的Q版豬，很有趣又添幾分藝術感，坐下提起Manu,一看…失落!很想回味的黑芝麻濃湯烏冬下架了唯有睇睇有乜新嘢，其字實店内都有我的second best嘅最终我和朋友們選了:鲜蟹肉野菜沙律,牛油炒巨菌,醬油豬手…這些都不是新菜式但保持水準,甚或有点進步!這裡我不多評論.要講嘅係万豚屋嘅靈魂食品:濃湯烏冬今次我們點了"厚切豚肉手打烏冬-香菌濃湯"這個真的好到不得了香菌濃湯在火熱的石碢盛載著，香味在上枱途中已經吸引了我的味覺，口水開始不自主地在口腔內泉湧，一放上枱我立刻出手，飲頭啖湯呵呵這個湯底本来野菌味已經不俗，它還加入我的favour黑松露令這個香菌濃湯有咗高貴嘅個性厚切豚肉和烏冬變成配角，湯最终比我包底飲清光我位朋友，他喜歡辣，點了"牛肉手打烏冬-香辣麵豉湯"，我也有食，牛肉大片有肉味，生生哋食牛肉味更鲜，手打烏冬真有一手，好彈牙，非一般烏冬店可比朋友的女朋友喜歡清淡一點，點了"海鲜手打烏冬"這個比我們點的貴10幾蚊，有新鲜花甲，帆立貝，大蝦和蟹柳等，

同事話好耐冇黎過萬豚屋食烏冬，於是我地2點黎到，等左10分鐘到就有位喇。我例牌都會叫吉列豬扒烏冬野菌湯底 等左一陣就上枱喇！見到D湯有水滾既泡泡，個鍋燒到勁熱，大家要小心D唔好掂到啊。個湯超正，超級香野菌味，我通常食法都係一啖烏冬一啖湯，每口都充滿住濃郁既野菌味，我次次食都係差唔多飲晒D湯咁濟而吉列豬扒非常脆，粉漿亦好薄，沾上沙律醬更滋味。大致上唔錯，唯一有不滿既就係，店內用既香薰味道不太討好…一入店已經聞到好大陣味，如果改善下，會食得舒服好多。