Video
Additional Information
營業時間: 下午5:30 - 早上5:00
Above information is for reference only. Please check details with the restaurant.
同男友入黎睇完樓, 行下行下行到呢到, 見門面都幾光猛又幾多人食, 我地決定試下呢間...我地唔坐入面, 坐左出面對住大樹, 隔離就係幼稚園, 都幾搞笑!!!我地兩個邊爐痴梗係例牌打邊爐啦, 叫左豬骨湯底, 湯底麻麻地; 唔係筒形豬骨, 而係一舊舊既豬骨...材料新鮮程度一般啦, 不過不失, 但係佢地真係唔夠人手囉, 叫人要叫幾次先有人應囉!!! 叫左一打10蚊3支既啤酒, 埋單二百二十幾!
continue reading
十一月五日星期日阿Mo剛從上海回來,好想打邊爐. 上網睇見話千色後面有間有間豬骨煲, 便出去查找一下落到車,阿Mo話淨係見到間明樓好多人打邊爐, 有o的人仲坐到出門口, 咁就試試啦坐響門口, 幼稚園操場前面, 好在天氣唔係好熱. 都有話有o的秋意. <明樓海鮮火鍋>個招牌猛咁閃收費模式: 五十八蚊一位豬骨煲三十八蚊食物方面:豬骨煲- 清清的. 跟豬骨煲來的蘿蔔片批到好薄, 吸o左o的豬骨湯都幾好食游水鮮蝦都好鮮甜, 但每人分配得四隻其他食物尚算新鮮, 但無甚特別埋單: 一百蚊一個人. OK啦
continue reading
因為之前大病出院,今日班老友約左呢道晚飯小菜,即係呢個星期第二次。 一行五人夜晚七點半到達,先點左小食,例如燻蹄、三文魚魚生、白雲鳳爪、椒鹽豬肚及乳鴿等品嚐。各類小食特價時段只能夠叫平,但並唔突出。 後叫小菜有梅菜扣肉煲、瑤柱蝦乾浸白菜、芋頭扣肉煲、芋絲骨髓通菜煲、香醋排骨、沙律海鮮卷及干炒牛河等,另叫左一蚊一籠糯米蟹飯。 菜出得都幾快,食物賣相唔錯但味道一般,最唔滿意就係在場侍應不足,睇見全場除類似左主任經理忙於處理其他事項外,真正招呼人客好似只有兩個阿姐及一個阿哥,其餘好似有兩個傳菜阿姐。我由七點多坐到十一點多,期間就係隔一段時間叫以上某一樣菜式,另班朋友飲左十七支大啤酒。全程都好似俾在場侍應遺忘左一樣,我只好搵啤酒推銷女郎,義務幫我上菜、落單及追單等。我眼見果班類似經理主任,見到啤酒女郎招呼我,就算我叫佢,佢都好似借左聾耳陳對耳,一於掂行掂過詐聽唔到,擺明食硬啤酒女郎做埋佢果份。 十點半我女友由九龍收工到達元朗,我去車站接佢過,再叫多兩個一齊食,坐至十一點半埋單,盛惠一仟零八十九蚊。 坐左咁耐食左咁多價格一般,但冇人招呼果方面真係唔要得,如果俾著其他較講究服務人客講,可能唔會接受同再幫襯添!我個人覺得如果去第二酒樓,食個一仟蚊左右四至五人套餐,就算價錢再多少少都好,我相信服務一定唔會差成咁。 我眼見呢間新張酒樓,做任食火鍋做到都幾旺,八點打後全場都坐滿哂。但人手確係嚴重不足,同埋果兩個阿姐都好似唔係咁熟手咁,如果再係咁樣落去,就算佢食物品質再提高都好,我諗都好難再繼續捧場落去。不過以場地而論,火鍋及晚飯都坐得幾舒服,希望呢間會知道而家問題存在,及早作出改善啦。
continue reading