36
20
15
6-min walk from Exit D, Admiralty MTR Station continue reading
Telephone
28651988
Introduction
Metropol Restaurant in Admiralty is a Guangdong-style restaurant that specializes in serving Chinese barbecued meats and dim sum. Their dessert is put on display in a clear case, allowing guests to see then pick their dessert. continue reading
Opening Hours
Today
08:00-23:00
Mon-Sun
08:00-23:00
Payment Method
Visa Master AE Cash UnionPay JCB
Number of Seats
1300
Other Info
Wi-Fi
Alcoholic Drinks
May Bring Your Own Wine Details
Cake-cutting
Parking
Phone Reservation
Delivery
10% Service Charge
TV Broadcast
Signature Dishes
Heichinrou Qiankun Shark' fins Shrimp Dumpings
Review (90)
又一晚食圍菜 Featured Review
Level4 2017-11-23
4013 views
參加公司一個晚宴,場面好盛大!全場爆滿!桌椅好迫!場地樓面唔夠高,所以比較嘈雜!攪晒啲表演,夠鐘就上菜,店員爽手!鴻運燒味拼盤:賣相比較單薄細份,食咗叉燒同雞,叉燒淋身甜蜜,雞唔滑一般!翡翠鳳片蝦仁:即西芹蝦球雞柳,西芹爽脆無渣,雞柳淋無乜味,蝦仁幾大隻,蝦肉爽,好味中華百花球:炸蝦丸,彈牙香口!不過酸甜汁唔夠多!食落比較油膩蟹肉扒鴛鴦蔬:出咗去影相無影到呢張食物!亦無食到鮑參柱肚羹:對呢類中式羹一向麻麻地!今次材料多又杰身!味道都係濃濃嘅上湯味!正常蒜子瑤柱脯:瑤柱髮菜生菜,生菜爽,髮菜爽口!瑤柱脯我一向唔喜歡!痴晒啲牙縫!清蒸大海斑:唔夠滑!蒸魚豉油好味!當紅脆皮雞:雞唔熱,雞唔夠滑,一般!鮑汁鮮草菇炆伊麵:伊麵炆得入味!楊州炒飯:無食美點雙輝:賣相唔吸引,酥餅唔夠鬆化!鴻運年年:紅豆沙夠杰,紅豆多,唔太甜,不過唔夠熱!合時鮮果:即係橙!無食!呢類圍菜完全提不起勁食,都唔會有驚喜,夠熱唔係漿糊獻已經好好!呢次圍菜正常 continue reading
(The above review is the personal opinion of an user which does not represent OpenRice's point of view.)
水準一般的晚餐 Featured Review
Level4 2017-07-02
7766 views
「名都酒樓」,同「聘珍樓」屬同一日本飲食集團,喺香港都廿幾年歷史。以前中午成日去飲茶。 呢餐晚飯黎嘅。「脆皮乳豬」,顏值度相當低。好在脆皮度還不錯: 「鴛鴦泡蝦球」, 旁邊的是沙律蝦球。我本人不嬲麻麻哋沙律醬撈海鮮,中間的油泡蝦球就好得多。其實食海鮮萬變不離其宗,只要食材新鮮,最簡單的煮法已經夠好,這個道理簡直要納入做通識科。 「髮菜瑤柱甫」,唔使過年都食到的餸菜,幾時食同邊個食都有得食: 「清蒸海斑」 食魚我比較怕吃巨大條的,會難掌握蒸的時間,火猛d、隻鑊大d、碟厚d 都有影響。誰又會想吃肉如老人臉般乾的 overcooked 魚肉呢?!小弟心得是:一般而言,最好是挑每條12至14両重的魚或斑來蒸,若果多人吃的話寧願蒸兩條,千祈唔好貪魚大,超過一斤的就已經需要很好的時間掌握。大家記住12至14両在大部份情況下都應該穩陣。 「蟲草花猴頭菇燉瘦肉」 蟲草花近年大熱,冬蟲草貴呀嘛,蟲草花個名又好聽。其實蟲草花是一種菌類,營養成分都唔低,可以調節免疫力及養生。強身健體就好喇! 味道還不錯的「脆皮炸子雞」 continue reading
(The above review is the personal opinion of an user which does not represent OpenRice's point of view.)
Level4 2017-05-25
5060 views
香港人多喜歡吃車仔麪,我卻愛車仔點心。有推車仔的酒樓如鳳毛麟角。第一代的賣點心方法是用托盤。起初全是男子,1920年代省港大罷工,漸用女子取代。第二代是用點心車,配合香港人生活好轉,要求供應多品種點心和其他食品。反映當年是酒樓的黃金時代,客家飯店已沒落,西式食店未興起,大衆都以酒樓為外出用餐首選。酒樓地方要闊大,以便舉辦結婚,春茗酒席,故茶市時用車仔搬運食品。此店是時代的見證:入口有手寫紅底白字訂房名單,有迎賓櫃檯,顯示酒席是盈利主源。點心車如戰艦般流動,要有軍港配合。中央有正方形長檯陣 ,擺放各式熟食,供食客自選食品如煎釀三寶,煎雞翼。每份份量偏多,配合以往要求填肚子的主流需要。女工制服十分懷舊,似粵語長片的女傭。牛什性價比高,可點選部位,汁液比街邊清淡,可按需要加辣椒醬。今次食金錢肚。煎檔口會花很長時間為你服務,用心煎熬,今次點選蘿蔔糕,薄餅,腸粉,雞翼四者之中,薄餅最好味香脆。灼菜心檔口很受歡迎,熟客知道是靚甜品種,街市價都再20多元一斤,物有所值,糖心的。有生滾粥。質素一般。須注意檔口只在假日設置,並宜11:30入座,因為到1:30已收檔。早年港人在假日早起飲茶,1時前最有氣氛,有點兒似在旺角食街邊檔子,但衞生舒適程度勝百倍。甜品方面,菠蘿芋蓉包是新食品,很少食店供應,質素高,芋香濃,如果是雪山皮,可比美添好運。沙翁亦是稀有的,不需去西灣河百利茶餐,現在吃到了。不太甜,有濃濃雞蛋香味。新式甜品質素奇高,推薦楊枝甘露,用料足,冰涼甜美,比美利苑。芒果腸粉十分滑溜,用料靚,芒果甜,比松記更佳。推車仔點心方面,腸粉款式多,但無特別。另有蒸盅頭飯車仔。但如我做美食車生意,一定製布包腸粉。自少最喜愛炸物推車仔,車仔如茶餐廳門外麪包櫃,可以保溫。我會貪婪地如女士注視飾物櫃。惜今次的芋角是凍的。應先問嬸嬸哪些食品最熱烘烘。此店最早售罄往往是燒味車。12:30已所剩無幾。燒腩仔,燻蹄都做得好,外賣部門都龐大啊。當年慣例會有一角放置蒸籠車,任由心急或挑剔的食客挑選各種點心。此店保留傳統。古早歲月時,隨意自取,結帳才清數點心碟數,似迴轉店。糖水車仔最笨重,食客一般最後才飲糖水,故大部份時間停泊在一角。綠豆馬蹄爽較特別。最懷念地是西式蛋糕車仔,有燈光,糕上有彩傘仔,可惜已被淘汰。取代的是新潮甜品檔,有玻璃鏡櫃展示。好像把甜品台店搬到酒樓內。當年酒樓是美食大拼盤,租金,西化風氣等因素,才令酒樓愈來愈細。此店屬聘珍樓集團,定價貴(茶錢每位要20多元),食物質素則有保證,在我覺得在金鐘區是物有所值,更重要是比美心皇宮酒樓推車仔(如沙田大會堂)好食。此店慣例等位超過15分鐘,有免茶等優惠。最後吃老派甜品西米焗布甸,令我重拾童趣,蓮蓉十分甜呢!咸肉糉和梘水糉全年供應,現在來吃,最應節。 continue reading
(The above review is the personal opinion of an user which does not represent OpenRice's point of view.)
Level4 2018-02-16
23 views
年三十,狗年前既最後一個工作日,約左同事一起飲杯茶食個包!中午大約一年三去到酒樓,剛好有位,太好啦,唔使等位!一坐低,立即叫左水仙茶,然後就出去攞點心啦,已經見到長長一條人龍,好多人排緊隊!😮😮因為午飯時間有限,於是全部各攞一籠!最後,兩個女仔叫左八樣嘢食,想唔認唔大食都唔得啦!🙈🙈...........................* 魚片雞肉生滾粥* 蝦餃* 燒賣* 山竹牛肉* 馬拉糕* 金錢肚* 叉燒包* 牛栢葉食物總的來說,味道不過不失,燒賣特別好味👍🏻,每一粒都有一隻大🍤係上面,口感彈牙;生滾粥都不俗! continue reading
(The above review is the personal opinion of an user which does not represent OpenRice's point of view.)
Level1 2017-12-05
832 views
第一次來金鐘名都酒樓,完全沒想到是如此垃圾,由環境佈置、食物水準、侍應態度和衛生情況均是極差,一入酒樓店員完全沒有笑容亦沒有任何招呼,到我坐下來已經發現大部分餐具碗筷都有污漬衛生情況十分惡劣,當我朋友只是向侍應索取菜單及調味料時大部分侍應均沒有理會,最後甚至叫我們自行索取。到我們落單侍應仍是黑口黑面毫無禮貌食物水準完全是水準以下,每一籠點心、小菜和粉麵沒有任何一樣合格。燒賣、蝦餃  水角不是皮太厚就是淡而無味,乳豬是冰冷的,菜肉包有異味,燻碲不香口,煎蠔餅可以有三吋厚、水和面粉明顯過量。紅酒明顯是超市便宜貨但提高了2至3倍價錢出售。這樣的酒樓食肆完全是香港飲食業的污點 continue reading
(The above review is the personal opinion of an user which does not represent OpenRice's point of view.)